新森林焗之專門店 (已結業)

又係去伊記，之前來這吃我的late lunch (4點!)知這間店很久了，今天有機會試，好開心呀!下午茶餐牌上有很多飽肚之選，因我好焗物，所以很多也對胃口。叫了大路的焗肉醬意，暖暖叫茄汁豬扒焗(菜)飯，兩個都很美味。不過吃完很口乾。餐飲包一般飲品，利賓納是不用加錢的，但奇怪是要檸賓的話，要加$6。無加一。

呢區咁多年, 我都未試過呢間d野食, 聽聞好好味, 再上黎睇下d口碑都唔錯喎, 於是尋晚鼓起勇氣去試下啦, 發覺都係不外如是, 並冇咩大驚喜!個個都話呢度d焗飯好味, 咁咩都唔敢試住啦, 淨係試焗飯好喇! 於是我叫左個勁辣牛魔皇焗鴛鴦飯, 而友人就叫左個芝士焗海鮮豬扒鴛鴦飯, 一個配羅湯同蒜蓉包, 一個配凍檸茶! 先講羅湯同蒜蓉包, 羅湯好咸同埋冇辣味, 唔係好正; 而蒜蓉包係餐包入面有蒜蓉, 同平時食開唔同, 個包幾軟熟, 一d都唔硬, 幾好! 咁個芝士焗海鮮豬扒鴛鴦飯, 海鮮有魷魚, 帶子, 蟹柳同埋蝦仁, 魷魚好香好脆不過好難咬得斷, 幾難下; 帶子得一粒, 友人話唔脆不過可以啦; 蟹柳就一般而蝦仁就好唔得, 一d都唔鲜, 絕對唔好食; 至於豬扒就真係唔錯, 好鬆冇骨夠味, 仲要切件上, 個汁仲好味好開胃, 即刻令我諗起佢地焗豬扒飯應該好好味! 至於個勁辣牛魔皇焗鴛鴦飯就真係有d搵笨喇, 用黑椒汁同咖哩汁配飯, 黑椒牛仔骨同咖哩牛榐, 一啖食落口諗住會勁辣啦, 點知一d都唔辣, 如果係有少少辣你就唔好寫勁辣啦, 勁辣真係諗住你會辣到人食唔到, 你可以寫香辣架大佬, 直頭貨不對辦,

今日既5 號餐(廚師推介)係白汁焗蟹籽墨魚肉螺絲粉$29, 加$2 有埋凍檸茶, 另送白湯同蒜蓉包.白汁焗蟹籽墨魚肉螺絲粉充滿着香甜, 墨魚肉又彈牙.白湯有魚肉的, 但冇乜忌廉味.店員很有禮貌, 今時今日咁既服務態度係得既!

This restaurant offers a lot of baked dishes, and besides that it also offers other regulator fast food dishes as well as ramen. Variety is what this shop is trying to offer.I ordered a hk classic baked pork chip on rice, the rice was ok, it was fried rice but for some reason, it didn't add a whole lot to the dish. The source, on the other hand, was good and tasty, a bit towards sweet side. Then the pork chop was tender. I am not a big fan of port chop, but this time I think it was ok. Finally,

琴日去左呢度買外買, 等左都幾耐, 但返到公司就知無買錯野因為d飯好好味! d粟米魚柳好香, 個豬扒就ok~

同事帶我來食午飯, 幾多人而且座位幾逼, 叫了龍脷柳天使麵, 送羅宋湯, 蒜蓉包及咖啡, 食物做得有心機, 蒜蓉包外脆內軟, 咖啡是機磨咖啡, 碟碟賣相都好, 唔係普通港式意粉, 無加一賣$31-33 set lunch, 誠意可加.

一放工去到旺角只是六點就黎食飯兩口子叫了咖哩軟殼蟹焗飯及海鮮天使麵.兩個都要了餐不過只包湯或飲品.我棟了湯個湯冇特別但個蒜容包幾好食.另外加$8可以有小食,我要了咖哩雞烤餅有四塊烤餅幾正又熱..男朋友要的焗so皮龍蝦湯卻漏單真失望.個咖哩軟殼蟹焗飯好正個汁有咖哩同好似沙律漿的汁料..好食...但個海鮮天使麵就麻麻...總括食物好食但衛生比較差..個洗手間同我地張台都有野飛黎飛去..

