新星海鮮酒家 (已結業)

同個Friend經開銅鑼灣, 諗住打邊爐, 醒起呢間成日都有好多人排隊, 7點去到唔洗等位, 揀咗$108打邊爐任食2小時。坐低先發現原來湯底係另計, 由於腸胃炎未好哂, 決定要個清清地既皮蛋莞茜, 價值$88, 另送前菜一碟, Friend揀咗八爪魚仔, 點知黎到見到好樣衰, 一pat pat咁, 叫部長換過海蜇燻蹄, 個樣係好少少, 但唔好食, D燻蹄成陣豬騷味…無茶招呼你, 但湯底送嘢飲, 我哋唔飲啤酒, 揀咗利賓納…好怪囉, 打邊爐飲利賓納。圖中所見, 肥牛真係麻麻, 我成餐食左一塊。但係任食居然有象拔蚌! 差唔多俾我食哂咁滯。見佢地D丸都係手打, 細細粒, 可以試多幾款, 唔錯! 佢地係將你一轉ORDER既嘢全部放晌一隻大碟入面, 呢個方法幾好, 唔洗成枱都係。任食其他款式都係嗰D, 無特別, 如果唔係個象拔蚌同超好味的脆肉鯇 (基本上成餐我淨係食呢兩樣同埋菜), 我會俾個「喊」。食完一轉都飽哂, 雖然係任食, 但其實計返唔係特別抵。埋單送一張$108火鍋2位送1位coupon。平平地都可以再去既…

I've been in HK for about 2 weeks now and usually eat in local eatteries around CWB so my expectations for dinner aren't high. I fancied going for some dim sum tonight; you know, treat myself a little; saw the nice rating on openrice for this place and thought why not.First things first:This place has been renovated into a restaurant and no longer serves Dim Sum (they have a couple of Dim Sum like deserts, that's it).The price tag of 40-100HKD should be updated, expect to pay 101-150The appearan

星期四晚上約了朋友打邊爐, 價位也不太清楚, 而印象中的新星海鮮酒家晚上打邊爐是任叫任食形式, 由於朋友預先book 了位, 所以我們準時便可以入坐而當時walk-in 的客人真的不小任食價好像是$108, 再加湯底, 茶芥, 醬料等 ... 一大墟加加減減, 不價也罷了先點了蕃茄薯仔湯底 + 水晶凍肉 : 凍肉菸菸黑黑, 甩頭甩骨, 味道也可想而知 食物只點了兩轉: 因為當第一轉上枱時印象已大打節扣, 賣相非常求其, 像是一墟餸頭餸尾的食物, 牛肉牛不似牛, 吃了一片已不想再吃下去 柚桔檸蜜 : 是全晚唯一最欣賞的, 也數不清渴了多小 .... 下次任食邊爐餐還是要唸唸

我們的中秋節比其他人早一個星期慶祝，咁會唔會比其他人開心多一個星期？ 中秋食中餐，剛好做小菜半價~ 所以，又係叫左好多菜！ 酒樓有多款孖寶優惠提供，你選擇左我鍾意食的薑蔥蟹拼燒鵝！ 燒鵝先到，皮脆加上肉質鬆軟，不熱但可接受，而且醃得好味！之後上芥辣牛肉粒，wasabi攻鼻不過唔會太重，牛肉size有咬口，同wasabi味好夾！ 荔枝炒小骨，味道酸酸甜甜，肉質唔會好鞋，但唔鍾意荔枝切細細粒！ 蕃茄蛋白龍蝦球：好多蕃茄，我鍾意！味道適中，唔好太酸，龍蝦球不少，有鮮味！呢個都好好味，如果先到，應該會清哂！ 冬菇蟲草花蒸雞：食有冬菇，好淡，雞反而好濃味，食左一件雞翼，都幾好！不過你話無味？ 最後~~ 主角到了!薑蔥蟹：一隻蟹的份量，但隻蟹爆膏，比起我地上一餐五百幾一隻的黃油蟹更多！所以，你好開心~ 而膏外，蟹都是爆肉的！加上蟹係爆過油炸過再炒，所以，真係好好食！嘻嘻~ 最後你只係食左個蓋同一件蟹身，其他的，我食哂！勁！ 好開心好開心的一餐晚餐！多謝你~ 我會記得我們的中秋節，半月的團圓！ P.S. 個夏枯草涼茶好甜！助慶？

