新惠和

營業中

休息中

山長水遠搭車又搭船終於都嚟到塔門。塔門除了景色怡人，很多牛牛出沒之外，其實還有很多好西吃。今次朋友教路，一落船就要先來吃海膽炒飯，要不然過一會就會大排長龍，有排等。一落船我們就來到這間小店！朋友說海膽炒飯、椒鹽鮮魷及炸墨魚丸都十分出名，由於人數有限，份量又大碟，我們只能三選二，要放棄其中一樣。肉眼都看得到海膽炒飯有很多海膽，十分足料。廚師將炒飯炒到脆卜卜，很有咬口，海膽味道天然。椒鹽鮮魷大大碟，即炸即上枱，傳來陣陣酥香。魷魚新鮮彈牙，略嫌炸粉有點過厚，魷魚鑊氣十足～

💖心心推介💖• 必食海膽炒飯香滑奶茶*新惠和🐟🍲🥘🥗🍝🍜🍛🍹🍽一間位於塔門既茶餐廳， 由馬料水碼頭或黃石碼頭搭船就到，平時假日門口大排長龍，試過最耐等左差吾多兩粒鐘。主要原因係得一個人煮，一個鍋。😍😍😍😍😍😍😍😍😍😍* 今次吾洗等位，半粒鐘就食得。依間主打海膽炒飯同埋香滑奶茶，幾乎每台都有人點 。😏😏😏😏😏😏😏😏😏😏*我地叫左海膽炒飯，蒜香炒蕃薯葉，同埋香滑奶茶。* 海膽炒飯* 必食推介，好多報紙雜誌網民都有推薦依道料理，真係大件夾抵食。一碟兩人份量，超多配料，用鑊去炒香，炒到粒粒分明，重點係超多大大粒海膽。🤤🤤🤤🤤🤤🤤🤤🤤🤤🤤* 蒜香炒蕃薯葉* 超高營養價值嘅蕃薯葉，用蒜爆香，清炒一樣好好味，又夠晒健康。蕃薯葉可以排毒，提高免疫力，預防貧血/高血壓，改善便秘，抗癌，改善更年期症狀，提高視力。💞💞💞💞💞💞💞💞💞💞*香滑奶茶*有分薑味同原味，飲過就知真係好滑好順口。*💯💯💯💯💯💯💯💯💯💯💃💃💃💃💃💃💃💃💃💃*☎：27918100*🍛：西貢塔門海傍街3號地下*🕐：06:30-18:00💬💬💬💬💬💬💬💬💬💬*一個人或者朋友家人聚餐都非常適合。*喜歡既請關注我：VictoriaChan1008

今日特登黎塔門露營，我哋中午時分黎到，上到去紮好營之後就行返落嚟食個下午茶。蝦醬牛肉炒飯（炒嘅時候已經好大陣蝦醬味，炒飯好大碟，牛肉粒都唔少）馳名海膽炒飯 （不過我記得好似過百蚊一碟，雖然比起其他炒飯貴成倍，但係佢海膽嘅份量都唔少，每粒飯都沾有海膽，加埋蔥粒都幾好食）

因公事去左塔門，呢到最出名就係海膽，當然要試下啦！叫左個海膽炒蛋麵（45＄），老老實實，係就係幾香，但就唔係幾食到海膽味。我俾6／10分反而個奶茶非常出色，我買左2－3枝，非常濃郁幼滑！我俾9／10分！可惜塔門實在太遠，唔可以成日飲呢枝咁正咁滑既奶茶啦

好耐冇去過塔門，今次入去諗住行吓影吓相，咁當然食嘢都唔少得啦！由於太耐無去，所以都上網睇咗啲資料，發現呢度嘅海膽炒飯同海膽三文治都好受歡迎喎，於是就同老公入去試吓啦可能塔門冇咩嘢食，所以間舖都幾多人，一入到去，一望個價錢都有少少貴，但一場黎到都冇理由唔食。我哋就叫咗個海膽炒飯同海膽三文治，等左都幾耐，但係都值得等嘅，因為一食就覺得好鮮味，我本身唔係好識海膽，但係都覺得好香好好味，而且份量都唔細㗎，我哋兩個人都食唔晒，但係由於太貴唔想嘥，慢慢慢慢咁都食晒佢老公仲嗌左個無冰凍奶茶，佢話味道都唔錯喎如果去塔門，我覺得一定要試吓啊

