新創發滷味專門店

營業中

休息中

跟雙親到親友家聚一聚，當然不能兩梳蕉，逛逛街市發現這家特便宜的檔口，於是買了些滷味上去在老闆斬雞時他說了幾句，他屬潮州正統滷味法，坊間吃不到！食品：$80 一隻潮式沙薑雞，吃下去像三黃雞，肉質嫩滑又不會韌，老闆說是潮式雞煮法，外面吃不到！吃下去猜想應該是潮式咸雞，配飯吃一流！豬耳一份（$80）的質素絕不差，爽脆又甜香，亦不會有過黏過咸這種一般滷水店的問題，份量也是有夠大！最後老闆還超友善地送了不少咸菜跟酸菜粒，十足十潮式菜館的前菜一樣！這次加餸非常有地道潮州菜風味！性價比也超高！

收工在瀝源街市，聞到有好香的滷水香味，行過來見到有好多款既潮式滷水食物，好吸引呢。依家成日都食外賣，下午在茶餐廳食真係好悶，所以今日行開去街市，發掘下有咩野可以買番屋企食，簡簡單單就一餐之餘，又可以有D新意~呢檔滷水店店面都好企理乾淨，而且掛出來的滷水鵝等睇來都好新鮮，好有光澤。家人一直都好LIKE潮州野食，所以一於就買份滷水鵝番去加菜LA~師傅好友善，一邊斬都一邊介紹佢地既食物。店家用既係正宗的獅頭鵝，所以肉質一定好食。另外見師傅好熟手，一邊做都見到佢刀功好得~因為睇住D鵝肉全都係一片片好薄，真係一流~!另外佢地都仲有好多唔好款式既食物，不過今次就食一款試下先。鵝肉好嫩滑，豬耳同鵝腎好爽口，滷水汁也非常入味，汁夠濃得來又唔會太咸~好正。另外仲配埋有正宗既潮洲三寶：咸菜加菜脯，味道都唔錯WOR~送飯一流~可以自備餐盒去外買，呢一大盒$90有找，都幾抵食呢~!!!!!今晚好快比啲細路食晒，下次要買大盒啲。遲下團年新春，都可以再來買番屋企一齊食WOR~!

禁堂食左成個月，每晚都買外賣返屋企食。今晚呀媽約話不如返娘家食飯，去到媽咪屋企樓下街市買左盒滷水斬料。.呢間新創發我就未食過，不過屋企人話好正宗又好食唔貴，黎到叫野食，老闆話佢係正宗潮州人，自部都係自家製，每日晨咁早就係廚房煲滷水汁同浸食材。.咁今次我就買左滷水鴨、紅腸同豬耳，仲加送左菜莆同酸菜。滷水鴨半隻先$55，滷水鴨會切成一片片薄片又帶點藥材味，個人認為滷水整得好食最主要係唔可以死鹹同得豉油味，佢呢度既係帶點甜味。👍🏻.問兩問，原來老闆以前係慈雲山開檔20幾年，呢2年先搬過黎，所以唔怪得我無咩印象🤣 可能係舊街市，鋪租平，所以野食都好平民價👍🏻👍🏻 值得支持💪🏻

斬料加餸除咗燒味仲有咩選擇？就係潮州鹵味！而且選擇類別比燒味更多!又無咁熱氣，所有我都鍾意食架！講起潮州滷味，通常啲人都係諗起滷水鵝，但我今日就食滷水鴨，我就覺得食落去其實分別不大，肉質軟腍，點埋d醬汁更添風味！$55半隻抵食呀！另外仲求其執咗幾樣試吓，例如豬肚、豬大腸、鵝翼、豬耳、鴨腎等，全部都鹵得夠入味，唔怪得佢話煲滷水汁好有歷史，果然夠晒正！不得不提係佢嘅咸菜粒同菜脯粒，買滿$20就送啦（當然都可以俾錢買！），老闆相當大方，而且好好味一啲都唔會過咸，有咬口送飯一流！

新創發潮州滷水，位置可能不起眼，在瀝源邨的街市裡，但味道無得騙人，一吃就知道是源自正宗潮州滷水，豬耳爽口又有咬口，而且師傅刀功犀利，每條豬耳也切得均勻。鵝翼單看有光澤，遠看已聞到淡淡的滷水味，入口濃濃的滷水味道，吃後不會覺口乾，是有深度的滷水膽。雞蛋滷得入味，伴飯吃，簡簡單單已叫人回味十足。除了滷水，老闆也每天鮮製潮州滷水沙薑雞，半隻大雞啖啖肉，皮薄雞嫰有肉味，雞肉雪白，一食就知不是爛肉。過時過節 斬料加餸，也是好選擇。不得不提老闆半買半送的菜脯和酸菜，份量給得多，菜葉肥厚，酸菜鹹酸爽脆，少吃就已開胃。菜脯肉厚且脆口，味道鮮甜，一粒一粒停不了。

