新南苑大排檔

營業中

休息中

3個為食女仔叫咗5個餸，唔係第一次嚟嘅我負責點菜(呢度係我屋企飯堂)1. 蠔餅 - 時令嘅蠔仔非常肥美，咬落去時會噴汁。店家好大方落好多蠔仔，2. 脆皮小棠菜 - 其實係小棠菜切粒混入墨魚膠，沾脆漿炸至金黃成餅型。朋友們第一次食覺得非常有驚喜，味道亦保持水準，外乳內軟3. 酸菜豬肚浸花甲 - 花界鮮甜無沙，落嘅份量亦不少。但果晚廚師重手咗，湯汁稍嫌過鹹4. 吊燒骨 - 帶骨肉炸過後沾上甜甜的醬汁，非常惹味，食到吮手指，配角花生又係一絕5. 脆皮咸豬手 - 份量十足又做工繁複嘅豬手只係$98超抵食，雖說是脆皮但唔係脆到硬身嘅質感，比較有咬口環境方面雖然係街市熟食檔，但絕無見到地面濕滑，滿地垃圾，尚算乾淨企理服務方面各個阿叔阿姐非常醒目，一個眼神已經知道你想叫佢，落單快手又唔會催你，無黑面又主動今次帶姊妹嚟食全部都比讚

一家人帶嫲嫲來食飯。牛頭角街市搭柆到一樓，出來就見到。坐底會有花生食，沖茶洗杯就自便。鹵味拼盤。阿姐推介叫一個拼盤抵食過叫雙拼。有鵝腸，魷魚，紅腸，豬脷，芽菜，鹵豆腐。全部都好食架，配佢d辣椒油會幾正韮菜豬紅。好鐘意食! 豬紅滑，冇臊味，記得沾d辣椒油，好好食丫。份量都好多架炸蠔餅真係好大碟，炸得好鬆，蠔仔都幾足料，有d蔥花，沾魚露岩岩好，味道唔會太鹹勁大粒炸蝦丸，大過粒哥爾夫球，好熱唔好即刻食幾彈牙架，佢會俾泰式甜酸醬你，好味菜都好新鮮食到成枱嘢，仲加左兩枝Ashahi好開心，大大碟，味道好，又可以麻麻甩甩，睇下電視。大排檔真係好正，食得好free

今晚去左牛頭角大排擋，今次第二次。印象中第一次啲嘢食麻麻地。今次等左差唔多半個鐘頭～不過要等埋朋友冇所謂啦～同各位介紹下我今晚食咗啲咩～西芹炒帶子，原本菜單係西蘭花炒帶子。不過，侍應生話冇晒西蘭花，幫我地轉左用西芹。冇乜嘢驚喜。酸辣鳳爪，鳳爪唔錯仲好彈牙，味道適中唔會好辣鵝片大拼盤，呢個真係冇得彈，好鬼死嘢味。賴尿蝦，味道都OK，不過唔夠新鮮。有少少失望。呢一個唔講，你真係估唔到。你一點係酥炸小棠菜。非常之好食～～～絕對係推介之選！！！

朋友遠方返黎香港玩幾日佢帶左我黎食佢最鍾意既大排檔~~新南苑大排檔係牛頭角街市上面由於我OT,黎到既時候佢地都叫哂野食起埋筷TIM!另外我又叫左幾款自己好想食既小菜西檸雞雞件炸得皮脆肉滑再沾上佢酸酸甜甜既汁非常醒胃薑蔥炒蟹蟹肉尚算新鮮, 又吸收哂薑蔥既味道好惹味!蒸肉餅肉質及肥膏比例平均唔會覺得好肥而肉餅亦蒸得好鬆軟送飯一流呢到又大件又抵食一大班人黎食飯係一個好選擇

