新惠和

營業中

休息中

與友人一同來塔門郊遊，先吃少許「地道美食」才「上山」野餐。無冰凍奶茶膠樽盛著的一樽樽凍奶茶，賣相吸引，喝來普通 (再一次體現"it looks better than it tastes")；叫了兩支大夥兒各人淺嚐一點，茶味不濃 ，奶味尚好，不算太多奶，但連太興冰鎮凍奶茶的茶味也比這兒濃。海膽炒飯雖然等了十多分鐘才炒起，卻不覺有鑊氣，海膽炒飯，有朋友說「之前吃過很可口」，但我吃著想著，其實與魚春沒有兩樣 ，其實你將炒飯加進魚春及相同的料，可能炒起也會達致相同滋味。豉油皇鮮魷炒麵炒麵，友人說挺有鑊氣，我也感覺不到，難道是因為葵芳唯一麵家的鑊氣太強，寵壞了我? 鑊氣不強，幸而炒麵不油不膩，即使吃到碟底也沒有半到油光，這確是炒物中值得一讚的。店員都是「聲大夾老尷」那種，友人表示桌子位置不夠，想把調味醬油先行放開，店員隨即爆發︰「你放係人地張枱人地又唔夠位架喎!」而其實吾等亦屬讀書人，豈敢放到阻礙其他食客的桌子呢，只是想問問店內有沒其他位置先行安置，如沒有位置就算罷。老尷得店內8成食客都斜視我們，獲得前所未有的重視。本來大夥兒有點兒肚子餓，便點了兩個海膽炒飯，但吃過一碟後，都不想再吃了，由於這

海膽煎蛋治 $28無冰凍奶茶 $24海膽炒飯 $80(好食指數:7.5/10)2013-06-20奶茶好香茶味，不過偏甜同唔夠凍。熟既海膽當然唔能夠同海膽刺身比較，不過海膽炒飯同蛋夾海膽治幾唔錯，啖啖有海膽食到，絕無偷工減料，新嘗試。

秋高氣爽, 係時侯去下郊外地方於是去左我話想去好耐既塔門由於未去過, 所以一早做哂research (但都答錯車)雖然之前都有聽同事講塔門既海膽炒飯好正但為免去到搵唔到於是我上埋openriceresearch發現好多人都推介新惠和 (比起另一間高分)所以即刻mark住佢可能因為係小店, 所以得一個人煮, 都等左一陣叫左個海膽炒飯同埋海膽煎蛋麵海膽煎蛋麵好似冇乜海膽, 可能混左喺個煎蛋入面不過湯底好香麻油味 而且都幾濃至於個海膽炒飯真係要一推再推份量大~~兩個人食都夠! 而且真材實料, 啖啖都有海膽!!不過我覺得啲炒飯油左少少同埋佢啲飯比較硬身, 喜愛飯焦既朋友應該會鐘意山長水遠去到塔門除左可以親親大自然仲可以食到此等美食真係意外收獲! 

假日專程來到塔門陪小姐顛一日，假日的渡輪服務有三班，我們餓住肚皮坐12點半的船，差不多兩點才到這島上。由網上看到其他人的旅遊日誌，會知道塔門有兩間餐廳，新惠和可是塔門數一數二的餐廳，落船後沿著塔門海旁街直行可輕鬆找到。到了門口已有人在外等著，新惠和的老板會指示我們續一排隊安排入座。新惠和的門口，會發現廚房是在出面的，會不斷見到老板娘一味都是炒海膽炒飯，明顯海膽炒飯是必食之選。點九落船，好多人黎到先食晏，入面冷氣開放，雖然天時暑熱，但仍然感覺到涼快。坐低之後，望餐牌點菜，但伙記隨手就將紙筆放低台面，講想食咩就寫咩 ，我們亦入鄉隨俗，自己手寫落單。我們"寫單"的時候，伯伯老板問我們飲品先，來到塔門當然是出名的無冰凍奶茶，起初叫一杯($12)，但杯上台的時候比起平時茶記的杯細得多，最後改了要一支($24)。無冰凍奶茶的出名之處，除茶味香濃，是沒有用冰塊冷凍奶茶，沖好後放入膠樽然後在雪櫃冷藏，待客叫的時候原支奉上。小姐叫的實心冰的凍可樂($15)，明顯冰是自己雪的，像平時自己在家雪的冰一樣。$80 海膽炒飯，好大碟，兩個人分每人差不多分到三碗，飯炒得乾身，海膽新鮮炒得熟而且均勻，飯身炒至金黃

