新泰東南亞餐廳 (已搬遷) 新店位置

約朋友一齊食泰菜， 揀一間近地鐵站， 方便搵到 ，地方算大 ，我們自成一角可以邊食邊吹水， 逢星期五食飯好頭痕 ，因為好多餐廳食肆都會限時要交枱， 這間泰菜沒有時間限制，我們都坐了三個鐘 生蝦-正常貨色 小食拼盤蝦餅拼魚餅- 幾好食 炸粉不厚 串燒雞及豬 -肉質唔錯,燒得幾好食 明爐烏頭魚- 都係正常嘢 炒椰菜苗 - 味道剛剛,好唔會太鹹 馬拉盞炒通菜-亦係炒得好出色 蛋包金邊粉-賣相好靚,味道亦唔錯冬陰功湯- 味道偏酸,但還可接受 甜品:千層椰汁糕-偏甜西米椰汁糕- 好好味 椰青班戟- 又係偏甜總括來說，晚餐好滿意，價錢還可以，地方乾淨，招呼可以，味道唔錯，只係甜品比較偏甜 ，最緊要係不限時間交枱，可以一邊食一邊同朋友吹水，值得再去

餸菜比想樣中的大份, 有外表有內涵(味道好)。已點菜式: 小食拼盤, 炒金邊粉, 招牌菜-面包咖喱軟殼蟹, 炒椰菜仔, 甜品大拼盤, 椰汁沙冰, 椰青, 感檸梳打。4個朋友, 每人$360

難得有一半泰國血統的朋友說不介意一起食泰菜，加上方便朋友上夜班，所以就在灣仔搵食。之前有致電想訂座但餐廳回覆平日可以直接walk in，所以便放心地大約20:00到達。一進門感覺舒服，因佈置很漂亮，用餐就要上樓上，但沒有留意有沒有電梯。座位亦很寬敞，留意到樓梯旁邊有扇門，應該可以變成房間，當時有一枱泰國姐姐在聚餐，感覺再地道一點。我們被安排到卡位，由木椅組成還有咕𠱸，好像回家一樣。急不及待叫了冬陰公（加辣）、豬牛雞串燒、豬肉生菜包、雞肉青咖哩、椰菜苗冬菇、炒金邊粉、薄餅及椰青沙冰（一翻到飲品頁就被圖吸引了）。端菜姐姐精通泰文&中文還跟我們聊天；冬陰公是我喜歡的偏酸，因加辣關係明顯地多了辣椒，所以十分刺激；椰菜苗很嫩配冬菇很香；青咖哩加入南瓜及大量蔬菜味道香口，之後忍不住多叫白飯把汁都吃光；其他食物就沒太大特別。最期待的椰青沙冰來了，堆高高的沙冰十分吸引，第一口喝下去就知是純椰肉及椰青水打成沒有添加糖水，所以感覺清新及解喝。最後怎能錯過甜品便叫了芒果糯米飯，雖然這組合是在本人的戒食list，但亦偷吃了少許，黏韌糯米加暖暖椰漿配微酸芒果很感動，令這餐完美了。唯一想彈彈係結帳姐姐太心急，兩次

lunch 時間一行4人同同事係灣仔食，新泰唔洗點等位，所以就去食啦~75蚊一個set, 要加一。我地叫左海南雞飯同肉骨荼飯， 海南雞飯長期係lunch set meau, 水準一向都唔錯，而肉骨荼就比較細碟，味道一般。包餐飲，凍飲加3蚊，可以加8蚊要特飲。

一行四人想食泰國菜就嚟到新泰東南亞lunch set選擇都幾多最中意係炒金邊粉上面仲有花生碎一碟好足料一個人都食唔晒仲可以加幾蚊轉特飲食住金邊粉加杯青檸梳打真係無得彈餐廳環境闊落一行四人坐卡位下次試下個海南雞lunch set 先見到隔離枱個餐好似都好正

