新景記粉麵 (已結業)

四月二十九日 (星期三)看見飲食雜誌,有介紹這間低食粉麵店,心血來潮,決定叫老公仔一試起初還知道這間鋪頭的位置,問一問老公仔,原來正是在蘭芳園的對面,龍記的隔離來到,剛好有位,我們分便點了不同的隻併...豬肉丸魚餃河粉見雜誌介紹這裡的魚餃出名,推介了喜愛吃魚餃的老公仔他說都算不錯,皮薄而肉富魚味,雖然較細粒,但一共有五粒,實行以量取勝至於豬肉丸就算是過得去,始終他被"八記"的豬肉丸寵壞了牛腩魚蛋米這裡的魚蛋是必試的,很特別的質感和味道較為細粒,但很富魚味和彈牙至於牛腩就有點韌,不值一試雙併只售$26,在中環算是不錯,唯可能男士會吃不飽哩

由於今星期食12點, 所以有機會慢慢選餐廳入去食, 之前試過蘭芳園, 今次想改下口咪食魚旦河. 見佢門口好多雜誌訪問, 心想應該不錯吧。相信係家庭形式經營, 坐收銀的是女痳女痳, 店舖裝修很有懷舊味道, 實在令人懷念。佢地招牌是魚旦, 但我見到魚旦的賣相好像同我想像有點出入......不好意思, 可能我唔識欣賞, 魚旦的賣相好像平時我買了回家雪入雪櫃後再解凍一樣....至於4寶的其他丸, 其實都係痳痳地, 我淨係鐘意食個粉同辣椒油~不過呢個價的確係中環黎講好平的了. 為了懷舊, 間中去十卜下都唔錯既~

Today, i went there for lunch. It is quite full but the environment is fine and at least clean. I ordered the cuttlefish ball & fish slice noodle. The fish slice is tasteful and the cuttlefish ball is fresh. The price is 24 dollars only and you can try two different kinds of ingredient. It is worth to eat in Central with such attractive price. For me, I will try fish ball noddle since it is also very famous.

知道結志街一帶就快重建, 遂找多幾次走過來看看拍拍照。上次來未吃新景記, 以前只在鰂魚涌的新店吃過, 今回就來老店一試。店內帶古舊氣息的綠白瓷磚, 令時光彷彿停留在幾十年前, 是牆上貼著各界對店子的報導才令人醒起身在現代。在打點的是一個白髮婆婆, 另一個阿姐在煮麵。向婆婆要了一碗魚蛋粉 ($19), 繼續悠閒地細看店內眾生。來吃麵的有上了年紀的長者, 更多的是在旁邊街市買完菜走來坐坐的, 自然還有像我這樣慕名而來的食客啦。魚蛋粉的魚蛋樣子粗糙, 入口其實有點淋淋的, 當然不是機啤圓碌碌彈彈下之流可比, 但正好吃到魚肉的原味, 還有少少魚骨碎, 果然真材實料。魚片只有薄薄的兩片, 味道也不錯, 最愛外皮韌韌地的質感, 難怪有不少街坊特地走來買整條魚片回家的。附上的一條生菜, 聊勝於無罷了。說完主角魚蛋, 其實河粉也不遜色, 據說是街轉角的一家老牌粉麵廠供應的, 滑嘟嘟挺爽口。之不過, 原來在桌上的辣椒油才是最正點的! 我下了少少已辣得我冒汗, 卻又不是一味的死辣, 反是強勁的辣香先聲奪人! 還帶有一點點的蒜味, 這自家製辣椒油果然出色! 不消說, 老店能在中環屹立六十餘年, 總有她的生存

落雨濕濕由般咸道行了落中環, 落到0黎周身濕晒, 大部分餐廳亦爆晒, 求其0黎了呢度食個粉. 知道呢度魚蛋魚片出名, 叫了碗魚片 + 魚蛋 + 魚皮餃河試試.要求了「多青」, 0黎到果然森林一樣 先呷啖湯底, 清清的無人造味精, 還不錯, 不過實在淡了 d, 唯有自行落少少辣油吊吊味; 魚蛋腍腍的, 魚味淡薄, 胡椒味就幾勁, 睇0黎唔多新鮮? 魚片脆身, 不過一樣無乜魚味; 魚皮餃就最唔掂, 餡料無乜問題, 但外層 gooey 得很, 諗起都打冷震; 河粉就薄薄滑滑又帶點米香, 還 ok.已食了飯的朋友就只叫了一碟生菜, 佢0既評語係「d 菜有怪味」, 聽落幾得人驚...唔識欣賞, 放低 $34, 即閃.

本來想同朋友仔去食蕃茄麵，不過2點都仲有好多人排隊。我地2個餓鬼唔想等，剛剛我又記得早前報紙介紹過呢間d魚蛋好出名，好多人專程黎買魚片做食送。於是我地就黎左呢度。我要了一碗馳名既魚片米。朋友仔就要紫菜四寶河。魚片水準不俗，雖然炸到三尖八角有d樣衰，但就好有魚味。如果切厚d，口感一定更加好。紫菜四寶河有魚蛋、牛丸,、墨丸、魚餃，同紫菜。魚蛋細細粒，食落有d魚味兼彈牙，不過作為招牌菜就似乎仲未得。墨丸、魚餃同牛丸好普通，一般街市貨色。紫菜頗多，而且洗得乾淨，食落無沙。另外，喜歡它每碗都有生菜墊底，但整碗既份量不多兼且有味精。

諗住去abc 買鳥結糖比同事食, 點知又買唔到跟住就發現新景記, 入去試下囉~見全個鋪頭都係貼住介紹魚蛋既雜誌...又心思思想試牛筋丸, 所以就黎個魚蛋牛筋丸河...河粉几好味, 魚蛋就麻麻地...um...點講呢?無平時食既咁多粉, 但係又唔係認真爽口彈牙, 仲頗腥tim!好彩我唔怕魚腥味既0者...相反牛筋丸出奇地好食...好重牛肉味...yum yum~~!! 湯底, 河粉同辣椒油都唔錯...咁樣雙拼好似已經要$26蚊? 唔記得...btw, 見隔離既食客食通菜, 咦?! 新景記唔係用水蕹 早知我都整返碟啦...

