新派韓食館 (已結業)

心血來潮想食韓國野，心入面淨係諗到沙田有得食，但諗到又貴又要等位、又唔係話特別好食；於是上openrice睇下，見到新翠竟然都有韓國餐廳，食評重要唔錯，於是就搭兩個站黎試下！地方比想像中大，坐得舒適；因為時間尚早所以人唔多～款色都好多，基本出面韓國餐廳食到既款式呢道都有～我比呢個漢拿山芝士蛋牛肉飯吸引其實泡菜牛肉我都好想試🤤🤤前菜，我覺得比係韓國食到既更好味，韓國食到普遍偏咸，呢道味道會較適中韓式餃子拼盤，三款各2件$48有原味餃子、泡菜餃子、紫菜包粉絲餃子新鮮即炸，皮薄又夠脆，餡料足、味道夠，即使唔沾醬亦非常夠味主角：漢拿山芝士蛋牛肉飯$128即場現製、需時10-15分鐘店員炒得非常熟練先將牛肉紫菜蘿白絲等同白飯及燒汁炒暈再倒入蛋汁、最後加上芝士講就好似好簡單，但我見店員都好有技巧先做到蛋邊脆、中間流心既效果呢個飯真係好得蛋邊脆、中間流心、蛋香之餘帶有芝士味，飯炒得濕潤又夠味，牛肉份量都唔少，芝士同牛肉又好夾，每一啖都好惹味好邪惡試完呢餐，下次朋友話要食韓國野我都會帶佢地黎呢間，又唔洗等位地方又大，價錢合理，係大圍火車站行過黎都係10分鐘左右，突然好羡慕住係呢條村既人☹️

是日收工同朋友大圍覓食，想試下新嘢，所以去新翠食韓餐入邊既侍應真係有韓國人！服務都算唔錯，味道都可以聽聞係正宗韓國人開！佈置裝潢真係猶如置身九龍既韓國餐廳咁！但係價錢缺平啲啲！我地一行四人都食到好飽！我係韓國餐廳就係睇kimbap整得好唔好食哩間都算唔錯！出到黎仲係熱既！（熱既同凍既真係差好遠）而且指定一定要食吞拿魚！同埋好流行既邊爐蛋食過翻唔到轉頭～食完又想去韓國旅行啦！住係馬鞍山或者大圍沙田一帶既朋友可以試下價錢又親民！

OT後與同事去食韓國菜，叫左紫菜蟹粒飯，唔知係唔係因為太肚餓，覺得個飯好好味呀飯卷就一般，無咩特別。麥糖炸雞都好，2樣野好夾，唔會覺得太漏拉芝士豬仔骨雖然好邪惡，但真心好好味，芝士果然係一樣美食飲品就無咩特色。

係沙田行街唔知食咩好, 無意中搵到呢間係大圍既韓國餐廳, 見佢menu既野食種類多, 一於就試一試呢間不過係大圍站落左車都要行10分鐘先到, 好彩男朋友識路, 得我自己一個都唔知點行 間餐廳都幾大, 好彩好早去到, 唔使等位, 因為唔係太餓, 所以就揀左2樣野食 〰️總司令大醬鍋 〰️ 一上檯先知原來個鍋係咁大囉, 份量足夠4個人食架個鍋既配料有豬牛雞午餐肉年糕菜同烏冬, 仲要每樣配料都有好多舊, 加加埋埋成個鍋變得好豐富呀平時係出面食個部隊鍋, 價錢又貴個鍋又細, 但呢間既價錢真係好抵食講番呢個湯底先 係大醬湯黎架, 因為唔想食辣, 所以就揀左呢款, 雖然湯底都好夠味, 不過食韓國野好似有辣會好味D, 下次要試下辣湯底 〰️巨型八爪魚刺身 〰️ 呢個刺身又係一上檯就嚇死我地, 原來咁鬼大盤, 起碼有20幾塊佢有wasabi同韓式辣醬, 仲有一碟生菜平時食燒肉就包生菜, 估唔到食刺身都可以包, 生菜架wor 好爽脆, 八爪魚都唔會好難咬開, 加埋一齊食都幾新鮮wor 食左2樣野已經好飽, 但見隔離檯既野食都好吸引, 估唔到搵到間咁好味既餐廳, 下次都要再黎食其他野先得~

