新合發飯店

營業中

休息中

早兩日放工同小學同學聚會～晚飯去大圍食打冷 一行四人食嘅係回憶嘅味道🤪潮洲蠔仔肉碎粥 （一窩）米飯煮得岩岩好 唔會太稀糊蠔仔鮮香風味與豬肉碎的肉香結合 ☺️加上胡椒粉點綴 啖啖鮮香 傳統蠔餅師傅炸得幾乾身 份量好大蠔仔都唔吝嗇 不過蠔仔就比較細隻DD 品嚐唔到豐厚嘅蠔肉感有啲可惜～蜜椒鮮魷⭐️⭐️⭐️⭐️⭐️一口咬落去已經感受到新鮮炸出的脆皮 扑扑脆再加上魷魚嘅煙韌彈牙 帶來豐富口感層次 大讚！薯仔牛柳粒牛柳大大粒非常多汁、咬落幾軟身薯仔煎得幾淋 醬汁同黑椒好夾清炒通菜炒至剛好的蔬菜仍然保持脆嫩的口感不過本人對炒菜無感 食到成口油(´･_･`)環境整體比較嘈炒整潔度SO FAR SO GOOD!埋單總數$530人均消費$132.5

🍽新合發飯店豉椒炒鵝腸鵝腸份量唔手軟～入口煙韌度夠👍香口又惹味🤤香煎蠔餅炸粉料好足又脆口～蠔仔勁多啖啖有🤤超正食落又唔會好油膩炸小棠菜將小棠菜切散加埋墨魚滑～勁厚身咬落啖啖香口😋脆炸牛坑腩好小見一於叫黎試下👍坑腩大片肥瘦剛好😋不過食幾舊確係有少少膩～但係幾好食🤤記得點佢個汁😋😋盛惠$5xx💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講幾好食·多謝朋友介紹～下次再黎試埋其他餸菜先😋見人地叫炸子雞都好吸引但食唔哂～就留返下次🤡

大圍餐廳選擇唔多，呢晚見到合發飯店好多人，所以我同朋友入咗去食。乳鴿：上菜時熱辣辣 係唔錯，皮脆 ，多肉汁，調味適中。油浸荀殼魚：炸得挺香脆，豉油沒有調過味，偏咸。蠔仔粥：味道正常，最大問題係有勁多蠔殼碎，作為一個粥有硬物，叫人點食？

等咗佢開返，起碼都三個月之前佢哋裝修咗一段幾長嘅時間等到頸都長埋見到佢開返即刻去食返幾碟先喺呢度食飯，可能味道唔係第一位 佢係食熟悉的味道椒鹽鮮魷 外脆內軟 鮮魷唔會炸得太老同靭的乳鴿 細細隻 骨酥肉軟 送酒一流白飯魚炒蛋 蛋整得甘香鬆軟 白飯魚無腥無潺 酸辣海鮮煲 呢個醬汁酸酸甜甜其實不辣的醬汁醒胃 配料有鮮魷，帶子豆腐等等 配料十足椒鹽豆腐 外脆內軟豉油王炒麵 很愛呢到的炒野 貪佢夠曬鑊氣麵炒得乾爽而且非常香，加埋紫洋蔥的甜，芽菜的清爽同吃 很滿足呢💝

食大排檔最緊要講鑊氣同火喉，呢間蜜汁黑椒牛柳粒出名就應該好多人知道，薯仔有薄炸漿包住再回鑊，外脆內軟，牛柳粒足味夠軟，掛哂汁超加分！ 啤酒吹水一定配香口食物，點左牛油焗白飯魚，椒鹽三脆，黃金魷魚，椒鹽豆腐！ 先講牛油焗白飯魚，牛油味好香，個皮好脆入面熱辣辣，推介！椒鹽三脆有魚仔，雞軟骨同腰果，雞軟骨醃左味好香，包住薄炸漿炸，好味！黃金魷魚就濕左少少同椒鹽豆腐偏淡口唔夠味。炸小棠菜入要有墨魚膠同小棠菜，兩者味道都好突出，又好夾！另外，仲點左沙嗲肥牛煲，肥牛就普通貨仔，但粉絲吸哂個汁，無得輸！沙拉骨就麻麻，個做法係京都肉排加沙律醬，出面食係會兜亂，成件肉包住醬，咁食就浪費了。

