新南苑私房菜火鍋鷄煲 (華僑商業中心) (已搬遷) 新店位置

蒸氣鍋....好彩朋友提我，食蒸氣鍋要提早預訂的(旺角店才有)。店員好快安排入座，服務好，親切，不錯。環境大、光線足夠、舒適！飲品種類多，亦有五花茶提供！自助調味區，自行選擇。今日送一新鮮帶子刺身！正，大大粒，新鮮先食雞煲，大大鍋，有蔥、辣椒、洋蔥等調味，雞好香、肉質滑，少辣！好開胃！主角登場，超吸晴，大大海鮮成盆上檯，我地當然相機食先蒸氣鍋套餐非常豐富、新鮮。海鮮非常新鮮，有龍蝦、象拔蚌、大元貝、聖子、鮑魚、海蝦、肉蟹、手切牛頭脊，十分豐富。店員細心地將每種海鮮逐樣蒸(有一小鐘計時)，龍蝦放上蒸氣鍋上還在郁動，非常新鮮，每人半隻，龍蝦啖啖肉，正！肉蟹非常多肉，仲有蟹膏。鮑魚、聖子、元貝大大隻！吸收晒蒜蓉的味道，肉質很豐富；象拔蚌非常爽口！好好味。手切牛頭脊新鮮，而且很多肉汁同嫰滑最後食埋個精華.....粥底火鍋，粥吸晒海鮮嘅精華，好鮮甜，啖啖滋味，正～ 食完已經好飽啦！！！小菜方面：梅菜蒸豆腐，普通家常菜般，但又幾好食，豆腐滑，梅菜好食！自助雪糕機、牛奶布丁，價值只係三百幾，性價高。

與親友們打算去灣仔店晚膳，打電話訂位時才知只有旺角店供應蒸鍋套餐。因此我們改為到旺角店。原來walk in 是不能點蒸鍋套餐的，幸好我們六人電話預訂了。雪櫃裏有各式各樣韓國牌子、道地的罐裝飲品，非酒精飲品都是任飲的。個人覺得Lotte蘆薈芒果汁不錯，內裏有蘆薈粒。另外，為免上火，我地也要了兩樽裝五花茶（有熱和凍的選擇）。吃蒸鍋前，先吃招牌雞煲。店員送來雞煲時，亦附有一小籃油炸鬼。雞肉非常嫩滑，不是只有辣味，應該以麻辣來形容，越吃越滋味。這是額外贈送的帆立貝刺身。雖然是免費的，但帆立貝也切得比較厚身。蒸鍋以每人半隻波士頓龍蝦打頭陣。用叉子已能輕易把龍蝦肉整塊捲出來，一咬已覺肉質結實，新鮮彈牙。第二輪是蒸龍蝦鉗，當然也是鮮味十足。大連鮑魚紐西蘭大蟶子，加了蒜蓉一起蒸。蒸熟後加少許醬油已夠味。沙井鮮甜生蠔每人半隻新鮮肉蟹，蟹肉細嫩鮮甜，蟹膏甘香。點少許醋，就不會蓋過蟹肉的原汁原味。手切牛頸脊肥瘦適中，肉質鬆化甘香、牛味濃，只需點了一點麻醬已很美味。金蒜黑豚肉蒸茄子半肥瘦黑豚肉的油脂香，配合蒸得軟綿的茄子，簡簡單單的家常小菜也做得很美味。南瓜排骨粥加了蟹殼一起煲的粥底，綿綿的粥底滲透蟹黃鮮味。

今日放假決定同屋企人食餐好、一早book定旺角新南苑、因為只有旺角分店才有海鮮蒸鍋、灣仔只有火鍋。這裡有好多VIP 房、唔怕同人迫、可以有自己私人空間。如果想大伙兒熱鬧下一齊睇電視、坐出面大堂都唔錯、一面直播英超賽事、另一面播無線劇集、男士女士都可以睇得開心。招牌雞煲要了少辣、反而覺得麻味多一點、少少刺激、雞肉肥美嫩滑。龍蝦好大隻、下鍋前仍然郁緊、好生猛。難怪吃下去好新鮮、肉質爽口。日本大元貝放上大量蒜蓉、好香、如果有粉絲更好！紐西蘭大蟶子因為體積較大、口感亦較爽口、鮮甜。新鮮肉蟹超級鮮甜。。平時嫌剝蟹殼太麻煩都忍唔住食晒成隻！剛蒸熟的手切牛頭脊薄薄一片好嫩滑金蒜黑豚肉蒸茄子蒸得剛好、茄子嫩滑、加上蒜蓉同黑豚肉更香。自選菜籃裡面有菇、粟米、 娃娃菜等都幾豐富、不過略嫌白蘿白蒸得唔夠稔。最後的精華所在 - 南瓜排骨粥。以蟹殼及海鮮熬成、粥底好綿、好鮮甜。飽到肚皮都撐不下去了還是吃了兩碗。飲品種類很多、有milkis、冬瓜茶、荔枝紅茶、汽水。這個韓國的芒果蘆薈不太甜又吃得蘆薈粒、挺好喝。如果唔想喝汽水、還可以喝自家製的五花茶。