因為天氣好好，所以我們一行人去了塔門玩除咗去野餐，你都知道他們其實係有好出名嘅海膽炒飯同埋海膽三文治，所以我哋亦都去咗呢一間新惠和餐廳試一試！但因為我唔係太喜歡食海膽，所以覺得腥味比較重，所以如果你好鍾意食海膽可能你會好喜歡呢度嘅海膽㗎即刻俾啲相大家睇下先👆🏻海膽炒飯👆🏻海膽三文治👆🏻炸墨魚丸總括來說，他們的風景優美，順便行過食吓特色海膽食物都是一個很不錯的選擇送多一張他們的日落照給大家

環境餐廳幾近塔門碼頭，係由碼頭行過黎的第二間餐廳。星期六午飯時間都幾多人，坐滿晒，有啲人要係餐廳出面等位。但餐廳入面都乾淨，不過通常都要搭枱。 食物話說星期六食晏時間太多人，但係煮野食的人就得一個人，所以我地等左成一個鐘先有野食⋯ 所以週末去的話，唔想等嘅朋友真係要諗清楚呀！1）海膽炒飯 $100（評分：8.5/10）等到好肚餓，唔知係咪因爲咁，覺得碟炒飯好好食😂 炒得幾香口，個人認為海膽味都足夠，一上菜都聞到海膽味。不過海膽已經炒到散左，所以就唔會食到一舊大海膽。但炒飯都幾乾身，又唔咸，食落覺得味道控制得剛剛好！2）無冷凍奶茶 $28/支（評分：7/10）依間其中一個賣點係全港首個無冷凍奶茶😂 奶茶都幾滑，奶茶味都幾香，香味會停留喺口中一段時間，但係略嫌有點太甜。 服務服務普通，店主係一個婆婆和姨姨，小本生意，不能要求他們很快上菜。週末去光顧的朋友要有心理準備，等候時間可能很長。

天朗氣清，和朋友到了塔門郊遊，順便品嚐當地美食之海膽乜乜乜。那裏好像只有兩間餐館，分別都有買用海膽做的菜色。我們選了較多人排隊的一間。點了兩道菜，海膽炒飯和海膽炒蛋三文治。海膽炒飯到了。賣相不錯，飯炒得粒粒分明，配料有蔥花，蛋，當然不少得主角海膽。老闆非常大方，海膽份量不算少。吃一口飯，飯炒得很香。倒是飯粒本身硬了點。海膽炒熟了反而少了鮮味，但整體尚算不錯。反倒我更喜歡海膽蛋治，雖然海膽味也不算很濃，但勝在多料，而且蛋亦很滑，麵包也軟，非常好吃

前兩星期趁好天去左塔門一轉前兩次想黎睇風景今次其實就係想黎食海膽炒飯啲飯粒粒分明，海膽份量十足另外我地又叫左個海膽麵，都唔錯同炒飯比，海膽面就輕食啲咁喇😂但海膽量都多嘅！除左海膽 佢嘅奶茶都唔錯 值得一試

天氣好好，無落雨又涼涼地，就諗住去塔門呼吸下新鮮空氣，順便食返個海膽料理！呢度最出名其實係海膽炒飯，但我地食飽左早餐，同埋炒飯其實都唔平，所以叫左米粉，菜同d小食！海膽煎蛋米粉一入口就食到海膽味，比普通煎蛋濃厚，煎燶左d，應該因為又要煮又要收錢，睇唔到火！米粉就一般有機蕃薯苗個人一向好鍾意食呢隻菜！佢炒的幾香口，蒜味帶出左蕃薯苗獨有的甜味！豆腐花相影得唔好，但不得不讚個豆腐花好滑！無冰凍奶茶同無冰咸檸茶無冰凍奶茶其實無乜特別，因為平時都飲到！反而無冰咸檸茶堅正！好解渴！飲落好成個人舒服曬！有d似咸柑桔咁！今日顧客唔多，但因為得一個人煮，一個人做樓面，所以出菜比較慢，要食就要俾d耐性！

