新南苑私房菜火鍋鷄煲 (華僑商業中心) (已搬遷) 新店位置

好久沒有出外打邊爐，但見新南苑推出了超值套餐，還是忍不住去試試看。一位價錢$198，免加一之餘又可以同時品嘗到雞煲和火鍋，而且火鍋配料選擇也不少，實在令人心動。餐廳面積大，盡量安排人客分開坐，另外還有獨立房間，感覺安全得多。進店前需要探熱，另外店員還主動提供熱水消毒餐具，衛生不錯。飲品櫃有各款罐裝飲品，任君選擇。韓國的蘆薈汁味道清新不會太甜。醬料自助取用，麻醬非常香滑，配牛肉和豬肉最適合不過。吃雞煲前先享受餐廳送贈的燉湯，足料非常，無花果和紅蘿蔔令味道更鮮甜。雞煲為了遷就朋友口味點了微辣，快炒幾次大約6分鐘便可起筷。雞煲味道辣中帶一點點麻，連不吃辣的朋友也很能接受，雞件肉質嫩滑又入味，雞皮香脆更添惹味。吃完雞煲再加清湯打邊爐，餐廳贈送了兩隻新鮮鮑魚，上桌時鮑魚還會動。鮑魚非常新鮮，厚肉又爽口彈牙，帶微微的海水味，味道鮮甜不帶腥味。肥牛品質不錯，雪花分布均勻，肥肉不多。海蝦很大隻又新鮮，肉質彈牙。魚皮香脆惹味，牛柏葉爽口，容易咬開，配上辣味湯底味濃，好吃。豚肉片質素也很不錯，豬肉味濃，沒有騷味。蔬菜可自助拿取，一般的生菜白菜金菇都有，洗得乾淨，菜類都很新鮮。最後還送上牛乳布丁，奶味香濃，

打邊爐可以說是香港人最喜歡的飲食之一，無論春夏秋冬都可以打邊爐，可惜疫情之下出街聚餐意欲大減，二月開始食外賣居多……當知道新南苑有外賣打邊爐，想起以往在此睇波的熱鬧日子，而家唯有暫時喺屋企打邊爐同埋煲劇啦！一入店就看到此套餐介紹。我們已預訂，餐廳執好比我們快手有得拎。每樣材料整齊包得好好，二人份量都好大份，最後食唔哂。有三款湯底任選可以揀麻辣、南瓜蕃茄或皮蛋芫茜。我們都比較喜歡清清地的皮蛋芫茜湯底，回家到出嚟試味都幾濃所以再加了一些滾水，豬骨湯底口味加上香口的芫茜好夾。首先就是試海鮮，有鮑魚、蝦、廣島蠔、龍躉片，還有連殼帶子和蜆。鮑魚都好新鮮有彈性和海鮮的甜味。廣島蠔睇番生嘅時候有半個盒咁大，但我地搵左好耐都搵唔番，整得太熟，食唔到個滑的口感添！口感飽滿，味道新鮮好香蠔鮮味。除了鮑魚，最鍾意食龍躉片，每塊都厚身，而且魚皮彈牙！ 魚肉肉質挺身都好新鮮。連殼帶子好快就熟，個殼一甩就食得，全部海鮮都無令我們失望，香甜海鮮味配清湯底就好夾，帶子口感彈牙鮮甜。手切牛頸脊紋理清晰，入口少根、肉質軟身鬆化。丸類有貢丸、午餐肉、雲吞、韭菜餃、魚皮餃和小籠包。第一款試貢丸，入口比較爽口，有豬肉味 冬菇味

疫情告急，個個都唔敢出街食飯，唯有外賣啦！新南苑而家都搞咗個外賣餐單，兩個人打邊爐話咁易！仲要有得call GoGoVan送貨，咁就唔使擔心外出浪費多個口罩啦！佢哋呢個餐價值$208/1位，已經包埋海鮮，有鮑魚，鮮蝦，龍躉片，廣島生蠔，再加多兩款時令海鮮。海鮮都算新鮮，送到黎隻鮑魚仲識郁！打邊爐唔少得炸魚皮，同埋響鈴呢啲脆口野，加埋蔬菜籃同埋手切牛頸脊，午餐肉、雲吞、韭菜餃、魚皮餃、貢丸、灌湯小籠包等等，其實都幾飽肚！仲要再送多款麵同嘢飲🧃，咁齊全，咁足料，難怪咁多人爭住order啦！#窩在家中叫火鍋#三款湯底任選#足不出戶都可以打邊爐

