新嚐泰泰國餐廳

營業中

休息中

今日honey帶我去試好味泰國菜 ，原來喺石水渠街樓上鋪有一間地道嘅泰國餐廳， 味道好不單止，仲好實惠 。我哋試咗幾個菜都非常滿意，其中最滿意嘅就係咖哩豬肉配薄餅， 薄餅係現叫現做， 酥香鬆軟， 係我試過最好食嘅薄餅，我哋食完一份， 意猶未盡 ，再叫多一份， 用來點咖哩汁，絕配。 食泰國菜點少得冬陰功湯 ，我哋都鍾意食蝦 ，叫咗個大頭蝦冬陰功湯， 兩隻蝦有手板咁長，好多肉，鮮味爽甜， 湯入面仲有好多菇 ，車厘茄 ，檸檬香葉， 煮得濃香，小小辣， 特別惹味， 好快又畀我哋掃清。 再來一份無骨海南雞， 皮薄肉滑 ，加上特製嘅酸辣汁， 用嚟點海南雞 ，雞味濃郁，食到舐舐脷。 有肉就一定要有菜， 叫咗碟泰式炒椰菜苗， 炒得好好味，不過椰菜苗好似成熟咗啲。 食到最後好似唔夠喉，又叫咗一個蒜蓉包， 有四大塊 ，烘得熱辣辣，加蒜蓉醬 ，香脆美味。 估唔到我哋兩個人可以食咁多嘢， 餐廳嘅牆上畫滿曬泰國風情畫， 牆上嘅人喺度食， 我哋又喺度不停咁食 ，鬥食得多， 個畫面都幾搞笑開心。 喺度食飯好舒服 ，地方闊落 ，隔離左右啲人都食得好斯文好安靜 ，全部都係有修養嘅食客。

今日去灣仔食泰國菜，呢間新開張餐廳位置在閣樓，裝修風格、牆上壁畫、別具特色的吊燈，都好有泰國feel。我哋order左以下泰國菜必點食物：小食拼盤: 有魚餅、蝦餅、春卷及肉丸生菜包。魚餅裡面有檸檬葉和切粒豆角，鯪魚肉有啖啖魚香；蝦餅煎得香口，蝦肉爽口Q彈；春卷炸到金黃色，餡料就有咖喱味既椰菜同粉絲；肉丸生菜包D肉丸微辣，用新鮮生菜包住嚟食，正好中和左D辣既感覺。泰式炒通菜: 通菜好翠綠，泰式炒法帶少少辣，仲加左麵豉醬，很惹味。菠蘿海鮮炒飯: 飯炒得好乾身，配上燒過的新鮮菠蘿，酸酸甜甜，配料仲有大蝦、青口、魷魚、肉鬆、腰果、提子乾、臘腸粒，口感十分豐富，份量好多。芒果糯米飯: 糯米飯煮得軟糯有粘性，芒果香甜，淋上椰漿後，入口充滿邪惡感，但又超級好食。整體感覺，食物好地道，而且非常美味，員工服務殷勤，值得推介。

每次經過灣仔，都見到修頓對面有個街市仔，但就偏偏唔知道原來上邊都有樓上菜，仲要係咁好食嘅泰菜。👏🏼👏🏼餐廳係好傳統嘅泰國餐廳，冇乜fusion菜，顯然對自己嘅食物質素非常有信心。👌先來就叫咗個噴靚咖喱海鮮，噴靚咖哩其實係由紅咖喱加埋花生椰奶熬煮而成，味道比較一般紅咖喱會甜一啲，而且醬汁會比較濃稠，最啱就係配薄餅一齊食，傳統上咖喱亦會有酸子等材料，咁啱呢度跟足傳統，所以個咖喱唔會越食越膩，保持清新的口感👍🏼👍🏼再來就係炸肉丸生菜包，肉丸外層係麵包糠，金黃香脆，內裏口感綿密，唔好睇小佢，其實佢係綿裏藏針，辣椒嘅後勁十足，令人食上癮。不得不提嘅係，醉酒佬炒豬肉碎肥粉，肥粉有啲似係外貌係河粉嘅薯粉，最令我欣賞嘅係餐廳用咗好多唔同口感嘅嘢去炒呢碟肥粉，有爽口嘅生菜，有煙韌嘅肥粉，亦有實淨嘅蘿蔔，所以食落去口感好豐富。埋尾我哋仲叫咗個燒雞，雖然準備約時間比較長，不過真係仲炭火去燒出嚟，所以味道係值回票價😋食咗咁多嘢，買單都唔使$500，講真港島嚟講，我又真係冇乜食過呢個味道呢個價錢，佢值得更多人支持🤩

