影片
以上資料只供參考, 請與餐廳確認詳情
我以前的飯堂，屋企唔煮飯就會尼食，但聽人講好似轉左手，唔同左，所以就尼試下。其實個門口同D餐牌都冇唔同，入到去係侍應唔同晒我叫左枝竹班腩煲。食物尼到就知同以前有少少唔同。個煲尼到的時候少少煲熱辣辣果種支支聲都冇，同埋唔太香。班腩的炸皮比較厚，魚的份量比較少。但佢的蔥爆得好香，就咁食都冇問題，加埋D飯仲香呀!!!其實個煲味道都較濃，所以煲內的枝竹是吸晒D味，好惹味! 而且枝竹份量頗多的!!整個煲的底部仲放有少少白菜，因為始終係煲的關係，菜係略有少少油膩，不過整體味道都唔錯!
繼續閱讀
其實新天地開左另外一間，原來想食新果間，但因為維修所以食依間。唔係話唔好，不過冇以前咁好！我叫左最中意食的時菜牛肉飯，以前的牛肉飯好好食，又唔老又唔梅，但自轉左手後，牛肉有少少韌，而且肉變得梅，口感沒以前好。而且汁太多，冇左牛肉的鮮味，一咬落口感覺好多汁。白飯有少少硬。除左主食，仲有湯送，好中意佢的湯加眉豆，而且唔係用上湯，係真材實料熬出尼，好夠味。雖然廚師變了，味道變了，但份量冇變，仍然係咁多。飯係會食唔晒。不過有得揀我都係會去新開果間
繼續閱讀
其實新天地已經轉左手，開左一間叫做新一天，本來想食新一天，點知冇開，唯有食新天地。以天新天地的野食好好味，好大碟，但自從轉左手就有少少改變。份量大小雖然同以前差不多，但味道卻變了因為晚餐唔太岩我食，所以我選擇了散叫，外賣，鹹魚雞粒炒飯（$46），因為係即叫即做，所以等得比較耐，但拎上手係熱辣辣，飯到屋企食都仲暖的。番到屋企打開盒飯唔太香，原本諗住打開會有好香鹹魚味，但沒有，食落有鹹魚味，但唔多亦唔太香唔講會唔知道食緊鹹魚雞粒炒飯，會以為食緊雞粒炒飯，因為好的係佢雞粒有好多，而且雞粒唔肥唔韌。飯的份量都有好多，整盒飯食晒會超飽。
繼續閱讀
略略裝修過，長方檯轉成圓檯。老闆依舊口黑面黑無笑容，食客都怕左您啦！有點掛住朝早個肥姐姐侍應，笑面滿面又招呼周到，唔知仲係咪係度做呢？係屋企食福麵唔想lunch又即食麵，唔想郁都爬落街食啦！次次飲完酒第二日都大食到不得了，雞髀沙律加排骨炒河都唔夠飽，搞錯呀！點算呀？例湯，飲完都唔知咩湯，總之就係真材實料，清香可口，熱辣辣灌落肚，好好飲呢 ﹗冬瓜湯，淡如水喎，師傅忘記落鹽？還是專登煲冬瓜水呀，飲兩啖要放棄！可用黎洗手或漱口。木瓜湯，但寫住係合掌瓜湯呢。總之就係真材實料，清香可口，熱辣辣灌落肚，好好飲啦 ﹗青紅蘿蔔瘦肉湯，肉味超濃郁甜美，咸香可口，美味滿意。星洲炒貴刁，點解同河粉無咩分別既？根本就係一樣。咖哩惹味，辣辣的使到食慾倍增，彈滑河粉還夾雜著蝦仁、腿絲、紅椒同吃，梗係更加好食啦。乾炒牛河勁全走，有鑊氣澎湃誘感，暖意無限。調味出色恰到好處，生老抽黃金比例，顏色亮麗均勻，清香脫俗，越食越起勁，食慾大振。雖然部份河粉未能炒開，仍然黐埋一舊舊，幸好滑溜溜完整河粉搭上辣椒醬齊齊嘆，還是刺激美味無盡。