新惠和

營業中

休息中

第一次入黎塔門，出發前好彩食定野打抵，行行下行錯左上山😂，睇埋風景落番黎已經三點，一場黎到就梗係要試下d地道美食。塔門既餐廳只有數間，起晒碼頭果邊，但間間都似乎以海膽炒飯做招牌菜。不過價錢唔平，評價好壞參半，所以最後㨂左呢間價錢相宜，諗住平平地試下個海膽蛋治。環境就真係好地道，帶點簡陋。食店人手唔多，落單要自己寫起紙度，廚房炒野正是門口個爐頭。海膽炒飯要$100, 太貴🤭～最後叫左平一半既"蝦醬鮮魷炒飯"。上菜速度都算快，可能呢個鐘數比較少人。（*是日係公眾假期，3點鐘）✨蝦醬鮮魷炒飯（$50): 即叫即炒，飯夠乾身。聞落就好香蝦醬味，但食落就唔多覺。魷魚唔算太鮮味，但食落都有味既。雖然材料都係d雜豆，蛋，魷魚，但整體味道唔錯。飯粒帶點焦香，而且份量都幾大碟，好抵食。✨海膽蛋治（$40): 麵包鬆軟，個蛋熱辣辣都幾好食。個蛋食落好淡海膽味，聞落就係臭臭地果陣海膽除😅。如果比我㨂我會用呢個價錢食兩份餐蛋治，呢個海膽治叫做試一次就夠。✨炸墨丸（$40/半打）： 本身一份係$70一打，不過兩個人食唔到咁多，所以問佢可否要半份，就加多5蚊。個墨丸雖然係炸，但其實唔脆的，而且好油。味道方面就普普

有無發覺早左天黑同有少少陰陰涼？少少既秋意開始啦同朋友入塔門玩，去睇牛牛之外就係要試海膽炒飯，聲稱係用香港出品的塔門海膽黎整。無正規餐廳廚房，只係係門口有一個爐頭、普通家庭鑊就煮晒餐牌上的食物。（係我前面張枱就係花生醬同牛油）。至於味道.....當係風味咯，當你撘車又撘船終於黎到既時候就最緊要填包個肚。真係唔太食到海膽味👀。如果無左d海膽就係一個肉都無粒的蛋白蔥花炒飯。薑汁豆腐花只有凍無熱，都係自家製，薑汁味重但豆味唔重（仲要凍食）。不過老闆娘好好人幫我地加左好多薑汁代替糖水。涼粉我地都加左薑汁，唔知係咪行到熱熱地覺得涼粉好食d。墨魚丸同還可以啦。碟炒飯肉都無粒都要$100，2個人都食左$160。唔算太貴啦（呢度係得碼頭幾間餐廳，都無咩選擇啦）

香港郊遊地方多的是，但一生人點都要去塔門逛逛，吸收新鲜空氣、欣赏大自然美景和品赏美食。相信好多人一提到塔門，必定想起這裏的海膽炒飯。所以今次我入塔門其中一個原因也是她--新惠和。這裏的海膽炒飯，非常出名，所以成百分一碟都要試下。海膽份量果然多，膽汁滲透飯內，香、鲜、甜三種感覺完全feel到了，食落口口感一流，飯是即炒，做到非常乾身，炒到粒粒分開，賣相一流。而且，份量挺大，我們一家四口每人才分可碗半，食完大滿足，值得推介给朋友們。下次有機會再來塔門，我一定encore.😄

復活節假期下晝嚟到，落船去個廁所跟住嚟到呢度，全部人啱啱入坐，好彩啱啱有幾個位畀我哋攝到，叫咗個人人都叫嘅海膽炒飯，得一個人炒，佢又要負責收錢，又走入舖頭調校冷氣，結果等佢足足炒咗成十幾個飯先到我哋， 等咗超過一個鐘！ 點知一上枱，可能之前睇食評期望太高，海膽冇鮮味。$100碟，都幾貴，應該無下次另外試左蝦醬魷魚炒麵，$50，性價比相對ok薑汁冰凍奶茶好味，不過係郊外地方唔敢飲咁多，我哋share 夠了

