新派韓食館 (已結業)

第一次寫評價，估唔到咁差。放工想近近地食，見到新翠有間寫住火鍋+鐵板燒任食就坐入去。入到去有個員工叫我地坐門口位，咁坐低點左任食啦，果時8點9，有個員工埋黎話今日會早收10點半(出面係寫開到11點)，食唔足兩個鐘得唔得，我地諗左覺得諗都係差少少姐，無所謂就照點左。之後開左爐，等左20分鐘都未水滾，開始覺得唔對路就問下啦，叫極都無人理，仲有個staff傻更更行埋黎想幫我地加水，大佬水都未滾加咩水呀？之後過左50分鐘，煲水都係少少滾，我地勉勉強食左少少丸，食左少少牛肉(諗起而家都有d驚，但果刻覺得百幾蚊無理由咩都唔食)，鐵板燒果邊放左半個鐘既雞肉串仲係生既，真係忍唔住，問埋緊數果位姐姐可唔可以叫負責人出黎睇睇，一問之下佢地話今日無負責人喺度，難怪佢地咁既態度。之後我地要求要負責人既電話，就有個暑期工出黎話幫我地轉位，話個冷氣太大吹到個火，仲串我地話做咩成個鐘先出聲。其實個位一開始係佢地安排，我地亦問左好多次，d staff個個都直行直過唔睬人。因為真係好唔滿意，我堅持要攞負責人電話，起碼反映番我既不滿，但佢地唔肯俾，個暑期工係咁話"我係暑假工黎咋“"我同你道歉啦"，總之就唔想俾我地投訴，我

星期日中午，我同一個喺大圍住既朋友Meetup, 之後經佢介紹之下，嚟到呢間餐廳用餐。呢間韓國餐廳午餐嘅時候可以揀一般午餐同埋韓燒。我哋揀咗韓燒，雖然同時間冇乜人揀韓燒。睇睇個餐牌88蚊一個人，除咗可以出面自取飲品同埋食物之外，仲包一碟肉類，可以揀雞肉、牛肉、豬肉等等，如果要追加多一碟就畀多20蚊，價錢都合理。燒肉放題限時個半鐘，但係過咗時都冇趕我哋走。聽店員講，原來夜晚都有韓燒食。價錢148蚊貴啲，但係肉類就唔使加錢柯打，可以喺出面自己拎，所以計落晚市應該會抵食啲。我揀左沙嗲湯底，呢款湯底係我嘅至愛。1) 火鍋物 (⭐⭐⭐⭐⭐):我地自取左唔少火鍋食物，譬如響鈴。響鈴吸晒火鍋啲汁，好入味，另外仲有生菜，可以平衡番火鍋嘅熱氣，感覺健康一點。芝士腸同埋紅腸都係我嘅至愛。2) 燒雞翼 (⭐⭐⭐⭐⭐):肉類方面，鐘意燒雞翼。不過燒嘅時間比較耐，要兩個字先至燒得熟，未熟透既話就內裡有啲紅。貪快既話可以先放落火鍋果邊再轉去燒烤果邊。3) 豚肉 (⭐⭐⭐⭐⭐):我地仲點咗啲豚肉，望上去淺紅色一點，比牛肉簿身，而份量比牛肉多啲。仲有飲品櫃:埋單一二百蚊一個人，超級飽肚！