距離貨車男既大婚之日仲有一個月.我地呢班被邀做兄弟姊妹既型男索女.都要開一次小會分配一下我地嗰日要負責既事.所以今次就個LOCATION嚟左呢度.---夠就腳一行十二人浩浩蕩蕩上去開會.(其實大吃一餐就真)9:00前$108一位連加一.我地叫左兩個爐.一個鴛鴦鍋,一個豬骨煲叫左好多嘢,少不免既肥牛,雞子.大量既蔬菜::牛肉,3分:係一般既,食落有D雪味.其他野豬皮,四寶丸.蟹子丸都唔係太大問題.不過任食同汽水啤酒任飲又唔會要求得太多.服務亦都無樓下所講咁,亦都無夠鐘就收爐.可能我地眼見都唔係太多枱有人坐.我地由8:30坐到11:00幾.食到個個飽飽.

星期一(公眾假期) 差不多十二點, 一行五人去新星飲左個中午茶, 但係都唔係好多人, 唔駛等位. 五一後, 啲侍應真係少左喎.....好耐都唔沖一次水, 同埋以前好精美既點心紙都無埋, 款式仲少左添呀! 不過啲野食都保持到水準, 叫左碟班腩炒河同六七碟點心, 埋單都係二百幾. 但係最可惜係無左好好味既麥芽糖炒芋頭..裝修後都食過一次, 衣家就無左lu.....可惜!!!!!! 好想食番啊~~~

真係好耐沒飲過早茶啦，咁啱，周六就有個朋友約我飲早茶，好似被人睇穿一樣。其實都不算早啦，我們約了10點，我選地點在銅羅灣，選哪一間飲茶就是朋友的事了，朋友選了鵝頸橋旁邊的新星。裝修之前，試過午市、下午茶和晚飯，都算咁常下啦，一分錢一分貨。裝修後沒多久，有和同事來試過晚飯，出品和服務均有轉變，環境比起之前略顯清雅，消費水平也比之前有所提髙，正常啦！投資需要成本嘛。又是朋友先到，坐在門口右邊髙台的小廳內。朋友要的是壽眉茶。我問朋友想食咩，朋友話隨便哦，早茶啫，隨便就隨便啦。我點了：皮蛋瘦肉粥、牛肉腸、燒麥、叉燒包、潮流粉粿。皮蛋瘦肉粥：我是不太喜歡吃粥的，都食咗兩小碗，不像有啲粥用米粉煲，粥煲得好清香、好滑，仲有米香味，唔錯！牛肉腸：皮略厚咗D，都算滑啦，一份有三條，我食著半條，總係食咗有D鹼水味。燒麥：雖然是皮薄餡大，不過我對燒麥一直不是太感冒，因為主料多為豬肉，覺得肥膩，所以感覺普通。叉燒包：包厚餡薄的叉燒包啱我食，因為我不太喜歡吃叉燒包內的叉燒！外觀不錯，不過D叉燒我個人認為略甜了一些。潮州粉粿：粉粿的內容是按潮州菜的要求做的，朋友說OK，我還是喜歡現代色的細粒的潮州粉粿。食咗一粒，