之前有人向我推介呢間飯店，佢指明叫我一定要食薯仔牛柳粒，好奇心驅使下就去咗呢間度食啦。一去到非常有香港嘅風味，好多食客飲酒傾偈食小菜，諗諗吓其實咁樣都非常寫意。二話不說即刻嗌左個薯仔牛柳粒先，見到餐牌好多樣嘢都好想食，結果嗌左個南乳雙雞煲，加碗白飯。哇黐線㗎 ！咬咗一啖薯仔牛柳粒，點解可以咁好食㗎 ！嗰陣美極加埋蜜糖嘅甜甜鹹鹹香氣，非常惹味，亦好好送飯。南乳雙雞煲即是田雞加雞肉，兩種雞肉都走過油，南乳汁亦都好好味，加埋啲乾蔥同蒜頭，送飯一流。呢餐飯實在食得太開心啦！打後嗰幾次去我每次都係嗌薯仔牛柳粒，去呢間餐廳嘅人真係要必試呀！

點解覺得係香港人味道，因為感覺好貼地地方舊舊但係就感覺好有人情味，事緣就係好耐冇去打啦，咁不如就去啦。唔係因為沙田大圍區又真係冇乜選擇。基本上呢間餐廳都唔係第一次食，唔會覺得好差唔會覺得特別好。兩個人其實又唔記得多嘢一坐低，即刻整返個韭菜豬紅，好味可能耐冇食啦！之後再嚟一個三併滷味，紅腸、墨魚、鵝腸，當然真係有豆腐芽菜薦底，老老實實味道不過不失。再加一個白粥，真係好港式口味。間唔中食一次其實OK，再黎一枝藍妹，正！座位唔係特別好楚但係都算闊落，大家都傾到計，衛生又唔會話覺得特別好亦唔會覺得特別差，如果住附近其實想食潮州菜都可以去試。

小編今日同同事一齊去食晚飯，咁公司就系大圍附近，同同事傾左好耐最後決定去打冷，而大圍打冷比較好食既地方就「新合飯飯店」啦！呢到既菜式應有盡有，你諗到咩基本上都有得叫，而且價錢合理，又可以慢慢坐，同同事吹水玩遊戲！👉🏻呢到最好食我覺得系薯仔炒牛肉，佢啲薯仔炒到外脆內軟，我真系食到停吾到口架。而佢啲肉又好嫩，美味！其實每個餸都各有特色，你地可以自己試下！順帶一提，我同事住大圍都話呢間打冷系大圍最好味既打冷，咁我試完後都好推介呢間 因為都真系好味！又可以慢慢同朋友玩！以下系小編當日食既餸菜，俾你地參考一下先

每次想食小菜飲下啤酒就會諗起新合發,周圍既氣氛聲音..雖然嘈就嘈左D..但就係咁先會融入到..同朋友吹吹水飲下酒都真係好爽。飲酒就一定要叫下D佐酒小菜..椒鹽系列我地一定會叫..之前食過白飯魚..所以今次就叫鮮魷。但鮮魷不太彈牙…有點失望。辣子雞 （加辣）落單問左店員可唔可以辣D,佢就建議我地加辣…點知真係有料到好香辣..雞件好嫩雖然炒到有點似避風塘..但加埋個香辣…好好送酒！馬拉盞炒通菜咸香味十足..點小得叫返一兩支大啤

講到大圍一班人收工食飯吹水勝地,非新合發莫屬！ 夠快靚正！每次去都必嗌手撕雞 雞肉厚而且不鞋 醬汁好開胃！XO醬炒鵝腸 鵝腸唔肥 入味又爽口 yummy紅燒乳鴿 隻鴿不會大大隻 外皮炸得脆口 啖啖肉 送酒一流 水煮魚 魚片夠滑 不會多骨 啲粉絲芽菜索晒啲味真係好正 飯都唔使嗌 食呢個好滿足！蒜子豆苗 炸蒜炸過後再炒菜 好惹味 又夠鑊氣如果佢嗰晚有鱔魚賣 嗌返個豉汁蒸鱔或者美極煎鱔就正！呢次嗌左䜴蒸鱔 肉質肥美油潤，醬汁香濃 好想爬返兩碗飯啊

