新森林焗之專門店 (已結業)

昨日跟朋友們一起吃，叫了幾個鐵板和焗飯🍲，鐵板是可以的，味道還好，中規中矩，可是焗飯比較參差，不夠香味🤕，飯太淋了，咬下去口感不欠佳🍚比較欣賞他們的飲品，款式多，味道也不錯

琴日突然想食焗飯，所以去左新森林食lunch,睇餐牌見到好多款都好吸引咁樣，選擇困難症下終於揀左個芝士什菌豬扒焗飯。可能始終係焗飯，等左大約15分鐘左右終於上枱啦，賣相非常唔錯喔！近乎成個飯都鋪滿芝士汁，岩晒我呢個汁怪！飯係炒飯底，味道一般，無乜特別。至於豬扒都唔錯，份量都足夠，而且都易咬開唔鞋，味道都入味嘅。差不多每一啖飯都可以食到汁，對我黎講好滿足至於環境都可以，一般小餐廳嘅格局，坐得都舒服架

今日星期五同屋企人食一共三人要等位咁我就叫左三位然後出去等隔左5min鐘後面有 八人一家大細再隔10分鐘左右 入面有4個人走 帶位個就叫8人的一半入左去先我等佢地坐完 我就係門口同佢理論點解唔係我地入先佢話忘記左 唔好忘思 下張到你 我心想 佢一定係 怕8人的家庭驚等得耐 失左大客所以叫佢地坐先 咁樣服務都有 只顧搵錢 最基本排隊先後都可以亂來？最後diu完佢 怕食鞋粉就不吃了

今日eatmug9 #31想食焗飯嘅朋友絕對唔難諗起“新森林”今日要推介嘅唔係邊款焗飯因為佢款款都有返咁上下質素仲要有成幾十款畀你揀一個星期食一餐 都要大半年先食得晒佢推出嘅焗飯唔只啱食肉獸 仲有啲素食焗飯 迎合埋素食嘅朋友款式多都不在話下價錢亦都好經濟實惠平均一個飯都係$50左右加多$8 就有餐湯同餐包又一個窮人恩物今次就叫咗個肉醬意粉套餐搭杯紅豆冰加脆脆豬食完個包加羅宋湯都有3成飽再隊埋個意粉真係大滿足

係女人行下，睇下有d咩餐廳係未食過先，同事見到新森林就話想食焗豬飯，今日遲左食lunch，啱啱入到餐廳，學生們就紛紛離開趕返學，所以就立即有位。午餐勁多選擇，不過今日無乜胃口，唔想食芝士啊！點左一碟無肉既炒飯，配一杯熱飲，都係$36。又幾抵！杯熱檸茶到左，我呆左，咁唔環保既，紙杯都算，仲用即棄膠匙🙄唔環保到一個點！蟹籽蟹棒肉粟米粒炒飯味道係無肉既楊州炒飯，炒得乾身唔會油，味道都正常，無乜特別，份量唔大，只夠我呢d比較細食既人。不過$36係咁上下！試左同事既焗豬扒飯又幾好味喎！

有很多年了以前在佐敦工作也會經常食的一間這天經過看見人流不多 所以進去食了這間分店是第一次食的·芝士焗咖哩雞伴鮮茄豬扒鴛鴦飯一次過食到兩種口味其實也不錯耶haha雖然飯比較小 但我也食不完一個飯😂·大盛湯面(魚片+蟹子丸​​)沒有太特別的味道 加點辣椒油就更加好味·雞翼想不到是炸雞翼來的 味道沒有特別·凍咖啡咖啡的味道剛剛好吧 但應該選小甜·茶走茶味偏淡 煉奶可能放得太多了🙄

有時諗食都幾頭痛，今日路過女人街就決定食新森林。呢度焗飯比較出色，我點了芝士海鮮焗黑椒雞皇鴛鴦飯（48元）。黑椒汁比較辣，雞肉夠嫩。魚柳大大塊，帆立貝都算大粒，蝦都算大隻，白汁都唔錯。套餐加配凍檸茶（+3元）

