新星海鮮酒家 (已結業)

新星宵夜火鍋人龍長已聽聞已久, 所以在決定在這兒吃時也有點尤疑, 訂了位準時九時來到, 門口不見什麼人龍, 只見一小群人在門口吹煙. 被安排坐於房內, 大約也可放五六圍檯. 朋友還未到來時就預先點定湯底和火鍋料, 等他們來到就可開懷吃喝芫茜皮蛋拼清湯底 - 湯底有不少配搭, 有些湯底是配生蠔, 也有些是配東星斑等, 但價錢當然是各有差異, 和朋友商討後要要了個芫茜皮蛋拼清湯, 跟湯底的還附上海帶一碟, 朋友說質感有點怪, 感覺同一般吃到的不同任食火鍋料選擇也不少, 但當然一些貴價食品要另收費, 點好食物會用一大碟的一起奉上, 賣相不算吸引但食材尚算新鮮, 而其中螺片象拔蚌等都可任食其他地方比較少有, 羊肉片朋友說比肥牛還要好, 淡淡羊羶味, 輕滾一陣肉質嫩滑, 芝士丸第一次吃, 咬開芝士半融口感特別, 海蝦來到蝦腳還會動的, 雖有點殘忍但鮮味卻足除了任食外, 汽水, 酸梅湯等也是任飲的, 而啤酒代表就是ICE, 但是晚朋友們都不太在狀態, 還是少喝為妙可能在房關係有點叫天不認叫地不聞的感覺, 有時想落單也要出房門給侍應在此多謝朋友們的禮物, 在這寒天裡倍感滋潤溫暖

16號天氣咁凍, 就去打邊爐... 點知係北角唔係冇邊間揀就係FULL.. 要等最終都係要出返CWB 黎到新星打~~!!因為唔係9點後, 所以全單點...!! 唔緊要啦 最緊要食得開心AR MA!!數數先, 點左...1. 鎮江肴肉 = $282. 一皇兩后大閘蟹 = $883. 湯底=冬蟲夏草雞件 + 桶蠔 + 咸檸七 = $ 1784. 桂花蚌 = $485. 象拔蚌6. 雞子7. 雜菇拼盤8. 墨魚滑9. 炸枝竹10. 特大大大大魚頭 + 特級雪花肥牛 = $98十全十美的一餐....大閘蟹新鮮抵食! 不過當造之月快過la~好多蟹膏, 食左敏感冇發, 即新鮮啦!另讚 就係特大大大大魚頭 + 肥牛,魚頭真係全個, 同埋真係好大個, 條魚應該好大條...魚頭長.... 有15-18 cm!!肥牛就+左$10先有令d既~ 如果唔係肥膏就太多~呢碟唔肥 但食落有牛味同埋唔un~桂花蚌都好爽口~呢餐再配上咸檸七... 絕配!!食完好飽啦, 不過其實仲食到~只不過叫得太多野, 就飽見到都想放棄... 知食唔晒~service方面: 叫咁多野, 緊係好服務啦有個男的戴眼鏡中年waiter, s

去完sogo血拼，黎個下午茶時段同男友２人，需要同另外２人搭台Ｄ阿姐都幾無禮貌事關同一張台只係分左28同28A個阿姐送Ｄ點心黎果陣，咪問下佢幾多號ga，費事亂啦佢話「唔岩食咪拎走lo」之後我男友話「呢度有兩張台ga，想知係邊張姐，無話唔要呀」佢先知衰話「哈，講笑ja,哥仔唔好嬲」雖然都無嬲，但係唔只一個阿姐係咁講「唔岩食咪拎走lo」蝦餃﹣ＯＫ燒賣﹣一般炒年糕﹣ＯＫ魷魚鬚﹣讚！好大條！流沙包﹣３個裡面一個都唔流沙，同普通茶樓食ge一樣.................以前食唔係咁ga wo! 下午茶Ｄ野差D??菜心﹣一般腐皮卷﹣ＯＫ蟹粉小籠包﹣何來蟹粉？唔講以為紅蘿蔔小籠包

天氣轉涼同朋友去新星打邊爐點知冇訂枱要等成半個鐘食物方面大同小異最緊要材料新鮮不過選擇到新星為咗個流沙飽不過今次有點失準奶皇唔夠流味道唔夠濃可能人多有偏差希望佢能時常保持最佳水準

一向好欣賞新星既流沙包，次次有機會飲茶，都盡量揀新星，無他，就係因為個流沙包。今日改變左少少，因為朋友不好甜食，所以叫左其他點心，不過都好開心，因為一樣咁出色。是日餐單﹕(1)炸雲吞﹕好鬆好脆，配埋個酸汁真係一流，雖然都好熱氣下(2)花生雞腳﹕好入味，亦夠腍身，d花生都好香(3)胡椒豬肚湯﹕keke，勁胡椒，飲落好刺激!!! 雖然未到冬天，需要暖胃的效果，但真係幾好味丫(4)燒賣﹕普普通通，不過夠大隻，好鬼抵因為仲有下場，所以不能食咁多。悠悠閒閒咁坐左個多小時，傾下計，真開心。

weekend 早茶沒有特價ordered:餃子拼盆$42: 有４種餃,每樣3件,算抵叉包: 有懷舊風味那種,幾好馬拉糕:很深色懷舊那種,幾好魚肚蝦粥-搭有趣,但味道淡