灣仔一向平價美食多，咩菜式都有，今次我同朋友揀一間中位價東南亞餐廳，新泰，食泰國菜。盧押道間新泰分店好大，而且裝修擺設都好有特色，店要上樓上，沿路行忍唔住影一影，好有泰式風味，食飯唔止食物、亦食個環境！首先係小食，我地叫左蛹蝦，上菜後係煎麵餅，卜卜脆，金黃色，夾住蝦。品嚐時配上泰式辣醬，特別香口。第一次食呢種蝦，感覺好新鮮。最滿意主菜——鐵板蠔仔煎蛋。鐵板上時熱辣辣，滋滋聲，少許煙，香味湧上鼻尖。蠔仔大大隻，好有口感，飽滿有汁。蘸少少醬料，配上蛋一齊咬，少少脆多多汁，非常惹味。要飽肚當然要叫個炒飯！我地叫左一個海鮮飯share，分量恰好夠，料好足，每一口飯都食到海鮮，魷魚、蝦、八爪魚，伴碟有生菜，一齊食感覺冇咁肥膩，而且又爽口。最後做個小總結。可惜今次人少，菜式試得唔多，但環境中上，爆分，燈光適中，唔太嘈，坐得舒適，而且裝修有特式。決定下次再黎！😋

香港是美食天堂，東南亞菜也做得相當出色，不過一般餐廳都只主打做一個國家的菜式。今次這家就包羅泰、馬拉、新加坡等多國菜色，選擇豐富。馬拉肉骨茶（細）— 頗重蒜頭的味道，藥材味不夠濃，但肉骨很好吃，份量也不少。蕉葉烤盲曹 — 用蕉葉包著盲曹燒，令魚肉增添一份香氣。魚身加上香料醬一起烤焗，魚肉吸收了香茅、金不換等味道，很美味。泰式青咖哩雞 —青咖哩醬、椰奶、檸檬葉、配合得很好，不會太辣，帶少少甜味，但略為偏咸。必面有泰國茄子，很爽口。雞肉是雞球，沒有骨的，方便食用。 配咖哩當然要點一客薄餅或蒜蓉包，不能浪費咖哩汁嘛。薄餅 — 是即製的，很香牛油味，夠酥脆。在灣仔區吃一頓泰南亞菜才三百多，每人百多元，價格實在很化算。

近排迷上泰國野，原來唔食得辣都仲有好多選擇😚今日就同屋企人黎試呢間人氣泰菜～✨環境以致員工都充滿泰式風味， 4人座位勁闊落，木座椅上仲有cushion 同坐墊，燈光帶點暗暗的，幾relax 既感覺。✨珍多冰（$38）：味道唔太甜，d 珍多有成半杯，食落夠晒煙煙韌韌✨越式蝦米紙卷（$68): 味道好清新～蝦肉同配料好爽口，加埋面頭脆卜卜既炸蒜片勁香口。個米紙薄得黎好煙韌，點埋個汁酸咪咪幾好食又開胃👍🏻。✨泰式菠蘿炒飯（$108): 賣相好吸引～炒飯用原個菠蘿上。材料超多：有肉鬆，腰果，提子，雞肉，雜豆，臘腸粒，菠蘿粒，味道好豐富👍🏻 炒飯夠乾身，非常有咬口。面頭腰果咸香得黎好脆好香口，加埋肉鬆送飯真係一流～～✨泰式濕炒海鮮河（$85): 呢個濕炒河真係超多汁勁入味，河粉應該加左d 豉油上左色炒完再加汁同豆醬炒，河粉好夠味又滑身。仲有好多蔬菜同海鮮👍🏻西蘭花，粟米，紅蘿蔔，芥蘭，草菇，蝦，魷魚，青口，五顏六色～～賣相同味道都very good!✨串燒（$88): 食泰國野必叫串燒，有齊豬，牛，雞三款😍沙嗲醬好惹味，如果有埋花生香就更吸引。✨印度酥餅（$30): 30蚊有8小件都幾抵食，好