假期睡晚了，所以去吃Early dinner，再去逛一會兒街而這天正想吃韓國菜，因為天氣凍，令我很掛念鍋飯韓風的裝修。座位寬闊，有些座位是梳化櫈，營造出種溫馨感覺。而且，餐廳有侍應是韓國人呢，說不定有韓國人來這裡吃飯的話真的會有家的感覺，很親切。韓國醬油生蟹一直好想試！希望下次再來試因為這天天氣冷冷的，想吃熱熱的鍋物類，而這裡有好多鍋物可選先有前菜熱騰騰又健康的石鍋伴飯加上韓式辣醬更滋味腩肉份量豐富，配菜也挺豐富呢，有金針菇、豆腐等，泡菜湯辣辣的，挺入味煎得香香的滿足的Early dinner

大概係兩年前左右，其實我已經嚟過呢間餐廳食嘢，當時對呢間餐廳已經有相當唔錯嘅印象，所以今次到來會對餐廳有一定期望。餐廳環境都算係好闊落，整潔同埋光猛，令人坐得好舒服。而且裝修的而且確係充滿左韓國餐廳嘅風味我哋兩個人點左一個 : 海軍八爪魚扇貝鍋$199，一份大葱蜜糖炸雞$42，一份美國頂級牛小排$148。海軍八爪魚鮮貝鍋份量相當唔惹少，最特別嘅係店員會將大大隻生動嘅八爪魚直接喺我哋面前剪落個鍋度，未食已經加晒分無論係心靈上視覺上，已經會覺得呢個鍋係好新鮮。煮熟晒所有食材之後我自己就會覺得蠔，蜆，扇貝，同埋烏冬味美。大葱蜜糖炸雞我自己就本身好鍾意食蔥蒜呢一類重口味嘅配料，所以係餐牌見到呢個大葱蜜糖炸雞嘅時候已經心心眼😍炸雞的確係做到好鬆化，而且入口唔會覺得好油膩，炸得幾乾爽，雞肉又夠滑。只係略嫌大葱嘅份量唔夠多，滿足唔到我呢個鍾意食葱嘅人。美國頂級小牛排呢份小牛牌嘅質素超出我嘅期望，的而且確係鮮美，而且每一片都好薄透，加上有四種醬料比我地點，變相可以食多幾種唔同口味嘅靚牛肉我哋兩個人埋單大概係＄400左右，對於我哋呢啲尚算係年輕嘅人嚟講係可以負擔得起，同時我都好欣賞餐廳佢係有優惠價提供比

沙田大圍的新派韓國館食物選擇多，質素都唔錯首先要介紹呢一個韓式醬油蟹醬油蟹係用韓國蟹　都幾大隻　膏都算多醃得相當入味　一般醬油蟹都要醃２～３日先至夠味算得上係好花心機既手工菜仲有呢一個蟹籽蟹膏飯聽老闆講呢一味菜佢地幾乎係全港獨家　選用韓國直送蟹膏　佢仲話好多餐廳都搵唔到韓國蟹膏而改用其他產地既蟹膏我地就覺得呢一個蟹籽蟹膏飯　可以話係升級版既懶人蟹膏飯一黎唔洗啜殼　又多左蟹籽爽脆既口感　正而呢一到最令人驚喜就係會有海鮮刺身＄3.8既阿根廷赤蝦刺身全場最抵食又有美國珍寶生蠔同韓國雕魚刺身可以體驗韓國刺身食法：用生菜包　加入生蒜、青辣椒、韓式辣汁食完刺身再打邊爐，原條八爪魚上夠晒新鮮湯底又鮮甜仲可以加牛肉打邊爐