去過已經去過不少地方荒山野嶺露營，今趟選擇塔門，除了想一觀日出及銀河以外，這小島的海膽炒飯亦是亦是考慮之列，而今趟分別光顧了兩間塔門餐廳的海膽炒飯，今趟就先來說一下新惠記。適逢週日，遊客太多了，在不想擠迫的情況下，跟老闆娘說好外賣就可到四週走走後才回來輕鬆收外賣帶回營地細意品嘗。海膽本身算是瘦物，故沒有足夠油份爆炒是引不出它的香味，加上和以雞漿，兩者油份少了一點，是達不到甘香的效果，但新惠記能掌握足夠油量之餘飯底亦沒有多餘油份，老闆娘炒制功力及控制份量都很好。而炒飯乾身之餘亦帶有海膽香味(不喜歡的認為是腥味) ，雖然每份海膽炒飯為上百元售價，但是值得的，另外賣相不差，真的比娓大酒家廚師水準。為了這客海膽炒飯，是會再來塔門露營的，畢竟，今次嚐到的味道，歷久不散。

一入到塔門行過碼頭，見到兩間鋪頭都係好多人等位。呢一間條龍特別長，個個都係為咗食佢嘅豆腐花同埋飲無冰凍奶茶。我見佢哋咁長龍就去咗營地紮個營先，搞掂晒先落返嚟嘆冷氣食凍野。差唔多五點嘅時候冇咗條人龍，問一問先知道因為冇晒凍豆腐花得熱食😂，咁都食架啦。叫埋支無冰凍香濃凍奶茶。其實豆腐花熱食係仲滑嘅，無石膏粉味，薑味唔濃，可能我啲黃糖落多左遮左啲味，最緊要夠滑。支無冰香濃凍奶茶唔夠凍嘅，不過啲奶茶味都OK。坐咗一陣佢哋都自己圍埋食飯，冷氣其實未嘆夠但唔好阻人食飯就走人。其實呢間野仲有其他嘢食例如海膽三文治海膽炒飯但係其實我冇見到有人食可能時間唔啱。

海膽炒飯，堅香堅多海膽薑汁奶茶，值得一試Ps. 七點先整好個營，諗住仲有野食。。。點知全部關門，撞到老板娘收野，問仲有冇野食，老板娘超好人！開爐親自同我地炒飯！好彩唔駛等到聽日早餐

去塔門已經差唔多成個月時間，而家先有時間寫兩句。落左山之後，打算試下塔門名物，見呢間比較多好評，所以排下隊，週日等了大概15分鐘，尚算合理。海膽炒飯 $100天啊…成舊水個炒飯…海膽味道冇想像中濃烈，因為連唔太喜好海膽嘅我都食得落，可想而知。雖然係名物，但卻有啲一般，所以試過就好，而且真係太貴。不過我最欣賞係佢地嘅炒飯，炒得乾身，一粒一粒咁，而且唔會油膩。因為一行9人，所以一瞬間就清碟。蝦醬鮮魷炒麵 $50（忘記影相）呢個本來唔打算點嘅，但見到店員問黎問去，都冇人認領，所以我地就要左，反正都炒起左。可能我們都餓啦，所以好快就食哂，而且呢個味道唔錯，蝦醬味唔會太搶，麵條亦都同飯一樣，炒得乾身，不錯吃。蝦醬鮮魷炒飯 $50如果護性價比，比較高嘅係呢碟炒飯。蝦醬味道突出，雖然稍鹹。但價錢係海膽炒飯嘅一半…可能係輸在起跑線，因為唔係名物。但朋友們都一致認為呢個炒飯好食啲。海膽煎蛋 $95…好貴…其實都係個煎蛋…煎蛋色澤因為海膽而澄橙黃色，加上蔥花不錯吃。但比起炒飯，煎蛋當中嘅海膽味更濃烈，而且朋友話食得出有海膽。墨魚丸 $40/12粒墨魚丸都係有啲貴…因為9個人食，點左兩份。口感有啲似炸魚蛋，

