新城潮州飯店

營業中

休息中

吃完粥，忽然想吃潮式魚，便驅車前往九龍城的「天字一號」心水店，在城南道下車，卻見該店早已打烊，唯有再四處逛逛。見這裡的燈火仍亮，問過還有魚，便二話不說的坐了進來。吃魚飯，最愛烏頭，貪其夠肥美。但已近夜深，烏頭售罄，退而要了一條大眼雞。此魚肉多骨少，肉質是一貫的略為粗鞋，中下價魚，意料之內。幸好沒啥腥味，淋上一點熟油，味道也不錯。轉眼已「魚去肉空」，始終都是喜歡吃魚的人。連「大力」一支，合共65元，價錢合理。當然，要吃好一點的魚，還是到老字號的潮菜館較有保證。 離開時店主經已在店外設檯吃夜宵，看來也是接近打烊的時間了。

星期六夜晚,朋友帶我去食,大約7pm 去到,時間尚早,所以仲有位,到左7:45pm開始多人 煎蠔餅- 呢個真係要推介,蠔仔夠大隻又多,煎得好香,有4塊咁多,抵食墨魚拼生腸- 墨魚好爽,正,生腸麻麻地滷水鵝片- 唔係好得囉,好老, 墊底既豆腐又吸晒d 鼓油又覺得好咸鼓油至炒豬肉(定瘦肉) - 朋友極力推介,都係幾香既,送粥好出,我地唔食得太咸,一落單時已經講定叫廚房唔好整得太咸,整出黎之後,都ok 接受到3個粥+2 罐coke 埋單$195

去打冷總會想起啤啤佢!所以食物都要配合番飲啤酒先至合適!新城d食物,坦白講,都好肥膩吓,例如煎蚝餅,鹵水鵝,就算碟春菜都肥..如果怕肥嘅人,特別係女仕,就一定怕怕!不過,如果以味道嚟講,新城d食物,係值得食!因為佢肥得嚟夠味!吹脹!!推介嘅食物係肥鵝肉,肥鵝腸,肥蚝餅..哈哈!唔好漏左板大啤!!

前晚專程去找在九龍城打波的暖豬同他的波友食飯。一行人來了這裡。叫了很多東西。蠔餅好好味。雜菜煲，金銀蛋時蔬，西檸雞，墨魚片，大眼雞，炒蜆，蠔仔粥，全都很好吃。最最最正係壓軸的胡椒鹹菜豬肚湯，係極品，好辣，好好好味。係要多人先可以吃這類的。今次成11人，所以可以吃得很盡興。好開心呀。

16/12(六) 9:30pm於土記做面後已是9時多,肚子還是空空如也.跟男友會合後,便乘的士到九龍城覓食.週末的九龍城與平日相比可說是兩碼子的事.稍為有名氣的食店均擠得水洩不通.路過此潮州食店,見人流不多,肚子亦發出警號,更加不願呆在街上吃著西北風等位,決定到此店試試.店內環境佈局是典型的平實街坊食店,坐於圓木摺椅配上圓木桌,幸而人客不多,坐得挺舒適闊落.我倆神速地翻閱餐牌後,點了胡椒豬肚湯$30,豆腐拼韭黃炒蜆肉$30,炸蠔餅$30,腿茸炆紹菜$30,花雕蒸奄仔蟹$48.胡椒豬肚湯$30--極之足料,加上豬肚爽而沒異味;唯胡椒過重手,令湯頭味太嗆.豆腐拼韭菜炒蜆肉$30--條狀豆腐質地嫩滑,入口時還暖暖的;滷水也做得味道恰好.至於蜆肉體型如豆豉般大小,味雖非極鮮卻帶微辣,相當惹味,配以韭菜粒,佐粥一流!炸蠔餅$30--不推介的一味!蠔餅炸得不夠乾身,吃了半塊已感油膩得很;而且粉漿太多,萎縮的蠔仔鮮度也不見得高.腿茸炆紹菜$30--切絲的紹菜十分清甜,加上略帶甘香的腿茸,味道簡樸而美味!花雕蒸奄仔蟹$48--奄仔肉質較削,幸而味道尚算鮮甜,亦滲入了淡淡的酒香,$48的貨色算是有交代!

響final exam 前同0的姊妹聚一聚,減下壓,叫左:蠔仔粥: 好味,蠔仔好大粒姜蔥蟹: 肉比較少,但$38係甘上下胡椒豬肚湯: 太咸,好重胡椒味,飲2小碗已經頂唔順蠔餅:一般滷水鵝片:一般滷水生腸墨魚:生腸好味0的滷水鵝掌:又係咸左少少Overall, 一人$70的價錢,都叫抵食!