媽媽生曰想食海鮮蒸氣鍋，選擇了新南苑海鮮蒸氣鍋，又新鮮又抵食，所以一早book定枱。因為食海鮮蒸氣鍋，係要預訂的。蒸氣鍋套餐非常豐富，包雞鍋、海鮮蒸氣鍋、飲品任飲、小菜一款，非常抵食又高質。首先食雞煲，雞肉非常滑同入味，可選擇辣同吾辣，而且雞煲係可追加。呢度雞煲會配理油炸鬼一齊食，很特別又美味。食完雞煲開始食海鮮蒸氣鍋，侍應會先凖備南瓜排骨粥底，待食完蒸氣鍋之後先食。跟住待應會逐樣海鮮去蒸，服務非常周到，我地安心等食龍蝦非常新鮮，蒸嘅時候還在郁呢，每人半隻鮑魚蒸得啱啱好，啖啖肉肉蟹大大隻，非常多肉，鮮味十足象拔蚌同聖子非常爽口，食落去一d沙都無，。而蒜蓉蒸大元貝非常好味，味道很鮮甜手切牛頭脊：蒸嘅時間控制得剛剛好，食落去很重牛肉味同嫰滑蒜蓉蒸茄子🍆：媽媽非常喜歡食，茄子吸收晒蒜蓉同肉碎嘅味道，好好味。最後食南瓜排骨粥，味道非常鮮甜，吸收晒蒸海鮮嘅精華，而且份量很多甜品食咗奶凍和雪糕筒作結，非常滿足。

屋企人很鐘意食雞煲同海鮮，想俾個驚喜佢哋，所以預早book定枱去食蒸氣鍋。好彩去過新南苑食蒸氣鍋嘅朋友提醒我，食蒸氣鍋要提早預訂的。蒸氣鍋套餐非常豐富，包括刺身拼盤或雞煲、海鮮蒸氣鍋、南瓜排骨粥底、一款小菜、飲品任飲、自助雪糕機、牛奶布丁，價值只係三百幾，性質比非常高，而且店員服務非常好，絕對係五星級服務雞煲可以選擇辣度，唔食辣我哋就選咗唔辣，啱晒長輩食。雞肉非常柔嫩，而且很入味。原來雞煲配油炸鬼一齊食係咁好食，吸收咗雞煲的味道屋企人都讚個雞煲很有水準食完雞煲，店員開始準備粥底同海鮮蒸氣鍋，粥底係南瓜排骨粥，留返最尾先食。蒸氣鍋海鮮非常新鮮，有龍蝦、象拔蚌、大元貝、聖子、鮑魚、海蝦、肉蟹、手切牛頭脊，非常豐富店員細心地將每種海鮮逐樣蒸，龍蝦放上蒸氣鍋上還在郁動，非常新鮮，每人半隻，屋企人食到Lam Lam 脷侍應非常細心，蟹身同蟹腳分開蒸，肉蟹非常多肉，真係啖啖肉鮑魚大大隻，啖啖肉；聖子配埋蒜蓉一齊蒸，口感很豐富；而象拔蚌非常爽口元貝很大隻啖啖肉，元貝吸收晒蒜蓉的味道，好好味。而🦐海蝦非常大隻，蒸嘅時間控制得剛剛好，蝦肉很鮮甜同爽口手切牛頭脊，非常新鮮，而且很多肉汁同嫰滑小菜方面，選擇

