新城潮州飯店

營業中

休息中

話說老爸上次經朋友介紹 去過呢間潮州打冷食過一次晚飯 得性價比唔錯 食物質素都幾好今次就特登帶埋我同老媽一齊嚟食 .潮洲鹵水鵝.鵝肉滷水汁好入味肉味好夠 淋得黎又滑✨下面有花生豆腐伴碟反曬光的油脂 🤤天呀偶爾一次好了 大滿足！.潮式的水瓜烙.是很多潮州菜館也很罕見的菜式我都係第一次係九龍城呢間潮州菜館食到一試便愛上！ 係我鍾意嘅澱粉質薄餅類水瓜烙係用水瓜 蝦 花生加入番薯粉煎至金黃薄餅🤤因為用番薯粉嘅關係所以佢嘅口感係比較煙韌🤤而且佢唔似蠔餅咁油炸係慢慢煎至金黃 少油又健康點完全係我的菜！多次光顧都係為咗食佢🤤❤️大家不妨一試.韭菜豬紅.入到去見個個都嗌左碗 我地當然唔執輸啦其實今次係我第一次食豬紅豬紅軟熟又滑 份量好多下下面有炒過的香口韮菜表面有層厚厚的油 不過第一次試食還不錯 豬紅真係幾滑.呢間潮州菜館性價比都唔錯 可以一戰啊

幾個舊同學聚舊加一位同學嘅媽媽 5個女人本身book左枱7:45不過實在太多人食緊/等位去到都要排隊等左約30分鐘到比到枱我地嘅時候發生左段小插曲就係被其他排隊嘅人誤會左 坐左我地張枱！咁個店員阿姐都無乜反應同學嘅媽媽發揮左據理力爭嘅本令最尾我地都攞番張枱今晚叫左：鹵水鵝件 （掂！好味入味，係有D肥）鹵水墨魚拼鵝腸 （掂！入味爽口）韭菜豬紅 （掂！個汁香濃，不過韭菜有D老）蠔仔粥 （夠足料，不過蠔仔無乜蠔味）糖醋煎麵（心形架香口野，加左糖醋後個味有D似大 閘蟹）大眼雞魚（吾掂！無乜肉吾算新鮮又貴收170）豉椒炒蜆（掂！蜆肉新鮮，豉椒抄夠鑊氣）薑汁介蘭 （吾掂！菜好老）買單吾肯定幾錢，朋友請客有印象每樣大約$70-100

事隔三個月又再來這店, 喜歡佢全無做作, 或者你可以認為咁叫不修篇幅, 但睇嚟咁嘅樣佢又做咗二, 三十年, 以前唔改將來亦唔變, 呢d咪有性格囉, 是夜來試咗兩味, 炒魚麵, 從未食過魚麵, 猫麵就比較多食到, 口感係彈彈地牙, 好重魚的味道, 食頭幾啖同菜類一齊食幾清新好味但食到尾聲時會覺得味道幾濃下, 可能兩個人食的關係, 叫的品種唔多, 變成同一類食物一時間食多了, 味道殘留多了,但完全是做得超好的一個魚麵, 建議四個人食會合適一點!啫啫雞煲 $70 傳統做法多油版本所以一進口己經滑進去咁, 同煲的還有豬潤都是緊緊熟, 雞件雖深色但完全唔係咁濃味肉質亦保持到嫩滑, 雖然面頭好似好多綠色但其實內裡並唔係咁多薑蔥, 個人認為可以多d, 兩個人來只能食到咁多, 

今晚興起諗住去九龍城食番間潮州打冷 食碗粥清清腸胃 點知岀奇地失望 我地一行四人叫左五個餸 碟紅腸併鵝腸非常失望 鵝腸又細又短 重點係十條都冇 紅腸就俾勁多 仲搵d菜墊底 稍為好d係個鹹菜魚同個水瓜烙 煎得幾唔錯 蠔餅就正正常常 最差嘅係碟蒜蓉炒油麻菜 未食已經見到層油係面上面 即時唔開胃 即使用茶浸左幾次仍然未能去油 食完之後個肚仲覺得有d唔舒服有d漲漲地 埋單都要過300蚊 感覺完全唔抵 絕對冇下一次 衛生仲要差差地 若果想坐得舒服呢間唔會係一個好選擇

屋企人番來香港，因已經好夜，所以帶佢九龍城食潮州菜.點左一碟三餸有花生菜普酸菜，咸菜門鱔，大腸併尤魚。三餸最岩我地配酒，大腸肥美，無臭味，尤魚爽口，間中會係鋪見倒明星

今次其實不是第一次去，同屋企突然想食潮州野，所以就唸起新城。環境普普通通，冷氣開到好行，入到去好凍一坐低就叫左碟紅腸拼鵝腸(因為未齊人) 鵝腸乾淨同有咬口，紅腸就一般，無乜特別。人齊了，就起菜啦首先係招牌蠔仔粥(窩)，平令正夠6個人食2碗，淡淡都有蠔仔，足料到呢！之後就係蠔餅，又係必叫既，唔熱氣得黎炸得又脆口，一流！水瓜煮魚肚，還可以，唔腥鹵水鵝片/件，味道一流，入味，份量適中，鹵水唔太咸，唔會得咸味無左鵝味春菜，有腩肉做個汁，令到個菜好野味，呢個菜口感同味道同其他菜好唔同，都係必試！咁點解話老實呢？因為海鮮都係睇每日黎貨好定壞，咁你問侍應一定話乜都好既。不過呢間唔同，本來想食蟹，但係老闆話唔令，介紹聖子王。又大又肥美，仲有粉絲係底一流！