朋友仔中意四圍去搵好野食，今次佢話帶我食一間隱世泰菜，佢平時附近番工都上嚟食lunch。暫時未有得去旅行，食住泰國菜先啦。呢間餐廳全部員工都係泰國人，廚師🧑‍🍳侍應都係泰國人，咁先會有至正宗嘅風味！餐廳好易搵，其實地鐵站一出，過馬路已經到。一上到去，地方好大，四圍都掛左唔同嘅畫，幾有泰國feel。之後餐廳又播泰文歌，又聽住啲職員用泰文溝通。um。。真係去左泰國🤣馬拉盞炒椰苗椰苗真係好少見，價錢又貴，呢度食一份只係83蚊，仲要好大碟。廚師炒得好香，仲有啲好辣添。不過真係好好食！串燒（豬&雞）哇。啲串燒好大串，滿滿嘅一串肉！燒到好香又唔會過燶。啲肉係嫩滑，一啲都唔鞋咖！重點！一定要沾佢個沙嗲醬，真係好好食，勁香濃嘅花生味🤤海鮮青咖喱配薄餅朋友話呢間青咖喱好好食，係必點。青咖喱入面有蝦，青口，魷魚，八爪魚。仲有泰國茄子，青豆。。。好多材料佢個青咖喱好香椰漿味，慢慢食落去就有小小辣。配薄餅真係超好食！我地食完一份唔夠，再加點左一份😂佢個薄餅好酥脆，完全不油膩大蝦炒金邊粉Wow。。隻大蝦真係好大隻！勁大隻，個蝦頭仲有蝦膏咖，啲肉質爽口彈牙！金邊粉好煙勒，加左青檸酸酸甜甜，好正。一份好大份！泰式奶

今晚和家人在家慶祝情人節。唔想老媽辛苦，我放工順路去新嘗泰泰國餐廳買外賣回家吃。上次和朋友吃過覺得好食抵食，今晚encore。餐牌選擇多，想吃的泰式美食都有。今晚主力買家人愛吃的菜式。曼谷海南雞半隻都好足料，調味適中不咸，雞肉嫩滑，去了骨易食。脆炸盲鰽配青芒果絲好正，魚炸得香脆，魚肉鬆化不腥，魚皮脆，魚骨不多不用担心哽骨，青芒果絲爽脆微酸，炸蝦干香口，辣汁開胃。串燒沙爹無欺場，即叫即燒，雞肉嫩，豬肉有肉味，沙爹醬香口，必食。炸蝦餅都好食，蝦餅彈牙，點甜酸汁正。甜品芒果糯米飯不可錯過，芒果肉多酸甜，糯米飯加埋椰槳綠豆干微甜有口感。大家話飽都搶住吃。四個人吃飽飽，好滿足。每人$130左右，抵食，好過出街迫。

今日lunch同埋同事一齊去試吓呢間開咗冇耐嘅泰國菜餐廳。叫咗個乾炒豬肉片肥粉，份量充夠，炒粉好夠鑊氣，而用嘅肥粉都好特別，同一般食開嘅河粉口感唔同。😋喺灣仔區嚟講佢個lunch menu (淨係星期一至六供應)嘅價位真係算大件夾抵食👍🏻(~$70)，仲免費包一杯嘢飲，轉特飲先要加錢。另一個加分位係坐低堂食都唔使收加一服務費。😉不過呢度就淨係收Cash同埋淨係可以walk-in，唔可以預早book位就相對較趕，位置都比較難搵，兜咗一陣先揾到。

