新富盈四川麻辣米線 (已搬遷) 新店位置

好想推介呢間餐廳好耐!!! 係中學個時成日黎成lunch。呢個係食米線同湯飯, 有好多"送"可以揀。基本豬牛羊魚都有, 冬菇竹笙, 咸蛋皮蛋...最鐘意呢到叫菜做一個送, 可以食到時令既菜, 而且分量好多。今次叫左牛肉西洋菜米線:米線呢度多數會煮得偏淋, 牛肉係醃過有薑絲係面, 有d胡椒味, 表面係偏紅色, 食落少少辣口, 好香牛肉味!西洋菜就係用蒜頭煮過, 食落好爽口。米線湯底係清湯無咩味, 但加埋西洋菜同牛肉既醃料味, 湯底就會多左肉既鮮味, 味道豐富左好多。雖然只係做街坊生意, 但製作絕不馬虎, 推介!

我是第一次寫食評，如果不是真的難食，我不會在這寫，由於我真的不想再有人好似我咁傻更更走左入去食。昨晚經過土瓜灣，見到閃到爆的招牌，似乎是新開的，新富盈及四川米線和湯飯，餐廳主打吃這兩樣，吸引了我和兩位朋友進去吃。進去看到牆上貼上餐牌，枱面亦有order紙，order紙沒有價錢，內容亦非常含糊，米線及湯飯的餸混為一起，看了一段時間都看不明白。我們三人不約而同點了湯飯，其中一位點了豬扒，落單的姐姐說﹕豬扒貴d架，我們跟本不知道價錢，她又不說貴幾多，order紙上又沒有寫，算吧，應該都不會貴到那裡。很快，三碗湯飯便來了，飯和湯是分開上，但煎豬扒就放了在湯中。三人都首先各自飲一啖湯，有豬扒的說有油益味，有咸蛋的說咸到頭痛，有魚腩的說有魚醒味。唉。。。湯沒加味精我打死都不信，食完幾小時後口腔都不舒服，要狂飲水解渴。講下d餸，魚腩正常應該是白色的，我看到的是粉紅色的，即是非常之不新鮮，食落口沒有嗅，但就一d鯇魚味都無。零魚球好硬沒魚味，都唔知自己口中吃的是什麼。豬扒沒有分上就浸在湯中，都唔知道用咩油煎，咁大油益味，連湯都油益埋。雞肉是正常的，菜是正常的，豬肝是正常的，但沒有一樣能說得上好味。白飯很

每一想起在舊居附近的"新富盈"，心裡便馬上浮現出那一大湯碗既便宜又抵吃的湯飯...這裡的主打本是四川麻辣米線，但我更欣賞的反而是味道清得多的多餸湯飯。每次皆點的配料包括有不算帶溏心但也沒有很重澀味的原隻皮蛋、爽而帶肉香的台式豬肉條、多肉少骨尚算鮮甜的魚腩以及帶微鹹而有少許爽口的腩肉.....湯底沒有很濃重的師傅味，真的可當成滾湯來喝。天時暑熱期間，喝這一口湯再來將之伴飯，胃口也隨之而回來.....最重要當然是有大量菜蔬作伴。每次若有供應的話，都儘可能會選西洋菜來吃。這一款需花甚多事前功夫去處理洗淨的菜，要吃，還是到外面食肆吃較方便，省卻了不少的麻煩.....只吃湯飯通常也未能滿足的。叫一客香草雞翼。醃得味剛好，皮脆肉嫩，是好吃的....等到夏天來臨，再驅車回來食一碗湯飯，也是值得....

係，又係改錯名嘅食店。嚟呢度唔好諗住食四川麻辣呀，其實佢最正係湯飯囉佢嘅湯飯係有媽咪、屋企整嘅feel，奶白色魚湯底，無添加任何調味或味精，仲有陣陣薑味，好醒神。其他餸料就自選，呢度係兩公婆做街坊生意，大大碗，街坊街，又似返屋企食嘅味道我個人平時對煎炸物不感興趣，但覺得呢度嘅炸雞翼好好味，兩隻起，雞翼夠味，最正係仲保留鮮甜肉汁，小心燙咀呀記住啦，嚟呢度唔使叫任何米線；食湯飯啦