行完新城市後經過瀝源街市想買點菜，隱約見到街市入面有家小店售賣正宗潮汕鹵水食品，除提供鹵水鵝 $96斤、鹵水鴨$55半隻外，還有多款如鵝掌、鵝翼、豬頭肉、豬耳、鹵水蛋等，地方企理，擺放吸引，一於買些今晚加餸。老闆是潮州人，原來鹵水已有廿多年歷史，全部鹵味也是自家製作，店內有3個大煲，一煲專門滷鵝滷鴨，一煲做其他食材，最後一煲做沙薑黃油雞$78隻，還有秘製潮洲酸菜及菜脯，買滿$20就有得送其中一款。鹵水鵝香，鹵水鴨肉質軟腍，各有所好。還有鵝頸，$35一條，可要求潮州一段段切法，送酒一流。夾夾下我都揀了八款，老闆細心，切得像潮州酒家拼盤般靚，上層鹵水鴨片、鹵水豆腐、鹵水蛋，下層鵝翼、豬耳、豬肚、金錢肚、鴨腎。鹵水鴨、豬肚、金錢肚等香軟嫩滑，豬耳鴨腎爽口入味，實在太豐富，而且價錢實惠，真是加餸好選擇。回家轉落碟，煮熱附送的鹵水汁，臨食前淋上，配蒜蓉醋，美味又划算，性價比高，下次來沙田附近會再來買。

My friend told me that there is a nice Teochew stall in the market selling traditional Teochew meat. Since i was around that area, I decided to pack it before heading home. 新創發滷味專門店 was located inside Lek Yuen market. They sold mostly braised type, with all kinds of meat's organs. They sold chicken, goose and pork too. Braised tofu was soft and smooth and salted vegetables was crunchy and chewy, salty as well. The owner was very generous with the serving, with my order filling the container to t

我媽媽係潮州人，佢特別鍾意食潮州滷味！今日竟然俾我發現左新城市附近嘅瀝源街市有潮州滷水店！佢係街市左邊門第一檔，一入去就見到！家下疫情又嚴重左，搵到地方買料加餸真係好！店舖掛住好多唔同款既滷水，滷水鴨/鵝，鹵水蛋，豆腐之外仲有豬手，雞翼，豬紅，鵝肝，豬頭肉， 金錢肚咁，真係好吸引，價錢仲好抵！我重要見佢有潮洲酸菜呀！問問老闆，佢話買滿$20就有得送！實在太正了！老闆話佢地做左好多年，保證好味，回家一試，真係真心說話來！呢間滷味店唔係得個鹹字，而係香濃得多帶點香料味。豬手爽口又入味👍鴨腎比起一般既煮得林口帶爽，好明顯係控制火喉方邊有用心咁做！另外重點要講下佢地既自家製鹹酸菜同菜舖， 兩隻都勁好味！絕對係我至愛，佢D鹹酸菜唔太鹹，爽口酸甜，送飯一流，下次去我一定要買D回家呀！以後去開新城巿，我諗我都會忍唔住去買野加餸！

今日行去新城市，近近地去咗拎完嘅街市買餸，竟然比我見到呢度有潮州滷水店！一向喜歡潮州滷水我當然要試吓啦！問問老闆先知原來佢本來間店喺慈雲山，搬咗過嚟兩年，不之前生意好好，不過家下呢區就無咁好了，都難怪既，呢區唔多潮州人，我都唔知呢道有間鋪呀！老闆明言佢哋嘅滷水係好正宗嘅，我梗係要試下！最重要嘅仲要佢竟然有酸菜同菜甫送！真係不得了！潮州酸菜係我嘅心愛配菜來！家下竟然有得送！太好了！叫咗鴨片豆腐回家加餸！食後感：鴨片同豆腐都老得非常入味，滷水盤好香。酸菜同菜甫都好夠味好好食，勁開胃！真係飯都食多幾碗啊！

而家疫情又嚴重返，都係少啲出街食為妙 但係又懶煮飯喎，咁唯有買外賣啦 今日就試下平時好少食既滷味想買滷味咁就一於行下街市，去到瀝源街市真係俾我見到間叫新創發滷味專門店既鋪頭， 我見到舖頭嘅門面都幾光鮮，裏面又好乾淨，好衛生，仲主張無潻加無人造色素，一於買盒外賣返屋企做晚餐 店舖門口有一個好大嘅價錢牌，價錢經濟實位。鹵水鴨同醬油雞半隻都係幾十蚊，又幾抵食喎 放工先去買比較晏，所以選擇冇咁多， 想有更多選擇嘅話下次要早啲去買先得喇眼見仲有五花腩啦，鵝翼，豆腐，蛋，豬腸，豬肚等等......有鴨舌潻喎.....有我好鐘意食既滷水蛋同豆腐大大隻鹵水鴨掛咗喺度... 師傅好有心機咁砌鵝片最後買咗一大盒返屋企，個外賣盒都裝滿滿滿店舖最特別嘅係佢仲有鹹菜粒同埋菜脯粒，連埋啲老味一齊食有開胃丫