星期一既晚上, 朋友從澳洲回來一星期, 當然要食香港地道特色-大排檔同佢洗洗塵, 由九龍灣地鐵站一出, 穿過天橋行數分鐘就到達市政大樓一行十三人, 我地坐係近天橋口的位置, 人多當然想食咩就盡情咁叫都無問題外層脆皮比較鬆散, 有十小件, 內層小棠菜不多, 反而啖啖墨魚滑, 跟沙律醬同泰式辣醬, 其實唔點醬都已經好滋味呢道菜做得好惹味, 每條吊燒骨細細條, 足夠多人分享, 外層應該是麥芽糖, 甜甜地, 唔算熱氣避風塘茄子份量大碟, 加入炸蒜粒洋蔥辣椒一齊煮, 唔辣, 由於茄子吸油,有點油膩粟米魚肚羹, 入面都有好多粟米粒, 當然魚肚係由豬皮代替, 不過無影響呢道菜,  濕下個口都唔錯乳鴿共4隻, 即叫即炸好香口, 屬於大隻肉厚, 送酒之選豬手已經幫你斬開, 豬手份量唔算太多, 外層豬皮好脆口, 碗埋旁邊蝦片是即炸, 要襯熱食, 如果唔係淋晒蝦丸是即炸, 手打好彈牙, 入面滿滿是蝦膠, 每粒都好大粒薑蔥炒蟹是重頭戲, 好大碟, 入面起碼有4隻蟹, 不過是友人下單, 唔清楚每隻計還是一碟計, 好多薑蔥, 夠晒獲氣, 蟹都有膏不過唔算豐富, 但好正胡椒豬肚浸花甲,豬肚入晒味, 花甲份量都好多,

又到張神推薦，今日同2個老友聚一聚。男人同男人食飯係唔同啲，同囡囡食飯要食埋環境，有時同男人食飯最重要係平，食乜都冇所謂。呢間排檔價格平民化，但味道正，一隻豬手連薯片都係88蚊，仲要係幾好食，又可以自帶酒水，我地帶咗威士忌想溝嚟飲，服務員幫我地搵個嘢承住俾我地溝，當然我地有叫7喜溝。但服務一流！

由觀塘新南苑到牛頭角新南苑。，差唔多所有野都係一樣，伙記依然都係四萬咁口 快手，環境雖然冇左室外既地方，不過大排檔麻！外表清潔你都係信一半好啦！大排檔風味就是這樣。伙記依然係個D人，我相信廚房既人就好似轉左D手啦！今次兩人個去食不過實在太餓了。例排炸豬手同吊燒骨！有樣野我每次都記錯呀！就係叫野飲，每次都想叫玻璃支裝既汽水不過佢之係得可樂係！『炸豬手』點解我話廚房既人手好似轉左D啦！係因為個炸豬手已經不勝從前啦！我記得係佢未搬既時候個炸豬手D皮係好似D蝦片咁脆！同埋會CUT到好靚靚咁上桌，不過宜家D皮就一D都唔脆，重好似好HEA咁，D皮同D肉分開曬！D皮重放曬係一邊痴埋曬一齊！不過算啦！炸豬手有兩個醬（泰式辣醬同Washabi加豉油）！Washabi加豉油依個我每次都一定會叫佢比多碟，炸豬手點依個醬真係突然覺得係絕配！『吊燒骨』個吊燒骨就同之前一樣都係咁好食，不過花生就少左好多啦！甜甜地幾好食，D汁要黎送飯一流！不過記得要熱食如果唔係D汁就點唔到啦！

已經越來越少香港式地道大排檔了，絕對值得支持，當然都要睇下色、香、味啦。雖然唔係成日幫親，老闆及伙計都好親切，好似街坊咁，而且有足夠樓面唔似D大酒樓永遠決人手，所以落單或有吉碟，好快有人招呼你. 首先叫咗個雞煲，雞嘅份量好足，我較為偏好大大件雞就算煲耐咗都唔會縮哂，雞都滑、味道唔錯亦唔會太辣，食完一輪就加咗D菜同湯，湯底一樣好味.紹菜及芋絲加到雞煲湯底，親到絕，夠哂味道.老細推介兩道小菜...第一道係桶蠔特別，應該係先炸咗隻蠔再用秘制醬料炒，跟住配上炒米及生菜上，食起來三樣野好夾，口感好好，有冷有熱，濃味配清清地，中間又有D脆，幾鍾意呢個小菜.第二道係鮑魚，好'林'身味道好好，好味.