今日lunch去銅鑼灣工作，和一大班同事到新星飲茶，好彩不用等位。叫了好多點心，流沙包點了三籠，依然好流，好重鹹蛋香，好得，果然是主打。其他點心都ok，但因為趕住走，好快食完好快走。今次食不到甜品，下次有機會再食。而且我見到隔枱有個菠蘿飯，好似好好味，下次一定要試。

呢間野雖然係我附近，但我真係好少去，每次經過都見到好多人排隊，真係好好奇係咪真係咁好食，今日終於黎左呢度飲茶試下，但個結果係覺得未必會再黎食......我地大概兩點幾去到，都唔駛等位，即刻有，但要搭檯就真既，不過都無咩所謂。環境算幾好，寬闊又夠冷氣，咁熱無冷氣既話會好辛苦架嘛。叫左幾樣野食，即係你唔會覺得佢好難食，但每一樣野都梗有d可以批評既地方，無咩邊樣野係有讚無嘆....真係唔係太好食呢!招牌流沙包呢個一定叫架啦，佢成日都賣哂廣告，以我咁鍾意流沙包既人係一定會叫黎食既。我覺得佢個餡係幾好既，一咬落去即刻流哂出黎，甜度又ok，但個問題係個包皮勁厚，而且好硬...唔夠軟熟.......變左食到尾覺得好口乾，所以唔算係真係好好。叫左個大芥菜鹹豬骨粥，呢個就係個粥唔太入味，你食落去所有味道係分開既，食粥得粥味，食豬骨有豬骨味，但唔係融會埋一齊...而d芥菜唔太靚，有渣既，所以又係麻麻地。之後仲叫左個老家蜂巢糕，呢個食落去有D馬拉糕既味道，不過佢太甜啦，食完係勁漏唔想食其他野，如果個味道淡返D會比較好，而且個糕幾淋下，無咩口感。最後叫左個籠仔鳳爪排骨飯，份量幾大下，我地兩個人完全食唔哂。落左

今日9點後打邊爐~~好開心~~D野大致都好好味好新鮮~~好就好在每次都係黎少少,2個人食都唔會哂野又可以試多D野~最好味既大致有....蝦,豬下巴(豬頸肉),肥牛, 水餃類,螺類,同蟹粉丸~~~汽水啤酒任飲~~!!!!難得既係員工忙成咁都仲好有禮貌,又會自動加水同問你飲唔飲多D野,好少食特價野會有咁好既服務~!!!~~十分抵讚!!!D野黎得都OK快,又有得睇電視~~埋單2個人都係163,又抵又滿足~~可惜買一送一做埋聽日......無法啦....夏天來臨了.....

一提起新星這家店,很多人可能只會記起晚上平價的火煱任食,但可能大家也沒有想到午市的點心時間也是可以如此的吸引.有一天,有兩-三小時的空堂,跟同學說來不如去飲茶,偶然就想起新星,因為每一次都係光顧火煱今次就試一下這兒的點心吧...說來也好,原來這兒的點心;還幾精緻,味道也不差..當中流沙包,真是一定要試的,一咬下去,奶黃沖出來的感覺實在難以形容,真的要小心一點,不惟咀也會給燙傷...還有蒸籠排骨飯,食起來飯也特別香的....自此我們都愛上在這店飲茶....不過價錢略高...但也可以接受..~

明天我day off, 今晚我放工後我同了我男朋友去了食火鍋, 9時後入座是$78一位任食, 我都是食完才知道現在做海嘯價火鍋$78買一送一, 都覺得好抵食,醬油&茶芥已免收, 但要收加一同個nuts, 湯底都是另外要收費的,我們最後埋單都只是$156, 已經食到攬住個肚回家一開始坐下來, 當然要order 飲品先, 有百事, mirinda橙汁, 7-up, 夏枯草, 西洋菜蜜, blue ice beer...我們叫了夏枯草, 同order了湯底 "香茜皮旦馬蹄湯底", 可以清下熱氣...湯底的料都不是少也不算多, 我最喜歡食是馬蹄&皮旦一開始都order了好多東西, 有肥牛, 水餃,雲吞,菠菜,魚皮餃,油麥菜,金菇,豬紅,象拔蚌, 白螺片...豬紅---啲color &味道好似雞紅肥牛---好多根鵝腸--好多沙龍蝦丸--晤爽, 也不甜美鱔片--好腥味魷魚--會缩到好細條流心蟹粉丸--真是好粉又不爆醬??雲吞--好瘦又實的豬肉之後再取order紙再點火鍋配料, 再加多一瓶夏枯草&mirinda橙汁(內地), 之前都order了一些火鍋配料都冇來, 晤知那裡, eg 芝士腸, 出前一