來到塔門點都要試下ｇｅ！！揀左一間想入去的就走入去了，因為間間都好多人，假日真係多人到頭都有點暈～哈哈～入到去，叫單要自己寫，自己落單，因為佢地真係太忙了，不過落單後等候時間都差不到20-25分鐘（就連豆腐花也包括在內），所以趕船的朋友要小心喔～食物方面，因不太肚餓但又身為海膽控的我～點都要食下海膽的食物ｇｅ～叫左個海膽煎蛋蝦子麵～海膽煎蛋蝦子麵海膽算多的～個煎蛋都真心香，蝦子麵都不是求其的～食食下真係咬到粒粒蝦子ｇａ～值得一試～！！豆腐花豆味濃，薑汁重，但感受唔到山水豆腐花的特別感覺，似普通的豆花加重薑汁

露營熱左成晚，日出即起身到處拍照，海邊日出真係美不勝收！急急梳洗落山食個早餐就要徹退喇，烈日當空會越來越熱。晨早八九點只有新惠和已開門做生意呢，閒日真好，寧靜舒服不擠迫，悠哉悠哉的節奏，爽乎！我非常肚餓，老闆娘還怕我食唔晒添。唓，一碗即食麵加個三文治真係濕濕碎啦，睇我表演啦！海膽炒蛋三文治，唔知有無烘底多士呢？忘記了問添，有就更香口啦。毫不吝嗇海膽肉，大大殼混上蛋漿翻炒，加上香蔥，使出必殺壓煎法，煎得雞蛋金黃微脆，蛋香澎湃攝魂！無敵香氣環繞全身，不要猶豫一咬而盡！炒蛋外脆內軟棉棉，微微蛋汁帶著鮮甜海膽肉，煎過的青蔥非常香口清爽，好食到小嘴震震，再加上軟塾白麵包，那有不好吃的理由！不過包邊有點乾硬，咬掉不吃。鮮魷湯米粉，必食魷物，新鮮度非筆墨可形容，活生生般在嘴巴裡跳彈，美味絕倫。只不過湯底淡如水，米粉本身又沒什麼味道，加點豉油還可下嚥。生菜有驚喜，爽甜鮮嫩又水潤，剛剛從田裡擇下來嗎？墨魚丸出前一丁，居然唔係出前一丁湯粉，湯底極淡，辣椒油無味只油，再加豉油依然反魂乏術，直接求其倒晒落肚就算。麵條發脹腍劈劈，似泡麵一樣，係咪沖過水呀？墨魚丸似魚蛋，質感味道都似，好搞笑。魚蛋中混入墨魚肉，微

趁著long weekend及天朗氣清，跟朋友們臨時決定一起出去到塔門走一走。雖然塔門有一片大草地，但每次去都會看到塔門牛很兇，主動走近人的袋子覓食。加上塔門也有一些餐廳，在遊玩過後到島上餐廳醫肚。島上有好幾間餐廳，每一家都在門口寫上島的著名食物「海膽炒飯」。沒想太多的我們就隨意走到其中一間，就是「新惠和」。這種的地道小店的裝潢也當然是較簡樸，但卻充滿港式小店的味道。小店人手不足的緣故，很多事情都需要自己來，就好像自己寫下菜單、自己拿飲品等。先點了兩個飲品來解渴，分別是無冰凍奶茶及秘裝咸檸茶。一枝奶茶可以倒出約四小杯的份量，不過喝下去沒有很特別的感覺，但沒有加冰也是凍的也是不錯，放一會兒都不怕味道變淡。咸檸茶是第一次喝，平常都是咸檸七，但咸檸茶的味道比想像中好，咸度跟酸度都不錯，值得一試。食身方面，先點了小食炸墨魚丸。即叫即炸，雖然是油了一點，但炸得香口，而且墨魚片彈牙，不消一會兒就我們清得乾乾淨淨。然後是島上馳名的海膽炒飯。一上菜就已經嗅得到海膽味，而吃下去也同樣很重海膽味，在炒飯中也會找到海膽肉，份量還不少。而且炒得乾身夠鑊氣，難怪這一道炒飯在島中是那麼的有名！再來的是蝦醬鮮魷炒烏

