新天地江南美廚 (已結業)

星期六的早上, 跟太太到大圍的新天地江南美廚飲早茶。一入店內, 發現店內食客不多, 待應很快為我們安排座位。我們點了五款點心, 蟹子燒賣皇、鮮蝦苗餃、什果沙律春卷、原隻鮮蝦腸及皮旦瘦肉粥, 由於早茶時段大中小點為均一價, 故所點的都是大點點心。等了一陣, 點心陸續上枱, 點心熱辣, 水準一般。這次早茶, 很快便食完。五款點心連茶位及加一結帳合共八十七元。其實於大圍區找吃的不難, 但要找一家特別回味的, 似乎又不是太多的心水選擇。

星期六晚, 跟家人外出用膳, 由於下著大雨, 不想到新城市, 唯有在區內覓食。最後選了「江南美廚」, 傍晚時份, 客人不多。由於之前收工時已吃了下午茶,大家並不太肚餓, 故只點了簡單麵食及點心, - 擔擔麵 ($33), 少辣, 一直是水準之作, 不過今次就覺得湯底較鹹!! - 排骨麵 ($36), 一般 (排骨非即炸, 有點凍)- 南翔爆汁小籠包 ($26/ 4個) - 生煎鍋貼 ($26 / 4件) 茶位及前菜 (花生) 及加一服務費, 埋單 $162兩大一小孩去食, 比較大圍區內食店, 價格略貴一點。結帳離開時已接近七點半, 屬飯市時間, 但店內客人始終不多, 服務員大都很清閒。離開時發現門外貼了一張告示, 內容是該店將於本月二十八日下午4:30後便會暫時營業, 之後會內部裝修, 新店將改為粵菜。即是說大圍又少了一間上海菜的食店, 而相信這次亦是本人最後一次幫襯啊。

本人和家人在15/4/2010到大圍江南美厨飲早茶,其他點心己齊,唯獨蒸飯未到,便想找侍應追查.在我們隔離枱有一位侍應(名叫:阿蓮)正在和荼客談天說地,所以我們都好讓她偷懶完才叫喚她.當我們極度有禮貌地要求她幫我們查看,這位阿蓮侍應,竟以大聲地用惡劣的和教訓式的態度喝罵我們:"未蒸好,點樣追呀."後來在4至5分鐘這個阿蓮侍應便拿到蒸飯來,又向我們以大聲質問的態度:"係咪鳯爪排骨蒸飯呀,係咪鳯爪排骨蒸飯呀."我們當然沒有回應這人,她實地太過份.我們便問她甚麼名字,要投訴她,她便走開和其他荼客說:"我現在和你們打工呀,投訴咪投訴囉."本人和家人,甚至朋友來這裏消費時都不是第一次有這經歷.江南美食最初開的時候,本人和家人無論早午晚都經常來消費,但後來侍應的態度越來越差,己極少再選擇來這裏消費.這間食肆的侍應,穿起該公司的制服,所以她們一言一行都代表着該公司的精神面貌,她們所做的惡劣行為,因此每時每刻都是破壞着該公司的形象.再說.她們每月只是賺取幾千元人工,就可破壞該公司的聲譽,本人極相信該公司的招牌不只幾千元.

好唔好食又睇落去 318 回: 前女藝人開京川滬菜@大圍江南美廚http://hk.myblog.yahoo.com/goodboy_philip/article?mid=39852藝人有名氣開食店, 如果味道好既, 一定其門如市! 話哂都有名人效應! 前女藝人陳妙瑛開左間江南美廚0係大圍, 經過入去試一試先! 至於好唔好食? 又睇落去?地址: 大圍積福街76號康樂樓地下南翔瀑汁小籠包 : 何來瀑汁? 包湯填唔滿口, 最大件事係湯汁唔夠熱, 質素非常普通的小籠包...花彫醉雞 : 冷涷酒味甘甘地, 略嫌雞肉太薄。夫妻肺片 : 一碟 "牛雜", 麻辣鹹酸非常刺激味覺, 味道變化好大! 對我黎講真係超超辣, 一件都吞唔到!脆皮素鵝 : 唔稱得上係脆, 只係軟軟既腐皮...宮保明蝦球 : 蝦球大粒爽口, 調味鮮甜! 呢味比較好味道!砂鍋雲吞雞 : 湯汁雞味濃, 好飲! 係 d 雲吞肉碎鬆散得滯...平時湯水唔夠, 一次過吃個夠! 蔥燒海參 : 清淡小菜, 驚喜不大。鮑魚菇小棠菜 : 再黎一個家常小菜, 夠哂健康!流沙包 : 包身再軟一點比較好!一開個流沙包 d 半溶流質狀蛋黃餡料流哂出黎,