之前聽舊同事講旺角有間好正既火鍋，一個人差不多要成$300個，我心大心細，我一方面想食，一方面又厭貴，最後比老公解決左，因為佢請：）原來每個人已經Set好食乜，今日真幸運，入座送吞拿魚刺身，兩人共四片，吞拿魚鮮味十足，還帶有那隻獨特的苦澀味，肉質也鬆軟。先來雞煲，呢度好特別，有大辣、中辣、小辣、BB辣、唔辣，我揀左BB辣，食起來幾滋味，唔算好辣又無咁單調，睇落有成半隻雞有多，雞肉嫩滑零雪味，仲要啖啖肉！雞件除了辣味仲有啲啲咸味。食完個雞煲都飽左3成！雞煲好有趣，仲有跟埋油炸鬼喎！油炸鬼起初硬硬地，同雞煲滾完之後就變到軟林林！個感覺似似地食粥咁款！食飽雞煲當然就是打邊爐啦，以為就咁倒湯就係啦，點知原來好貼心，換過煲新既，我揀左冬瓜花甲湯底，真係成片冬瓜XD，天氣咁熱，仲飲多左兩啖冬瓜湯，幾好味，唔似味精，消下暑都係不錯既選擇！海鮮包羅萬有，首先食咗鮑魚，鮑魚有兩隻，鮑魚肉有啲靭，但係未至於難咀嚼。海鮮盤仲有海蝦、蟶子等等，海蝦同蟶子都好鮮味，蟶子仲帶點甜味tim！我既重點推介當然係魚！細心睇原來佢呢度有兩款魚，一是平日食開的鯇魚，另外一款睇落好熟口面，滾完試試，好似酒樓一圍圍𠴱啲魚，諗左

想試蒸氣火鍋好耐，成日見人啲相食得好滋味！想朋友講呢間新南苑好出名，就一於去試下啦！😍 記得大家想去要早啲book位呀，因為呢間都好full架！本身以為係普通打邊鑪既鋪頭咁，點知去到，環境好寬敞，光線足夠，仲好乾淨企理，唔會好似有啲火鍋店咁成地都係水，濕立立咁😖我哋一心諗住黎食蒸氣火鍋，睇咗個餐牌一陣，唔係好明點解又有火鍋、蒸氣鍋，雞煲？😱職員好nice好好人，即刻過嚟解釋俾我哋聽。原來三百幾蚊，頭盤已經可以揀雞煲或者海鮮刺身拼盤，再加個蒸氣火鍋，同埋粥底火鍋，咁咪好抵食？！👏🏻首先，我哋叫咗個雞煲，啲雞肉質好幼嫩，好滑，係細隻雞黎，仲好入味，未食過咁好食既雞煲，好有驚喜！如果有埋白飯可以撈汁食就好啦！👀最特別係雞煲加左油炸鬼，原來咁好食架，啲油炸鬼吸晒雞煲既味～😇之後， 細心嘅職員幫我地逐樣海鮮蒸，如果想自己蒸嘅話，菜單都有寫每樣海鮮要蒸幾耐。海鮮好新鮮，應該係即刻係店內嘅大魚缸捉左，再係廚房處理！肉質超鮮甜，食到我哋哇哇聲，好高質！😳今次最首先食咗龍蝦、蟹、蜆、魚、聖子、鮑魚，全部都好新鮮，十分豐富！😎龍蝦真係好鮮甜，啖啖肉；隻蟹係肉蟹，又大隻又多肉！每日嘅海鮮都唔同架，餐廳會因應

很久無聚一聚，朋友話新南苑好食，乾脆試下，一直以為係火鍋，原來新南苑也有蒸氣鍋作招來，同類海鮮鍋食店有很多，如潮福等等，見價格尚算商誼，朋友提議不妨試試比較一下好，說回主題，頭盤雞煲，無拍照接著都係大路的海鮮併盤，有龍蝦，元貝，鮑魚，生蠔，聖子等等，相當吸晴👀蒸既時間都好講究⏰，有專人招待，確保不會過火，另有蒜蓉醬油等作調味，所有海鮮之中，本人確得生蠔最正斗，又大又甜👅另外自選左梅菜蒸豆腐，普通家常菜但又幾好食喎，值得推介😜最後以套餐既南瓜粥底作結一直覺得，同類海鮮蒸氣鍋食肆，只有價錢同新鮮既分別，只要食材新鮮，清蒸海鮮其實不同店鋪唔會有太大差別，總括而言，友人話會想再encore，我是同意的P.S 1)雪櫃有枝錫蘭檸茶幾好飲，特登走左去拍照😂2) 同店員吹水得知，蒸氣鍋只得旺角店有，灣仔分店無的！