窩在家中叫火鍋😋😋！疫情依然持續，但冇阻我哋食好西嘅決心，火鍋都可以外賣，仲要係優質超水準，海鮮多元化超正超新鮮，火鍋料样样都好吸引，加埋麻辣湯底，一流！無論堂食或外賣，店員服務態度非常好👍🏻！大讚！繼續支持！六點未夠施施然來到火鍋店取外賣，香港人效率甚高，外賣準備就緒，包得非常妥當代取。來到的時候開始有客人入座。回到家輕鬆的將火鍋食材放在枱上，是否很豐富呢？睇見都好吸引，完全唔需要自己費心是，好正！海鮮盛盤，豐富到嘩嘩聲，扇貝，大海蝦，生蠔，鮑魚，魚片樣樣齊，好新鮮。最愛嘅午餐肉很厚很香口，仲有小籠包，鮮蝦雲吞，魚皮餃，肉丸。最愛嘅炸魚皮卜卜脆，仲有響鈴。點少得粟米，新鮮生菜娃娃菜同金菇呢。對唔會食唔肥，好味稻庭烏冬兩包齊全既醬料包一定夠食用，蔥花香蒜辣椒豉油樣樣齊。邊寫都流晒口水，希望下次再食過。嘢飲都包埋，$208一位免加一，真心覺得性價比超高，在家慢慢嘆，食完又方便收拾休息。

這陣子都沒再出外吃飯了、在家憋久了還是想吃吃火鍋、發現之前吃過的新南苑推出了外賣套餐！四人餐廳有海鮮、餃子、丸類、蔬菜籃、包埋湯底飲品、平均一個人只是$208！有三款湯底可選、我們選了皮蛋芫茜湯底、清清地沒那麼熱氣。湯底包得好好、沒有翻瀉👍🏻海鮮拼盤有鮑魚、龍躉片、扇貝、鮮蝦、份量十足、質素也不錯啊！手切牛肩脊 唔會嚡口、肉味較重。還有最喜歡的廣島蠔！蔬菜籃好新鮮~韮菜餃、雲吞包著鮮蝦爽口。第一次火鍋吃小籠包、想不到又幾夾喎。材料全部包得妥當、乾淨衛生、外賣在家吃就更安心！ 另外店家亦可代為安排外送速遞、運費到付、好方便!

從臉書上看到介紹，新南苑私房菜火鍋鷄煲，推出了海鮮火鍋外賣，正正適合我這種工作繁忙的小主婦。這日就和先生一起到位於旺角華僑商業中心的新南苑，打算買火鍋外賣回家享用，到門口，看見職員正在為客人量體溫，頓時感覺放心，改變主意，一於坐下，慢慢食住雞煲打邊爐。 剛坐下不久，店員就為我們送來花生雞腳和紅蘿蔔排骨燉湯，湯水清甜滋潤，重點是免費的，很是窩心。我們點的是198元任飲，任食雞煲火鍋套餐，雞煲可以無限量任點，性價比超高的。雞煲上枱後， 職員會幫忙伴炒，然後焗兩分鐘，連續3 次， 香噴噴的雞鍋就可以開始食用了。點了中辣，對我來說辣度剛好， 辣椒加上花椒的香味， 惹味而誘人， 雞肉不負期望的香滑軟嫩，令人食不停口。對先生來說，雞肉就辣了一點，要不停飲梨汁降辣，幸好飲品是可以任飲的，哈哈。食完雞煲就可以開始打邊爐了。可以點的火鍋料也不少，重點當然是食肥牛了。肥牛質素不俗， 顏色鮮紅，肥瘦相間，放在湯內滾一會，不點調味，更能顯出肉味。海蝦新鮮， 雲吞，餃子，丸類也應有盡有。蔬菜有生菜， 西洋菜， 金菇，玉米等等可以自取， 其中我最喜歡的是炸芋頭， 炸得香脆， 煲軟後，口感粉糯中又帶有炸過的香味。用

天氣又突然轉凍，心想放工應該有足夠時間前往購物買餸進行打邊爐大計， 沒想到大計的失敗， 居然需要加班， 幸好同事介紹 ，推薦一家位於工作地點附近的火鍋店，居然可以外賣打包，真是意想不到。餐廳位於旺角地鐵站附近，路程只需五分鐘左右，十分方便快捷， 地理上還算方便。湯底方面，我選擇了南瓜蕃茄湯底， 真是意想不到的出色，南瓜味特濃，配搭番茄的酸甜，極為開胃。另外，配料方面，當然就是小籠包，牛肉，海鮮拼盤，各類特色的東西也有， 明明是兩個人的份量， 我相信一家四口也絕對足夠，可說是性價比十足。