今日女朋友係大圍新翠邨做完義工，所以去左大圍度等佢做完義工，係附近食埋晚餐。其實新翠邨入面都有幾多餐廳，但女朋友話今日想食韓國野，所以就去左呢間餐廳食喇。可能時間尚早，唔駛等位就已經可以入座。入到餐廳感覺好寬落，而家有好多梳化椅，可以比人客坐得舒服啲。我女朋友其實都好鍾意食韓國野，所以今次就由佢發板。餐廳入面有一個小酒櫃，放滿左好多不同種類既酒，好可惜今日揸左車，無得飲lu而餐廳入面啲餐具都好韓式，全部都係用銀器既餐具，扁扁既筷子、長長既匙羹、不鏽鋼既碗，好有地道韓國餐廳嘅感覺。主菜未到，前菜好快就上枱。食咗少少前菜，開一開個胃！女朋友叫咗三樣嘢，初初仲擔心唔夠食，但係食完之後勁飽！ 海軍八爪魚鮮貝鍋 $199個鍋一嚟到之後，成隻八爪魚係個煲面上邊，聽啲侍應講，佢哋話啲八爪魚係由韓國進口，侍應隨即將隻八爪魚夾起，並以純熟剪功，將隻八爪魚五馬分屍。如果鍋亦都有好多海鮮，就好似元貝、蛽、鮑魚、青口；同埋仲有好多蔬菜，仲加埋一個烏冬，兩個人食其實真係好足夠。美國頂級牛小排 $148/150G一碟大約有十二塊，而且叫特選肉類，仲有四款醬料，包括韓國秘製豉油、胡麻醬、海鮮醬同埋韓式豆瓣醬，而我就

原來, 上一次走過來 "大圍 Sister" 已經係2年半前的事, 今日無無聊, 又再舊地重遊. 因為SY很愛打邊爐, 平日大家樂一人鍋又吃到厭, 所以今晚就轉轉韓式火鍋. 我問店員:「總司令大醬鍋夠唔夠三個人食架?」, 店員:「計我話6個人食都夠...」(原來真係好大大大個架) 店員:「要唔要試我哋新出 任食"阿根廷野生赤蝦刺身"每隻$3.8....」(吓? 任叫? 咁平? 叫20隻都得?) 店員:「你食到嘅話叫幾多都得」阿太:「嘩! 咁真係抵喎, 仲平過街市買囉」(店員: 其他分店無架, 只係我哋有) 好鮮味, 好彈牙的甜蝦, 皮膚敏感的我也忍不住吃了兩隻, 晚上回家再吃敏感藥也值得.~ 堅抵!! 情人節特飲 $58 (買一送一), SY好高興的手持天鵝說:「送埋兩隻鴨仔畀我哋喎, 真係好喎...」(係天鵝唔係鴨仔喎) 阿太:「好彩我哋訂枱嗰時叫埋...買一送一喎, E兩天鵝畀我襯杯緣子影相就一流啦」 醬醃莞島鮑魚(3隻) $119 與 珍寶生蠔 $48 一樣是食到停不到口, 作為前菜, 今晚絶對幸福. SY:「鮑魚好多汁呀!」, 我:「冰鎮生蠔真係大過你塊臉喎, 又嫩又甜又滑,