平時好少機會午餐食韓燒放題，啱啱個禮拜六突然有呢個諗頭，上openrice揀咗間韓燒餐廳。雖然成日黎開大圍，但係都未試過呢間，今次決定一試。因為weekend懶起床嘅關係，我哋一點先開始食，有啲人已經入座，但係好彩未滿座。餐廳嘅佈置幾新穎，餐廳嘅座椅有軟有硬，可以自由選擇。個人喜歡軟熟啲嘅，因為坐得幾耐軟啲好。個鍋分兩邊，一邊係打邊爐，另一半係食韓燒，兩邊同時進行可以話係雙重嘅享受。有啲食物打邊爐好啲嘅我哋就擺喺打邊爐嗰邊，譬如芝士腸、丸類，而雞翼同埋肉類我哋就主要用韓燒嘅方式燒成。韓燒肉類有豚肉、肥牛，雞有兩款（有辣有唔辣），追加肉類只需要加多20蚊，款式嘅選擇比較多，譬如有埋雞翼。個人推介辣雞，有韓國特製嘅醬汁，辣得好過癮，如果嫌辣嘅話就放喺側邊個火鍋湯底先。雞肉嘅分量OK。另外，如果係食韓燒嘅話就記住勤力啲翻轉個雞身。肥牛一共有六件，一捲捲咁。由於火鍋火候充足，牛肉一點落去就可以撈起食，牛肉唔算好煙韌，感覺都幾新鮮。餐廳嘅飲品主要係罐裝同埋紙包嘢飲。我哋都揀咗汽水因為凍冰冰，可以解辣。最後，食左成個半鐘成到下午茶時份，食到好滿足。

今日搵食搵到黎大圍新翠商場，雖然地點格攝左少少，但係揸車嘅話其實都方便，最重要係嘢食真係好好味啊！餐廳裝潢幾潮，名副其實「新派」，而且店面好大好寬敞，一啲都唔侷促。漢拿山芝士蛋牛肉飯 $128朋友見到呢個芝士蛋牛肉飯就雙眼發光，上桌嘅時候只係一堆白飯、一杯芝士粒、蛋漿、紫菜、豬肉鬆，但經過店員一輪撈撈炒炒之後，賣相就極為吸引！佢仲好有心思整咗個心形，真係影相都影到手攰啊！芝士可以拉絲，非常滋味！海軍八爪魚鮮貝鍋 $199店內另一招牌都唔弱，呢個鮮貝鍋勁足料，有原隻八爪魚、青口、鮑魚、蜆、蠔仔、帶子！一滾起嘅時候，真係鮮味無窮！另外配埋烏冬，一定食得飽。唔好以為韓國菜來來去去都係人蔘雞、泡菜飯，黎新派韓食館你會發現韓國菜都好有創意，一定會令你喜出望外！

加入了晚市任飲任食，一直想抽時間試試，終於在一個百無聊賴的傍晚，與花老爺兩口子撐枱腳，一嚐這個 $148 晚餐。平日的六點，倆口子就像韓國 Oppa 邀請女主晚飯，包了整個餐廳，只有二人靜靜地進食。（實情是各有各在玩手電）點了泡菜湯底，雖然已點最少的辣度，還是建議不吃辣的朋友不要嚐試，點大醬湯底比較安全。飲料櫃內有韓國啤酒、獅威、汽水、道地的多款紙包飲品，選擇可算不少。食物也是以自助形式到凍櫃自取，一般的肉類、海鮮、蔬菜、菇類、麵食一應俱全。以 $148 這個價錢來說，值得下次約埋朋友黎大杯酒大塊肉暢吃一番。

啲野食唔係話特別好味 好普通 價錢一般 真係唔推薦！！重點係我叫左個芝士豬仔骨 果邊啲服務員會當場幫你整啲芝士豬仔骨 感果個服務員整緊啲豬仔骨果陣時，成舊豬仔骨跌左落張臺到，咁我地都知係唔小心嘅，以為佢會幫我換一舊肉啦，點知過左一陣佢夾翻起身俾我地食 ，我同佢講舊肉跌左落張臺度，佢冇比任何反應我 琴晚我睇住有啲服務員黑口黑面對待啲客，心諗你唔想做咪唔好做lo。我黎食個飯都要睇你地面色？我真係未試過食餐食都咁嬲真！係！極！度！唔！推！薦！