前幾天打風落雨，見今日咁好太陽當然要出去郊遊一趟。選擇㙮門，因為懷念新惠和的食物。一到達差唔多lunch time,當然去醫肚。兩人點了海膽炒飯，秘製咸檸茶，蝦醬炒鮮魷。海膽炒飯-水準依然，啖啖海膽加蔥花一齊食，好味！咁熱夭氣，喝一口咸檸茶，非常解喝，消暑。最失望就係蝦醬炒鮮魷，碟鮮魷嚟到時重以為叫錯，因為一點蝦醬都食咁到，水汪汪的，似豉油炒鮮魷多D，不過鮮魷都幾爽，有鮮味！唔通係塔門特色！

香港都有靚地方去架，唔洗成日去旅行妒忌人地國家風景，塔門真係好似墾丁，行小段路上到黎小山波，成大篇草地，長長既海岸線，真係可以HEA一日！行到累，落番黎民居附近，餐廳選擇10隻手指數得曬，賣既食物都可相似，均以海鮮同小菜為招徠！我地選擇了最有信譽既新惠和，在店舖工作既只有女店主同師傅，但由於人情關係，眼見好多附近住／工作既人都係自己黎(倒茶)。我地4個女仔叫左乾炒牛河／魚片炒面／海膽炒飯／炸墨丸。海膽炒飯作為招牌菜既，飯炒得很乾，粒粒分明，俾蛋漿默默包著既飯撈埋一舊舊海膽，睇見都好開心，海膽食落當然無東京築地既鮮甜，但食落口既膩感同飯係絕配。 炸墨丸外屠睇落似魚蛋皮，入面就係普通街市墨魚丸等我以為係鮮打既墨魚膠，但50蚊都有成12粒到，小食不錯既選擇。 魚片炒面同乾炒牛河一般貨色，中規中距。 飲品無冰奶茶，gimmick only，即係雪凍既奶茶(如要試，飲薑味)。飲檸茶好過大杯好多！

小時候我曾經和父母一齊遊塔門，但哪一年卻早已忘了。想不到三十多年後，在我成家立室後不久，可以有機會重臨塔門，而且是和太太一同前去的。未結婚前，我倆曾經吃過海下灣的海膽炒飯，只不過，最近當我提出想和太太一齊去塔門食海膽炒飯時，她卻誤將海下當作塔門！可想而知，塔門的海膽炒飯很有人氣！始終塔門往來交通較隔涉，需要先去黃石碼頭再轉乘街渡前往，山長水遠來到，當然要吃那裡的海膽炒飯。終於找到了新惠和－－這間較有口碑的食店。去到塔門已經是下午2時了，一去到當然要找新惠和，但我卻「蝦碌」找了另一間！幸好立即見到，轉去排隊！都要等半小時才入到！在等候途中，聽說無冰凍奶茶快要賣光，我便立即先買下兩枝先！入到去，又是另一個「等候」！點了招牌海膽炒飯和蝦醬鮮魷炒麵，結果都要等了一個小時才有得品嚐！期間我走出去店外，見到海膽炒飯原來是在爐頭即炒的，即叫即製！而且又很大碟，絕不欺場！炒飯終於端上桌了！海膽和飯粒又很平均分佈，絕不出現味道不均的情況！難怪是人氣之選！另一道蝦醬鮮魷炒麵，卻是另一種味道：炒得較乾身，不過一樣入味，魷魚又彈牙！吃過這處美食以後，相信未必那麼快會再臨塔門，只能在相片中回味一番！但我倆深信，

由於有好友住在塔門, 經常會去新惠和, 如想食好野, 最好預早三幾日打電話去問下有無海鮮, 可預早幫你買定。真係次次去都好滿意。但係一定要提早用膳, 比如11:45去午餐, 6:00去食晚餐, 咁就唔駛等位。

係呢個悠長假期同朋友們柴娃娃的來到塔門，為食的我當然不能錯過塔門的美食！看見有大排長龍的兩間餐廳--新惠和，新義記，兩間餐廳也是主打海膽食物，包括海膽炒飯，海膽煎蛋，友人的朋友曾來臨此地，稱海膽食物正係呢度既名物，不得不試。心想邊一間先係正店呢？上 openrice一看，好像沒有太大的差別呢，一間十四個笑臉，另一間是四個，最後選擇擇了有十四個笑臉的新惠和。相比呢兩間人氣小店，街尾有一間吃西餐的餐廳，小等一下便有位了，但大家最後還是覺得山長水遠，搭車又搭船，光是交通上已經不知道花掉多少時間，理應一試當地的美食吧！排隊既位置並太舒適，只是在窄巷內的一邊，當日天氣還真熱，排隊既時候難免會汗流浹背，係場內位置非常有限既情況下，竟然俾我地等到一行十多個人可以坐埋一齊，還真幸運呢！海膽炒飯：本身並非一個海膽控，反而有得揀既都唔會特登食呢，多聽到的都是日式的做法，如海膽刺身，海膽壽司，吃海膽炒飯還是第一次呢，呢度既海膽炒飯係於大門既爐頭即炒的，熱騰騰，鍋氣很足，個人喜歡炒飯內沒有太多亂七八糟的配料，帶一點葱花蛋花，也是很大的一碟，分量很多，呢個炒飯絕不欺場，並不是雷聲大，雨點少，細心一看，海膽平均分