午飯時間和同事到這餐廳,我們於一時零五分已到達及即時落單。我們還未叫餐飲侍應已急不及待地走去清潔其他檯面及拿飲品給其他客人。大約一時三十分我們發現比我們遲來的食客的午餐已來,但我們還在等。打算叫侍應的時候她未待我們開口已告訴我們她已替我跟單,我問她是否漏單,不然不會等這麼長時間,她即時反駁說不是及已為我們跟單。到了一時三十八分食物還未來,顯而已見根本有人漏了單,經再三催單後,該侍應竟然小聲地跟同事說廚房跌了單沒已為我們跟單。差不多四十分鐘都在等食物,那一個小時的午飯時間,要人客在十五分鐘內吃完,這是否合理?我明白這是人為疏急而追究亦不能怎樣,但……問題在於那侍應明明漏單一開初為何要搶著否認?而且我們亦浪費了時間去等,要我們等了四十分鐘已很不合理,理虧在餐廳,如果我們不等的話就要付那杯飲品的錢,試問這是否合理?這樣差的服務態度,應該不會想要再次光顧

因為要去jordon 上堂, 見有d 肚餓,所以入左尼食tea ~~~ 呢度以焗飯出名~但我冇食~ 因為食左lunch 唔駛咁快食飯咁我就叫左個炸魚塊配鮮果沙律~~上一檯~~ 好正呀~~ d 魚係岩岩炸好!熱辣辣好脆~~~ 真係好味,而鮮果沙律唔係一般勁落醬果d,完全冇醬,係kiwi,蜜桃配搭~幾fresh ! 食完個tea 都幾滿足下^^ 但個柚子茶就唔太好啦.... 太淡=.=

尋日同同事食LUNCH..睇到食評話唔錯,同事試過又話幾好喎.. 咁就黎左呢度試下啦.. 我食左芝士海鮮併蕃茄豬扒,本來海鮮同豬扒都唔係我太LIKE既.. 但係又唔知揀咩好.. 咁就試下.. 原來唔抱期望既野真係會有喜出望外架喎.. 我覺得焗得幾好食.. 好夠味.. 豬扒又唔會韌.. 個蒜蓉包都好脆喎.. 唔錯.. 都OK啦!!

間唔中lunch就會去果度吃~又唔太貴~焗飯就最好食勒~不過食完又冇話好想返返去食果種感覺。大約$30一個餐仲可以叫特別野飲算係抵啦~!

行過見到舖頭出面d介紹好似好吸引好好味咁..就入左去試下!!叫左個2人套餐咁...d野食真係麻麻地..無乜特別..好普通..同普通既餐廳無乜分別..唔值咁既價..同埋d位真係幾逼囉!!唔會有第2次囉..

第一次佐敦店食。檯擺得好迫，迫到要拉開張檯我老婆至埋到個位坐低！而且環境好嘈，面對面都差聽唔到老婆講乜！重有，坐我老婆隔離位個客好慘，因為佢頸背後塊玻璃牆有突出邊位，姐仔唔知係唔係貪方便，將張menu「儐」邊位度，姐仔成日走去拎/放低張menu已經好disturbing，重要佢「儐」張menu「儐」得唔好，跌落幾次，次次都扑中個客背脊！個客都算好脾氣，食完走就算喇。講番食物，叫兩個set (每樣都係$30)：(1)豬扒拼石斑焗飯；同(2)焗新德里咖喱羊肉飯。前者OK，後者用免治羊肉，感覺冇一舊舊羊肉咁好，只算普通。

好耐都無過呢度食野啦, 今次再去啦, 叫左個芝士海鮮配鮮茄豬扒飯$37跟飲品, 同行朋友叫左蕃茄魚柳焗薯蓉同埋吞拿魚雙併飯, 呢間上食物速度比其他分店的快, 好快就焗起有得食啦, 芝士好多但係味太太太淡, 其實似係白汁多d喎, 海鮮都係魚柳, 魷魚圈一堆雪藏海鮮咁啦, 無咩特別野, 茄汁個味唔錯, 但豬扒就好明顯比左過多鬆肉粉落去, 搞到個肉質太滑, 有d假........唔知點解佢咁耐都堅持用呢個碟, 太細之餘又搖下搖下, 食得好唔方便, 重有佢個汁都係比得太少, 所以都唔夠撈飯, 今次重慘, 坐左係一pair勁食煙的情侶隔離, 全程食佢地二手煙, 好難頂, 點解比位個時唔問下人地先安排入坐??

我都經常去食,貪佢唔駛等位,食飽飽又唔趕人走.一班朋友傾下計就最好.D晚餐都唔錯,不過有一味羊膝就唔多掂,冇羊味之餘D 汁又唔多夾,新森林都係食焗飯最好.