住觀塘區既人對新南苑應該唔會陌生。呢間野不論閑日假日夜晚都永遠旺場，以前係原址時多人到即使坐係坑渠邊環境污糟都大把人食，後來觀塘區重建，新南苑就搬左去牛頭角街市樓上個熟食中心度繼續做。無他，大排檔風味，夠曬鑊氣，海鮮打冷爆炒樣樣齊，好味冇得輸。食打冷少不了都係蠔餅/蠔仔粥/滷味，是晚叫左個滷水鵝片，抵食就唔叫好抵食因為鵝片唔多表面滿滿其實下面係花生滷水豆腐多既，但就勝在滷得入味又淋辣酒花螺: 酒味唔重不過辣就幾辣。辣椒膏炒花甲: 同是椒炒蜆做法都大同小異，但都係好辣xD菜心炒豬什會南乳粗齋煲p.s. 比起從九龍灣經淘大咁行過去，由九龍灣鐵路站A出口經天橋穿過牛頭角下村咁行去會比較方便同快捷，落雨都有瓦遮頭呀嘛xD

突然好想食沙爹肥牛煲，所以走到牛頭角市政大廈的熟食中心開餐。已是第二回來牛頭角市政大廈的熟食中心吃晚餐，星期六日早上偶爾也有來熟食中心吃粥品炒麵作早餐。今天來到比第一次人多，連天橋的大檯也坐滿，好彩入內還有兩三張細檯。坐底後夥記已放下兩碟前菜 ～前菜是免費的，全部都是這兒自製，花生炸得很香口輕微咸香，咸菜呢 ～ 夥記放底時已講明無平時咁好味，還是可以的。今次的主菜 沙爹金菇肥牛粉絲煲 ～ 一上檯明顯係唔夠沙爹，沙爹香味不足唔夠惹味，沙爹汁唔夠杰，未能令粉絲掛汁，失敗 ！愛吃沙爹肥牛煲的其中一個原因就是粉絲沾上香濃味美的沙爹汁料同吃嘛  ．．．生炸骨 ～ 味道剛好，若可以炸多陣應該會好些；最攪笑係發現沙爹金菇肥牛煲嘅配料同生炒骨嘅配料都有菠蘿、紅椒、青燈籠椒同洋蔥上湯菠菜 ～ 菜份量很多，雖是上湯菠菜，但也加了些白魚旦片和草菇，變得無咁單調。

第一次踏入牛頭角熟食中心上面食大排檔...味道都算唔錯..雖然大家都知大排檔都會比較嘈吵...但佢地既侍應雖然粗路左d, 但係佢地都好有善...都ok啦...服務算係咁...四個人叫左7碟餸..1. 煎蠔餅 - 入口唔算太油, 煎得幾乾身, 蠔仔都幾大粒, 因為有d蠔餅用太多油, 呢到唔係..所以唔錯2. 胡椒豬肚+花甲湯 - 估唔到加左花甲仲清甜, 而且份量十足...好香胡椒味...3. 紅燒乳鴿 - 太油膩, 而且唔夠脆, 所以味道一般4. 金銀蛋現菜 - 可能現菜不是當做, 所以有好多渣, 麻麻地...5.  酥炸骨+茄子 - 都係炸得唔錯, 而且唔太油...不過肉味差d6. 炸蝦丸 - 好大粒, 但味道麻麻, 因為佢D蝦丸太乾, 冇咩蝦味, 而且好頂胃, 食一兩粒都已經濟濟地...7. 蝦片 - 以為係以前細路仔食開個隻印尼蝦片, 點知唔係, 而且又硬又唔好食...但整體上算好, 因為咁食都係食左四百左右, 而且仲叫左汽水, 王老吉, 仲有粥同飯...所以都OK既...