新新酒家

營業中

休息中

1. 餐牌係西蘭花，嚟嘅係翠玉瓜，違反商品説明條例。2. 無話飲湯就擺兜川芎湯喺你枱面局你要，你話唔要千方百計阻你去搵經理問個明白，最慶係不斷搵幫手一齊埋嚟局。3. 你話唔要川芎湯要叫半隻雞，佢竟然話無雞，當時未夠夜晚9點。4. 你話唔要川芎湯，要叫個菜，飲湯啦，烏雞湯啦。總之你叫咩都係叫你飲湯。5. 要菜心就嚟碟通菜，明明落單嗰時經理喺隔你講左2次6. 廁所衛生欠佳，周圍都水滴滴#咁鍾意迫人飲湯平時係咪做二奶#好喜歡叫客飲湯嘅酒樓#呢間嘢搵鬼食啦#新新酒樓 #銅鑼灣

今晚係銅鑼灣逛街，係街有人派傳單俾我，睇睇新新海鮮酒家火鍋有6折。此前都有Dinner過，話唔係都要吃晚飯，於是我哋就行過去新新打邊爐，d野同此前有d唔同左，真係任飮任食，無論飲品和食物都比此前多款式好多啦，我最鐘意食肥牛，食左七、八兜好好味😄👍。重有食其他好多野，享受左個幾兩個鐘真係好好飽呀，找數九十餘元真係好好低食👍👍👍下次一定再黎😄😄😄另見到小菜都有半價優惠，好多都是海鮮菜式，比去街市買自己煑更低食，重見到有半價鱘龍魚品嚐添，真係值得試試。

行經銅鑼灣橋底，見到間任飲任食，仲要$163全包，係銅鑼灣區嚟講，認真低食，食品當然唔可以咁講究啦！但汽水啤酒任飲已經值回票價，任食2小時👍👍除咗湯底之外，全部食品，飲品，小食，甜品雪糕，全部都在外面自取，飲品有啤酒汽水， 尚算多選擇 (不過員工就非常冇禮貌👎🏻👎🏻👎🏻👎🏻）圖中雪櫃內，亦有手打丸，牛肉片，豬肉片，羊肉片，豬片，豬腸，牛柏葉，等等👍自助蔬菜區雪糕任食當晚小食有豬腳薑，糯米飯，炸薯角，碗仔翅，咖喱豬皮魚蛋任飲啤酒汽水調味自助架

前兩日同班朋友去咗睇波，之後成班唔知食乜好。話晒呢幾日都好凍，我都已經打咗幾日邊盧，不過當晚好似得八度，所以我哋成班喺好無頭緒嘅狀態之下都係選擇返打邊盧啦。我哋當晚八點半左右去攞位，佢話叫我地等一陣，最後等左九個字。我都明白任食打邊爐要求冇散嗌咁高，不過我都係唔會再食，因為成件事好似為咗填飽個肚而去食咁。第一賣相唔好講，啲湯底好似化學顏料加人工味道一樣。紅色湯底＋2舊蕃茄但係食物嘅味道離奇地可以有番茄味🤢第二任食配料見到都已經唔想揀，一嚟冇乜選擇二黎啲嘢食好似食整完嘅餸頭餸尾咁。我以為拎咗罐可樂，飲落去發現係無氣既可樂味，嚇親我😨原來係第二個牌子嘅飲品，真係唔知好嬲定好笑。第三我哋有兩位小朋友，當時樓下職員講話小朋友咁細個可以唔收費，但最後張單係計兩個小童錢，同個職員理論佢係極度冇禮貌加手指指同我地講嘢，最後我哋成餐飯最後尾都唔開心收場。一分錢一分貨我明嘅，但係我真係寧願係屋企食公仔麵都冇咁嬲。

以前既新星，而家叫新新 變成自助火鍋，仲有d熟食，例如豬腳薑，臘味飯咁 所有邊爐料都係自己拎，但魚片係無雪咖，上面仲有小強行黎行去 眼見肉類未解好凍，為左身體既健康真係不可一不可再，所以走為上著 ps 有甜筒任食同啤酒任飲，係一唯既可取之處

一大班friend夜晚行開銅鑼灣, 想一起食晚飯, 人多在銅鑼灣很難找位坐, 等位又時間長, 行來行去, 好不容易找到新新。以前這條街很旺, 現在差不多整條街也裝修, 少人行過來, 也好, 易找座位嘛。新新有火煱, 不過有同行者不能吃太多, 就選了點小菜。值得一提的是西蘭花炒班球, 沒有偷功減料; 另外又點了涼瓜炆班腩, 味道調教得適宜, 佐酒一流。份量適中, 人人食得飽。不過,小菜如果能排列好一點, 賣相再美觀一點, 拿出來, 就更容易呃like喇。

