新天地江南美廚 (已結業)

有一日太座睇報紙，睇到一間由陳妙瑛打理、位於大圍嘅食肆遭小偷光顧，失財數十萬。太座提議筆者與住在大圍嘅兩老一起到此食肆用膳(註：話晒此天係三八婦女節，好應該等筆者媽咪抖一抖。臨行前查閱openrice，見食評差嘅多，好嘅少，心裡即時涼了半截，不要緊吧，一路走一路看便是了。到達門口大約六時三刻，門牌已由「新天地江南美廚」變成「江南美廚」。內裡裝修光鮮，人客不太多。雖說以江南菜系作招徠，但大夥兒點嘅都係家常小菜，包括醉雞、担担麵、蔥爆羊肉、素鵝、小籠包及腐竹浸小棠菜。醉雞嘅酒份量充足，酒味充分慘入雞肉內，印象深刻，可惜雞肉有點兒鞋口，如果滑一點就完美了；素鵝同樣出色，表皮煎得有少少脆，配合各種菇類餡料，香口但不覺油膩。担担麵雖然花生香味不明顯，不過辣油嘅香辣味是足夠的，麵條質地尚算有咬口。小籠包做到皮薄，饀料方面色水有點唔慣，白雪雪可能冇落老抽般，不過湯汁十分豐盈，豬肉餡熱騰騰的，比很多所謂小籠包專門店還出色。蔥爆羊肉則相形失色，不但羊肉冇乜羊羶味，唔講以為係食緊豬肉，而且用來包裹羊肉嘅薄罉如橡筋般韌，唔掂！腐竹浸小棠菜清清淡淡的，中和之前嘅香口食物，也是不俗。六道菜共銀三百二十蚊，十分經

昨天中午諗住陪屋企試試人地話用內地師父不錯的菜舘...試了担担麵...麵的顏色偏白..有好少好少麻辣味...湯味偏淡小籠飽皮可以再薄一點雞絲粉皮、美味菠菜餃算不錯個酸辣湯唔掂，主要只係食到好重豆辦醬味.....咁的酸辣湯想起小時候食的即食酸辣湯~第一次食酒釀丸子的丸子清楚見到係切出來，搓都唔搓下，仲要"籟"刀添...差高力豆沙不錯，但要左催右催等了四十五分鐘先到...可能期望太大lu ~ ~...真係唔得~

上星期經過此店門口，比門外的大閘蟹菜式BANNER吸引著。於是入去幫襯。入座時已經9:30。問清楚侍應收幾點(因為大圍區食店好早收)佢話收兩點，就開始叫餸。侍應提議叫蟹粉小籠飽﹑蟹粉石頭飯。見到MENU有"梅菜紅燒肉"(唔記得菜名)，系配蕎麥飽。張相好吸引，所以都叫咗。砂鍋雲吞雞又造特價，又order埋。朋友要食辣子雞，又order。後來侍應話蟹粉小籠飽賣完，改咗蟹粉蒸豆腐。上菜時，就開始有被騙的感覺。"梅菜紅燒肉"蕎麥飽變饅頭蟹粉石頭飯 點解睇得見D飯???張相明明成吋厚蟹粉架!蟹粉蒸豆腐 D蟹粉薄到睇唔到!辣子雞 D雞呢? 細到好似雞軟骨!主菜系辣椒!砂鍋雲吞雞 話好好味道! 但系過咗20分鐘，個口開始麻痺。味精之過。本來叫咗3碗白飯都退咗。因為全部都系凍架。侍應好老實同我哋講如果覺得飯凍可以叮熱佢。唔系呀!您話收兩點而家已經收爐唔蒸嘢，會唔會所有餸都系叮出來架。唔怪得其他客都系打邊爐喇!如果依D系江南菜，禁我真系未食過。食物系一間店的靈魂，我唔系入來食裝飾架。如果做唔到同banner一樣的菜式，唔好出banner。我哋冇食晒D餸就埋單走人，因為實在冇興趣再逗留。埋單部長比張$50

早兩星期,因為初o黎步到,同事們給我攪了個welcome lunch6個人,叫了大約10款點心,款式選擇算多流沙包,鳳爪排骨,叉燒腸,腐皮卷,雞扎,炒年糕, 炒飯...等...都是普通茶樓點心,沒有特別的京川/上海特色點心炒年糕本來不是要正菜絲炒的,但原來想叫的味道沒有,別無他選...但雪菜絲太咸了,年糕又硬,最差之作流沙包,叉燒腸和腐皮卷水準最好流沙包個餡確係流,一咬入去,流沙餡洶湧而出,有些人可能不喜歡太稀,但正中我口味...幸好唔燙到咀...同事說太甜,但我覺得甜味適中叉燒腸皮薄,腸粉皮晶瑩剔透腐皮卷脆口,不太油膩,好味其餘都是一般貨色,填得飽肚而已...埋單老闆請客,粗略計算每人都要$60, 不算抵吃