叫左蒜泥白肉,獅子頭,蔥爆牛肉跟薄餅,擔擔面蒜泥白肉:汁另上,好少,蒜泥亦好少得半匙到,搞到成碗野冇味,粉皮多過主菜蔥爆牛肉跟薄餅牛肉好大陣梳打粉味,成個菜爆得唔入味,仲衰過茶餐廳果D擔擔面走辣:送到來係唔熱,暖暖地,冇花生,食唔出有麻醬味(可能有落但好稀)獅子頭:呢個係最OK好在服務不錯,個經理很有禮貌,坐得都OK,不過都係冇下次

今日早上~同媽咪同細佬睇完樓~平時都食開明星 今日想試下江南美廚.......之前聽朋友講幾好食.....但估到令人失望而回......貴都不單止.......食碟腸粉 特點 成20.8 最慘唔係好食......= =我寧願食明星......水晶蝦餃 我唸我麻麻呢隻水晶皮..................叫左5樣野~成15X賣單~ 好唔抵食~ = = 食好既都冇所謂.....但真係....失職..........

今午有朋友來大圍探我,我帶了朋友去"江南美廚"飲下午茶,哇~幾個月沒來,叫人無人,要冷氣沒冷氣~外面三十幾度,入門的左手邊卡位,竟然沒冷氣,一邊抺汗,一邊食,唉~~我們叫了一個下午茶套餐,再叫了七款點心,只有蝦餃皇及蘿蔔絲酥餅仍然好味,其它的食物水準差了,侍應生又唔多睬人,對這店極之失望~

晏茶+午餐本人上午11時開始想叫飯食, 於是問服務員拎個餐牌睇吓.....個服務員應完你又行o左去執台..影都無埋...5分鐘後再搵個女部長拎....同樣應完你又行o左去...直到11:20我都拎唔到個餐牌睇lor.....有冇都俾過交代人啦....呢d服務"非常好" lor....

是夜因為很遲才放工，一班同事一齊去食飯，因幾個月前去過飲茶都覺得唔錯!差不多九時半才到，因太疲倦，所以叫伙計建議名菜，他們極力推介冬瓜盅(後來告訢我們很好彩，因為是最後一盅)，小籠包! 最後我們點了:小籠包 - 普通!(招牌菜)义子燒餅 - 普通!X X 抄年糕 - 無味,完全引不起你的食慾!肉鬆抄扁豆 - OK啦!冬瓜盅 - 登!登!登!登! 微暖!口水雞 - 完全唔係個回事! 究竟厨師識唔識整！啲生莞莤可能放得 太耐,已經起咗黑邊! 咁都得！食完會唔會呵！生煎包: 一般過一般!(招牌菜)街邊擋重好食過佢!飲咗一啖湯,發覺只是微暖,通知伙計,她馬上把餘下的拿回厨房!過了最少二十分鐘, 食食吓見到格呢枱送上冬瓜盅，吓！跟住聽到個客大叫！嘩！呢個食過嘅！伙計馬上取回厨房！轉頭送回我們桌上！好擔心中間會唔會在湯中發生什麼事！末幾！但格呢枱又有一個！又話我地係最後一個！個厨師識變摩術!吃到咁上下，傾吓計！伙計埋啹問你啲餸重要唔要同你收咗佢！大家吊望一下！無奈地說好啦！到差不多十一時，部長把我們身邊的電視"無情"地關上！跟住問你重有無order！不如幫你埋單！啊！好啦！咁想order甜品都無興

今日到下午先食lunch, 本想去明星飲下午茶, 但超多人, 行下行下, 記起有間野, 叫江南美廚, 所以就諗住試下由於呢度有tea set, 所以就叫咗2個啦tea set 1: 雪菜肉絲面拼蘿蔔絲酥餅 - 個雪菜肉絲面幾好食, 上菜時都幾香, 至於蘿蔔絲酥餅都好好食, tea set 2: 排骨面拼流沙飽 - 個面都ok, 不過個流沙飽都比較sweet咗少少overall黎講都幾好食, 而且價錢經濟, 每份都係$30, 當然啦, 茶芥另計, 至於服務就一般啦, 入去時都要等咗幾耐先安排入坐, 但環境都幾舒適..值得一去