新城的食物, 不過不失, 最例牌的煎蠔餅, 蠔不算少, 但不知何解, 油味好像蓋過一切。鹵水鵝方面, 平凡, 不能說是差, 但很難跟陳勤記去相比。潮州炒麵線就不及同一條街的南記了, 反而是心形的糖醋麵幾特別, 但都是賣相吸引, 味道一般。

蠔餅--味道偏淡, 蠔仔份量真係好少, 個蛋漿唔係好脆口, . 唔係好油. 胡椒豬肚湯-- 太少豬肚，好多酸菜. 胡椒味夠.豉汁蒸烏頭–一般啦, 不過唔覺我個豉汁有味.欖菜肉鬆炒四季豆–ok, 但鹹左d排骨春菜-- 排骨無味, 春菜都幾好味.蝦球/蟹球(唔記得個名) –唔彈口, 唔覺鮮味. 整體上一般, 個人覺得唔會反丁囉因朋友請客, 所以唔知幾$.

已經黎食過好多次琴晚又去食叫左蠔餅,鹵水鵝同醬爆腰果美味骨蠔餅,鹵水鵝同醬爆腰果美味骨蠔餅～蠔仔份量少左,無以前咁啖啖都有,雖然仍然幾脆口,但比起以前黎食油左好多,無以前咁正,朋友仔仲話鹹左d鹵水鵝～原來係可以特別叫佢用豆腐舖底,鹵水夠入味但唔會太鹹,可惜又係比以前用多左油醬爆腰果美味骨～腰果脆口,美味骨即係粒粒豬扒,又油d味又唔好,最衰係等左成四五個字,每碟逐樣食完逐樣上,等到頸都長埋總括黎講打冷食物較好同穩陣小菜等得耐又唔好食

星期六同男友去咗九龍城食飯, 佢帶咗我去打冷, 好耐無食過打冷, 好開心!環境方面要求不要那麼高, 打冷地方係咁上o下．（但係我聽到隔離枱投訴，好似話ｄ菜裏面有ｄ乜野咁，好彩無小朋友，如果唔係會嗝親）但食物方面就好得，我地叫咗：鹵水豆腐　（ｄ鹵水汁好好味）蠔仔肉碎粥　（ｄ蠔仔好肥美，ｄ粥好鮮甜）胡椒豬肚湯　（男友話正，但我覺得可以再多少少胡椒）蒸烏頭　（配料有香菇，ｌｅｍｏｎ，香矛，蔥頭，好味）本來仲想食煎蠔餅，但怕熱氣，皮膚敏感不能食蝦蟹，下次好番一定要再食過！

昨晚睇食評諗住來呢到食打冷，但係係門口見到環境好差，而且又唔乾淨，最係去前少少既南記，雖然南記乾淨，但係野食麻麻....

天時暑熱打冷就至O岩今日去完APM睇戲黎左呢度食飯叫左蠔餅,潮式炒魚麵,鹵水鵝蠔餅～新鮮炸起,好脆口又唔算油,都幾多蠔仔架,幾好味,好大碟,都只係30蚊,抵食過廟街O個D! 但用黎點食既魚露就鹹得滯喇!潮式炒魚麵～叫左佢少油,都仍然油水十足,除左魚麵外,佢用左韮王,芽菜,鮮蝦仁,芹菜一齊炒,味道OK!不過可能因為都油左D,而且唔係太肚餓,結果食剩左要打包鹵水鵝～同上次一樣咁入味,但就比上次多左D肥肉少左肉食,而且今次又轉番用花生舖底,呢樣令我好失望

因為老豆鍾意打冷，所以幾乎每星期都會黎一次呢度d蠔餅及蠔仔粥都唔錯d蠔都有又大又飽滿鹵水大腸都好好不過都不及鹵水鵝，每次叫例牌都會俾鵝脾，勁正!!

星期六一行三人，各人身體都有不適，未能試試泰國菜，於是就去左新城，點左以下菜色，咸菜豬肚湯-太少豬肚，本人覺得胡椒味夠，但其他人覺得唔夠鹵水鵝-不錯，鹵水味足油麥菜豆豉鯪魚-ok....但係唔夠豆豉鯪魚蠔仔粥-好味，蠔仔大粒，足料豉椒炒蜆-唔似一般食店，佢地個汁比較"希"，但味道好店員好有禮貌，主動跟邊樣菜到。

記得男朋友第一次約我出街食飯就係去lee 間鋪頭(佢好cheap), 叫左蠔餅同鹵水鵝, 其實我果陣係第一次食潮州野, 見鋪頭門口掛曬D食物出黎, 整蠔餅果個爐又係出面, 好驚唔乾淨. D野食到左果陣, 佢一夾就夾左好多比我, 唉... 我果刻唯有硬著頭皮食啦, 唔通嫌三嫌四, 以為我係大小姐咁. 點知一食~~~ 好好味, D鹵水鵝好正, 連鹵水鵝下面D豆腐同花生都超入味, 原來鹵水鵝係咁好味, 果晚我一個人仲叫左兩碗白飯撈埋D汁潻呀. D蠔餅都好正, D蠔好鮮味同好大粒, 我男朋友話正宗既潮州蠔餅係用鴨蛋, 但係佢地就用左雞蛋加鴨蛋, 但係都好好味. 自從果日之後, 我就成日走去喇, 有時一星期可能去兩三日潻呀, 當然係男朋友陪我去啦^_^