新忠記打冷小菜館 (已搬遷) 新店位置

紅磡有間出名的打冷，每晚都有好多人排隊。其實呢間打冷唔特別平，不過勝在有質素。夠鑊氣，夠味道，又夠大碟。加埋無加一之類，計計埋埋價錢都係直接用係食物到有好多正宗打冷菜色，凍烏頭韭菜豬紅 豉椒鵝腸仲有 凍蟹 都有 。（當然唔平，不過其實都幾夠斤兩）再整多支大啤，真係好爽！雖然台與台都逼逼地，不過亦好有風味。地方環境企理有冷氣比起一般打冷大排檔其實已經舒適不少。如果想食，記得早點去攞位 6：30後多數都要排隊呀。

已經有一段日子無食潮州打冷。今晚朋友約飯局就去咗新忠記嘅新舖。入到去已經好喜歡個氣氛。座無虛席，高談闊論。鵝片是打冷必食的吧！新忠記嘅滷水鵝片肥瘦適中，咬落去嘅時候食到 Juicy 嘅肉質同滷水互相配合。簡直係絕配。值得一提係鵝片底下嘅豆腐，好入味好有豆香。韭菜豬紅已經唔係好多地方有得食喇。但係呢度嘅做得非常之好。豬紅嘅軟硬適中再加埋呢個無敵嘅滷水…之前睇過呢度嘅食評提到新忠記嘅煎蠔餅絕對唔係蠔仔咁簡單。果然如其所述，呢度啲蠔隻隻都好大粒。個粉漿啱啱好，炸出嚟好脆好鬆 豉椒炒蜆，堅係蜆！真蜆！依家好多食肆都係用沙白或者花甲而新忠記真係用蜆炒！好有鑊氣，好味道我哋一行四人仲叫咗其他幾味小菜，全部都好美味。而本人覺得重點推介嘅就係以上幾種 想試嘅朋友記住預早訂位啊⋯⋯

去咗咁多次，每一次都保持到水準，五星好評！瀨尿蝦非常新鮮，就算係凍食都完全無腥味，非常推薦！次次都係食滷水拼盤，今次試一下滷水掌翼，不出所料都係非常好食掌翼入味，肉質爽脆，下面仲有花生，成個菜送啤酒一流每次必點胡椒豬肚花蛤湯胡椒味濃郁，花蛤又大又新鮮，就連酸菜都好入味！

去到紅磡搵個客.....都已經下晝五點幾.....傾完嘢黎都成七點幾.....今晚屋企有冇飯食....所以想喺紅磡間小炒嚟食呢區有好多連鎖餐廳同食肆不過今晚唔想食水煮魚求其搵間小炒食下先原來呢間新忠記喺紅磡都有兩間分店....睇落去環境都唔錯雖然位置就迫啲不過周圍打冷舖都係差唔多架啦不過一間打冷店竟然有魚翅食真係聞所未聞呢個西蘭花蝦球好好味啲蝦球大大粒好爽口因為呢碟餸我食咗兩碗飯呢個豉召炒聖子鑊氣好夠最緊要佢哋聖子條條都肥嘟嘟脹卜卜比起一般小炒店只係用細細條嘅聖子好得多不過呢個魚就差小小....口感唔係太滑....冇想像中咁好不過以小炒店黎講尚算唔錯

同事的家人外遊，夜晚沒飯開，約同小人來一次打冷，小人義不容辭，一口答應。滷水之物比比皆是，不過此店的滷物十分入味，每件的肉質還是腍滑，不會被滷至死死實實，事關好味，我們轉眼間已將之清碟，毫無難度。第一次食煎蠔餅有九肚魚的，發覺原來是那麼的「正」！蠔餅已很好食，煎得激脆，猶有蛋香，蠔味盎然，再加上九肚魚，增添一個層次，令人拍案叫絕！蒜蓉炒芥蘭則普通了點，芥蘭是嫩的，稍欠爽度，蒜下的少，故此蒜味亦過輕。同事埋單，小人已向他下了戰書下回再續，由小人作東。

雖然唔係潮州人，但我都好好鍾意食打冷！❤️❤️今次黎到呢間都幾出名既菜館食晚飯！雖然隔條街就有一間分店，但都等左45分鐘先有位！無得book位架！🙈🙈蠔仔粥、滷味必點！今次仲試埋胡椒鹹菜豬肚湯！📍蠔仔好大隻，隻隻漲卜卜，咬開Q彈、爆汁，但又無泥腥味無沙，值得一讚！🉐️ （7分）📍滷味拼盆，一般，都係平時打冷既豬耳、鵝腸、大腸、粉腸、鵝片等，但每樣餸都唔多，大豆芽菜就勁多😓😓味道無驚喜，🐷耳好肥。百幾蚊可以食其他嘢！（5分）📍呢度既鹹菜豬肚湯有d唔同，係有大蜆（成隻碗仔甘大，個殼😂），令湯底更鮮甜😍！最緊要係無沙！好味又驅風啊😋！正啊！如果冬天食應該仲正，食完一定暖笠笠！（8分）🙈成豬之路就係甘煉成！🙈