星期天的早上十一點半,我和母親大人在土瓜灣搵食.之前一直也想試試新富盈的米線,原因很簡單,因有我的名字-盈.今天,我和母親大人也只想吃又平又簡單的東西,馬上想起新富盈.經過新富盈,很多時總是滿座的.今次,我和母親大人在十一點半入座,這時,也剛開鋪,我們也是第一,二位食客.來到新富盈自然也想試試向麻辣挑戰. 不過,一向不添辣的我,最終也不能自我挑戰,都是清湯了吧!在清湯米線裏,我揀選了在車仔麵很少機會發掘到的-豬肚及牛柏葉.米線送上,先試試一口清湯. 真的很淡,沒有味道. 不過湯雖然淡了點,但米線配料尚算有誠意,因除了我order的豬肚及牛柏葉尚算份量多之外,而且每一件也是大大件的,不是一片又細又薄的. 豬肚也有適量的肥美部份,牛柏葉也夠爽口,再加上米線附上的芽菜,枝竹,豆腐卜,完全夠哂誠意.我們約在十一點半來到,十一點四十五分開始進食,約在十二點十五分準備離座. 在這相隔一小時裏,起初由我和母親大人這兩位食客,約一小時候變成差不多全店滿座了,深信這米線店也深得土瓜灣街坊的歡迎,因還開了分店仍在土瓜灣區.如下一次再來光顧,真的要試試小辣來挑戰自己. 因清湯,真的很dry呀!

唔掂﹗北帝街連續有3間食麻辣米線的舖頭，以新富盈係最多人幫襯，同埋係長期有人等位﹗諗住應該都OK，就去試食﹗一睇個餐牌，唔多款色，再睇真D，原來有D款係米線，有D款係湯飯，可能我又唔係醒個隻啦，都睇左一段時間﹗同我搭枱位姐姐，明顯係熟客，佢仲非常有耐性咁教我點叫，又話我知有邊D好食……最後我叫左豬肚，魚餅同埋……都唔記得左了……我叫左中辣，仲諗住過吓引添……幾分鐘就有得食，我一見到碗湯就心知不妙，D色水有D似清補涼，辣極都有限；我試一口湯，什麼？這就是中辣？同清湯係冇分別﹗搭枱姐姐仲問我頂唔頂得順，我話直情唔辣，佢話我犀利，我心已經係度#$%^&*&魚餅，係來貨，跟一般雪藏食物冇分別；豬肚，不過不失，唔會話好好食第三樣餸……我到而家都諗唔起，咁我諗都唔使特別介紹﹗再見﹗

呢日無訂到飯又唔想食canteen出到去 到到都滿曬 得呢度有位唯有入去啦裝修一般 餐牌老實講我睇左好耐先研究到....唔知點解長期客滿 多數都系要搭台研究一輪之後點左個皮蛋牛肉米線小辣幾分鐘後有得食啦個樣都ok既不過食落就兩回事小辣同清湯無分別... (可能個人食慣譚仔大辣>特辣緣故 不過真系一D味道都無)D料就ok 既 只系湯底味道唔太夠食完走人 老細系廚房收銀...第一次見咁既布置 有D唔太衛生既感覺價錢其實都比同類店鋪貴....如非必要我都唔會再來 =.=

是日晚上到土瓜灣做功課, 完左之後朋友話有間食湯飯既就去左呢間食. 我地2個女仔share左一個湯飯, 叫左個牛肉魚楠另外果2個朋友叫左魚楠魚餅同豆腐雞肉, 再叫多個香草雞奕, 大家share d送黎食我以為佢個飯同湯撈埋一齊, 但原來分開分開食我覺得d味道冇撈埋d湯咁好食說實話, 個湯底真係好清, 只不過係d菜湯 , 我自己都識滾既白菜湯= ="""d魚楠又真係幾滑既~不過都多骨牛肉好嫩, 相較之下,牛肉係好味d而個豆腐同普通既冇乜分別......................= ="魚餅冇味!!!!!!!!!!d白菜仔係超級大舊, 我覺得好似仲有d泥味, 同埋好似未吸收晒d湯就清食既白菜仔最好味就係碟香草定香茅雞奕!!好入味同好香香草味, $22 6隻, 算ok 掛?總括黎講我都係覺得太清

北帝街的食店真的不少…猶如一條小小的食街…搬來土瓜灣將近一年了…但還有一半以上的店沒有試…這天就特意不回家晚餐…來吃米線…那一期狂吃麻辣米線…吃上癮…既然這一家寫明是四川麻辣米線…當然要試一試~晚上九點多…有不少客人…找了一個位置坐下…這裡自選配搭的米線配料選擇不少…最後點了魷魚鬚…腐竹和竹笙的小米辣米線…這個麻辣湯底看似不太辣…不過聞一聞就可以嗅到微微的麻辣味…喝一口湯…一開始是清清的感覺…然後才感到舌頭和喉嚨有少少麻…~這個小辣在我可接受的範圍…我覺得下一次我可以嘗試中辣~米線煮得頗稔…我喜歡~自選的配料也不少…大大碗的一定可以吃得飽飽…只是原本附加在米線裡的芽菜, 腐皮和韮菜就太少了…只得兩三條….如果可以再多一點就更加好了~味道不錯…街坊價錢…會再來的…下一次就來一個中辣吧~