為食妹👧🏻最鍾意試新嘢。灣仔有間新開泰國菜。位於灣仔小巷裡。望望餐牌。價錢算親民🥰。食泰菜點椰靑是常識吧❤️。✨海南雞半隻🐔肉質香滑蘸上醬汁滋味無窮👍🏿。✨串燒沙嗲（6串）通常有三個口味。這裡只有豬肉或雞肉。我們選了三串豬肉三串雞肉。串燒燒得焦香噴鼻😮‍💨。雞肉肉質比較嫩滑。✨菠蘿海鮮炒飯有驚喜😍。賣相非常吸引。有大蝦。腰果。肉鬆。魷魚。青椒。一大串菠蘿🍍。炒飯炒得乾身。勝價比高🫶🏻。✨芒果糯米飯無論幾飽都要留返個胃俾甜品☺️。芒果🥭鮮甜。糯米飯椰香味十足。

今日約咗朋友食生日飯就揀咗我哋都工作嘅地點灣仔原來新嚐泰已經開返喇❤️而家更加好坐添🥰.我哋嗌左鳳爪沙律，第一次食原來係咁正㗎非常之酸痛啦好開胃而且鳳爪有好多隻一啲都唔小氣！呢個價錢好抵食😀.另外都叫做酸辣明爐蒸魚魚肉💪🏻湯底又係酸酸辣辣咁🤣好開胃!! 食晒都唔會濟架😍.同埋仲有一個炸肉丸生菜包😃第一次食佢都有少少似福建嗰種炸肉丸！好香口架，炸肉丸係微辣唔會好油，而且係用咗好香嘅花生油整，入口仲有花生香氣☺️夾買生菜食就清新返😘.甜品一定要叫芒果糯米飯🍚芒果超大件又勁甜，唔係浸糖水嗰啲呀！重點係糯米飯！軟熟兼甜味適中☺️上面仲有鹹鹹甜甜嘅醬加脆卜卜，一齊食口感豐富又冇咁膩😉 #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

早幾日同朋友去呢間樓上舖泰國餐廳食晚飯，裡面裝修得好有泰國特色，牆身既壁畫好靚，同埋座位寬敞，坐得都幾舒服，職員態度好nice，值得一讚👍我地見餐牌都好多選擇😆最後我地揀咗：明爐蒸魚（$172）賣相好靚😍配菜酸酸辣辣好開胃，連d湯都忍唔住飲埋🤣，魚肉既嫩滑又新鮮，好好味，連埋d配菜一齊食味道好夾👍蟹肉奄列（$153）正係賣相已經覺得好吸引，奄列包住蟹肉好鮮甜，撈埋甜酸醬一齊食更加惹味😋芒果糯米飯（$68）糯米飯食落去口感好煙韌，撈埋椰槳一齊食，椰汁味好香濃，芒果都好新鮮好甜👍椰青（$48）好大個椰青份量好足🤣，好清甜，再食埋椰青裡面鮮甜既果肉，感覺好滿足😆好似去完一轉泰國甘🤣