今次又一行9人去打冷，近期好似成日都可以儲到一班人食飯，真開心。人多先可以點多啲餸試到多啲唔同既款式，今次就選擇咗去紅磡打冷。原來自己好耐都冇去呢區食野，紅磡呢邊其實都多美食。人齊坐底咗就即刻點菜。9個人點左9個菜確實有啲誇張，而且份量都唔少。《滷水鵝肉拼鵝片》《滷水掌翼》滷水入味，夠淋身一啲都唔韌《蠔仔肉碎粥》《椒鹽九肚魚拼魷魚》《蠔仔餅》蠔仔夠大粒粉漿唔算厚，但份量太大剩下半碟《啫啫通菜煲》香口惹味《酸甜特色話梅骨》一致好評酸甜適中，醬汁均勻，又啖啖肉😋《炸大腸拼豬手》豬手好出色，食落去好粘口《胡椒豬肚浸大花蛤》個湯胡椒味唔算濃，連唔食辣既朋友都飲到，個豬肚就冇味擺到一枱都係餸仲要唔夠位放，我地9個女仔都真係幾大食下，我哋仲要唔係食剩好多🤣

上個禮拜星期六成家人去完親戚度，路過間打冷舖好多人排 上網search都好似幾okay, 就索性探埋一份 反正好少黎開呢頭等等下發現街後面又係佢 初頭懷疑係唔同 點知係同一間 只不過係新舊舖 可能生意太好要開多間叫左個胡椒豬肚花甲湯 勁多酸菜 勁多豬肚 花甲又大又多 胡椒味仲要夠份量 一行五人個個都飲到兩三碗 正黎打冷又點可以唔叫個"老"水 要左墨魚 唔錯 送飯一流再有一個菜同蠔仔粥，仲有個韮菜豬紅 可惜太肚餓同食得太興起無影到相。但係味道都好食！地理位置唔近地鐵站 所以要行一陣 價錢就同普通打冷舖爭唔多 有機會都想再試下其他野食

四個人，五個餸，分別是胡椒豬肚花甲桶、啫啫通菜煲、話梅骨、鹵水併盤、方魚肉碎粥。《鹵水併盤》高水準，全部都很入味，又不會過咸，種類都很多，鵝片、鵝腸、粉腸、紅腸、魷魚、豬耳、腎片、腩肉、豬肚等等，冇搵豆腐花生墊底架！《方魚肉碎粥》方魚乾很香脆惹味，除肉碎外還有魷魚絲，有鮮味，無味精，稀杰適中，唯獨桌上胡椒粉不夠香，起不了畫龍點睛功效。《啫啫通菜煲》很香，惹味，隔離桌問我地呢煲係咩餸後都跟住叫左。《話梅骨》我地四個人都一致認同好好味，少少酸好開胃，醬汁平均佈滿每舊排骨，排骨肥瘦適中，又唔硬，走過油又香口，唔使成日叫生炒骨咁悶嘛！《胡椒豬肚花甲煲》一入餐廳見到好多人叫，見到個桶同大花甲已經心心眼，但最期待的竟然係唯一失望既餸，湯很淡，一點都不辣，冇胡椒味，豬肚都很淡，全部湯都剩返哂冇人飲。

自己本身係潮州人所以由細到大都食好多潮州野打冷更加係我最愛！今日黎到紅磡食個宵夜新忠記街頭巷尾各一間分店 大件夾抵食必食係鵝片拼盤 好多料 鹵得好入味鵝片唔會太老 但就得幾塊🤦🏻‍♀️除左主角 仲有鵝腸 紅腸 豬耳 粉腸 魷魚等仲有叫多個蠔餅！勁大碟足料 啖啖都係蠔仔！炸粉唔會好厚 咬落脆卜卜新忠記的野食份量都偏大 所以勸大家唔好太貪心眼闊肚窄叫得過多啦開到12點 十一點黎都仲要排隊！都咪話唔巴炮！宵夜落街食碟 再加多支啤酒就正啦！

3個老友又去搵野食，本身想食串燒點知冇開，行下行下見到依間，就試下啦濃湯豬肚浸花甲，好大隻好足料，個湯都好甜好飲，飲完暖笠笠~海味粉絲雜菜煲，好大煲好多料，都幾好食九肚魚蠔餅，好厚粉， 食到九肚魚但冇乜蠔仔喎，認真麻麻地 鹵水三拼，鵝片，墨魚 鵝腸， 鵝片鵝腸都好食，尤其鵝腸中間仲有少少肥膏食落好香口（但好邪惡）， 墨魚我就覺得冇乜特別普普通通， 下面墊底嘅豆腐都好食，不過到後尾唔知係咪浸得太耐變到好咸份量都幾大方，食到棒住個肚走