這天一個人來食下午茶，肚子不太餓就沒有點飯類，要了自選餸的湯拉麵。湯拉麵以前都食過，味道不錯，以相宜的價錢食到湯拉麵，價錢比在日式食店食到更經濟；不求太高，但以這個價錢食個拉麵也不錯。店員說韓式豚肉少少辣，今天也想吃點辣的食物，就點了豚肉還有香辣湯底。雖然這裡不是茶餐廳，但是根據以往的經驗，這裡的奶茶是不錯的，茶底夠濃；不過今天的奶茶奶味重了點，又不太夠熱，扣了點分。就是簡單的一個拉麵，配上少許蔥、栗米、椰菜絲和海帶絲。韓式豚肉有少許辣，切得薄很容易食，也不會令人覺得膩，豚肉分量也不算少。雖然豚肉和湯底都是辣，但我覺得不會蓋過食物的味道，我不是很吃得辣但辣度是可接受、適合的。拉麵質地爽滑，食過有些較差的拉麵會有鹼水味，十分影響食物味道，但這裡完全沒有這個情況，配合湯底的豬骨味香香辣辣的幾好味。下次要找個地方坐一下吃點東西，這裡也不錯。

呢個打邊邊好「的色」 但材料十足 袋完係好飽架叫左個墨魚汁湯底 但味道煮得耐好似有少少苦味 唔知係個蜆定個墨魚汁既關係 如果墨魚汁湯底可以濃d就更出色了加12-20蚊左右就有個蠔 /蜆 我就兩樣叫晒 估唔到個蠔都算大隻 好抵呀 另外試左個煎牛扒 幾厚 呢個70幾蚊就找到數 性價比滿分 初頭以為份量少 仲驚唔夠食 點知加埋個意粉 食食下 真係好飽 正👍🏻完全係年青人既恩物 我地既中午、晚餐既飯堂 平時晏就食個焗飯都係四、五十蚊 但足料夠飽 而家真係無乜邊幾間餐廳可以保持呢種性價比十足既優勢

天氣轉涼，打邊爐就岩曬啦。好似我今日噤，同朋友兩個人，真係好想打邊爐🤤但係兩個人去食一大鍋散叫餸又好似叫唔到多款野食。於是上網揾下有咩一人火鍋。一揾就揾左間好野😍一定要大大力share就係呢一間新森林一人鍋黎講佢提供既選擇真係好多，我同朋友揀左好耐😂最後我地既共識係:唔好重覆，咩都要試下呢到員工好有親切感,又有禮貌,唔洗等好耐, 就有野食啦~ 煮左一陣,終於都滾啦,見到D蒸氣都暖粒粒朋友嗌左：鮮甜椰子雞湯做湯底，無論加幾多次湯椰子味都極濃! (最後真係湯我地都飲)而且真係有多椰肉嫁係呀...你無睇錯....都係$68炸。主食方面我地一個叫左牛,一個叫左雞肉。而朋友係配料就選擇左:至愛午餐肉﹑豚肉餃子﹑金姑粟米+白飯<--- 好痴線佢真係食得晒(而且我地重追加左食物)我嗌左：墨汁海皇湯底,係呢到既推介唔好睇佢黑蚊蚊咁,真係凡事唔好睇表面,點估到佢咁甜嫁~佢係我食火鍋之中數一數二特別既口味。因為朋友叫左一個鍋, 所以我呢個係追加鍋,價錢都係$38蚊, 真係好誇張最誇張係,佢平得黎係食物既質素超越佢既價錢水平。岩晒想平平地又食得飽又想打邊爐既我地配料就選擇左:自家魚片頭﹑准山竹春卷﹑

天氣開始凍，烚下烚下既氣氛愈來愈濃厚，一兩個人最方便當然係搵一人火鍋，平時一人火鍋只會諗起大型連鎖店，而家連新森林都有，又多個選擇新森林一向都係焗飯為主, 焗飯款式好多，性價比高，今次有埋火鍋，又多個去既原因雖然係一人鍋，但佢非常靈活，湯底、主食、配料、面食、追加、以至飲品都可以自由配搭，唔會只有兩三款揀，唔怕一樣岩食另一樣又唔岩食，但係有選擇困難症既人就可能有排揀啦 湯底都有5款選擇，少有在一人火鍋出現既椰子雞湯竟然都有，真係好有驚喜，所以我今次就揀左椰子雞湯 鍋既大細都係一般一人鍋既大小，但係鍋裡已有好多椰菜同金菇，仲有粟米，所以除非好鍾意食金菇粟米，否則都唔需要再係配料叫呢啲 椰子雞湯有好多椰子，飲個湯底好清甜，有椰味，但要留意湯裡本身無雞件附送的，所以鍾意食雞既朋友要在主食揀雞啦 主食可以揀滑雞同肥牛，由於朋友唔食牛, 我就揀左雞，襯返個椰子雞湯，如果主食有埋豬就更好啦，雞件份量幾多，食肉獸們唔怕唔夠食啦 至於配料，選擇有16款之多，應有盡有，少見既魚肚同魚片頭有，係眾多選擇中我揀左韓國溜心年糕、准山竹輪春卷同埋香菇貢丸 溜心年糕有兩隻色，紫色係紫薯心，白色係芝士，好黏韌，唔會