一直對任飲任食嘅火煱興趣不大, 收得一百幾十食物質素如何心中有數! 還有就是要等到九點後開始, 分分鐘排隊等位排到十點幾都未必有得食!當係食晚飯嘅活真係餓死都未天光. 昨晚有同事火煱飯局, 九個人選了兩個湯底:豬骨煱加海蝦一份及皮蛋莞茜拼沙爹煱加桶蠔,兩款都有一支啤酒,豬骨煱----有４件「排骨」+ 幾舊粟米在水中浮沉,無味嘅!反而另外個鴛鴦煱好Ｄ喎, 雖然都係味道偏淡但總好過個豬骨煱！桶蠔有五大隻味道都ok嘅,海蝦有七隻亦都頗大隻同新鮮.但其它食物就真係好一般!手切肥牛、美國肥牛、牛脷、牛肉粒、羊肉片、豬下青、雞子、鵝腸、豬皮、牛栢葉、本地蠔、韮菜餃、菜肉雲吞、雜菌拼盤、鱔片、手打丸、鯇魚頭、炸腐皮卷,吃完沒有一樣留下印象!大部份也像街市凍肉鋪貨色,看看那碟鵝腸便明白.幾罐汽水加一打啤酒連茶芥埋單$1400是便宜的.吃到九點半埋單落樓, 門口已經聚集三四十人等位食九點後$68買一送一任食火煱,大概吃的食物和正價沒分別.我們每人俾多百多元就是為了不用等位？

因為新星近排做緊任飲任食火鍋買一送一優惠，專程來試下。任飲任食時段由九點開始，當晚六點打去已經full booking，如果想book 應該早一兩日打去，不過可在八時開始拎飛輪位。我同男友七點九去到，佢七點十就開始派飛，我地就坐係個度一邊睇電視一邊等夠鐘。八點九新星門口全擠滿人，九點先叫訂左位的人入先，之後就叫飛入，我地第二枱入。湯底是另計的，我地點了沙爹拼芫茜皮蛋湯底（＄５８）。有好多皮蛋,沙爹少少辣的。飲品有西洋菜蜜、夏枯草、罐裝汽水。食物其實唔係好多款，冇我最喜愛的鴕鳥肉。每次叫的食物都係一大碟上，不是分開上。四寶丸：得兩寶，墨魚丸同蝦丸流沙蟹粉丸：最好味，好多餡，不過唔流，係咪蟹粉就唔知啦美國肥牛：好多筋西洋菜：普通鮮冬菇：幾好蘿蔔：煲左好耐，所以好腍粟米：無味，切到好薄魚雲：得一細舊，味道普通鱔片：幾爽脆脆骨腩：硬左ｄ貢根條：好難食，仲要俾左好多，冇食晒滑雞片：唔錯，真係好滑象拔蚌：好爽，有少許甜芋絲：好細扎，又係冇味金菇：普通魚滑：鯪魚肉，普通服務員會自動幫你加水，不錯。埋單，茶芥、、醬油、花生、加一，全數＄１６７。

約了中同gathering，朋友仔試過呢度覺得幾好，見天氣凍凍地，又係開爐既好時刻!本身想食任食，坐低先知9點後先有...唯有逐款叫啦。埋單先發現其實任食同單點既價錢都差唔多(當然唔計大胃王啦)由於朋友之中有人對海鮮類敏感，所以好多湯底菜式都唔掂得，最後叫左個蕃茄薯仔湯底+蝦+啤酒既湯底套餐。基本上，都是普通既肉類、丸類、海鮮，沒甚麼特別。唯一想講既係，大家一定要check單，因為埋單時發現佢加左個只有早上先有既點心落我地張單，後尾話俾部長聽，佢只係求其講聲「E，呢個朝早先有架wor」就走左去。睇黎呢d事成日都發生...

中午與老爸到新星飲茶，點了三個點心：雞包仔，潮州粉果和發財大利，一碟時菜班腩炒河，十二時四十八分落單，起菜速度很慢，約二十分鐘後，先送來時菜班腩河，算了吧！有甚麼來便吃甚麼，時菜是小棠菜，班腩是沒有骨的，全部是肉，正確些說應是魚柳，當然不是石班魚，然而，味道還是可以的，再過十分鐘，送來發財大利，兩件燒賣上，一件放髮菜，另一件放豬利一小件，味道略鹹，呼嚕呼嚕不消十分鐘，全部吃清，但再過十分鐘，雞包仔，潮州粉果還未來，老爸怕我遲到上班，說不來便不要了。通知侍應埋單，並告訴有兩點心沒有送來，侍應交主任取銷，但都沒有為錯誤表示歉意。午市期間，很多檯都要搭檯，殊不舒服，一來大家談話不便，二來四人檯，兩伙人共兩壼茶兩壼水，還有多少空間，除非酒樓預算所有人都叫碟頭飯，何況，有些檯是沒有人坐的，可能預備給後來的人客，到頭來有些還是「吉」的。走時看看海報推廣晚上供應的任食火鍋，有一條有趣的附例是：吃剩的食物每一兩收五元。