火鍋料款多，冇貨會講明我真係覺得去新星打邊好爽，講款式，佢非常多款，其中張火鍋紙上刪除左「白螺片」有一個 [ X ]我覺得好抵讚，唔會油你點完之後同你講冇貨。火鍋拼埋一碟，感覺好豐富上次去拼埋一盤好靚的，今次可能太多人，冇時間整靚佢，但個人認為都可以接受，最緊要出料夠快，今次等左5分鐘都冇就出現首 ROUND 食物 !!! VERY GOOD!!!!!!湯底冇辣油，但係辣味十足湯底好緊要，佢地既沙嗲湯底加極水都仲係好濃味最後，服務上都可以接受，部份人粗聲粗氣好似做到好火咁，亦有部份人係好關心啲客人，係咁追住你加水，沖茶，拎汽水。仲會問下你啲野到齊味......... 十分週到

3月10號晚7點幾,我打電話去銅鑼灣新星訂3月11日晚,9點後4位火煱;到11號晚,我同埋d朋友8:45分去到攞檯,佢竟然同我講:我即刻嬲到上頭頂!!!我話:跟住佢即刻比返個輪侯號碼比我,但係我對佢地呢d訂位服務真係怕怕~因為呢個情形我試過好多次啦~我諗我地唔會再去啦==有d食物由我地坐低直至到我地走,點左好多次都冇黎過><仲要我地點菜先過隔離檯,佢地仲要岩岩來點菜紙都未交比侍應,竟然隔離檯d菜仲黎先過我地><冇左鱔片,豬頸肉變左肥豬肉==

今年冬至做節去了新星海鮮酒家食火鍋,任食火鍋每位HKD107,但湯底要另加HKD88,送一瓶咸檸七及小食一碟,食物選擇都幾多,只不過醬汁無得自由添加,辣椒絲要加HKD10才有一碟仔!!!小食 : 炸豆腐 -外脆內軟,味道不錯湯底: 鴛鴦湯飲品 : 咸檸七 -最想不到這瓶咸檸七勁好味!我..............差不多給我搶晒來飲食物 : 美國肥牛、羊肉片、黑豬豚肉、海蝦、麻辣流心丸及蟹粉流心丸等等-其它酒家好像沒有麻辣流心丸及蟹粉流心丸,我第一次食.所以覺得好特別又好味呢海蝦亦好鮮甜雖然話任食,但左加右加....................結賬時張單都幾貴好彩不用我找數

有段時間都無黎新星食「任食火鍋」喇。同朋有行左成個銅鑼灣同灣仔，最後都係黎左呢度。晚上九點零五分拿到籌，九點九入到場。依家晚上九時後特價88蚊位(但計埋加一、豉油費、湯底(最平$48)，都要140蚊位。)我地兩個大男人，揀左「麻辣湯底」。個湯一黎到，已經聞到陣「麻」味，同「椒」味。「藍冰」、百事、七起、夏枯草、酸梅湯任飲。任食選擇豐富，一般大路食物都有，連「雞子」、象拔蚌都係任食。(如果要比較，係比「德x」更多選擇。)麻辣湯底真係幾辣，有膽既可以試下。佢地上火鍋料有個特色，就係d料會砌到靚一靚成盤咁上，不過d肥牛就會懶係野分開上。)講開肥牛，講真，又係d最cheap既「一邊肥、一邊瘦」貨色。不過黎得「任食場」，預左。喜出望外既係，呢到d火鍋料，一般黎講質素都算係唔錯，都幾新鮮。呢度既魚皮餃好大粒，幾好味。象拔蚌好爽，不過一定要煮到熟透。羊肉片好有羊味，但碎左d。另外，牛筋丸好爽口，但鹹左d。總睇黎講，「新星」現時係質素比較好既「抵食任食火鍋」之選。如果唔係，都唔洗係9:00pm都要等成九個字先有得入場。

呢晚 7:30p.m 一行10人去打邊爐(任食火煱2小時),去得(任食火煱), 都知呢啲酒家有個習慣.........例如order 4 碟肥牛, 只出 2 碟或唔出都有.今晚 order 6-7 轉火煱料. 每轉只有order 嘅一半上桌,咁都算. 咪 order 多 2 轉咯.到 9:00p.m 左右, 一位女部長通知我地仲有半小時就够鐘. 朋友反問. 我地8:30p.m order 20 碟, 半小時仲未有.呢位女部長回答話冇 20 碟呢張單, 叫我地再 order.朋友又問 : . 女部長回答話: 我地準時 9:30p.m 結帳, 冇下次.