星期日假日去到 排隊十五分鍾至三十分鍾先入到入座後落單 等足一粒鍾先有得食因為得一個人負責炒然後因為中途不停有人因為等太耐而走/掉枱所以D單亂哂海膽炒飯味道一般 無乜海膽味如果可以cut走d座位 整多一個爐多一個人負責炒就唔洗成村人坐低哂係度剩係等一個人炒

今日天朗氣晴,最岩就梗係去郊遊啦,今次小弟同小胖女就去左塔門,親親大自然做個偽文青啦咁正所謂香港地咩地方都會有特色野,塔門出名係一大片草地+無一個無敵大海景啦一個咁靚既地方又點會缺少特色美食呢,而有特色美食又點會小得我地既出現呢今日就同大家食返餐塔門出名既海膽炒飯同無冰凍奶茶基本上黎到係坐無虛席,一黎就點左海膽炒飯同奶茶,其實仲有好多選擇,例如三文治,炒粉麵同公仔麵等等炒飯黎到賣相真係不輸出面既食店,份量亦非常夠,三人分享絕對夠食,味道亦非常好飯粒炒得好好,唔會濕淋淋,海膽味亦都十足,整體黎講係好好食另外個枝奶茶就真係好野黎,茶香奶重,飲落真係有淡淡茶香留係口到,真係要黎試一試,想係欣賞塔門靚景前醫下個肚,真係要黎試下海膽炒飯同枝奶茶先好行阿

Sea Uni Fried Egg Sandwich | 海膽煎蛋治.塔門名物當然是本地出產的海膽☺️ 煎蛋混上海膽 海膽的味道淡淡的 但最重要是不腥臭! 加上蔥花 其實不錯吃😋 相信如果蛋不煎得那麼熟和三文治經烘底 會更好! Sea Uni Fried Rice | 海膽炒飯.除了海膽蛋治 海膽炒飯也是必點! 海膽味都是淡淡的 但不腥 少許的鮮味😚 而且飯炒得好! 夠乾身 飯粒粒分明 不油膩 有鑊氣 好食😋 份量足夠二人吃飽飽😌Iced Milk Tea | 無冰凍奶茶.最喜歡無冰的凍奶茶 不會溝淡奶茶✌🏼️奶茶質感很滑 茶與奶的比例對我來說剛好 不錯☺️ 這裡還有薑汁凍奶茶 不過就沒試了🤔凍豆腐花.這個豆腐花是必點😋 好滑好滑 完全是滑進喉嚨 不過豆味就不太香濃😌Squid Ball | 墨魚丸.新鮮彈牙的墨魚丸! 在這裡試了五款東西 五款都好食 又有風味😋 不過定價過高 這碗淨墨魚丸索價$40🤔 不過一場來到 試一次還好吧

一直以來，對塔門嘅印象就是草原同牛牛。直到上個新年，男友從上海街訂了由塔門婆婆做的砵仔年糕，食過翻尋味，就更加想去這個小漁村。第一次去塔門，之前聽朋友講過塔門必食海膽，一到步就去左搵食炒蛋配有蔥花、海膽，頗惹味。但可能塔門的海膽本身味道較淡，所以海膽味不太突出。下次有機會，希望一試海膽炒飯。無冰凍奶茶茶味香濃，口感柔滑，正！墨魚丸很彈牙，內裏仲有粒粒墨魚涼粉同豆腐花係我哋最驚喜架！涼粉口感好滑，不會太實或太甜，配上薑糖感覺好清新！我地行完山，特意回來encore多碗 XD豆腐花真係好滑，充滿豆香！石膏粉味不重，推介！