同朋友在旺角shoping行到肚餓，朋友推介去新南苑食鷄煲火鍋放題地點很方便，扶手電梯已鋪滿海報。現在疫症非常時期，門口有酒精搓手液和電子量體溫，很貼心服務地方很寬敞，原來還有包房，如果一大班人來吃，嘈吵也不會影響到別人。我們叫了198元最平的鷄煲和火鍋，飲品在椻自取，啤酒自費。侍應先在我們面前用滾水洗乾淨碗筷，再上一碟花生鷄腳和青紅蘿蔔豬骨湯，雞腳很淋和入味。雞煲上了，還附上碟油炸鬼，當鷄煲揭蓋時倒入油炸鬼,可吸鷄油，令鷄無甘油膩。雞剛剛熟，很嫩滑，調味汁比較香濃，感覺有大排檔鑊氣，原來枱上的墊紙有新南苑歷史，以前是官塘大排檔，吓…我的童年曾經去過，真估不到。吃完鷄煲可加水打便爐，配料有20多種，我當然主攻我最愛的蝦，魷魚和冰豆腐，蔬菜可自己取，有油麥菜，生菜，西洋菜等等，各樣也新鮮，侍應哥哥送來二隻新鮮鮑魚，我見餐牌沒有，疑惑他是否送錯了，他說沒有今天送兩隻鮑魚給我們打便爐鮑魚很大隻咬落爽甜，很滿足今晚真是吃到飽，又超值，還令我憶起兒官塘時光！好朋友沒有介紹錯

因為疫情關係，所以盡量少外出用膳。心思思想打邊爐，無意中發現新南苑提供外賣火鍋，便早一天電話預訂自取。湯底有三款選擇：南瓜蕃茄、麻辣和皮蛋莞茜。我點的是四人份的皮蛋莞茜湯，分別以兩個大碗盛著，真材實料，湯底亦足夠，不用自己額外準備，很方便。餐廳以大鍚紙盤盛著不同食材，店家與我點算好食物後，會逐一以錫紙包裹，保持新鮮度，感覺安心。回家後即先吃海鮮，鮑魚好爽口廣島蠔蠔身雪白，食落多汁龍躉片大大件，煮熟後仍然爽身鮮美手切牛頸脊肉味濃郁，肉質軟滑貢丸不是一般便宜貨，彈牙爽口灌湯小籠包皮比較厚身，內裏則仍有肉汁汽水則可以現場任選，例如這款韓國Lotte芒果汁外賣火鍋方便，價值亦不貴，而且服務也細心，確實適合想安心在家用膳的食客。

好想打邊爐呀，但而家呢個情況真係唔太敢出街食！見最近有火鍋店推出外賣湯底+火鍋料，岩哂懶得洗材料既我呢個價錢有5款海款，都算幾抵南瓜蕃茄湯底湯底好清甜，唔會有味精不過蕃茄只得2舊，如果多啲會更好手切牛頸脊呢個牛好得呀夠新鮮，雪花分佈得好平均好有牛味鮑魚+扇貝+龍躉片+廣島蠔+蝦+蜆啲海鮮好乾淨呀，又夠新鮮，龍躉片仲好大片添呢個海鮮併盤很不錯原來呢個外賣套餐真係足夠兩人份量眼闊肚窄既我以為唔夠，所以額外加左墨汁墨魚丸&韮菜餃墨汁墨魚丸好爽彈仲有墨魚粒係裡面！韮菜餃個皮好夠薄正仲有兩罐飲品送添

自從“打邊爐家族”的事件之後 很多人也怕了去食火鍋所以火鍋店也推出了不少優惠 在網絡上看到這家套餐可以安在家中等食也不錯😝 所以點來與靜靜媽食吧❤可以選擇外賣/運費到付 這次在附近逛完街就到店取餐這外賣打邊爐餐以2人起計 價錢為HKD$208/位免加一跟餐還有數款火鍋醬油提供 另有飲品和麵食跟餐附送湯底有三款味道可以選擇 上到店舖發現環境不錯挻大去到的時候店員會先為客人量度體溫以確保大家安全2人外賣打邊爐套餐包括有：海鮮👉鮑魚/大海蝦/廣島蠔/龍躉片/扇貝/蜆子 各2份蔬菜👉響鈴/炸魚皮/蔬菜籃 各1份2人份量主食👉手切牛肩脊(3両)/雲吞/韮菜餃/魚皮餃/貢丸/午餐肉/灌湯小籠包湯底選擇了南瓜蕃茄湯底 滾起之後味道濃郁很香😍😍很喜歡這個組合的湯底🍅 裡面還有很多蕃茄肉可以吃海鮮拼盤的食材很新鮮🤤 這個鮑魚口感彈牙挻有咬感其他食物也新鮮😆 兩個人食食到很飽肚又滿足很棒棒可節省去街市買食材/處理海鮮/清洗大量火鍋用具時間下一次再想食的時候 可以試試外賣送貨到家haha🤣🤣