去到大圍探親戚，探完親戚搵野食。呢間韓國餐廳有韓燒火鍋之餘，仲有韓式小食同餐湯粉麵飯。環境寬闊，雖然在屋村廣場內，但都較容易搵到首先個韓式壽司-泡菜腩肉卷紫菜包飯好食，飯質扎實，加上壽司醬油，不太乾枯，容易入口。生牛肉芝士湯麵有些微辣，芝士味香濃，但又不膩。牛肉，肉質軟綿，吸收湯汁鮮味令肉汁豐富。人參雞湯泡飯有半隻人參雞，雞肉可能餚湯，所以肉質有點下跌，但湯汁鮮味十足，人參味濃厚。大大碗幾好。草莓梳打

唔知係咪轉左手，成批侍應都唔同哂。 雖然menu 一樣，以前午市本身會有兩個韓式前菜，而家冇左。 食物質素下降不少。 以前呢個辣腩肉配白飯，腩肉係較厚而且辣醬係較濃，但而家腩肉又薄，個辣醬係冇味。 晚市以前佢一向主打單點食物，而家新增左港式韓燒放題，真係普通好食。但侍應服務態度總算有禮貌，只係可能剛轉手，有好多細節都未上手，一個餐都未能遞餐要用餐車送。

同友人慶祝生日，朋友介紹在沙田大圍新翠商場的新派韓食館、就是位於新翠商場入面、餐廳面積很大、非常當眼易揾到。餐廳内的擺設很有韓式風格。我們入坐後，便先点了個牛肉石頭鍋飯$72、泡菜腩肉卷$49，牛肉石頭鍋飯分量充足、牛肉腌製入味還有只生熟蛋、洋蔥、完全 釋放出牛肉汁的鮮味。泡菜腩肉卷的肉質不油不 肥膩、欣賞㕑帥巧手製作。朋友 我打咗一碗生牛肉芝士湯麵1I$49牛肉是用肥牛配入香濃的芝士，把整碗湯麵的湯底更有芝士香味非常醒胃。肥牛肉也清甜鮮味。加入飲品， 冰凍的 柚子梳打$2O 味道酸酸甜甜， 旣解渴有滋潤。

頂！去左間甘討厭嘅韓國野食服務態度差嘅經理打邊爐落海鮮再加上蜆正常嘅打邊爐食法吧？蜆有沙令整個爐連同食物都沙，叫你幫我換左個爐佢有幾難呀！又唔係忙！仲叫下屬不用理會，我頂！呢下真嬲囉！大佬呀！食左半個鐘都未夠！幫手換左佢啦！仲係度話唔可以換！又話只可以幫你倒左佢轉水比你！好！沒問題⋯⋯想再下次幫襯你！好難呀！好嬲呀！

之前已經來過食晚餐，覺得好好食，服務又好.今日午餐又心思思過來。😝原來依家有埋放題食🤔我地係咪太耐無來。入去安排我地坐卡位😊好舒服餓餓地就來個放題試下先午餐$88另加一，平日就唔洗一碟肉，配料飲品任食晚餐肉係任食架。我地揀左醬醃雞肉同美國肥牛加大醬湯底🤓叫完野食就去拎野飲同配料先。有2個大雪柜放飲品，好多選擇😜醬料區都係自助自己拎，好整齊配料全部都係雪柜，好新鮮其實無分係燒烤定打邊爐，大家隨自己鍾意煮熟就得🤣🤣揀完反來，我個鍋來左啦原來係甘一半一半架😳大醬湯都好適合打邊爐🤗如果食辣仲有其他選擇佢d丸都幾好食，特別特別要推介呢個包心咖哩丸.同打邊鍋絕配，咖哩味超正。雖然lunch打邊放題好似好heavy🤔但假期一餐當兩餐食絕對無問題既🤣🤣