想食泰國野，基本上係人都知，一定係九龍城最正宗，我呢d港島人，要我專登過海，唔好啦…咁港島又有無平靚正性價比高既泰國野？只要你有心，唔會話無既，灣仔呢間「新嚐泰泰國餐廳」就絕對係高質小店！👇📌Starter -  ▪️ Grilled Satay (Chicken) - $88/6pcs▫️ 先整個小食「串燒沙嗲(雞)」，我揀左雞肉，一入口食到明顯炭燒香，肉質做到非常嫩滑，唔會過熟太硬身，再加埋餐廳自家製既沙嗲醬，甜甜地夠哂惹味！📌Soup -  ▪️ Tom Yum Soup w/River Prawn - $128/S▫️ 跟住就係泰國野無可能唔嗌既「大頭蝦冬蔭公」，我揀左份量size細既，兩個人就岩岩好，味道夠哂濃香，加埋兩隻大頭蝦，肉質爽彈，而大廚落既湯頭相當足料，果種香味層次感豐富，呢個絕對係正宗夠地道果隻，必嗌！📌Curry - ▪️ Yellow Curry w/Roti (Pork) - $98▫️ 咖喱亦係我鍾意既環節，我揀左個「黃咖喱跟薄餅(豬)」，豬肉份量都幾多，加埋薯仔、洋蔥呢D配菜，夠哂滿足；而薄餅焗完上枱仲非常辣手，牛油味超香，外脆內軟，同黃咖喱可以話係絕配！📌Nood

放工時間企左係灣仔站，人來人往，上網睇吓有咩食，結果就揀咗呢間距離地鐵站超近的泰國菜，係隔離的石水渠街私樓1樓店(無鎖) 。 見佢近近地，個名又好配合香港的情況XD小食拼盤食親泰菜都會叫拼盤，因為樣樣都有，呢個拼盤仲cover勁多choice，有成4款，分別係魚餅、蝦餅、春卷及肉丸生菜包。上枱賣相好靚仔，熱騰騰入口👍 佢個肉丸生菜包好得意，唔似出邊咁肉碎，然後食到跌到週圍都係，會將個豬肉變成肉丸，用生菜夾住食，體驗新奇😜 (年頭去完泰國，都未試過咁食法) 噴靚咖哩跟薄餅 (海鮮)除左平時的紅黃青外，呢到有penang curry👀 最鍾意嘗新嘅我就叫咗黎試下，原來佢唔單止加入紅咖哩膽🌶同辣椒膏，仲會加入椰汁🥥和酸子等香料，令到個口感同味道同平時的咖哩大不同，入口Creamy。 海鮮料有青口、蝦及魷魚等，絕對唔馬虎🙊 跟餐薄餅就唔會好油，瘋狂點上咖哩汁後，層次再提升一個檔次，令到我想額外添多份薄餅啊😜😜濕炒粉麵 (肥粉，雞)較闊身河粉更肥的澱粉質，濕炒整法可以配上大量雞件、粟米芯、菜芯及甘筍，每啖都會好多餸，邪惡飽肚之選😈珍多冰份量大約係1.5人份，唔係用窄身的杯，珍多質感爽滑厚身，唔錯

環境5分：入大廈要㩒鐘，正常樓上餐廳格局，地方都算大同闊落同光猛，牆上面彩色圖畫，一邊嘅窗可以全部打開，非常通風涼爽，好有泰國風味，可以畀五分。衛生5分：新舖地方好乾淨，枱面一Ｄ都冇黐立立，衛生一樣畀五分。服務5分： 服務員態度好，爽手又唔囉唆，服務畀滿分。味道5分：1)    小食拼盤有齊魚餅，蝦餅，春卷，肉丸生菜包，大部份都切開一半，方便入口。春卷入面好多粉絲同有少許咖哩味，非常特別，最正係個又爽又脆卜卜嘅蝦餅。2)    馬拉盞炒通菜野味，都算辣，好新鮮。3)    曼谷海南雞雞肉非常嫩滑，個汁辣辣地好開胃。4)    雞油飯唔會太油，份量大過普通一碗飯。5)    泰國勝獅啤比普通大杯，清爽好抵飲。抵食5分：平均每人兩百幾蚊又食肉又食菜又食飯，仲飲埋啤酒，好飽肚，抵食可以畀五分。