今晚要回家等老闆電話開會，吾方便在餐廳用餐，於是打個電話去 新南苑，請  WhatsApp’s   張外賣餐單.餐單圖文並茂, 套餐每位 $208- 冇加一收費.  另可以追加食物.即選即落單，準時到取付款.   新南苑 位於彌敦道，旺角地鐵站口，我們駕車可暫泊快富街, 無難度。電梯上三樓,  通知接待取外賣,等候帳單及餐包, 坐一坐, 原來此店始祖源於觀塘. 食物已包裝好，分成兩個膠袋，好整齊容易拎.找數便回家.   除去膠袋,  先取出飲品兩罐, 有茶, 有果汁.所有食物用透明膠盒裝載, 整潔乾淨,海鮮:  有鮑魚，沙插， 廣島蠔，馬刀貝，龍躉片4 片好新鮮， 蝦放在下面.馬刀貝 及 蝦, 正 !!手切本地牛頸脊，雪花紋平均, 顏色鮮明. 貢丸，雲吞，韭菜水餃，午餐肉.  好足料.轉用碟載, 擺放更清晰.  我愛 小籠包.炸脆響鈴，炸魚皮:  鬆脆, 灼一灼即可食.什菜:   蔬菜用錫紙盤保鮮紙，有娃娃菜，唐生菜，金菇，粟米。 樣樣齊, 好揀手嫩綠. 醬料四款，有辣椒, 蔥, 蒜蓉, 豉油, 分別用膠袋封住.至正.各自混醬. 湯底:  南瓜蕃茄湯, 用膠盒載, 仍然暖.  樣樣齊.

最近香港的疫情相信大家也十分之關心，也害怕了在公眾地方打邊爐，於是看到一個非常吸引的廣告便是外賣打邊爐，也是人生中的第一次.這食店也十分之注重個人衛生，也提供了酒精搓手液之外，也禁止發燒的人士進入餐廳內，由於經已是打電話下了單，因此一上到去火鍋配料經已準備好，十分之方便.這個套餐包括了新鮮的海鮮，帶子十分之爽口，蠔也充滿了淡淡的海水味.牛肉脂肪的分布十分之平均入口即溶.丸子及餃子也十分之有水準.響鈴魚皮也沒有半點的油益味也十分之香脆.這一次人生第一次外賣打邊爐感覺也不錯，火鍋的用料水準和在堂食的分別也不大，大家也可以食得安心，一路睇電視一路享受打邊爐.

琴晚外賣🥡打邊邊套餐，好多foodie都有問❤️Vienn 第1間喺叫 新南苑私房菜 💲208套餐 X2 ,加 💲128 換購肥牛 = 💲544🍲湯底揀咗蕃茄🍅🥬蔬菜方面：金菇、娃娃茶、金菇、🥕粟米🌽、芋頭、紅蘿蔔🍢丸類：有年青人最愛午餐肉、牛丸、貢丸、雲吞、餃子🥟仲有 #小籠包😱 幾特別第1次試‼️🦞海鮮類：龍躉、帶子、🦪鮮蠔、鮮鮑魚響鈴、炸魚皮仲有2罐可樂🥤Overall 新南苑唔洗自己洗，仲送到新之城交收，想打就打，2口子過下癮都👌🏼📍新南苑私房菜☎️9311-8877

本身要食團年飯，都因為工作的關係，不能在晚餐時間進行。最終，都係決定要食宵夜時間，甘就走左去食宵夜雞煲。聽朋友講呢間都幾好食，就走左去朝聖試下。可能太夜關係，都夜晚10點啦，人不係太多，一去到就有位。為左想食得自在d, 我地要左間房，間房不係好大，勉強岩岩好坐到四個人。我地得三個人，多左個位，用來放行裝，岩岩好。食物都係個d, 先來一個雞煲，我地叫左微辣，點知真係微辣得好微辣，早知叫中辣。老實講，個雞煲都不差，幾香，又有雞味。跟住就打邊爐，無咩特別，係個煲中間個冬瓜的東，有d 奇怪，不知用來做咩的。但anyway, 呢間餐廳都不過不失的。