魚蛋墨丸米粉的湯頭很有味道，連續喝了多口，對我來說，是十分少有的事。回家看資料，才知道新景記的湯底是先將大地魚用炭火燒香，但下鍋前，會把焦燶部份刮走，以保持湯底清甜。再加入豬骨、胡椒粒熬制三小時而成。製作如此認真，怪不得那麽好喝。至於魚蛋，就如衆人所說，欠了彈牙口感的魚蛋，細細粒，卻是魚香澎湃，令人有一吃再吃的衝動。墨丸只是平平，味道不差，但漿粉下得多了點。店中的彩色瓷磚加鴨綠色牆身，紅底白字手寫餐牌，在在顯示了鋪頭的年齡。雖然新景記已在東區覓了新鋪，但舊店的風味，是時間點點滴滴累積而成，買不到，做不來。結志街重建拆卸在即，消失前，快來親嚐老一輩精心炮製的心血結晶品！

近期食得太豐富，想食點清清地，同事提議新景記。睇番食評，原來我04年來過，之後一直未食過。我要的墨丸牛腩粗麵，墨丸與以前一樣，好有墨魚味，中間還有馬蹄粒粒的爽口；牛腩好唔得，唔夠惹味又唔夠腍，肉地幾硬實，反而同事食的牛肚相對較好，切得薄條狀，帶腍中又不失彈牙。再叫多一碗油菜及一碗淨魚片頭，睇過報紙介紹，知道佢的魚蛋魚片是用百分百的魚肉來製，所以不會太彈牙，不過連最簡單的新魚味也欠奉，只食到重重的胡椒味。

朋友看了今期《飲食》，說這裡即將因舊區重建而是close，所以便來了這間很有七、八十年代feel的小店八時多，人不多，店裡的一切令我想起小時候阿媽帶我吃魚蛋粉的時候- 牛筋魚片粗：牛筋『林』，但味道有點怪。魚片那麼出名便試試，魚肉部份很軟，有魚肉味，皮（炸的部份）炸得都幾香，皮有點硬，我覺得都ok，不過相信有人會不喜歡這個口感。粗麵方面，幾好味，口感適中！- 雲吞牛腩粗：牛腩味道幾好，肥牛腩好一點，瘦的有點乾。雲吞沒有什麼特別，不算大隻- 淨魚蛋：魚蛋果然是出色，超軟，吃得出是真正魚肉total $66，阿叔說老細不在，要我們等他回來才有找續，最後朋友去了seven買飲品換散紙埋單，阿叔不停apologize，之前漏了淨魚蛋又不停說唔好意思，在這麼老的小店仍有這些service真是不錯呢！

試了招牌魚蛋牛腩, 魚蛋和魚片都不算彈牙, 但是用魚打出來, 有魚味, 牛腩很腍, 湯底不俗. 比起上星期在深水埗食的入味很多..侍應很親切...

又係大雨滂沱，令到人的心情都跌至入谷底肚子餓，一個人走到結志街，吃一碗魚蛋粉，期望心情會好一點吧老字號，水準還是有的。魚蛋沒有夏銘記的淰身，魚味卻猶有過之，吃落還食到有少許碎魚骨，真的真材實料；魚片樣子呈皺皮狀，厚身，吃落雖嚡口，但魚味依然有，比坊間那些滑嘟嘟的溝粉貨，確勝一籌...吃完後，心情真的好了點

送罷E回家後,由嘉咸街回到結志街,孤身走我路,獨個摸索我路途.趁這個路邊無人之晚上,去找些中環巷記小店試試,平時下午如殺戮戰場,根本沒有可能同班上班大軍鬥.結志街上的龍記同新景記,兩者也未試過.要不要擲公子來作決定?定兩者兼得?我企正新景記門口,就新景記.六十多年歷史的"魚蛋檔",深信如沒有過人之處,也未必撐到今天.魚蛋米連魚片,近年很少魚蛋粉吃得滿意,一係彈牙但味道空泛,一係口感同味感也沒有的"飛機貨".六十多年的味道,魚蛋質感非彈牙,但魚味濃郁,魚肉內帶有點點細魚骨,似吃魚肉多過吃魚蛋,真夠粗糙.同之前在大埔街市的洪記感覺相若.魚片都係不是彈牙,魚味濃,外皮脆口.湯底比較淡,辣油刺激度對我而言已足夠,電視上的亞視節目正播著"師奶我最大",我還是"嗒"低頭食魚蛋.結志街重建逼在眉睫,新景記未雨綢謬,已在太古坊外面開分店.味道是否亦一樣?

成日見到介紹, 終於去試下, 食完並五係想像中甘好食, 魚片切得重溥過張紙, 魚旦無魚味, 叫左個魚皮, 我諗擺左好耐, 一咬好硬, 要個阿姐比個湯先食到, 有時真係五好甘信報紙雜誌寫既野.

同老婆去睇Chanel Mobile Art 展之前，來這裡一個quick lunch. 魚旦麵- 魚旦好香胡椒味，幼麵鹼水味不會太重，湯底清。牛腩粗- 牛腩唔係太稔，味道一般，粗麵好味，但我地喜歡幼麵多D。本來想試河粉，可惜賣晒。佢地的辣椒油，唔會太辣，值得一試。