今天約了朋友晚飯聚聚，一間位於大圍屋邨的新派韓國料理餐廳。門外裝修簡單而不失韓國風味，加上紅磚牆身，很有藝術感。位置大而寬敞，都有很多梳化位置，適合相約朋友一邊用餐一邊談天，很舒服的感覺。一坐下來，店員都給了我們前菜小吃，都是一般的韓式泡菜或醃蘿白芽菜等等，喜歡泡菜很香辣開胃，亦可以跟店員添前菜！（$128）芝士部隊鍋配豬肉，另可選牛或雞肉。材料非常豐富的部隊鍋，外面有蛋漿、芽菜、芝士和粟米粒，裡面有午餐肉、雜菜絲，蛋，肉，年糕和公仔麵等等。整個部隊鍋都很有韓國味道，再沾上芝士份外邪惡！店員都十分細心教我地蛋漿可稍為攪拌會有滑蛋效果！（$82）泡菜蠔仔煎餅，比一般泡菜煎餅多了蠔仔，蠔很飽滿份量都恰到好處，煎得香口脆身，沾上醬汁另外多些甜味。（$42）大蔥蜜糖炸雞5件，炸雞炸得非常脆口，另外有蜜糖和大蔥，咬上去增添層次感，非常滿足，雞肉嫩口！（$178）春川炒辛辣雞鍋，寫著是中辣，辣得非常香口，有驚喜。這個雞鍋店員會在我們前面炒，欣賞度十足。材料亦十分豐富，有雜菜絲、年糕、菇類、魚糕和辣醬和雞肉，另外配上粉絲和白飯。粉絲都很配沾滿辣醬，既香辣亦很暖身！（$42）忌廉插柚子沙冰，柚子沙冰有

芝士部隊鍋(豬肉)$128部隊鍋一向令人很滿足，材料超多的，有泡麵，午餐肉，脆皮腸，金針菇，椰菜，豬肉，雞蛋，芝士，粟米，芽菜，年糕，魚糕，很豐富。芝士溶化後牽絲得很吸引，但同時亦顯得很蠢，因為牽絲真的牽到很高，夾得很不方便。 雞蛋要注意不要煮太久，會過老，這也是店員給的小提示。春川炒辛辣雞鍋$178這個材料也很多，雞肉，年糕，魚糕，金針菇，椰菜，紅蘿蔔，洋蔥，菇，青辣椒，粉絲。這個是我最喜歡的，因為這比較辣，很好吃，特別是吸滿辣汁的粉絲，超好吃的。有同行者不能吃太辣，不停喝飲料，所以最後這個鍋就交給我來處理，這個鍋還附上一碗白飯，整個超飽的。這個鍋由專人站在桌子旁服務大家，比弄好一鍋再拿出來的差別就是，你會看得見材料是新鮮的，還可以當作表演來看，不錯，店員服務亦很好。泡菜蠔仔煎餅$82明顯看見一隻隻的蠔仔，很鮮，配上帶酸微辣的泡菜，亦十分合適。飽肚之作。大蔥蜜糖炸雞$42(5件)淡淡的蜜糖香卻又不會太甜，配上脆脆的炸雞，中和油膩感，絕配。但要小心的是，碟上占到蜜糖，我碰到碟的時候，手都黏黏的，但店員很貼心，看到這情況，提供讓我擦手，這窩心的舉動實在難得，加一服務費亦覺得值得。環境很寬

今日因爲工事要到大圍嘅新翠邨，發現原來屋村內都有幾多餐廳，搵野食唔難，眼見午市間間店鋪都幾多人，個人係一個喜歡韓國野嘅港女，所以揀左一間韓國餐廳sister Korea cafe。入面裝修都幾精緻，座位亦算舒服，雖然我一個人，但服務員亦友善地帶位同點餐，午餐套餐款式多，重有學生價，當然依啲優惠我無份啦～我叫左果味牛肉石鍋飯同熱咖啡，牛肉石鍋飯上菜時有啲走樣，可能因為運送問題斜左，但食落都無問題，反正都要加醬料拌飯，撈完都重好熱騰騰，好啱冬天時候食，附帶一提醬料一早已放於桌面，有辣有唔辣任由自己喜好落醬。其實我今日最欣賞嘅係杯咖啡，因為我好喜歡用木匙羹，咖啡亦特濃。