牛肉醃味濃厚，微鬆質地軟腍，蠻不錯。海鮮炒河走蔥走芽菜，淡得利害，要勁撈辣椒醬啊。青衣柳腥腥地，草青味都好強烈，魚質嫩滑。大陸蟹柳膠感十分紅卜卜，紅 A 牌咩，硬掘掘又甜笠笠，最憎。雪藏魷魚加蝦仁，完全無味。菜遠肉片河走蔥走芽菜，高質滿分 ﹗白菜勁甜勁爽，肉片棉滑，河粉完整滑溜，如果用幼河粉就更開心啦。豉椒排骨炒河走芽菜，味道調得異常出眾，咸啖適中再帶惹味豉椒味，鑊氣夠勁熱騰騰，好食好食無從挑剔 ﹗排骨香甜，骨少肉多無肥膏﹗唯一要扣分係河粉炒到太碎，不過堅好食，全部清晒無得剩﹗豉椒肉片炒河走蔥走芽菜，鬆軟的肉片，甜美多汁不乾鞋，滿意。豉椒芡汁沒有兜勻，只淋係表面，我忘記落單時要求兜勻呢。濃濃豉椒味道特別香口，讓滑溜完整河粉拖著地吃，濕潤醒神的味道。時菜牛腩炒麵，芡汁不足，只食到半個脆麵，剩半個太硬要放棄。要記得脆麵必須多汁呀 ﹗唔夠汁食齋脆麵勁乾，食緊媽咪麵咩。鬆化牛腩微弱羶味，醃味過份濃濁，肉質偏乾有少少渣，免強可以，讓炒麵捲著再撈辣椒醬食會更好味。翠綠菜芯勁爽甜多汁，給我多一點菜吧，好好食。脆麵炒得金黃乾爽，超強的索汁力，吸盡菜芯牛腩汁變得嚥韌帶彈，水潤無比，大注大注地吸啜，萬般淘醉，好味到暈得一陣陣。魚香茄子炒麵，厚厚霸道的豬肉香，泛著神秘可口咸魚味道，還有微辣帶甜的芡汁，完全滲透綿綿水潤的茄子肉，滾燙出住煙品嚐，無可挑剔，那有不好吃的理由呀﹗依道馳名中外菜色配粥粉麵飯同樣出色，都一樣超級好食無得頂﹗麻婆豆腐炒麵，甜美香辣可口，開胃醒神 ﹗肉鬆彈牙多汁，搭載在滑溜豆腐上面，豆香肉香亙相耀映。可以再辣一點，可以再濃味一點，可以再多汁一點！咖哩雞飯炒底，超特快晚餐！唔洗三分鐘就上檯，但雞件只有微微暖意，都唔夠熱既！炒飯香噴噴，清清的鑊氣熱辣辣，調味及蛋香同樣滿意。雖然咖哩味道清香甜美，撈炒飯十分吸引開胃，不過我係要咖哩雞，不是咖哩雞翼﹗全部都係雞翼，仲要斬碎勁討厭骨杉杉，索價 $40 蚊實在太過份﹗咖哩牛腩飯炒底，侍應阿叔我叫左兩次炒底都唔啋我，睇您出咩比我。咪比白飯囉 ﹗仲係度講問唔係扣底咩？攞返碟白飯入去再炒過啦，搞到阿姐要行多轉！火都黎。咖哩汁撈炒飯十分和味開胃醒神好好味！薯仔炸過加上咖哩汁好食喎。茄子豆卜斑腩煲，好耐無食過飯，破例食少少啦。半碗飯都未食到已經飽左喇，個茄子豆卜斑腩煲份量好勁呢！唔知係太飽還是太油，食完有點反胃！勁多豆卜本身油、茄子本身又勁索油、斑腩又係油、個芡又係油！斑腩勁厚粉，索晒油索晒汁滑嘟嘟，味道好！茄子有點硬，不棉滑多汁。福建炒飯，有鑊氣熱騰騰，充滿蛋香無搵笨，肉粒、菜粒、菇粒、蟹柳粒撈上嚥韌乾爽飯粒堅好味，欲罷不能，食晒先肯罷手乍。魚香茄子，試試新口味，跟福建炒飯融合，升級為魚香茄子福建炒飯，天下無敵神級戰力，非常感動的味道 ﹗將所有消滅殆盡，半粒飯半滴汁都無得留低，好好好好食呀﹗揚州炒飯走蔥，十分多料夠重手，蝦仔叉燒滿載，甜甜嚥韌叉燒粒，鮮爽蝦仁，炒得蛋香出眾，熱辣辣鑊氣非常，飯粒乾爽好味道。