新寧餐廳 (已搬遷) 新店位置

為薑餅人雙生日, 和他家人首先在此食飯預祝.猶記得飲食男女之前介紹過呢度既焗豬扒飯, 所以叫來試試.茄汁新鮮偏酸, 啱我, 豬扒唔un但又不是太嫩香, 飯粒粒分明, 炒底但蛋唔夠多, 如面加D芝士焗就更香. $85又不是太值, 因大家樂也做得不錯.偷吃了薑餅人既龍脷柳–平平, 好像無用牛油煎香, 也吃了薑餅人妹妹既燒牛肉, 竟出奇地嫩和juicy, quite good wor.

多數去食晏，因為真係好低，$50有湯(加$10可有招牌金必多湯)，餐飽(可自選多士/餐飽/提子飽)，main，餐茶同甜品，仲要出品好，所以好多人，一定要book枱，仲要準時到，如果唔係冇位。金必多湯真係好味，飲完咗半。佢周打魚湯都好好味，有魚肉，飲得出唔係金寶交去果d (有好多餐廳都係，因為要煲好味嘅西湯好花時間同功夫)，好好味。終於記得晚飯再去，叫咗之前爸爸飲過話好嘅龍蝦湯。深橙色，好濃，勁香，一飲，覺得飲緊隻龍蝦落口，好滿足，完全冇失望。因為飲完湯己預咗會飽咗一半，所以叫咗大蝦沙律(而且我成日覺得老牌餐廳d大蝦沙律先會好味) 冇估錯，蝦好大隻，好大份，好對味，食完好飽。朋友叫咗羊排餐，大碟又好味，又唔貴，真係冇嘢好講，只希望佢唔好執笠。去咗咁多次，唯一真係唔欣賞係佢d蛋糕。係舊式香港味道。可能食慣日式蛋糕，覺得佢d蛋糕怪怪的。(去呢間餐廳我成日覺得好似入咗時光機咁，係70/80代香港嘅味道….)

田螺餐, is very good and cheap, the bread is soft and warm. there are so much seafood in the seafood soup with pastry, better share with some friends, baked pork chop rice is good, better than the queen's cafe. ox-tail stew is also nice. the environment here is comfortable and not too formal. it is a good place for gathering.

8 NOV, 2006 O個晚幫個FRD 預祝生日, 聽同事講銅鑼灣新寧餐廳幾好味..咁咪試下囉!叫左個田螺餐同埋焗龍蝦餐...金必多湯非常好...一定要試田螺同薯茸一齊焗, 非常美味..仲見到隔離枱有兩個人每人剩食一打田螺...真係首選呀....焗龍蝦係一隻開兩邊焗...好新鮮..而且白汁同芝士份量剛剛好..唔會太脷....埋單大約四百元...物有所值

前幾天,約了班同事去新寧吃晚飯,那天晚餐都有好幾款.有些同事就選擇了牛扒及龍脷柳,而食物質素就好好,味道夠濃,好香,不愧為新寧餐廳!而我們亦點了蒜蓉飽,好香好脆! 我們點完晚餐後,卻聽到鄰枱原來可以將D餐轉來轉去,又不用加價,噉都得?總之我們都改啦!不過我哋覺得人哋係熟客掛,正常餐就係餐,如果可以改來改去不如唔好SET 餐啦!我哋覺得新寧餐廳應該要寫明規例,改食物須要加幾多錢?加錢不重要,最重要係公平,如果食物係好吃,加多少少錢又何妨!例如皇后及太平館我哋都嘗試過改湯都要加10元,總之改食物就要加錢,這樣係好正常! 新寧餐廳食物質素就不用講,好吃!但係服務質素就應該改善一下,要學吓一些高級餐廳應該有的禮貌及招待質素,如果改到的話,我相信新寧餐廳給食客的感覺更好!

I dined there with my family to celebrate father's day. The set is quite expensive ($250 each). Yet, but since it is father's day that worth celebrating, we still went there. There were many ppl and we had to wait for around 15 minutes though we had made the reservation already. The waiting area is tiny and hot. The restaurant should improve on this. The food is ok as expected but not much surprise. Yet, what i want to point out is the cool attitude of staff (esp. the manager) towards fre