補18-8-2008食評經過新開不久的"新天地 江南美廚",星期六因太多人排隊,放棄了~今天經過~見到有位噃,反正附近的茶餐廳都吃到好厭了,又未食野,就同女兒去試試先~~叫了"蝦餃"-->>皮薄餡靚,蝦又好大隻~正~粉果-->>皮也很薄~個餡好好味~沙律卷-->>好有內涵,可惜,改用了春卷皮,不太慣~但仍很好味~三鮮春卷-->>好正~(可惜變相叫了兩個春卷,因為同沙律卷外形相若)山竹牛肉--->>都唔錯~蘿蔔糕--->>好正~吃到入面一絲絲的蘿蔔絲~叫了6個點心,兩個茶位,埋單 $99元~照片參考 : http://hk.myblog.yahoo.com/kitypanghk/article?mid=6984

今日老公為我生日前夕早早準備左驚喜俾我, 就係親手整蛋糕俾我食喇! 超感動呀~等蛋糕雪硬其間, 我地選了呢間新酒樓試吓, 我地叫左:流沙包(饀料幾濃味, 但老公話唔夠流沙喎), 小籠包(很多很多湯呀未試過), 紅油抄手(汁ok幾夠味), 高力雪糕(炸蛋白, 入面係芋頭雪糕, 已經唔凍&我地唔like芋頭味), 雞扎, 同老公既特殊癖好:排骨(食得我係咪都會好瘦架?!)嗰度有個玻璃窗望到入面d廚房人包餃子小籠包嗰d, 不過冇人睇啦蹝氣

以前自己做過呢類型既舖頭好多野都心知肚明，所以都唔太鐘意去只係因為佢前身係惠顧多年既"X園閣"而大圍飲荼既冇幾多間所以都去過幾次但感覺係一次比一次差論食物水準以荼樓黎講我認為不錯但以服務黎講絕不合格樓面由上至下都唔掂，尤其o個幾個著黑衣既 (部長/經理)更為什或者太過後生，經驗根本完全唔夠如果做KFC麥當奴可能勝任，但做中菜黎講完全唔掂望住佢地飲普洱都冇味當然，個別有o的阿姐係OK的管理層應該好好反醒用人o個方面大圍呢o的地區冇可能走年輕既路線亦唔志在你係咪集團式經營口碑呢家野只係一傳十十傳百但請一班後生仔女返黎佢地根本唔識得留客咁搞法裝修更好都冇用講食飯大圍既選擇唔少講飲茶下次情願去返"明星"好過

我基本上冇食過咁差的所謂江南食物，而且門口仲有個牌話有名廚監製添…一開始，我地聽見呢間係新開餐廳慕名而來，要等位唔在話下，一等等足45分鐘，其實餐廳在外面睇好似好大好寛闊，點知佢D 編位好差枱同枱編到密密麻麻，完全坐得不舒服，裏面的餐廳請咗年青的侍應，嘩！話說其中一個好年青的侍應一手拎住兩個充滿熱水的茶壼，一見佢就知道唔夠手力，一路行一路倒緊熱辣辣的熱水，如果唔係D客人喝住佢，我諗佢會倒到熱水去客人度都唔知，極度危險！跟住就叫菜，冷盤極細，醉雞只感到一大陣酒味，松子魚非常昂貴，好少松子，沒有脆口(只有大量的汁蓋住成條魚)，最精彩就是担担麵，完全不是担担麵，是好像泰式米粉的麵、還有…佢不好食都唔緊要，而且仲落咗大量的辣椒油，總之食完呢餐…嬲爆…

差爆!!!!!!無服務,食物又差!大圍新店,放工後和朋友一行三人去試下,坐低左大約4分鐘都無人理我地,餐牌都無....算!我地主動問人拿...10:30....好餓好呃..大約10:40我地點左一籠小籠包,高湯年糕,雲吞雞,新天地炒飯.,. 等佐好耐..一直等...."吹"了又吹問左好多次,問了經理只是話幫你check下,仲問返我地點左0羊!!!!!!!!!!!!!!激爆!!!11:00.....11:13分先拿張單比我地!!!!!記住系11:13先入電腦!!!結果我地11:30分先食到第一樣食物,小籠包!居然系暖的!!!!!!!發生0羊事??熱都吾熱!!!救命!!!之後就到新天地炒飯,連煙都無好暖....又重味精,好鹹,系甘飲水,最後雲吞雞,........個經理上菜時連蓋都要我地自己開!!!!激爆!個湯鹹到爆!!!!!我地:由座無虛席,"坐"到剩返幾圍台....期間只系聽到個經理系甘叫員工收工啦!!!!!!最可悲系當我地想埋單時係無人比我地叫!!............................無奈!!!!!!!!!!!!!!!!!!!!!差爆!!!!!!!!!