第二次到訪呢間灣仔泰菜表妹快要返澳洲讀書，好希望佢返去前搵個地方好好坐低傾計談心。佢走前，就唔同佢食佢成日食嘅西餐喇，而揀左我之前嚟過，覺得環境同食物都不錯嘅泰國菜🇹🇭環境上，佢枱同枱之間唔會好近，二人食飯傾計私隱度十足。waitress都幾有禮貌，唔會成日想趕我地走咁，令我地感覺舒服。坐左一個半小時慢慢食，好滿意。係食物方面，我地叫左兩個小食再叫多一個湯粉就剛剛好！份量其實都唔小，細食嘅朋友們就可以叫少一樣！軟殼蟹芒果卷，做前菜十分好，軟殼蟹夾住甜甜嘅芒果，好開胃！味道好夾！豬頸肉肉質好淋，燒得幾香！推薦！海鮮冬蔭功金邊粉，好大碗，海鮮十足！不是很辣，湯都幾好飲!整體感覺好舒服，係一個聚會嘅好地方！坐得舒服，價錢又合理。呢餐每人大約一百二十幾蚊。推介！

同gym友係附近做完yoga， 就係附近搵食。 咁岩見到有間泰國🇹🇭菜老字號「新泰東南亞餐廳」嘅分店， 就入去補充返體力啦！😂 想一次過試晒所有小食，最好就叫拼盤（$198）啦！ 有蝦餅、魚餅、春卷、肉碎生菜包， 款式和份量都算多～ 炸蝦餅新鮮熱辣炸好，脆炸彈牙， 蘸上泰式辣醬，簡直無懈可擊嘅組合！😍 魚餅魚香味重， 春卷外皮炸得香脆可口，蔬菜餡有點dry， 如果多d肉碎會惹味d～🙊 生菜包相對地做得比較出色， 肉碎微辣惹味，加埋爽脆生菜，正！😋 串燒（$88）有雞、牛、豬， 全部肉質都唔會太乾身，嫩滑多汁， 蘸上秘製沙嗲醬，幾惹味！ 泰式蝦炒金邊粉（$98） 用蛋網包着整個金邊粉，賣相誘人～ 金邊粉炒得乾身， 質感帶點彈牙，甜中帶酸， 加上多種配料如香菜和鮮蝦等一起炒，口感豐富！😋 馬拉盞通菜（$72） 新鮮通菜口感爽脆， 馬拉盞夠晒惹味！ 最後，梗係要食返個泰式甜品啦！ 我地要左泰式甜品大拼盤（$148）， 可以一次過滿足晒所有人嘅願望～😂 比較出色嘅係芒果糯米飯， 暖笠笠嘅糯米飯上蓋滿椰漿， 白糯米軟糯，黑糯米有咬口，加上香甜芒果， 食落幾有層次感～ 千層糕望

今晚係灣仔聽完講座好想食泰國菜，點知隔離街見到呢間泰國餐廳就走入去食啦！泰式炸蝦餅 $78唔止炸得好脆，加埋泰式辣醬真係Lam Lam脷，最出色既地方係成舊都充滿蝦肉，唔同出面餐廳咁多粉咁油膩，我同老公食哂成碟都唔覺滯。泰式炒雜菜 $72因為諗唔到食咩菜好，叫碟炒雜菜試下，蒜香味濃亦唔會太乾，味道唔會太咸，唔會食完要勁飲水香草肉碎炒飯 $72睇Menu見到有隻辣椒仔喺個飯隔離，都驚會好辣，職員話可以要走辣，但係泰菜唔辣又點好食呢，膽粗粗要返個正常版。個炒飯乾身，肉碎同豆角好有口感，辣味源自辣新鮮辣椒，炒飯面再加上炸過既香草，好有泰國風味