趁放假同兩老搭下港鐵出黃埔行下，跟住再慢慢行番去紅磡果邊，為食老豆行過寶石戲院果到，佢話之前想試呢間新忠記打冷，不過排隊排到唔知龍尾係邊，既然經過，甘就早D食晚餐啦!為食老豆最鍾意食既潮州野係鵝片，於是就叫左個鵝片拼盤，都好大碟又多鹵水野，鵝片鹵得一D都唔老，鹵到入晒味，仲有而家比較少食到既鵝腸、鵝珍(鵝既內臟) ，強烈推介鵝腸，雖然有少少肥，不過處理的好好，完全無陣臭腸味，應該係洗得好乾淨先無左陣味，好正! 好耐無食過蠔餅，原來仲可以拼九肚魚，我初時以為係分開2樣野，原來係炸埋一齊，望落都炸得幾靚，唔係用萬年油炸的，同埋食落唔係一口油，炸得都乾身，不過九肚魚同蠔既份量就少左D，食到好少咋~ 芥蘭都要影!? 係呀, 因為一碟普通既菜，師傅都炒得好好，炒得好綠，而且D芥蘭無渣的，少得夠嫩。最後叫左個煲仔飯......其實果個係個大瓦煲，一D都唔係煲仔甘簡單，叫左個最普通既爉味煲仔飯，有齊最基本既爉腸、潤腸同爉肉，米粒都夠乾身，唔係煲好飯先放入去，而且都有飯焦，不過都係留比阿媽獨享，而且應該讚左酒入去，焗左陣，打開個飯有陣酒味，爉味就普通貨式，但焗完有陣酒味，感覺好暖胃。雖然出面已經等到成

中秋節想食下好味蠔餅。。。所以來忠記試下，就在寶石戲院隔離，也算易搵到。七點前到達，不用等太久就有得入，環境算乾淨，不過人客太多在等，所以食完是要即刻埋單走人的。鹵水元蹄半隻88元，幾入味，不太喊炸蠔餅「大」，105元，炸得金黃 但當晚的一份餅，太少蠔，粉漿也偏厚。花烚湯，是日例價158元，，這湯是亮點，味道ok，豬肚沒有「腥」味，花烚也很肥美。韮菜豬紅，大大碗，味道也ok，不太辣，長者也啱食

去完大酒店，係附近搵野食，見幾多人幫襯，一於試下 鹵水鵝，見個色水就知係好鹹⋯⋯不過下面啲豆腐就幾好食 韮菜豬紅，份量算多，不過韮菜太少 雞，聲稱係新鮮雞，都幾好食，呢度半隻要百幾蚊 炒芥蘭，餐牌無嘅，自己叫，好大碟 煎蠔餅，啲蠔都幾大隻 蒸鱔，好新鮮，味道調較得剛剛好，不過差唔多二百蚊呢

我地成日去食見慣見熟同埋可能有老人家, 店入面d呀哥呀姐都好好招呼. 有次夏天我地覺得某角落頭太大風, 著便服個呀姐 (應該係老細) 都即刻幫我地執野坐去卡位冇咁大風。我地四個人叫以下五樣野食加白飯, 係飽到食唔哂的。之前食過一大窩的蠔仔粥同蟶子都好好食。韮菜豬紅：大大碗豬紅好多, 但係略嫌韮菜少左d (主要浸係豬紅下面, 份量大約可以載滿大半個標準飯碗), 我好中意食韮菜所以如果韮菜多到鋪滿哂就好喇! 新忠記既豬紅口感好爽味道好 (有時係其他地方食車仔面叫豬紅, 如果唔新鮮食落有'sang'味)黃金酥鮮魷: 好好食, 外層炸得好香脆, 而鮮魷本身亦好滑好'林' very good! 由於用大量既蒜頭同蔥花爆香, 所以特別香口惹味, 值得一讚既係份量好多, 4個人每人大約食到7-8件, "送"飯一齊食簡直一流!!我婆婆中意食呢個雪菜煲，食完好暖胃豉椒炒蜆：好食, 火喉夠, 豉椒豪不客氣地落左好多所以特吃惹味. 好大碟食極都未食完, 唯一不足係味道有不穩定, 有些日子去味道稍淡, 有些日子又稍鹹, 不過新忠記d種地道街坊小菜館既好處就係, 可以按個人喜好落單時同伙記要求鹹度. 例牌蠔餅：