塔門一日遊，行完山之後，消耗了不少水份，係時候又要補充了。來到(新惠和)，知道這裡馳名的(無冰凍奶茶)當然亦要一試了。無冰凍奶茶，買時存放於雪櫃內，用膠樽盛載著，所以無需加冰已經夠凍，奶與茶的比例配合得幾好，也合自己的口味。這枝無冰凍奶茶，跟早上飲過的(美心)冰滑奶茶比較，其實兩種味道都喜歡，感覺上美心之冰滑奶茶較為順滑。

參加一天遊去塔門，例牌到新漢記食午飯。而新惠和就在對面，山長水遠黎到，一定要試試海膽蛋三文治同無冰凍奶茶。而家佢地仲新出咗咸檸茶。天氣咁熱，行到流晒汗，於是就買咗咸檸茶、無冰凍奶茶同海膽蛋三文治3個人share食。海膽蛋三文治即叫即做，個火爐在店外，煮ge過程一清2楚。等咗大約5-7分鐘就新鮮熱辣送到你手上。即刻攞入去新漢記坐低食。新鮮熱辣，海膽與雞蛋混為一體，海膽都幾鮮味，唔會覺得腥，同埋啱我呢d唔鍾意海膽口感ge人，因為唔會食到海膽淋pat pat ge質地。無冰凍奶茶其實好普通，無特別。但在炎熱ge天氣下，成了大家的恩物。咸檸茶，一d都唔好飲，可以不試。咸檸唔夠咸唔夠酸，反而就好苦，味道好奇怪。下次再黎會再食海膽蛋三文治同試佢地個海膽炒飯。

每次去親塔門,總會幫襯下!今次試左海膽炒飯同蝦醬鮮魷炒麵,海膽炒飯確係正,炒得夠乾身,海膽亦好足料!炒面方面,鮮魷都算多同大舊,但蝦醬略嫌唔夠,阿姐話下次落order時可以單聲落重手啲!!阿姐仲話海膽同鮮魷都係塔門海域捕捉,確係夠新鮮!!!無冰凍奶茶出左薑汁味版,我本人就好like啦!臨走時仲買左支咸檸茶..簡直係補充水份同鹽份必備飲品呀!!

第一次到塔門島,先做了功課。塔門原來細小得,只有四間食肆登記!聽說在島裡出名的冰鎮奶茶,導遊介紹,是店內掛有一張狗仔相的最為「正牌」。登島後沿左邊走,很快便見到「馳名冰凍奶茶」。店員介紹還有加薑奶茶。二話不說要枝薑的$20!好好飲喎!即刻同店員分享啦!她更順道帶出,她們也有在屯門華都的開心美食,也有寄賣樽仔奶茶架!之後再買了一枝原味$20回程飲,雖都是茶奶平衡,茶味ok!再慢慢dap下,質地稀一點。海膽三文治$25,煎好時,是有麵包皮的,在旺場之時,我要求切開四份(各店員也沒有不悅之色,讚!),四份後,竟然飛走埋皮,即刻感覺細件多了!不過真係好好食噃!!煎蛋仍有少量蛋汁,海膽份量也很多,很鮮甜!

大熱天時真係要坐低抖一抖導遊話呢度海膽三文治&奶茶出名點都要走入黎試一試我叫左豆付花姜汁真係好重姜味落少少就夠奶茶ok,又夠滑最緊要係海膽三文治超香海膽味咁遠水路黎到冇理由唔試~

酷熱天氣警告下, 行完塔門半個山頭, 就去咗呢間食飯了飯類4個蝦醬鮮魷炒飯 $35幾好, 鮮魷彈牙!回鍋肉炒飯 $33罐頭炒的>.<乾炒牛河x2 $35一般, 佢用咗好少豉油, 味道偏淡加一支無冰凍奶茶, $20要$20一支, 天價茶味較淡, 比較適合重奶口味