新泰東南亞餐廳是一間裝潢雅緻的泰菜館，雖然單看餐牌菜式不算特別便宜，但份量卻比想像中多，而且整體味道也出色。＊＊＊＊＊＊＊＊＊＊＊＊＊新泰有多間分店，今次我到了盧押道分店，店面都幾大，可容納過百食客。店內以深啡色為主調，牆上的木雕裝飾配上虅裁椅套，一貫泰式餐廳風格。番石榴沙冰($38)沙冰打得幼滑，甜度適中，不過番石榴味不算特別突出。泰式柚子蝦沙律($98)沙律份量都幾多，足夠二至四人分吃，入面有蝦、魷魚、柚子和炸蒜片，柚子肉飽滿又多汁，蝦夠爽彈，沙律酸香味十足，非常開胃。燒豬頸肉($68)豬頸肉約有三份二隻手掌大小，表面油光閃閃，睇見都流口水。豬頸肉預先切成片狀，方便食用，肉質肥瘦適中，蘸上泰式辣汁，辣辣地很惹味。冬陰功海鮮金邊粉($75)金邊粉份量比想像中多，本身麵底都足夠兩人食用，上面還有青口、蝦、魷魚和秀珍菇，非常足料。金邊粉不會過腍，還帶點微彈，冬陰功湯底只屬小辣，但酸辣有致，令人忍不住喝完一啖又一啖。總結，冬陰功海鮮金邊粉無得輸，又抵食又好味，絕對是味道與飽肚並重，燒豬頸肉和泰式柚子蝦沙律質素亦高。侍應收碟都快，會自動自覺收碟不用食客叫，座位也舒適寬敞。

位於盧押道既東南亞餐廳需由地下上一層樓梯到樓上雅座，裝潢簡約，座位寬敞。先來必飲椰青，清甜解渴，微凍，椰肉能輕易抓出！生菜包，選擇左豬肉碎，餐牌上有🌶🌶標示，但食落還可以，唔會好辣！抵讚既係肉碎唔油，配生菜，惹味無比。菠蘿炒飯，落足料！肉鬆、腰果、提子乾等，菠蘿肉好新鮮又甜又多汁！最後好貪心甘叫左甜品併盤！多達五款甜點，不過都離不開同椰汁有關。最愛緊係芒果雙色糯米飯啦！煙煙韌韌有口感！如果可以，我想食多份😛

又來到我最鍾情既泰菜。串燒不能少吧！豬、牛、雞各二，是基本啦。沙嗲惹味！串串都好食，唔係燒到乾爭爭，又唔會燒焦，而且有肉汁，肉嫩，可以話係高質串燒。👏🏼👏🏼炒金邊粉，個賣相好靚，同menu幅相一樣。鋪面既係芝士，嘩，係一個新組合呀，第一次食，效果好好喎，用既芝士唔蘇唔濃，點綴得泥唔會搶，仲有少少焗過既感覺添。蝦碌唔多但大大隻，爽口彈牙！炒貴妃苗，無乜特色但食落無草青味，睇落唔大碟但食食下發覺都好有份量！

食泰國菜唔一定要去九龍城食既有日同朋友聚會，黎左依間位於灣仔既東南亞菜館，覺得質素真係唔錯首先，黎得食泰國嘢實叫番碟串燒依碟串燒有六串，包括雞、牛同埋豬，即燒熱辣辣唔再講，重點係佢碟沙嗲醬真係做得唔錯，好入味然後就叫咗碟泰式蝦炒金邊粉賣相相當唔錯，以蛋皮網包住，入面啲蝦又大大隻金邊粉即炒熱辣辣，醬汁亦好入味，淋上青檸檬汁令味道帶出層次感配埋花生粒一齊食令口感更豐富，整體黎講係好好食之後就食我最鐘意食既咖哩薄餅不過依度叫咖哩同薄餅係分開叫，但我都照要我地揀左馬沙文咖哩配羊肉依隻咖哩係餐牌上無辣椒logo ，但始終都係咖喱，所以都有微量嘅辣味，我覺得唔食得辣既人都食得入面有薯仔同埋羊肉粒，味道香濃雖然係羊肉但都唔會太有蘇味個咖哩配另外叫既印度薄餅一齊食，簡直一流個薄餅形狀同出面食開既有唔同，佢似係扇形，方便夾住啲餸，而個薄餅亦口感好好，必點食左咁多濃味嘢，當然要叫番碟菜，要知道泰式炒菜都好好食我哋就叫咗蒜蓉炒貴妃苗好惹味蒜蓉味唔會太重，保留返蔬菜應有嘅鮮味，而且份量夠多，都係好食既餐廳其實仲有好多其他菜式，真係有齊晒各種東南亞菜款，好值得一試