記得第一次來這間潮州飯店是男朋友帶蝴蝶結姐姐來食的一味反沙芋教我一直沒齒難忘 要再來幫襯也 鬆脆的白脆糖包裹著軟綿綿的芋頭 非常好食印象中不知不覺就食了多少粒呢 另一味蝦乾炒韭菜花又是非常推介金香的蝦乾伴著幼嫩的韭菜花 爽脆、清甜又可口 這次再點了一客蒜香骨 炸至金黃的蒜粒，鋪滿炸香的排骨上 甘香惹味，而且，排骨入口 一點也不韌配白飯就最佳了 姐已把這間餐廳列入心水之選 為了這個反沙芋，我會一而再，再而三的幫襯

香港難揾間正宗潮州打冷，普通打冷店無做正宗潮州手功菜。拒絕朋友食泰菜，open rice揾間潮州舖回味下。 呢間店內外唔吸引，但菜色令人好想食。坐底先知朋友唔食內藏及家禽手手腳腳，好多菜唔食得。鵝片 一定不能不點。 滷水菜每家味道不同，這家不太咸，鵝肉好冧。蠔餅 好脆，蠔也不少。炒魚麵， 魚肉做麵，幾特別。配一碟 蟹棗併蝦棗， 棗好足料。原本想試 八寶大腸，見相炸出來好正，但朋友見未煮前白腸，佢放棄。 下次再來九龍城，自己試其他菜式

新城潮洲飯店 或 新城茶餐廳路過多次 見門口內部都很舊 見好多熟客 勞動人 街坊 青年男女玻璃境內一堆熟食 眼球享受有燒肉雞义燒 蒸炸魚 蒸炒旦 肉 炒菜...三餸飯$32 有湯有茶 底食 早餐 & 炒粉麵飯 好多選擇入到店內 店雖然舊 算整潔有條理“老闆娘“ 好有親切感 又出餸 又畢湯 又落單 吩咐夥記送外賣好有精神活力 控制晒大局早餐 $25 坊間都冇乜鋪咁平豬扒湯麵 + 腸仔旦+牛油方包簿身大塊豬扒 唔嚡 唔會那得太淋旦竟然係即煎 旦黃浮動檸檬茶 係用舊款大杯 好懷舊方包軟熟 少牛油老店買少見少 好奇咁探索舊店 會再來試吓 蠔餅

這晚在九龍仔公園做完運動順道同太座兩個人撑枱腳, 曾幾何時有次同友人d某晚食完晚飯經過這店, 友人d見到門口阿姊在製作”炸蠔餅”看得他口水直流, 這晚我們雖然來了但仍然無叫炸蠔餅,先來鹵水鵝一碟$80, 賣相正常, 但估佢唔到隻鵝的肉係淋夾滑, 鹵水汁味係有份沉鬱嘅氣味! 唔知呢d係咪成日講那種用咗半個世紀嘅鹵水汁之類嘅野, 不僅僅只是中式鹵水料/中藥材的氣味,所以是晚好少醮白醋汁食,蠔仔粥$45/碗, 大大碗足料, 連冬菇絲都有,雖然無咩冬菇味但誠意十足! 蠔仔都唔少喎!花生雞腳$40 係小食, 呢個算係全晚至難接受的一品, 不過都明白呢個小食看似做法好簡單但要做得好食殊不簡單, 尤其是用的是預先炸咗嘅雞腳, 這裏明顯是煮過了頭, 骨肉分離得很, 筋更加不用講了, 花生就還可以的, 個汁味道沒有過咸, 蝦乾炒韮菜花$70 呢個韮菜花好嫩身, 蝦乾是處理過的所以一咬下去感覺濕潤之餘又剛剛好的咸香度, 色香味齊的一碟小炒,服務只有一個阿姊把關, 貌似懶懶閒但可能係做咗好耐呢個岡位, 半成功力已經足以應付了吧, 所有價錢一早已了然於胸, 食物質素比價錢高值得再來發掘一下!