聽講呢度有得食平民蒸鍋就打去book定位，原來蒸鍋枱得幾張係要預訂，好在一早打去預訂，咪實冇枱蒸鍋套餐包括：招牌雞煲、龍蝦半隻、沙井鮮甜生蠔、新鮮肉蟹、日本大元貝、紐西蘭大聖子、大連鮮鮑魚、手切牛頭脊、南瓜排骨（粥底）！首先叫左小辣雞煲，好惹味！d雞切到一口咁，又嫩滑，又唔會話太多香料味道，麻辣味亦都適中，最後把油炸鬼放埋入去，結果個油炸鬼吸哂d味，好好味！食完雞煲就開始食蒸鍋，待應好好服務，每次食完一樣都會換餐具，又幫你控制個爐又夾埋比你全部海鮮都ok新鮮，龍蝦直頭係爽！蠔原來蒸完之後都唔會縮水，所以好大粒！元貝唔使講，手掌咁大，蒸既分鐘又岩岩好，唔會痴牙! 蠔就好隻，以為蒸完會大縮水，點知仲係咁大隻，鮮味十足! 鮑魚就有d鯹，但勝在有嚼口同大大隻！仲可以揀一款小菜，結果揀左蒜茸蒸茄子!睇落去冇咩色澤，但面頭既肉碎係好咸，配合番冇調味既茄子就岩岩好蒸完所有野，终於食到粥底，如我所既鮮，但最驚喜係佢比左D木魚、配料比我地放入粥，南瓜又蒸到綿綿的，層次更加豐富!

早幾晚約朋友一齊食蒸鍋，餐廳環境舒服，又可以食海鮮，又有好服務，大家都好滿意。蒸海鮮套餐每位$338，另加醬油費每位$10，前菜$20及加一服務費。飲品可以任攞，有汽水飲就啱晒。朋友唔太食得辣，所以雞煲我地只係叫左bb辣，但食食下d辣味都慢慢滲出黎，加埋油炸鬼仲勁，索晒d辣味，啱晒鍾意食辣嘅人。海鮮一大盤，齋睇個賣相都嘩嘩聲。有專人幫我地蒸海鮮，完全唔使自己搞，咁多種海鮮，我最鍾意食龍蝦、大元貝同大蟶子，因為貝類永遠都係「賣飛佛」呢。套餐仲有蒸牛頸脊同埋蒜蓉蒸茄子。蒸牛頸脊肉味濃，蒸茄子就出奇地好味，又清新，雖然我地食海鮮都食到好飽，即使呢味係最後一味蒸物，我地4個都食得晒咁大盤茄子呢！最後仲有海鮮粥，全晚精華所在！每人仲有奶凍一杯，或者自助軟雪糕，但我地冇食雪糕，因為...朋友生日，我仲預備左the fine foods嘅napoleon，女生幾飽都要食甜品！（多謝餐廳冇收切餅費）

4個人，約食飯，食乜好？食蒸海鮮啦。每位$338嘅套餐有海鮮有雞煲有蔬菜有甜品有飲品，夠抵食又set好唔洗慢慢諗。一去到先去雪櫃自取飲品，唔想飲凍嘢可以飲自家製五花茶，夠正氣。自助醬料區比我慢慢mix and match，不過我後來發覺，食海鮮食個鮮味都足夠，都唔洗點樣點醬。食蒸海鮮之前先食個雞煲，份量十足，辣辣地又啖啖肉，好開胃。海鮮拼盤夠吸睛，咁多款海鮮，最欣賞蟶子同鮑魚，每樣海鮮都有建議「蒸鮮」時間，又有職員幫我地set好，夠窩心。臨尾有海鮮粥，啖啖海鮮精華，正！

這間新南苑，就是官塘仁愛圍最後的霸王，相信在官塘區長大的人都無一個不認識這間 “大排檔”。有時入夜經過這 “大排檔”，三五成群的客人，有些身上紋上一龍一鳳，有些在你一拳我一拳，有些就滿頭金髮，你一句我一句，你一杯我一杯，就是這樣的景致，現在已因為官塘要重建而埋沒了！但不怕，新南苑就是需要把這薪火傳下去，所以一間又一間的分店開出給大家享受了。今日就食個海鮮雞煲半放題火鍋套餐！招牌麻辣雞煲我地四個人，要半隻雞就夠，因為一陣仲有海鮮，還有其他材料作火鍋，要留肚啊！雞煲的辣度，我地就選了小辣。雞煲的味道，醬汁很濃郁，雞肉又很嫩滑，每件雞件都被醬汁包圍著，很入味！雞煲仲有一個配料，就是油炸鬼，把油炸鬼放入雞煲，吸收了雞煲的精華，正！食完諗住叫店員換火鍋湯底，點知店員問我地仲要唔要多個雞煲，當刻，真係想要多一round，但諗到要食之後的海鮮同火鍋配料，就。。唔要喇！冬瓜花甲湯底我地選了冬瓜花甲湯底，，大大個冬瓜放左落湯底，感覺冇甘熱氣 ~~ 因為一陣有海鮮放落湯底，一切的鮮味都盡在湯底，正！生猛海鮮拼盤生猛海鮮拼盤，包括有海參、海蝦、聖子、鮑魚、大蜆、蠔、鯇魚片。海鮮的質素，種種都頗新鮮，不會像一

