新泰東南亞餐廳 (已搬遷) 新店位置

返工仔中午食飯食茶記食到悶悶地，見到公司附近有泰國餐廳決定試下佢。餐廳係樓上，一到就有位確實幾難得。6個同事，3個叫海南雞3個叫奶油蝦焗伊麵，好快上菜👍🏻👍🏻 海南雞夠滑唔鞋有雞味又有碗清湯，奶油蝦夠creamy蝦亦夠大隻，雖然大蝦得一隻伊麵底又有些少太林不過食落唔會太膩太油，味道ok。兩樣都夠大份，連男同事都叫飽。中午好肚餓嘅話係一個唔錯嘅選擇，加上環境好，食得舒服，食飽有力再開工💪🏻

因為工作及家務繁重，越來越少應酬的我，難得聽到大學組爸組媽約食飯，二話不說便答應了。第一次吃新泰，便已經愛上了。必吃的是他們的小食拼盤，有蝦餅、魚餅、迷你生菜包及春卷，不但可以滿足不同人的口味，而且非常好吃，值得推介。另外，我比較喜歡的是柚子蝦沙律，他們的調味與平時的不同，較多泰式的辛料，蓋了柚子的甜味，更加開胃的前菜。再來，點了青咖哩薄餅，喜歡素食的朋友可以一試。最後，很值得推介甜品拼盤給各位女士們，可以滿足你們。

又經開灣仔盧押道，想起之前食過一間中位價東南亞餐廳，新泰，食泰國菜。既然就腳，好快決點晚餐地點。新泰有好多間分店，盧押道呢間算大，燈光同擺設將個環境氣氛渲染得好好，格外有泰式感覺，而且非常適宜傾計，唔會太嘈。餐牌好多選擇，揀到眼花撩亂，由經典泰國菜到fusion菜都有，連咖哩都有好多款。首先上個燒魷魚配泰式辣醬，魷魚鮮嫩彈牙，配上照燒汁係一個食法，加上泰式辣醬又另一個食法，各有千秋，惹味十足，好開胃，食指大動。主菜為咖哩配蘇炸蟹，以麵包放底，確保醬汁唔會流失，咖哩香氣撲鼻，炸蟹金黃鬆脆，好有口感，飽滿有汁。麵包充分吸收海鮮同咖哩精華，入口非常美味，令人停唔到口，一試難忘！最後以椰青做個小總結。今次雖然菜式試得少，但美味爆燈，環境寧靜又坐得舒服，裝修特別，十分推介！😋

早排去完歐洲旅行 期間一直好想食泰國菜 正所謂心動不如行動 所以就約咗朋友黎食新泰 因為之前已經search過覺得好似幾吸引 終於有機會黎試下！環境唔錯 位置都夠晒闊落岩岩坐落就即刻叫咗野飲先 炎炎夏日真係好需要一杯凍飲 叫咗菠蘿沙冰同椰青 好大杯唔係講笑 沙冰唔會話太甜 而椰青就有淡淡既椰香 非常清甜又係我每次必嗌既生蝦 又大隻又鮮甜 再加埋個汁 酸酸辣辣咁幾正！雞翼怪又點會唔叫雞翼呢 泰式牛油雞翼都係第一次試 一上菜就聞到好香牛油味 不過食落好似就唔係好重牛油味 但好香口 算係唔錯香芒軟殻蟹米紙卷都係第一次試 估唔到有驚喜喎 軟殻蟹好香口 加埋酸酸甜甜既芒果 即刻中和咗軟殻蟹既油膩感 亦都可以依照個人既口味點泰式辣醬 又係幾乎次次都會叫既生菜包 呢度既豬肉碎比較重香料味 有少少辣 但用番生菜包黎食就岩岩好啦串燒有晒雞、牛、豬 全部都燒到好香 而且燒完都仲keep到肉質嫩滑 加埋沙嗲汁一齊食就更加正馬拉盞通菜 通菜炒得岩岩好夠晒爽脆 加埋馬拉盞夠晒惹味！幾滿意呢一餐 下次有機會可以再encore！