又去發掘香港正宗泰國菜，今次嚟到灣仔街市一間樓上泰國餐廳，餐廳裝潢非常用心，有別緻既傳統泰國擺設，而且店員用心推介，即使外賣亦都熱辣辣😎😎人均$150左右，CP值好高❗️噴靚海鮮咖喱跟薄餅Penang Seafood Curry with Roti $108香濃咖喱充滿椰香味，甜甜地唔會太辣，非常足料，有鮮蝦青口等等，咖喱醬配上香脆薄餅非常惹味😋泰式燒豬頸肉Grilled Pork Neck Meat in Thai Style $95炭燒豬頸肉好juicy，唔會太乾，油脂亦非常充足，口感嫩滑，沾上泰式醬汁直頭還原泰國風味😍菠蘿海鮮炒飯Stir Fried Rice with Seafood & Pineapple $108炒飯份量大，好適合同朋友share，酸甜菠蘿配上新鮮海鮮，炒飯吸收當中嘅精華，超香口🤤

久不久就會想吃泰菜，有一段時間沒有吃，就相約朋友吃泰晚餐，這次選擇到灣仔的一間新餐廳。港鐵站出來很快來到石水渠街，餐廳就在一座大廈的一樓，地點位置非常方便。濕炒雞肥粉$88一定要試的肥粉，之前從沒吃過，它像泰式闊身的河粉但不那麼易變碎。喜歡濕炒有大量的汁料而味道很吸引，不會太鹹又炒得香，選了雞作配料但亦有一些蔬菜，有粟米芯、豆角、甘筍等五六種款式，又煮得剛好，有應有的爽口感。粉絲大頭蝦煲$208兩隻巨大的大頭蝦成為焦點，白雪雪的蝦肉相當搶眼，咬下去蝦鮮味和質感也相當不錯，而粉絲炒得乾身有濃的薑味和一些八角。泰式炒椰苗$78泰餐廳特有的椰苗，口感帶煙靭，泰式炒微辣有刺激感。泰奶茶$40比想像中多的泰奶茶，足夠二人分享，沒有泰國當地的超高糖度，糖份較為適中，奶和茶香平衡，推介。芒果糯米飯$68今晚的芒果不算超甜，甜甜酸酸和獨有的清香也不錯，配上甜而軟糯的糯米飯，也相當有風味。

.呢一日夜晚我哋去咗灣仔石水渠街呢一間泰國餐廳🇹🇭🇹🇭大家行到入去石水渠街跟住見到包點達人然後喺隔離 搭一層電梯就搵到了🤩地理位置非常方便🐷 而且非常出色❤️❤️.🐷泰式燒豬頸肉 👅8.5/10 $95（之前去過旺角某一間幾出名嘅樓上泰式餐廳🇹🇭 但係一碟豬頸肉 得嗰幾塊😩 仲要收我成$100 真係好失望🙍）但係今次食呢一間竟然有13塊😮😮仲要每塊豬頸肉都好大塊 同埋唔會切到「薄eat eat」😆 塊塊豬頸肉都好好咬相信鍾意食豬頸肉嘅人 都係因為豬頸肉嘅肉質非常爽口 呢一碟豬頸肉都唔例外🐷❤️✨仲有一個泰式醬汁俾我哋點豬頸肉🐷🐷 非常惹味🤩.🐷木瓜沙律🥗🥗 👅8/10 $88呢個木瓜沙律好大份🐷 我哋開頭都好驚辣 所以同我店員講話想要少辣🤏🏻🌶️ 不過好似都仲係幾辣🌶️🌶️ 睇嚟我哋真係唔夠歷練😂😂 大家如果唔係超級食得辣 下次去嘅時候可能問吓佢有冇得BB辣…👶🏻🌶️ 或者走辣😂😂 （但係有少少辣味🤏🏻🌶️應該會好食啲）呢個沙律上面有啲脆卜卜嘅蝦🦐 非常香脆可口 （啲蝦本身唔辣的）而且個沙律有啲豆角 同埋青木瓜、蘿蔔絲 全部都非常爽脆🐷🥗而且仲唧左啲青檸汁落去 成個沙律更加freshhhh🥗🥗.🐷泰式