上次試過小菜都ok, 今次來食火鍋，一入到火鍋區，見到都有好多款食物，全自助式，鐘意食咩就攞咩，份量可以自己控制，真係好方便，吾會浪費，岩晒現正個個都話要環保，海鮮都係任食，有蝦，青口，蜆，螺，都好新鮮，肉類，菜類都有好多，丸類比一般火鍋多選擇，熟食又有，重有街頭小食，咖喱魚蛋，冷盤都有，食飽重可以食糖水，滋潤下，有3款不同選擇，醬料又有好多，飲品，汽水都有好多，啤酒任飲，真係花多眼亂，以銅鑼灣區，甘既價錢，真係好難搵，抵食，可以一試。

成日聽人講銅鑼灣新新酒家呢間唔錯 , 今晚終於與同事試左打邊爐, 入面中式酒樓格局, 環境ok, 我叫任身火鍋, 點左食物都出得幾快, 食材都好新鮮. 另外試左籠出名嘅流沙包.  我哋任飲任食 ,4個人埋單都系統$600.  唔錯價廉物美的好選擇, 值得推介, 下次再嚟過.

上星期六我和朋友又到新新海鮮酒家吃晚飯，一到新新就見到好多人係樓下等位，好彩我哋一早訂左位。食左冬至團圓宴。乳豬夠脆又唔肥👍，上湯龍蝦伊麵 -麵食落又幾煙勒，上湯又夠濃味，龍蝦多肉又新鮮熱騰騰食落真係正正正。其他菜式都ok。最後甜品係流沙包亦係我至愛的甜點，食入口d餡流晒出黎，又熱又夠甜，真係好好味👍👍👍 找數二千餘元，又有麻雀玩，重有卡拉ok唱歌娛樂，總之真係好抵。推介食物：新新燒鵝、鐵板安格斯牛柳

老細突然心情好, 請公司同事食午飯, 人又多, 正苦惱不知去那裏吃的時候, 就想到去新新試試。樓面地方夠大, 可以容納一大棚人。幸運地能夠坐到貴賓房, 哈哈哈。各類點心和炒粉麵水準都算不俗, 食材足料, 堅真適合一大班人食。本人推介蝦餃(有老細請梗係食D平時唔食的貴嘢), 餡料很飽滿, 都夠新鮮 。另外腸粉也是一大長碟放上枱的, 條條塞滿材料,  另人非常滿足。話晒係銅鑼灣區, 論價錢, 新新性價比很高。

今天難得與家人去行山，行完去到銅鑼灣差不多是午飯時間(至怕人多又迫又趕咁食飯)，正諗緊去邊度食，剛行過呢間新新就試下，去到等左一陣就有位。點了老人家最喜歡食嘅蝦餃、燒賣、牛柏葉、芋頭糕、叉燒包。啲蝦餃大大粒又彈牙，燒賣係傳統肉粒燒賣，另外叫左個流沙脆脆球，啲流沙餡又熱又好味，加埋個好香嘅籠仔鳳爪排骨飯，全部上枱都係熱辣辣。係呢區真係唔算貴，D點心好過稻X，係即叫即整。要係銅鑼灣區搵一間經濟實惠又唔催人走嘅地方慢慢嘆杯茶食D野，呢間的確唔錯。

所謂既自助式打邊爐，野食唔新鮮，肥牛冇曬又唔加，連可樂都可以用啲不明既大陸牌子對呢間新新不過失望，唔會再有下次，食垃圾都要比成$152一位。大家冇咩事唔好去中伏！

行完書展諗住近近哋喺灣仔打邊爐， 點知遇到呢間咁衰野， 啲嘢食真係完全係垃圾， 冬菇發毛， 蟹柳係“粟”架， 魚皮淥咗落去拎返上嚟係硬倒咬唔入㗎， 啲肉有部分係黑色嘅， 無敵難食， 嗌交收場

第一次寫食評咁就俾咗你～ 如果唔係咁差都唔會寫 138$打邊爐任食唔好食都預咗啦但係等左50分鐘第一轉都唔泥想點...............晚上10點半第一轉等30分鐘夥記話冇落到單如果冇落到單咁點解又可以出到個鴛鴦煲呢？咁唔緊要我再寫過，同事話跟跟但係之後等左20分鐘都冇泥眼見有五丶六個夥記 不過好似都發緊夢咁你眼望我眼都唔知道有咩問題咁見到隔離枱幾枱都想投訴都差唔多11點半都唔想左你地收工唉 咁你哋話收12點半...剩返一個鐘野食都未到點食總之....冇下次希望人睇到呢篇野唔會好似我咁中伏！！

黎到同屋企人食飯啲野食已經麻麻銅鑼灣區黎講簡直既垃圾不過重點都係啲服務質素啲侍應都正常ok 反而啲經理見佢得閒諗住問佢有無甜品加佢即刻係扮曬自己忙咁走開 啲態度仲要勁差啲經理態度仲衰過啲細既侍應仔咩料？真心極唔推薦大家去食我見佢仲要加一服務費 真係真加佢妹環境方面都唔算太好 6點幾入去地下都好污糟價錢都係偏貴 同區有其他同類餐廳質素同價錢都比佢好同抵如果去呢間 真係得頹廢打邊爐不過佢鋪面都已經唔算乾淨 廚房就更加無從稽考