麻婆豆腐，再次發揮我頂級創意，麻婆豆腐揚州炒飯 ﹗無得彈，無得輸，無得頂，好食都要大叫好好味呀 ﹗大量食材百花齊放，多層次多角度，味道質感豐富極至，肉鬆、豆腐、叉燒、蝦仔、雞蛋、辣椒、白飯，甜酸香辣兼備。黑椒牛柳絲炒意粉，似牛肉多過牛柳，走過油的牛柳有焦香，鬆軟綿綿質感。黑椒味道夠晒濃，夠晒香辣好味道。整個意粉都好油，食到雙脣立立令，意粉烚得太腍喇。咖哩雜扒意粉，難得連扒都可以揀，雞牛豬隨您歡喜。決定雞扒豬扒腸仔火腿雞中翼，大大份見到已經好開心。估您唔到快餐都有質素比到我，值得一讚。全熟意粉熱騰騰，不粉不過腍，還保持爽滑，捲埋香濃厚厚咖哩汁塞入口，濕潤黏黏微辣香香，最緊要夠熱，好食喎。火腿滑彈有著清淡咸香，雞中翼皮脆肉嫩不咸不濁不乾，煎雞扒皮香肉嫩彈滑無比，煎豬扒鬆化多汁甜甜肉香，雞豬醃味動人。食肉獸良伴，啖啖肉好幸福啊﹗黑椒雜扒意粉，賣價 $50 蚊重量級意粉抵到爛，一般人應該食唔晒！
繼續閱讀
工作中午餐，試呢間未食過嘅茶餐廳，門面同店內都係普通茶餐廳格局，比較舊，食物都係炒粉麵飯話說我嘅焗豬扒飯，等咗差不多20分鐘先到，但一切豬扒見係紅色嘅，咪同店員姨姨講，佢一聽見就好忟咁鬧廚房攪乜，由第二個金頭髮男店員取走我碟飯，佢拎去水吧出菜位（當時背住我）動作係攞我碟飯食入面啲餸🤢，其實我之前，我哋隔離枱另一個客都投訴排骨啲肉唔熟，同一個男店員攞起佢碟排骨飯就在個客面前食！🤮感覺非常噁心！幾分鐘後佢食完我碟飯返來，話試完啲豬扒係熟嘅，我即刻火起🔥🔥🔥話紅色豬扒喎！佢無再解釋就問我想食乜，我就轉咖哩牛肉飯，其實佢試食嗰幾分鐘，我個感覺非常不受尊重，除了店家取走我碟飯，又唔同我講會焗另一碟比我，或比我轉其他午餐，其實如果店家話焗過另一碟比我都唔要了，一來我無辦法等多20分鐘（同事都食晒了）而且對呢間餐廳焗嘅食物都無晒信心！你唔介意試食客人碟飯都唔好表演比我睇，試完你話熟但又照比我轉款，咁試食呢個動作為乜呢？證明我判斷錯？而你店家好人所以照比我轉？只係我找麻煩？感覺噁心核突又於事無補！估唔到會遇到現代試食官！🤦🏻♀️焗鮮茄豬扒飯（$44）上枱賣相不錯，份量不大，飯已經係炒飯，可惜啲汁同飯都唔熱嘅，只係微暖（最憎嘅溫度）汁撈飯食，飯鬆無結塊，可惜發現豬扒唔熟！換咗咖哩牛肉飯（$42）咖哩汁分上（幾好）咖哩較浠身，味道幾香，夠熱微微辣，配料幾多，主角牛肉片係鬆肉粉喇過，比較橡筋感覺，又無牛味，蔬菜（洋蔥、青椒）爽脆好味！整體ok熱檸茶（跟餐）茶濃檸檬唔澀！茶餐廳水準，幾好同事食：例湯：同事話超鹹豉椒排骨飯（$40）鹹蛋蒸肉餅飯（$42）照燒雞扒烏冬（$42）熱檸水（跟餐）凍檸茶（跟餐）同事啲食物賣相幾好，如果一開始叫咖哩嘅，無經歷焗飯事件，呢間食物都ok，店員應該係一家人，有個後生女嘅，服務幾嫩手，幾個似仔女嘅店員唔多說話！主力做野應該係姨姨同試食官廁所濕滑污糟現代試食官
繼續閱讀