因為交通不便, 個人很少去九龍城開餐, 今次因為朋友生日聚會不得不來, 新城潮州飯店是傳統舊式潮州食店, 茶餐廳格局, 順理成章……裝修欠奉。******************************潮州蠔仔粥材料很豐富，內有蠔仔、柴魚、肉碎及香芹等, 蠔仔新鮮, 粥底唔腥, 不過就稍為鹹了點。滷水鵝片淡淡的滷水清香, 鹹甜適中, 鵝薄薄一片, 尚算嫩滑。肉碎四季豆半肥瘦肉碎炒得香口惹味，偏油略鹹，送飯一流。心形糖醋麵趣緻心心啱晒情侶食 糖醋麵表面煎得焦香，邊位脆口，伴以糖醋同吃，滋味滿分，今晚最like 的一味新城整體偏鹹, 食完有點口渴, 不知是否潮州人好濃味之故, 不過每人$60 可以食到滷水鵝片及蠔仔粥, 咁抵食, 什麼不足之處都包容到啦。

在九龍城上班的日子，發現最抵食的食肆算是這一間，所以光顧的次數最多。午市快餐，有例湯，茶啡，都是$32。老實說，地方是較古舊，老闆娘粗聲粗氣，但笑容可掬，而且非常勤奮，親力親為，是傳統潮州人的性格。咖啡較濃，奶茶尚好。綜合好幾次的午膳，整體都很滿意。例湯多是紅蘿蔔，青蘿蔔，瓜，粟米之類，不過不失，週不時見熟客問取湯渣，相信不少是熟客。蒸鯇魚，配上幾條唐生菜，一大碗白飯，不要奢望鯇魚蒸得剛熟，但味道和新鮮程度令人滿意便是。乾炒牛河，顏色烏潤，豉油調得不錯，芽菜下得夠，牛肉軟腍，又夠大碟。乾炒叉燒河，大大碟，即叫即炒，夠鑊氣。星洲炒米，又是大大碟，深受勞工階層歡迎，微辣惹味，材料十足。平靚正之選！是我在九龍城的心水店，惟一是地方較麻甩，光顧的大多是男士，從未見妙齡少女入內。

兩隻小魔怪好鍾意食潮式糖醋麵除了脆卜卜好香口之外，亦因為可以任加砂糖 ... 這兒的 潮式糖醋麵 HK$68 賣相很吸晴的 ... 是心型的 ... 不只特別，仲好浪漫 ~ ~面層煎到金黃薄脆、下面的麵條軟腍又有黃香加少少鎮江醋和砂糖一起食就最完美喇 !!!... 又酸又甜、又香脆又軟腍 ... 難怪兩隻小魔怪咁鍾意食 ~~新城潮州飯店是九龍城的老字號潮州菜館，裝修欠奉，價錢相宜 ~ ~店面門口陳列了各式各樣的打冷食品，是較舊式的潮州打冷食店不過，點解這間這間舊式的潮州打冷店，居然有咁浪漫的心型糖醋麵 ???潮州滷水鵝 HK$70鵝件好入味，滷水味濃，脂肪與肉比例比均，鮮嫩又不肥膩大腸拼墨魚 HK$65墨魚片切得太薄，都是鍾意有口感的厚片墨魚椒鹽鳳尾魚 HK$60炸得乾身又夠脆，脆到連骨到可以食埋** 以上分享是以我的口味、喜好和情況作出分享和感受，一試 / 合用與否請自行決定

一行五人到九龍城聚會，朋友提議去打冷，於是訂了檯19:30開飯，共點了九樣食物，非常滿足!!! 1) 生腸拼墨魚: 熱辣辣，兩款食物都非常彈牙，味道不太咸，不用點魚露亦夠味。2) 煎蠔餅：非常好味，份量多，有四大塊，而且煎得非常薄所以特別脆口，蠔仔細細粒很鮮甜份量亦多。3) 鹵水鵝：味道不錯，伴碟的花生亦入味，可是鵝比較肥，肉不算太多。4) 椒鹽豆腐：炸得很脆很香口，可以椒鹽味不多，味道較淡，亦不是蘸o急汁而是自製醋。5) 金菇冬菇羹：份量非常多，每一至少分到兩碗，味道很好，冬菇片非常厚身亦很足料。6) 腐乳通菜：鑊氣很夠，味道稍淡，可是份量很足夠。7) 豉椒炒蜆：雖然味道是很好，他們放了一些魚乾去炒，所以很鮮味，可以有很多是空殼，肉不算太多。8) 心形炒麵：漏了單，等了很久才有，外形是不太公整的心形，可是外脆內軟，伴著醋和白糖來吃的確很美味!!! 9) 反沙芋：真的非常好吃!!! 芋頭非常粉而且熱辣辣!!! 外層的糖已經成為脆皮，而且一口咬下去甜味和芋頭的味道非常合拍，強烈推介!!! 九樣菜式只是六百多元，超值又好味!!! 正!!! 

你是如此的難以忘記! 好一個心型的糖醋麵 !  今天嘉明抽了新股，賺了大錢，他馬上說帶我到一間老字号，就是新城打冷小店!這間老店新城潮州飯店比較偏僻，在九龍城衙前塱道，我要走十分鍾才到!餐廳很古老，但價錢很超值! 我和珊珊，嘉明点了糖醋麵，香菜，鵝腸墨魚和反沙竽! 分量真的很大，尤其是心型的糖醋麵，真的很香口，型狀大大的心型，我覺得賣相一絕最好味是反沙竽，份量有大大的十多塊，味道很香口，竽頭外面很脆，內裏軟綿綿，一間老店竟有如此的水準，四個小菜加起來才二百一十元，真的没話說的讚好!雖然真的有點偏僻，但我還是會再光顧的!