假期去了親戚家中玩樂，玩到天昏地暗，午餐就在附近吃吧。看到這間位於屋邨裡的韓國菜館，喜歡四周圍嚐新的我們，便決定到此一試。店子光猛而闊落，四週放了很多懷舊物品如車衣機、收音機、舊式雙卡式錄音機、古董大鐘、舊掛燈，還有一些韓式電影/電視劇照，滿有feel的！先叫點凍飲醒一醒神，要了個韓國菠蘿冰及忌廉插柚子沙冰。韓國菠蘿冰～吃著用菠蘿肉弄成的沙冰，跟直接吃鮮菠蘿分別不大，反而更能將整個菠蘿的精華抽取出來，冰涼鮮香加甜中帶微酸的感覺就像回魂藥一樣，把我完全弄醒；相信某好友看到，一定會想來一試。忌廉插柚子沙冰～太太要了這個，同樣是非常實在的柚子味，很清新醒胃，加上忌廉香甜的口感，確係唔錯。回魂過後，開始有點肚餓，先叫些小吃開開胃，醬醃莞島飽魚及酥炸小生蠔相信是不錯的選擇。酥炸小生蠔～酥脆的外層內是潤濕潮香的生蠔，配上一旁的醬汁，更覺出色，每人幾粒很快便吃光了。醬醃莞島鮑魚～鮑魚有彈性卻不過靭，醃泡得宜，厚厚的質感吃起來非常滿足；胃口漸開的我們，不用兩三分鐘便吃個碟底朝天了。近大門的冰櫃有很多不同種類的韓國酒款，包括果汁味的燒酎、梅酒、米酒、啤酒.....等等，因昨晚已喝太多，還是選擇好味又不會

今日A姐突然哼起呢首歌，唔知大家大無聽過呢？"揚揚帆 昂昂然 盡辦法搜索下去 撐過去"A姐：你有無聽過部隊？聽到我想去食部隊鍋呀！M佬：聽過呀，之後嘅歌詞好係做 "像個艦隊 用盡了所需 尚未有港口泊進去"A姐：係呀，咁我哋去食部隊鍋啦！明明隻歌就係艦隊，關咩部隊事？不過，算啦，佢想食總有好多理由架啦！今次再次嚟到大圍嘅新派韓食館，貪佢份量夠多又坐得舒服！雪櫃入面仲有好多香港少見嘅韓式飲品，好似去咗韓國嘅便利店呀！八爪魚部隊鍋因為剛剛先病好，所以今日唔敢食太辣，而部隊鍋就揀咗甜辣，雖然辣味唔夠，但甜甜哋又辣辣哋都幾過癮，而最吸引嘅應該係條原隻八爪魚，煮耐咗都唔會靱，反而仲好入味。而部隊鍋入面仲有例牌嘅芝士、餐肉、芝士腸、金菇等，而鍋邊仲有粟米、蛋同芝士。有時見到A姐食得咁滿足，我就覺得好開心架喇！美國頂級牛小排牛小排係用嚟放落部隊鍋作打邊爐用，而肉質好滑嫩，牛味十足，真心好味！美國頂級巨型生蠔手掌咁大嘅生蠔好新鮮，好甜呀！同A姐一人一隻好滿足呀！大蔥蜜糖炸雞雞塊外層炸到脆卜卜，炸粉又不厚，而肉質好嫩滑唔乾身。配上蜜糖就可以中和膩感。芬達插草莓沙冰、忌廉插柚子沙冰倒插汽水配沙冰，清新又解渴

6人聚會選了這間無時限的餐廳，被咁多like厄左。泡菜海鮮煎餅：淡而無味，只靠鼓油調味溶岩豚肉炒飯：太咸了，味道唔好鐵板炒魷魚：d魷魚好梅，勁怪。投訴了，不過被hea過還點了醉雞翼和炸豆腐，味道係正常的。全晚覺得好味的係菠蘿冰，真心好味！