今日朋友生日, 幾條友仔去灣仔食泰國菜, 去咗盧押道個間新泰東南亞餐廳,之後都去過幾次, 環境好闊落, 好舒合同朋友搞生日飯, 邊吹水邊食好野.首先叫D野飲, 我叫咗番石榴沙凍, 係青色番石榴打成, 味道好清新,椰青沙冰係原個椰青咁上~ 好大份量~ 朋友最後係飲唔哂架~芒果沙冰好濃芒果味~ 不是太甜~ GOOD~泰式刺身蝦每次去都不叫的, 好新鮮, 好爽口, 醬汁辣度適中. 個人偏好淨叫炸蝦餅, 唔多仲意叫併盤, 因為佢個炸蝦餅真係勁好吃, 唔想俾其他炸野霸咗我個胃.泰式牛油雞翼今次第一次叫, 上菜時聞到好香牛油味, 但食隻雞翼就好似食唔到D牛油味, 但係D炸蒜就不得了~送乜都好食~ 再叫咗個芒果炸軟殼蟹米圈, 米紙好煙UN, 炸軟殼蟹炸得好香, 加咗芒油BALANCE返個油膩感,成件事都開胃哂~ 咖喱海鮮南瓜都係必叫精選~ 入面D海鮮好似食極都食唔哂咁~ 好多料~ 正~泰式蟹肉炒粉絲--炒得好惹味~ 入面D扎肉係我喜歡的黑椒扎肉~ 好好味~最後叫咗佢個甜品大併盤~ 上枱一刻真係好開心~ 好大盤~ 有西米椰汁糕, 芒果大菜糕, 芒果糯米飯, 班蘭千層糕,泰式甜品哩家野

放工約埋幾個朋友一齊食飯，openrice search下有咩餐廳好食，竟然發現有間泰國菜有200個好評！又試吓有幾正！新泰泰國菜 環境好闊落，唔似一般太菜館咁逼夾。而好Nice嘅店員仲俾咗張好大嘅卡位我哋幾個坐添今晚叫咗：泰式炸蝦餅香芒軟殼蟹米紙卷泰式生蝦南瓜焗咖喱海鮮越式蟹肉炒粉絲泰式甜品大拼盤泰式炸蝦餅竟然有8舊！仲每件炸到金黃色，好飽滿又有蝦味，極正香芒軟殼蟹米紙卷有鮮甜嘅芒果加埋惹味既軟殻蟹，有一層薄薄嘅米紙包住，十分開胃！蒜蓉牛油雞翼牛油味十足，仲有大量炸得香口既炸蒜夾住食，香口到停唔到口！南瓜焗咖喱海鮮賣相一流，南瓜既甜味加埋落咖哩，有日式咖哩感覺！海鮮種類亦多越式蟹肉炒粉絲炒得好乾身唔油，撈埋拆晒肉既蟹肉，食到一口接一口，另一必食推介！最驚喜係泰式甜品大拼盤！有足足5款泰式甜品，最好食係芒果糯米飯，又熱又軟既糯米飯淋滿椰汁，加埋好甜既芒果，完美一餐！

係灣仔附近唱完k，突然想食泰國野，見新泰環境幾好，價錢又吾錯，所以就同朋友入左去食。因為個陣未到放工時間，所以人吾多，好快就有位。入面環境佈置得好有泰國風味，又播泰文歌，又有sofa座，確係吾錯。本身喉嚨有少少癢，所以點左椰青飲，幾大個，又清甜解渴，而朋友就叫左菠蘿沙冰。呢個生蝦幾新鮮爽口，配埋酸辣醬汁非常開胃，2個人分都吾夠，想繼續食。而香芒牛油果軟殼蟹卷炸得香脆，芒果又鮮甜，做前菜幾好。因為朋友同我都係雞翼怪，所以我地點左蒜蓉越南雞翼，好香牛油味，幾鮮嫩，吾會乾。串燒亦係必叫既泰國菜，有牛，有豬，有雞，配埋沙嗲醬好快食哂。肉碎生菜包好香薄荷葉味，可能有生菜，食幾多都覺得幾健康咁。最後少不了叫菜，有馬拉盞炒通菜，幾入味。我哋兩個人叫咗唔少餸，但都食得晒，果然大胃，哈哈，下次應該會同更多朋友黎聚會。

係灣仔開會開到9點半，餓到癲！路過見到間泰國菜就衝入去！第一時間睇飲品，食泰國菜梗係要配椰青啦，點知見到椰青沙冰張相，二話不說落order！杯沙冰同張相一模一樣，大大個椰青入面裝滿沙冰，飲落好重椰青味，消暑一流！雖然$55比其他沙冰貴少少，但係就大杯到我食咗成餐飯都飲唔晒，性價比高！之後小食、主茶陸續登場，泰菜must叫嘅蝦餅果然不負眾望，即叫即炸，夠晒熱辣辣，外皮炸得夠脆，必食推介！生蝦夠鮮甜，加埋個好辣嘅辣汁，夠晒刺激！香芒軟殼蟹米紙卷，用有d厚度嘅米紙包實脆卜卜嘅軟殼蟹同芒果肉，咬落層次分明，勁有口感！蒜茸越南牛油雞翼，蒜香味濃，淨係d蒜都可以撈飯食！本身想叫埋麵包焗咖哩軟殼蟹，不過米紙卷已有軟殼蟹，改叫南瓜焗咖哩海鮮。兩條青口插入南瓜咁，好似米奇老鼠，未食先影相呃like~個汁好重南瓜味，杰杰地，食落係甜甜嘅咖哩味，真係想追加個白飯撈嚟食！入面嘅海鮮都好足料，有青口、八爪魚、魚同蝦，抵食又飽肚！朋友叫咗個蟹肉炒粉絲，未食果陣都驚會好油，好彩佢炒得夠乾身，完全唔油，搞到我唔覺唔覺又食咗好多...食飽飽都忍唔住要再叫個甜品拼盆嚟補償OT嘅痛苦。個甜品拼盆靚到爆又好味！呃like必備