其實我媽媽好鍾意食潮州滷味美食，尤其是滷水鵝。。所以佢去瀝源嘅話都會去呢一間滷水專門店買鵝片加餸。今日我入開沙田，就買啲返屋企俾個suprise佢！ 依家滷水店係街市嘅第一檔，一入去就見到， 店舖乾淨光鮮，而且明碼實價，價錢仲好抵， ！我響灣仔見到每斤鹵水鵝係要126蚊呢度只係96蚊，除咗鹵水鵝鹵水鴨之外佢仲有很多不同選擇。例如豬手，豆腐，雞翼，豬紅，鵝頭頸，豬頭肉， 金錢肚同鹵水蛋等等。好耐未食過咁好味嘅滷水鵝片，鵝嘅本身味道好出眾， 店主將每片我切到一樣大小，每片薄薄地入口有點溶化嘅感覺， 除咗鵝片我好欣賞佢每樣送都會有佢本身嘅味道帶少少佢自家製嘅鹵水味 ,唔會次出面嘅滷味店一味死鹹，呢度嘅秘製滷水汁係又點藥材味，唔似出面嘅只係得種又鹹又甜嘅味道。 豬耳很爽口一啲都唔淋， 推介比大家就係要叫豬肚， 我未食過咁有質感嘅豬肚，有樣爽脆感，而且唔油👍另外老闆很好， 佢畢咗啲自家製鹹酸菜同埋菜舖畀我， 兩隻都好好味， 鹹酸菜唔會太鹹又種清甜嘅感覺而菜舖只係微辣，送飯一流！返到屋企我用咗蒸爐聽兩分鐘剛剛和暖就端上桌上與家人分享大家都食得很開心， 真心推介住係沙田嘅人食 ，講真我真係會多啲

天氣熱真係令人唔多想煮飯，最好就係買斬料，方便之餘又平平地，加埋淥菜同煲飯就食得！今日落沙田街市斬料，之前係社交平台group見到有人話新創發幾好味，咁我又黎試下啦！我老爺係潮州人，佢都好鐘意食潮州菜，我都接觸多左！今晚加餸啦😆有半隻正宗潮汕沙薑黃油雞$40、有滷水蛋、滷水豆腐，各大約$10，雞切左雞脾雞胸啖啖肉呢～老闆好好人好健談，佢仲話豬手同滷水鵝好正好宗好好食，有機會我會試下架🙂

店鋪：新創發滷味專門店 (沙田)地址：沙田瀝源街6號瀝源邨街市7號舖係沙田學完車🚘，順便經過瀝源邨街市斬啲料返屋企做餸，經過見到呢間新創發滷味專門店🦆，老闆不停宣傳佢地係真正正宗潮州滷味，無論製作手法同味道都包保係香港最正宗，即刻買返啲睇下係真唔係先滷水豆腐值得一讚嘅係唔會索左太多滷水汁，畢竟之前食過啲滷水豆腐係鹹到放唔到入口😂，香味濃而鹹味宜中，岩哂唔鍾意太鹹嘅我滷水豬手肉唔算多，但係一舊份量都幾大，爽口皮滑而且仲搵唔到任何未修剪好嘅毛🙈，「損」都「損」得放心啲滷水豬大腸無任何腥/騷味，以往有啲比我嘅感覺好似食橡筋咁，但呢到嘅豬大腸彈牙唔難咬開，好易入口😋，真係值得再幫襯最後叫老闆比啲菜圃粒同鹹菜粒我試下😎，味道比我想像中無咁鹹👍🏼，送飯真係一流

今日熱到飛起，收工迫完車已經剩返半條命，去街市睇吓有乜快靚正。正在盤算買咩，被一個閃燈招牌吸引，行前望下原來係一個潮州滷水檔，檔口的推車上掛起滷水鵝、鴨及切雞，下面的不鏽鋼盆分別擺放了多款不同的傳統滷水，有金錢肚、豬大腸、豬肚、豬手、五花腩、雞腎、蛋、豆腐，還有送啤酒一流的鵝翼、鵝頭連頸及鴨翼，樣樣都好吸引，最後揀左幾樣試吓，有滷水鵝，鵝肉細嫩軟滑，食時配埋米醋減低肥膩感，金錢肚咬落有彈性，豬耳爽脆，雞腎不太淋有咬口。下次可以再試吓其他滷水👍