入左openrice會員好耐, 終於都要寫一篇食評, 不過係一篇喊的食評食物質料及味道均可以的, 但那位服務員"阿姐"的態度是完全不能接受。食火鍋限時2小時無問題, 要我地埋單都無問題, 朋友已經比咭個疑似部長的職員了~到夠鐘你同我講要熄爐我都吹你唔脹... 不過你係唔係應該比我食埋向個鍋內已經熟左既野食先?阿姐你唔係一句"得"埋黎話夠2個鐘啦然後一野就抽走個鍋, 真係火都黎囉! 到個疑似部長拎張單返黎啦, 就同佢講, 其他檯呢, 都係等人地走左先收野, 抽走個鍋... 我地張檯呢, 個位阿姐就聲都唔聲就一野拎走晒d野! 我地都係唔想浪費食埋d野先走~那位阿姐在我們向疑似部長投訴時, 居然還走過來話我地已經夠晒2個鐘... 疑似部長無理到佢, 不過就同我地講... 見到咁就同個阿姐講我地未食完, 不過無用啦, 根本佢就無理我地一野就抽走個鍋.. 之後佢話會改善, 下次唔會咁樣... 我即時答... 唔會有下次囉!!就算食物有多好味, 但服務唔得的話都係唔會有客再返黎食

香鱔煲仔飯，$68 加一，飯的份量夠4個人食，(鱔的份量當然不夠)飯底好香，粒粒企身，飯的中間滿有鱔香，加上豉油非常惹味，鱔亦好有彈性，非常滑，一點也不鞋，但也不是細魚，因為魚身都很厚很圓，並一啲都唔腥一粒粒果啲係芋頭，我自己唔算太喜歡吃芋頭，但媽媽就說好粉好腍但好香煲仔飯的周圍都是薄薄的飯焦！ 比太子和廟街的煲仔飯更加出色另外再加了一些小菜，圖2 的濃湯浸菜苗非常出色，因為菜很新鮮很清甜，而湯亦很住家feel，配合的很好很好。早前新裝修後服務很差，水準也不穩定現在又再從新上力，今餐非常滿意！！！

唉！又加價！一句原材料價格上升，又成為了商家的加價理由！大家樂罷食熱潮掀起，商家仍然得寸進尺，真係 祝君好運啦在＋二月中仍是$8.8大中小，星期六日也有$13.8優惠，(引用師姐mjqueen7e的舊MENU: http://static2.openrice.com.hk/UserPhoto/photo/2/1ML/00BKNZ99E1901F6AFF5C63m.jpg)只是過左一星期，十二月的第一天就加價了！金牌流沙包 ($16.8) ：全日最好的點心，仍能保持一貫的水準，沒有令我失望！咬下去仍然是惹味的蛋黃醬！冬瑤灌湯餃 ($9.8)：的確有少許瑤柱及一小片冬瓜，不過不失之作！柱候牛孖根 ($9.8)：份量普通，有5-6塊，但柱候醬溝了很多的豆板醬，味道怪怪的，差！鮮蝦菠菜餃 ($9.8) ：一直是這點心的棒場客，可惜失望而回！餃皮不行，餡料更不行！菠菜份量足夠，但一吃下去怪怪的！落了很多粉！再吃下去，只有咸！是死咸的那種！很差！壓軸登場柚子煎堆仔 ($9.8) ：簡直是衝擊味蕾的一大享受！九唔答八的味道混在一起！士多啤梨+柚子+煎堆 = 非筆墨可形容！震撼！有創意！一試難忘！總結