同兩個朋友行行吓街經過呢間泰國野就入咗去試吓啦。我們太肚餓了又想試多啲嘢，所以點了小食拼盤，當中有蝦餅、魚餅、肉碎生菜包、和春卷。全部食物都是剛剛炸出非常香脆彈牙，肉碎生菜包辣辣的及爽脆，除了春卷的餡料似是用豆做的十分奇怪。串燒— 雞肉，牛肉，豬肉肉質軟口沾上沙爹醬十分惹味泰式蝦炒金邊粉賣相十分精緻，但是食下去淡而冇味，如果可以放多點香料去調味會好一點。馬拉盞炒通菜通菜十分新鮮爽脆，不辣的但炒得太油了。最後因為我想食芒果糯米飯，而朋友想食椰汁千層糕，所以點了甜品大拼盤。芒果糯米飯有暖暖的椰汁淋上白糯米黑糯米，但糯米太硬了。椰汁千層糕是這盤甜品中比較吃得下肚的。椰汁西米糕應該是最安全的，但是一咬下去像是在吃白膠漿一樣膠膠的，立刻吐了出來。整盤甜品簡直不是人吃的。

間中就鐘意食泰國菜。灣仔新泰有兩間 今次試下另一間分店。泰菜種類好多 淨係咖哩都好多款式 揀左廚師推介既咖哩麵包軟殼蟹～大大個 麵包都食到飽😂 新鮮焗出來的麵包好鬆軟。咖哩唔會太辣 以椰汁香味為主 惹味～ 軟殼蟹配咖哩 我都是第一次。又幾特別 炸到鬆鬆脆脆既軟殼蟹。炸蝦餅～ 超好味。啖啖蝦肉 又夠彈牙。熱辣辣 而且大大舊 仲有8件 $78 絕對抵食。泰式炒金邊粉 泰菜必點。賣相好靚 有蛋絲在面。酸甜的比例拿捏得唔錯 配料好足。蒜蓉牛油雞翼～ 幾入味 重點係夠‘蒜’ 雞翼控要試～食泰菜 點可以冇椰青呢。夠凍又夠甜 正。

今日去藝術中心睇卵之只😃😃一於走過黎灣仔揾食啦，老婆發版要食泰國菜，於是就卜左呢間食評一致好既食店。黎到未夠1830,開頭安排左張二人卡位，叫左個冬蔭功，生蝦刺身，青木瓜沙律，燒魚同埋半串燒。侍應姐姐轉頭幫我地換張四人卡位，等我地坐得舒服啲，張枱大啲擺餸都方便啲👍冬蔭功叫左小辣，味道唔錯，係隻大蝦差啲啲，好彩佢個生蝦刺身挽回不小分數！係呀，生蝦唔洗煮，但係要夠新鮮彈牙同埋啲汁好味先得丫嘛😋食青木瓜沙律十足十去左曼谷咁😂條燒魚一打開塊魚皮啲魚肉正到不得了，老婆平時唔食魚都話正👍👍羊串燒就不過𣎴失，啖啖肉。講番服務係好好既，中途主動幫手換過兩三次碟，坐得舒服食得好👍👍