🍚新合發飯店🍚👧🏻👦🏻突然想食小炒/打冷🍜🍲於是去左位於大圍一間飯店😎😎🔸招牌bb鴿$❺⓿隻無論色澤賣相已經好吸引外皮脆肉嫩滑😋😋😋😋🔸蠔仔粥$❹⓿碗一碗都足夠2人食，蠔仔份量都算多粒粒肥美飽滿，食到蠔仔既鮮味再配上少許方魚肉😋😋鮮味十足🔸豉椒炒花甲$❽⓿正常大排檔味道，無咩特別花甲好大粒，今次我們食隻隻都無沙👍🏻👍🏻

已經有一段時間無見過啲好手足，今日約左佢地出黎吹水，成班麻甩佬吹水飲啤酒，緊係潮州打冷啦。由於地下坐滿左人，侍者安排左我地去樓上坐，一坐低唔使講咁多，整3支大啤先。飲啤酒最緊要重口味，我地叫左椒鹽鮮魷，凍烏頭，滷水拼盤，韭菜豬紅馬拉盞炒通菜同埋豉椒炒蜆。烏頭有黃油，香到不得了椒鹽鮮魷啲皮唔會太厚，新鮮彈牙，上品也。拼盤墊底嗰啲五花腩好入味好好食豬紅彈牙，韮菜鮮甜。通菜有少少咸，不過飲酒唔緊要啦豉椒炒蜆就正常野。同老死黎食一定會選打冷同大排檔，又唔怕嘈，又可以坐耐啲。

今晚約左朋友食晚飯吹水，預左都會坐得耐，咁耐無見，真係有排傾，朋友介紹大圍呢邊有間叫【新合發飯店】可以食下小炒，又可以吹下水坐耐少少，絕對唔錯。我咃叫左碟「鹹香金衣白飯魚」，呢個真係真心好食，每一條白飯魚沾滿了金黃色的咸蛋黃，而且炸得又香又脆，白飯魚很新鮮，每一條都胖胖的，咬入口當然是肉肉感重吧，送酒一絕。「XO醬爆花枝片四季豆」花枝片每一片都切得厚薄適中，可顯大廚的功刀是多麼到家，用大廚自家調製的XO醬爆香的花枝片和四季豆，不但香條氣四溢，入口異常惹味，完全突出了花枝片的鮮味，四季豆亦很顯爽脆，當然食材新鮮都很重要吧。「西蘭花炒帶子」放到滿滿的帶子很新鮮足料，而且每一粒都很巨型厚肉，絕不偷工減料，很有誠意。西蘭花亦炒得很香很脆，青脆碧綠。呢一餐晚飯大家都吃得很盡興，而且吃得很飽滿，我哋決家下次會再黎食過。

無限時，大件夾抵食‼ 生炒骨見到都流晒口水啦，本人最喜愛。炸大腸有咬口又炸得脆，好味道手撕雞送酒就最啱，基本上對於小炒，我很滿意，會再幫襯。唯獨是日天氣寒冷，坐正門口位又冇關an, 真係凍到痴肺

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！今日朋友們即興約飯局，一行5人就相約到大圍新合發飯店，貪佢就腳。由於其中一位友人第二朝有跑步比賽，所以6點就已經開餐！飯店位於大圍車房個頭，門面唔太起眼，而鋪位由一個擴展到兩個，其中一個係車房改建。與其話飯店，我會叫大排檔更加貼切，食物種類好廣，由海鮮到粥粉麵飯都有！總括而言，食物質素唔係特別標青，屬一般水平，而價錢都有少許高。特別推薦兩樣較出色嘅野食。德國咸豬手正宗豬手皮脆肉滑，鹹香惹味，唔好睇佢好似好乾，其實肉質十分豐富。師傅話係先蒸後炸，心機野！薯仔粒食完飯大廚出黎我地吹水飲酒，吹下吹下就呃左呢碟薯仔粒番黎。其實本身係無薯仔粒呢個送，想食就要叫薯仔牛柳粒。我第一次食薯仔牛柳粒係一個深水埗地膽帶我去食，初頭聽個明咪就係薯仔加牛柳粒囉，諗唔到有咩特別，