土記食街內有三數間吃米線的地方，最多人光顧的一定是這裡....平日下午時份已是大塞車，週末的晚上更是要等位的，人多得生意也做不完。看見旁邊新開的阿糊空位多得要命，是不是水準真的相差那麼遠呢 ?除了普通的多餸米線之外，湯飯也是這裡另一選擇。差不多三十度的晚上，看見每枱都有一碗湯飯，可見它有多受歡迎了....自己是次亦捨米線而取湯飯。一向都不喜那些將湯與飯撈在一塊的製成品，因吃完之後胃部會例牌不舒服。但這裡的是將兩者分開奉客的，這就沒有大問題嘞....魚腩加上鯪魚球，全部也與魚有關湯底清得很，只有丁點的鹹味。最近吃得味濃的東西多，此湯就有如一道清泉，甚麼油膩也一掃而空了。魚腩新鮮程度當然不能跟富記或生記的相比，但亦頗鮮甜，吃得過；鯪魚球細細粒的，打得實淨之餘也吃不到碎骨，亦沒有溝太多的粉在內，但就欠了些陳皮味；添加的西洋菜清潔得尚算乾淨，但有太多渣，正式是吐多過吃....好久沒有出街吃飯吃得那麼"清"，算是讓近來繁忙的胃部歇一下息吧.....

昨日中午來了這裡吃午餐. 叫了豬肚栢葉米線. 上枱時賣相很一般, 零零亂亂的散落在碗內. 隨碗附送的腐皮幾大塊, 但香味一般而已; 豬肚量多, 但沒有味道, 而且較硬, 牙力差一點也咬不開! 栢葉很少, 也是沒有味道, 而且是經過漂白的, 不是黑栢葉, 有點失望. 米線不是彈牙的, 但也不致是淋的, 還算ok.總的來說只是很一般, 又不大碗, 都是那些只光顧一次 後沒有下一次的店子.

又去土瓜灣開飯，今次選左呢間外表平凡既檔口食米線！米線都算食得多，比較欣賞既有老尖既星林居，夠惹味刺激。今次算左呢間既米線，好似車仔麵咁點餸…我要左炸醬、腐皮同魚腩。炸醬不太辣，甜甜的幾特別。腐皮好大塊好多，good。魚腩魚味鮮甜，有厚度，有口感，唔錯！米線勁大碗，我食左一半都無，湯底唔太濃，有適中酸辣味，岩我！美中不足係唔夠芽菜, "狗菜" 等......佢仲有湯飯，好多人叫，下次一定要叫！

十一月廿三日, 由於搬咗過嚟土瓜灣後, 冇得食《譚仔》既麻辣米線,所以要再周圍搵吓呢頭有咩四川米線食,今晚同 Winnie 走先嚟呢間試吓, 坐入去, 都算幾多人, 諗住都唔太差啦,點知... 睇完餐牌知冇酸辣湯底已經好失望, 碗麵嚟到已經少少扣分, 因為啲料好少, 再食落口, 嘩! 個湯底唔得喎! 唔係唔夠辣, 而係個湯底本身冇味呀! 腩肉又多肥膏, 個湯底唔靚, 搞到啲竹笙都唔夠好味...雖然話食得四川麻辣米線既人都係想食辣, 但未忌係得個辣字冇其他味囉!越食越覺得同《譚仔》實在差太遠, 我同 Winnie 都話以後唔會再幫襯...個菜就 OK, 不過個麵既湯底唔掂, 就乜都冇得傾啦!睇嚟我哋要再努力搵過附近有冇第二間比較得既麻辣米線店!!更詳細資料及圖片請看 : http://hk.myblog.yahoo.com/joycewai616/article?mid=11547

A good choice for light and easy dinner. Instead of pouring all ingredients into a bowl of soup or noodle, they process each order separately. So when it comes to you, it's freshly made and hot! Appreciated their insistence of making food tastes better, rather than earning a few more round!

不看食評也不知這間店子的出名之處在於米線，不過我晚飯過來吃，很多時見啲人都是吃湯飯的。這裏的湯飯特色之處在於即叫即滾，味道也清淡，而且廿八元有三樣餸加時菜，實屬抵吃，豬扒是不錯的選擇，很香口的，不過要額外加錢。這店的晚飯時間很多時也滿座，而且絕對要搭枱。不過這個價錢，吃即叫即滾的，搭枱在所難免。晚飯時間來幫襯也要有心理準備，侍應較繁忙很多時都漏單。