週末陪左老公去旺角買嘢，之後就在附近找餐廳食晚餐，剛好行到通菜街見到新森林焗之專門店，我們在其他分店食過吾錯，老公喜歡食焗飯，那今晚就試下尼間分店吧！入座後，店員介紹新推出的一人一鍋，名叫戀之湯鍋，自選湯底加一款主食加三款配料加麵食。數款湯底中我選了鮮甜椰子雞湯，味道鮮甜，椰子味香濃。主食選了農場走地滑雞，雞肉鮮嫩。配料選了加拿大海蝦，鮮甜彈牙。爆心蟹籽丸，流心爆醬好好味。吸濕魚肚，厚身的魚肚吸收湯的精華，好鮮甜。另外可以追加配料，因為雞鮮嫩好味，我追加了雙倍農場走地滑雞，還追加鮮味海蜆，海蜆好鮮甜又冇沙。韓國统營蠔，煮熟後比較細隻，味道也不錯。麵食選了日本稻庭烏冬。口感滑溜。餐飲加6元就有紅豆冰，紅豆林甜，奶味香，甜度適中。老公喜歡焗飯，他選了芝士焗咖哩雞伴鮮茄豬扒鴛鴦飯，飯焗到金黃色，上枱時熱騰騰香噴噴。一個飯有2種口味，一邊是咖喱雞，咖喱味香濃，雞肉嫩滑，另一邊是鮮茄豬扒，豬扒入味不鞋口，鮮茄醬汁酸酸甜甜的，飯面還加了芝士焗，份外惹味！加8元餐湯連餐飽加3元凍咖啡

上網見到有$44一人火鍋今日就黎試一試佢印象中有幾隻餸係幾好食: 自家製魚片頭 唔記得咩咩餃子都好有驚喜不過就得兩粒🤔我同朋友食到差唔多果陣想加餸好似都唔可以👀其他餸 湯底 麵底都係一般唔算特別突出不過價錢又真係算抵嘅叫左杯巨峰提子粒粒梳打都好夠凍又好飲不過好值得一提嘅就係佢地嘅服務態度問題一入到間舖見到舖頭個女人我已經feel到佢係果種唔耐煩嘅人可能係我女人嘅直覺感覺到打緊邊爐都間唔中見到佢成日皺眉頭而另外嘅員工尤其個男嘅就好有禮貌話幫我地熄火又細心但係個女人真係唔掂🤭事關我食野食得慢咁要打邊爐就更加耐我地由17:50坐到大約19:40去到差唔多食完果陣朋友同我講話聽到個女人話我地: 咁耐都未走嘅我都明出面有客人等緊位我地亦真係坐左好耐有接近兩個鐘不過係佢地幫我地加水 收碟 熄火果陣我地都有好聲好氣咁講唔該但係知道佢咁講真係降低哂我地對間舖嘅印象分👎🏼之後仲要執枱執勁快好似真係我地阻住佢地咁🤢

難食到從來唔寫食評嘅我都忍唔住要寫8點幾先收工，同男朋友行經旺角見到呢間野，都係抱住探伏嘅心態試下。一試就中伏，我地兩個入去見二人卡位已經坐曬人，是但搵左個位坐低，無耐有兩個人埋單走，我地就同店員要求轉卡位，男店員好有禮貌咁話執完枱就轉比我地，兩個姐姐即刻衝黎態度極差話有客係出面等緊唔轉得！ok,唔轉得咁算啦，我地叫左一個火鍋（有怪味嘅雞肉，夾極唔斷嘅韓式粉絲，加12蚊叫多個7成有沙嘅蜆，最好食係個娃娃菜囉）羊排焗飯（唔講唔知個飯係焗嘅）劣評！！！

味道單調 新森林開宗明義是焗飯的專門店，有不同口味的芝士、咖喱等焗飯焗意粉選擇，種類頗多。全以鐵盤上枱，可保持焗飯的溫度。太少豬扒.... CHEESE 都唔多..我中意CHEESE...但不夠喇..CHEESE MORE BETTER,,男人應該食完都會仲HUNGRY~