呢度d環境幾舒服, 服務態度都唔錯, 因為啱啱飲完下午茶無幾耐, 所以都係點d清清地嘅嘢食.兩個人叫咗兩個雞炖翅, 一個杭州片兒川麵. 雞炖翅有兩掛翅, 好清甜. 杭州片兒川麵嘅片兒原來係豬肉, 切到一舊舊, 再加d冬筍同埋木耳絲, 辣辣地, 都幾特別. 唔錯.全部都煮得好好食

砂碢雲吞雞 -- 湯無味高力豆沙 -- 無豆沙 粉太厚 香蕉酸東坡肉係: 乾 、白色肉、凍! 無水份、硬、未煮過!!!!!未見過咁嘅質素!!明明係伙記唔記得落單,重黑面!等多成半個鐘!擺碟時重好大力!今時今日做到咁好佩服唔會再去亦唔會推介

我以前都同同事去幫襯過幾次，一向都覺得佢地啲點心水準不俗，雖然價錢屬中位，但都會成日心思思想再幫襯。今日抽到時間陪媽咪去飲吓茶，一於再去大圍的江南美廚，點知質素低、服務差，食到一肚氣。我們二人點了三個點心及一碗上海排骨菜飯，點心包括 1. 鮮蝦腐皮卷、2.蒸鳳爪，3.馳名流包。先說不過不失的 ------1. 鮮蝦腐皮卷：皮脆，蝦肉也爽口，但餡料少，真的名符其實「腐皮卷」，得塊腐皮。2. 蒸鳳爪：蒸到腍 pat pat，一夾就跌了一忽出來，好似腐屍 味道一般。3. 馳名流包：「沙」的確是有流，但係個包有陣強烈「油膉味」(油過期發出的一陣油臭 味)，咁都仲用來整包，離諳 。4. 排骨菜飯：賣相幾靚，有小棠菜粒同火腿粒，心諗呢個應該無問題喇呱....點知.....唉﹗啲飯十足十隔了三夜先攞去炒...硬到「梗」胃，而且既無飯香，又無菜香，肉香更加唔駛諗，碗飯仲要只得微溫。塊排骨都係凍嘅，好似炸起好耐，同樣死實、乾硬、無味。可能大家會諗係咪冷氣吹凍咗....梗係唔係啦...差唔多食完先去開冷氣，一開就漏水，仲要係開水喉咁漏法，弄濕了和我們搭檯的年輕媽媽。都事未完，年輕媽媽投訴，

平時成日睇人地寫的食評，拎下料先去食飯，從來都只係想寫，但一直都無動手，但今次真係頂唔順，食完飯已經想即刻寫，實在要感謝陳小姐的「鼓勵」認識此店係因為陳妙英、係因為間野曾經被劫，一直認為名人開的食店唔差得去邊，皆因老細有頭有面都唔想整臭自己個大名，點知原來真係所有野都有例外。先講訂位，我地一行8人去左大圍的分店(其實都唔只呢間有問題，之前已經聽人講其他分店的「好」野，只係唔信走去試下。)，星期六去預左人多已經訂定位，朋友下午已經打去訂位。我地比原定時間早左15分鐘到，去到要等都唔奇，皆因係我地早到，等下都無所謂。點知，等等等等等........... 等了又等，一時話有人埋緊單好快，一時又話已經執緊好快，點知都係等等等，walk-in的客比訂左位的仲快，都唔知點解要訂位。好聲好氣問門口個招待員，個女人不但態度差，且非常無禮貌，仲要同你理論，9位walk-in的比8位訂座的快，因為人地係9位，實在不知所謂，睇唔出8位同9位張table爭得幾遠，等位時已一肚氣，原本有朋友話走，但又有朋友認為都等左咁耐，加上星期六去其他地方再搵可能仲耐，於是只好繼續等，終於一行8人等左成45分鐘先有位。入

三位女士晚飯，叫咗:醉雞 – OK燻魚 – OK小籠包 – 夾得起，因為包內的汁少得很，又無味 紅油炒手 – 紅油完全唔辣，同個炒手好似完全唔識咁，上唔到味之餘，又係無味嘅 叉子燒餅 + 肉碎 - 肉碎又係無味 薑汁芥蘭 – 等得又耐，菜又老，無薑汁味 以為明星開嘅，有品質保證，原來水準咁差! 不過如果鍾意味道 清淡嘅，咁又無妨一試，難得樣樣都無味，可能無味精啩!?唯一可取係侍應服務態度好。