約左舊同事去食lunch, 佢提議去呢度, 以前從來唔知呢度有鋪架~~set lunch選擇不多$55, 只有甜酸豬扒同忌廉龍脷$55, 叫左個甜酸豬扒, 好快就有個紅湯到啦, waiter有一大籃飽飽, 要左個餐飽, 但係個texture唔好味, 只吃一口便不要了.個紅湯好味, 不但只無常見的紅色油係面之外, 個味又好濃又好杰, 唔會稀到水咁, 入面的料又多, 好少set lunch飲的湯有咁水準, 真係唔錯~~~甜酸豬扒伴薯菜, 薯條係即炸, 並不是翻炸的, 好新鮮, 豬扒好大塊,有2件, 一定食得飽~~豬扒有少少炸, 但唔過份, 肉好腍唔硬, 個汁做得酸甜洽當, 好味道~~重有一個甜品normal size的cut cake, lemon mousse, 不過味道麻麻, mousse唔滑, lemon唔重, 不過係set lunch的增品, 唔應該有要求.....場內好多上左年紀的人, 好明顯係一間懷舊餐廳, 不過唔嘈唔迫, 真係一個好choice

28 April 2006 (Fri) - Birthday Dinner (6)同堂姐堂妹黎食晚飯，我都係第一次黎，而堂姐已黎過幾次，佢其實已經覺得呢度差咗好多(服務)，但係諗唔到食乜，又確實呢度既食物唔錯，所以佢決定再黎！去到時，我哋話book咗三位7:00，佢又冇喎，但係7:30就有一個冇留電話既booking，門口既小姐(其實係阿嬸至真)話我哋可能講錯，又話我哋下次記得留聯絡電話，我堂姐都即刻彈返佢一句話’你都冇叫我留’！我堂姐坐低後都話唔可以係佢哋聽錯，而要話係我哋講錯既？真係幾差呀！以我認識我堂姐份人，佢做事謹慎認真，所以我覺得係佢哋聽錯多啲囉．．．雖然服務態度差，但食物確實幾有水準，我叫咗個龍脷柳田螺餐跟紅湯，堂姐叫咗牛扒田螺餐跟紅湯，堂妹叫咗大蝦沙律！紅湯好味，渣非常多，不過麵包麻麻，好似隔咗好多日夜咁；個田螺就比較咸咗啲；至於個龍脷柳就煎得好好味，又唔太老，肉哋仲係好淋；就連我堂姐既牛扒都唔錯，唔靭囉，以八成黎講！然後我堂妹個大蝦沙律都好正好大碟，又多生果，我都好鍾意！呢度既食物真既好好味，撇開佢既其差服務，仲有嗰度啲阿伯真係因為自己係老神子而都幾串下架，總之似唔休做

那裡的環境挺好，燈光昏暗，感覺比較高級。今次我是和朋友去的，因為看見這裡有食客介紹的燒羊骨，所以點來試試。另外，我的朋友點了燒牛肉，那是侍應推介的。首先端來了一籃麵包，有幾種款式選擇，我點了烤多士，光是多士一款都有不是太脆的至到很脆的選擇，很細心。而我的朋友點了圓麵包，她說很鬆軟的。而且麵包都是熱的，只是牛油過凍。然後餐湯來了，我點了白湯。忌廉湯，啊呀！有很多蘑菇啊呀...而且湯的份量很好，沒有"溝水"的感覺。而朋友點了紅湯，她說紅湯都很美味，份量都是十足的。主菜來了！首先說說我點的燒羊骨、５成熟：味道一流啊呀～燒得剛好，用麵包糠炸過的外皮，羊肉酥味十足，令到整體的感覺是外脆內嫩，侍應點了幾匙"薄荷jelly"在羊架旁，用來點羊架真的挺配合。不過只吃羊架都已經很好吃了。而且份量十足，有六塊羊架，只吃了五塊已經感到肚子很滿足了。而朋友點的燒牛肉，她一直說"很有牛味"，而且一點都不un，燒得剛好。不過份量太多了，她說都吃不完。xD"侍應服務態度很好，而且都很親切友善。我們吃完之後坐著聊天聊了差不多一個小時都沒有用行動或態度表示不歡迎。環境舒服、最主要"洗手間"都很乾淨整潔。女士們不用擔心啦

生日去食．個人平日黎ｏ既．去到差不多晚上８：４５但都幾多人所以都幾surprise. 環境幾好（雖然多人但不太嘈）檯同檯距離okay!! 叫了個田螺set dinner, 個湯足料，有田螺六隻，有西冷／魚／雞做主菜，　仲有餐飲．　禁ｏ既環境同食物都係HK$128.00 一個人. 幾好. 仲有，waiter 有禮貌，好笑容．值得推介及一定會再去．　　　

I went there for dinner with my brother last Monday. I have been dining there for a very long time now and I must say their food was as good as always!!We had a veal set and an escargots set.The breads were fresh and warm, really nice.Escargots were good and the mashed potato was really yummy.Creamy mushroom soup was of course very creamy and tasty.The veal steak was tender and juicy and tasted great.I chose sirloin steak as the main course for the escargots set which was really succulent but co