星期五lunch想食好啲，見呢間泰國菜咁多好評於是去試下。樓下門口係好多人等，但上到去其實根本坐唔滿……😑落單泰國姐姐有啲口音，不過都算有禮貌嘅，我哋其實都只係點set lunch,但有2個餐等咗半個鐘都未有，你知啦打工仔lunch time好寶貴嘛! 催了2次都未嚟，懷疑漏單...準備催第3次先上到一個餐，我哋其他人特登食慢啲等埋齊，但都差不多食晒了，最後一份先上……食物味道係唔錯嘅，但講真呢個價錢可以去其他地方食好啲~到埋單時，戲肉來了!由於有零頭，我哋俾咗幾個毫子湊夠1蚊，點知佢哋拒收毫子!! 但成間餐廳冇貼過任何"唔收毫子"嘅標示，餐牌上冇寫，入座時更冇人提過呢樣嘢，我哋只係提出疑問點解唔收，個疑似senior dd 嘅waitress突然大大聲話"而家去街市都唔收毫子啦!!" 之後仲好豪氣咁話"得!我豪俾你!!" 但隨即收晒我哋啲錢連毫子，我哋好疑惑之際，佢竟然掟曬啲毫子係個閂埋咗嘅收銀機度!!😰我哋臨走落緊去仲聽到佢同啲同事話我哋添~其實拒收毫子唔係問題，如果佢態度好dd咁解釋我哋死都會死到個$1銀俾你嘅，其實毫子都係錢，都有尊嚴嘅，掟曬落地最後咪又係要自己執返。同埋如果一

大少鐘意食泰國野 同事推介灣仔新泰 今晚唔想煮飯 一於出街食。泰式生蝦刺身 $98～新鮮！生蝦彈牙爽脆 配上蒜片檸汁 夏天必食。自製魚露酸辣汁 真是無得輸。炭燒豬頸肉 $68～必食 因為大少喜歡。份量幾多。豬頸肉厚薄適中。燒的時間控制得唔錯 肉質好juicy 唔會太乾 好香口。配上既自製辣汁好正 酸酸辣辣。麵包焗咖哩軟殻蟹 $208～好大個。麵包真是外脆內軟 熱辣辣。軟殻蟹炸得幾香脆 咖哩汁微辣 椰香味好香 咖哩的配料好多。兩個人要食曬真是有難度。馬拉盞炒通菜 $72～ 有鑊氣。泰式蔬菜類 我會比較喜歡呢個。份量多 唔會太咸 惹味！

見到openrice呢間餐廳咁多好評，所以就決定過黎試下啦。餐牌上既套餐非常豐富，我地一行4人，所以就叫左個4人套餐。拼盤(蝦餅、魚餅) - 外脆內軟，魚餅同蝦餅都加左d香草，更添泰式風味。加埋d泰式醬汁，酸酸甜甜咁。串燒沙嗲雞、牛、豬 - 燒得好香，同埋外層脆脆地，但入面d肉仲保持到嫩滑。加埋沙嗲醬更加惹味，而且又唔會太辣。燒豬頸肉沙律 -  豬頸肉整得幾好，外皮脆脆地又香。係好食既，不過個人覺得有d辣，食唔到辣既朋友可能食唔到。咖喱蝦配蒜茸包 - 都幾多蝦，咖喱係屬於甜咖喱，不太辣。蒜茸包都脆既，雖然蒜茸味不算太重。泰式炒金邊粉 - 炒得好香，而且條條分明，唔會話好多油。‘冬陰功炒飯 - 海鮮都幾多幾足料， 食落唔算太重冬陰功味，可以再辣d食物質素ok，環境都幾好，不愧為openrice熱門食店。

之前都有講過去過呢間新泰既另一間分店撐檯腳，其實我好少再打多一篇食評，因為已經介紹過，但見手機有相係度，我唔介意同大家推介下呢間位於港島區、環境舒服唔趕急而價錢合理既泰菜。一如以往，我地2個人安排左卡位比我地，呢間係盧押道要上樓梯，地方好大檯亦好多，起碼坐得梳落舒服又無限時，呢樣好重要！menu唔多影喇，食既都係大家熟悉既食物，網上都搵到menu，我地叫左6串沙爹串燒、細既冬蔭公湯（每次食泰菜必叫）、生菜包、蝦醬炒飯。對於2個人份量都幾豐富！等左一陣首先黎既係沙爹串燒，有豬肉、牛肉、雞肉可以揀，或者各肉類2串又得，我唔食牛肉所以只揀豬肉及雞肉，啱啱燒起香噴噴，每串都啖啖肉配上濃濃花生味既沙爹汁黎食幾唔錯，沙爹汁偏少少甜，唔辣既。雞肉都不錯，但可惜豬肉廚師今次落得略多鬆肉粉，食落口感唔un但少左豬肉既香味同纖維質感。椰青夠大隻又清甜，比起上次去馬來西亞叫左椰青甜度差好遠，呢個有好天然既椰子甜味！生菜包有得揀豬肉或雞肉，我地揀雞肉，有得揀真係幾好，食過有D生菜包既豬肉唔夠碎又多肥膏，呢個又大份，又低脂肪，調味幾好，個人鐘意食到尾有少少青檸既酸，而且生菜夠新鮮夠多，大概有10片，雖然肉碎有好