前既跟幾位親愛的同事仔約了晚餐🍽因為大家都係收得比較夜，而我之前已經食過呢間新南苑雞煲火鍋海鮮任食其實一大班朋友最好就是選擇任食❤️因為吾使煩嘛⋯⋯🤦🏻‍♀️🤦🏻‍♀️🤦🏻‍♀️🤦🏻‍♀️食過既都知道係食左雞煲先再簡返火鍋湯底打邊爐🔥火雞真係好野味係我中意既麻辣雞煲另外配有油炸鬼粒放入雞煲內有少少''淋''再少少脆口感一流👍🏻食完雞煲我地選擇左豬骨湯底🥘再配送海鮮（大家可以睇到👇🏻）吾知係味因爲我地食宵夜時間海鮮冇我之前食果次甘新鮮不過以$228一位黎講可以叫做不錯👍

新南苑私房菜火鍋雞煲，旺角店，今又是給朋友推介的好啊！然而，我們再忙也总要是吃飯開個開心飯局的啊！👍😁😁於是，就共邀同行樂聊樂樂地來到此一一新南苑私房菜火鍋雞褒的旺角店樂開飯啊！😁👍👍指定的海鮮刺身拼盤也許是因客人們所需繁多，而令我們稍等了一陣子的，可還是多次服務生們，向我們有禮道歉的同時還聲聲説著一一再稍等稍等的呀！👍👏👍開三文魚块，切成那麼的夠厚，肉嫩肥美也帶著鮮！👍希靈魚，甜虾及螺片，希靈魚及螺片都好爽脆的，甜蝦就肉娕嫩滑的，都是不錯的美食！👏北寄貝秋葵此為贈送的刺身，北寄貝極之爽，鮮！👍南瓜排骨粥底蒸氣把海鮮的鮮汁，全都落在此鍋的粥內的，排骨香味嫩滑混在那南瓜在一起，無比地鮮甜美味的呀！👍😁😁波士頓龍蝦這裏的波士頓龍蝦好有肉的，極為鮮甜的啊！👍要是在昔曰，我是不咋愛吃波士頓龍蝦的，可此回的岀品，還真給我給個極之好評的啊！👏😁😁沙井鮮甜生蠔雖是來自沙井的蠔，可也是無沙粒在內的，也鮮甜肥美的，跟美国桶蠔也不咋絢色的啊！😜大連鮑魚同是那句，別看牠是大連鮑魚，熟了還是可肥大肉厚厚的呀！咬在口中可感特實在的口感！👍曰本大貝元，紐西蘭大蟶子貝殼類海鲜，鲜美厚肉，爽嫩恰好！👍😁👏太子象拔蚌小

【相片太多up唔哂】話說之前係FB見過人地介紹呢間餐廳次次搭69x都經過見到今日就拉左個朋友一齊食（食蒸鍋要預先book枱喲～）先奉上既係開胃小食●酸辣雲耳：好爽口，酸辣味好濃，好醒神●🤔綠色既好似豆角，味道咸咸地再加少少辣●刺身：帆立貝，冇雪味全場都有送嫁個流程係先食雞煲後蒸海鮮最後食粥雞煲可以選擇不同的辣度我地選擇左少辣（不過個人唔係好食得辣，可以要求bb辣嫁）味道真係好好食味重而且料足花椒同辣一齊享受●雞肉又滑又嫩●頌加埋脆卜卜既油炸鬼俾你撈，吸味一流而且份量都唔少嫁然後就上海鮮啦有專人全程服侍幫你逐樣海鮮慢慢蒸全部2人份量海鮮全部解甜，完全唔洗加醬汁個鍋有自動計時功能，唔怕蒸太熟●龍蝦肥美新鮮非常鮮甜彈牙（一放入蒸鍋個陣頌見佢郁緊）●鮑魚都幾爽口嫁，不過切細件d會易d入口●象拔蚌仔，雖然冇咩點食過，但覺得幾特別●蒸帶子（有蒜蓉冇得頂）唔知係咪加咗蒜蓉嘅關係， 我會覺得帶子比起鮑魚更加鮮●蠔好大隻好飽滿的個人少食蠔，但朋友幾中意食●牛頸脊?牛肉同樣用蒸既方法烹調蒸完依然滑嫩，牛肉味甚重，而且完全不會un吃上去比打邊更加食到牛味，而且唔洗加醬油●金蒜黑豚肉蒸茄子，超好食茄子起哂皮，