同相識多年的朋友聚舊，貪得意，來了這裡。除了皇后、太平館、占美，這裡都是以前幾間高價一點的港式豉油西餐廳之一，仲記得，以前好恨來食，死慳死抵，一個餐兩份吃，現在說起，也不禁同聲一笑。地方一般，如果第一次來幫襯是好難滿意，當然我們來的目的是聚舊，不在此列。而家當然不用一起吃這樣纏綿，我還是燒羊骨，而她就是龍利魚。先來麵包，是侍應捧著一大盤的讓客人去選的，選了圓麵包及多士，雖然不是自家製，但還是暖的，塗上包裝的牛油，算係咁；湯都是忌廉蘑菇湯，濃郁又夠味，貫徹豉油西餐廳的作風，叫忌廉湯多不失手。當然今時今日，還用鈕扣磨菇，是慳皮了一點，不過以從前的目光，是不錯的了；說著談著，主菜也來到。我的羊架有六支，仍然好夠份量。叫了rare，真的做到肉薄的地方僅熟，肉厚的地方仍呈鮮紅的色調，廚房火候拿握得不錯。醮了麵包糠再煎，保持了羊肉的嫩滑，吃著味道真不錯，這裡的羊架，是值得一吃。當然如果要熟一點的話，風味是減半有多，始終是百來塊套餐貨色；也吃了朋友的龍利魚，仍然嫩滑，仍有水準。例牌一個火焰雪山，大家都幾十歲人，當然不會像後生果陣咁「嘩嘩」聲。不過當我話其實火焰雪山我都識整時，大家是樂了好一陣子。這個

我生日我個fd話請我食飯, 諗都唔洗諗就去新寧餐廳, 因我個fd生日時已想去食, 但冇位. 同埋哩個網人人都話好食, 即管去試吓係咪真係咁正. 8月去時完全可以用「人頭湧湧」去形容, 今次完全相反. 我o地二人叫o左一個田螺set dinner(頭盆係螺/磨菇湯/龍"月利"柳) + 一個海鮮意粉+ 雪糕蘋果批. 先食個飽, 有三款我簡晒. 個甜飽唔知點解好鬆散, 又有怪味, 法飽食時要勁用力齒(刀完全係切唔到), 塊多士好硬, 一D都唔鬆脆. 田螺好咸, 湯就ok, 好多大大塊磨菇. 龍"月利"柳普通. 海鮮意粉係茄汁, 唔知點解個汁勁甜. 蘋果批個皮唔知點解濕"that"that", 我懷疑係佢o地用微波爐番叮. 整體o黎講又係唔多得囉. 埋單差唔$300. 完全唔值.

20050717 3pm本來係想去附近o既皇后飯店, 點知行到去見鬼影都唔多隻. 有o的怪, 男友就suggest 去近近o地o既新寧.tea set $32@, 2人兩個-* 燒排骨- 未上桌時還以為係一條長o既西式grill ribs, 點知原來係一粒粒炸中式排骨, 味道, 其實都OK, 不過係炸唔係燒就唔該寫清楚, 惹人誤會.* 焗雞皇麵- 麵係寬條麵, 味夠濃, 都得手. * 凍檸茶x 2service 方面侍應都圍埋一齊傾計, 當然人唔多唔忙就傾下計在所難免, 不過希望有關方面注意, 因為佢o地都傾得幾嘈lor. 係嘈過o的客wor. 埋單$75 左右. 這一次則好像有點失手了.

尋日父親節，老媽子突然推介呢間餐廳，中午打去問仲有冇得落booking，好好彩，仲有！夜晚準時到，點知原來爆到七彩，等左差唔多廿分鐘先有檯俾我地，仲要係路邊臨時搭建o個隻。又難怪既，全部都幾乎係熟客，又係特別日子，不過個經理都好識做，say sorry 不特止仲送上幾杯鮮榨橙汁俾我地邊飲邊等！高級既係唔同D，條氣都舒服D啦，係咪先！講返D野食：爸爸：蜆周打湯；扒原條龍利魚媽媽：大蝦沙律我：金必多湯；西冷牛扒；芒果批乜都未有，先唻麵包。個餐包超級鬆軟，個texture 係咬完一啖之後自己識彈返起身o個隻，toast 都好得呀，鬆脆！成晚既精華響晒呢part！最弊係隻牛油，winning 牌，之前o個晚至響金雀食過呢隻牛油，完全唔香既，係敗筆。兩個湯都好味，好多料。爸爸條魚好大，直情好似成條魚去左個頭尾就上碟咁，佢話好味，但我就覺得有點腥啦，不過最緊要佢話好唧！媽媽個沙律好食，好鬼多蝦，佢一路食一路叫我幫佢食緊D，你話幾誇張！我個sirloin steak，雖然我要既係medium，而出唻既血色亦似，但就超「鞋」同超韌，好唔得呀！咁o岩係筋位，咬到我牙軟都未食晒，到後面真係食唔晒。算差～