同朋友去踩單車之前，黎左一個屋村商場入面既韓國餐廳食飯。估唔到呢度都幾靚幾新，同呢個商場幾大對比。食韓國菜點少得部隊鍋! 雖然我都知好唔健康，但一陣都做運動，就放縱一下啦! 我地要左芝士部隊鍋，完全唔辣。呢個部隊鍋幾足料，有辣炒豬肉、午餐肉、金菇、菜，即食面，雞蛋，仲有我最愛既魚糕! 每塊魚糕都好大，仲有好多塊，勁開心呀! 除左鍋入面，爐點材料都好豐富，有滑滑既雞蛋，芝士同粟米，食哂一鍋都真係夠2個人做午餐。但一場黎到點可以淨食一樣，我地仲要左一碟kimbap，姐係韓國壽司。除左我地揀既主角餐肉，仲有青瓜，蘿蔔同雞蛋，飯捲好香麻油味，唔需要任何醬汁已經好好食。走既時候先發現原來呢度有午市放題，一次過可以試哂烤肉同火鍋，價錢仲唔貴，下次會黎試下。

有圖有真相叫咗個白蜆蠔仔海帶蘿蔔湯泡飯，一嚟到已經見到碗嘢好清，蠔仔得4粒，海帶得少少已經夾曬出嚟把鬼火將所有餸夾曬出嚟個飯碗都仲未滿!!!! 白蜆 d 殼已經佔咗一半 !!!!!個所謂既湯根本係滾水加鹽!!! 講真80蚊咁樣嘅份量咁樣嘅質素一 d 都唔值!!!!!

今日約咗朋友去大圍踩單車，踩之前上網搵下有咩食，發現有間韓國菜，就決定試下！餐廳位於一個屋村商場入面，距離大圍站都有一段距離，都搵左一陣。估唔到係一個咁殘舊既商場入面，竟然有一間裝修得咁新潮嘅韓國餐廳！一坐低店員就預備左泡菜，黑豆同芽菜做開胃小食。一見到menu有部隊鍋，我就忍唔住叫左個芝士部隊鍋，肉類就揀左豬肉。鍋料都幾豐富，有辣炒豬肉，午餐肉，魚糕，金菇，烚蛋，椰菜同即食麵。爐邊有粟米，芽菜，芝士同蛋。大約滾5分鐘就可以食喇！湯底只係有由辣炒豬肉個度浸出既辣味，所以唔太食得辣嘅人都絕對冇問題。溶左既芝士加粟米真係好正，而爐邊蛋煮到半熟就可以食，十分滑嫩！成個鍋份量岩岩好夠2個人食。另外我哋都要咗一份韓式壽司，又係我最愛既午餐肉！饀料有青瓜，菠菜，蘿蔔，蛋同餐肉，用左韓國紫菜包住軟硬適中既米飯，好有媽媽準備既味道，簡簡單單已經好好食。一般韓國餐廳收費都比較貴，但呢度都算抵食，又坐得舒服，走既時候店員向我哋推介午餐下午茶放題，一次過可以滿足哂烤肉同火鍋，而且人均$100都唔洗，已經約定朋友下次過黎試！

今天和舊同學到大圍踏單車，順便一試附近的餐廳。這間韓國菜館感覺挺特別，於是一試。前菜：正常必有的泡菜，開胃的醋木耳，健康但味道普通的黑豆，仲有無咩味道既芽菜。蟹膏蟹子份量挺多，芝麻油香很濃，紫菜爽脆，可以分到四小碗。撈完的效果，吃下香口，亦有些許鮮味。話說呢個係炒飯，店員會在你面前炒。有牛肉、紫菜、其他雜菜絲。然後另有蛋漿、芝士。開始炒了！先把食材炒起，店員另外加了醬油，所以炒完的飯有少少啡色。再加入蛋漿芝士，外貌已經很吸引了。即炒即食真的很香口啊！而且很足料，蛋漿還滑滑的呢！我們一行三人，店員就幫我們分了三碗，份量還好。水冷麵亦不錯，麵質有咬口，另附醋水可再加入。不過料比較少，只有半個蛋，和一塊很肥很肥的豬肉...菠蘿沙冰，純粹fancy，喝下味道普通。倒插，另一fancy之作。我點的薑茶。總括飲料都正常啦，亦無驚喜。臨走時朋友告訴我原來還有任食烤肉，價錢好像挺吸引哦。