放假去塔門！自從細個同屋企人去過之後再到今次重遊都有十年啦。今次去到塔門，雖然島上人好多，但係因為望唔到高樓大廈嘅關係感覺好似去左外地，有啲去左沖繩嘅感覺呀！－重點係食左超好食嘅Local海膽炒飯($100)同埋海膽煎蛋三文治($40)。 一入到去餐廳好多人，但係都無諗住要等咁耐，等左差唔多成個鐘呀。可能因為得一隻家用鑊，要一個一個飯，一隻一隻蛋咁炒，所以特別耐。雖然等左都一段時間，但係都好值得！宜家算係海膽當造季節，所以炒飯同煎蛋都係啖啖海膽，仲好新鮮添。炒飯炒得好有鑊氣好乾身，仲粒粒分明添。點解我地會叫海膽煎蛋治，而唔就咁叫海膽煎蛋呢係因為價錢問題啦。海膽煎蛋要($95)，足足貴三文治成$55。海膽煎蛋加埋蔥花令到海膽味更出，溶溶地嘅海膽加埋白方包整成嘅三文治簡直一流！下次再去塔門都會繼續幫襯lee間小店！

N年前食過，如今再食多次，叫嘅嘢食都係一模一樣。首先係海膽炒飯，海膽不濃，且有好多蔥。蔥係幾香，唔係差嘅，不過因為本身海膽味已經唔多，再加咗咁多蔥，完全係搶晒味。如可以，少蔥會好啲。海膽蛋治，份量係一般三文治份量，都係嗰樣嘢啦，落蔥唔係問題，但本身唔多海膽，又係俾蔥搶晒啲味。無冰凍奶茶，呢類飲品多數都係預先落好晒糖，飲開無糖奶茶就唔係太啱飲，餐廳亦冇提供熱奶茶及有冰凍奶茶，要有心理準備。-必須搭枱-呢啲地方，預咗假期會多人。-人手有限，等候需時。-作為炒飯或三文治佢係合格有餘，但以海膽為主角，就唔係咁擔倒戲。-我係奶茶精，但習慣飲奶茶唔落糖，對我嚟講呢支無冰凍奶茶就麻麻地。另外一間茶餐廳只標榜所謂無冰凍奶茶，但冇提供最基本嘅奶茶，係有啲失望。

When we come here, there're no one waiting but still have to wait for 15 mins.The most popular dish Fried Sea Urchin Rice(海膽炒飯) is indeed tasty with dried rice. Fried Squid Noddle with Shrimp Sauce quite disappointed us. The noodles are too oil and the squids are not fresh with few squid favor.Iced Milk Tea is good and smooth. Good choice in Grassland.

大家見到呢一篇食評係兩條友一早起身入到去塔門之後嘅早餐，大家千祈唔好好似我哋咁想食咩就叫咩因為最後都係自己辛苦，因為太飽啦。首先講下佢哋嘅飲品，我覺得好好味同出面啲茶記嘅味道係好唔同，好香好特別。之後講下佢哋嘅食物，我覺得佢哋個炒飯炒得好好，粒粒分明、又唔會太濕或者窿。而且真係食到有海膽架，份量講真冇四至五個人，真係清唔晒。除非你係大食鬼好似我哋。然之後嚟嘅墨魚丸炸到啱啱好好，好香墨魚味，又唔會話好粉。但係由於嗰日朝頭早，得兩個店員喺度做嘅，所以等候時間要預返咁上下！

好煩既牛牛🐴🐴紮好個營行陣就去食午餐，叫左海膽煎蛋河粉同蝦醬鮮魷炒飯😋蝦醬炒飯冇大澳咁香，不過都可以接受。太多人食，我地都等左20分鐘先有得食，店舖人手唔係多。阿姨仲俾左我地碟炒飯隔離枱，完全唔睇單既😑😒去得偏遠既島仔食普通食物都覺得好好食😋