新派韓食館 (已結業)

星期六日中午不太想煮食，落了樓下搜索美食。眼見面前這間餐廳非常空曠又多位，裝修又有格調，就決定了這家。拿起餐牌，就知道餐廳必有用心。設計師的畫風很有外國的4格漫畫感覺，打開每頁也非常吸引，餐牌沒有真實食物的樣子，不過畫出來的像真度很高，又帶點趣怪。我叫了個紫菜包飯，因為全都是散叫不連野飲，我再叫了罐lotte的石榴汁。紫菜包飯好足料，而且樣子都不錯，沒有出現紫菜與腸仔分離的情況。而且送餐員是純正韓國人，單眼皮，令我未吃先飽！食指大動！再來男友再叫了個牛肉鐵板飯，普通，牛肉似是吉野家的牛肉。雖然整體都很滿意，不價錢偏貴，兩個人都已經200$左右賣單。以質素來講，不太值。不過有靚仔韓國人做侍應大大加分！

知道元州商場開韓國餐廳的時候超興奮，因為長沙灣幾乎無韓式餐廳，而且小妹和家人都是韓國飲食愛好者。之前新翠分店已經想試，估唔到響屋企附近開新分店。這晚星期六大約6點就到了餐廳，不是太多人，大約有3-4桌客人，坐下後先來四小碟伴菜，有泡菜、蘿蔔絲、菠菜和芽菜。3個人總共叫了3樣食物，有部隊鍋、海鮮韭菜煎餅和濟洲豬肉石鍋飯。部隊鍋都幾特別，有鍋邊蛋和芝士，可選雞牛豬其中一款，鍋內還有年糕、魚糕、腸仔，金菇等，小妹覺得幾好食，不算太辣，兩人食都夠飽。而且蛋好好食，有滑蛋的感覺。另外石鍋飯都不錯，份量亦足夠。海鮮煎餅就被比下去，不太突出，但勝在份量大，夠晒飽。仲叫左呢個芬達士多啤梨沙冰，38蚊好抵飲，而且好好飲，不太甜，士多啤梨味沙冰同芬達橙汁幾夾，推介👍🏼之後爸爸仲追加左個炸醬麵，佢話個炸醬唔錯，但麵就唔係正宗，係用左烏冬。整體黎講都幾唔錯，服務係ok的，食部隊鍋時員工都會主動叫水同處理個蛋。食物都唔會等好耐，伴菜都可以免費添食。價錢亦都唔算太貴，係正常價位。同埋都好多款食物揀。總括而言，一定會encore的。

不停漏單，員工就掛住自己食嘢。 😡😡😡😡漏單追兩次追完都無下文！💁🏻🙅🏻🙅🏻🙅🏻🙅🏻🙅🏻超差服務態度！🙈🙈🙈🙈嘢食亦好一般。🤥🤥🤥👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽

中午落樓下睇下有甚麼可以吃落肚，見到這間餐廳新裝修，設計好有特色，心諗都唔會點伏既，所以就入左去睇到個manu都唔算多選擇，石鍋飯都係得幾款，有兩款重要過一百蚊好無奈唯有點個平平地，牛肉石鍋蛋飯。簡單黎講係幾塊肥牛再加隻煎蛋。我一個女仔食完係唔覺得飽，只係剛剛好幾片肥牛係幾好味既，但加埋蛋就覺得好普通，咁樣已經70幾蚊了性價比真係但左D，但呢度水就任飲重有個韓國大隻男侍應，唔知係咪咁所以d野特別貴

近日多間新派韓風餐廳進駐香港各區，就連長沙灣老人區的商場也開了一間，梗有一間係左近～ 店內裝潢時尚特別，座位尚算舒適～我點了鐵板芝士拉飯卷， 熔化了的Mozzarella芝士鋪滿飯卷，再加上車打芝士粒，芝味更濃郁香口，配搭爽脆的青瓜、甜甜的醃黃瓜及酸甜的醃蘿蔔一起吃，平衡了飯卷的油膩感～ 至於其他餡料，如蛋及雞肉腸味道偏淡，完全被芝味蓋過。 另外，飯粒可能焗得過火變軟腍，一夾即散，吃時有點狼狽，這點需要改善呢。吃到一半已有點飽，有位貌似老闆娘沒穿員工制服的人，見我的前菜——泡菜及青菜吃完，面帶微笑親切地奉上另外兩碟，泡菜的酸辣味增進食慾，終能吃完全部芝士飯卷，大感滿足～ 埋單時，店員大部分是韓國人，雙手遞上賬單，很有禮貌～可能為了迎合附近街坊口味，芝味不錯但比其他韓式餐廳的濃度稍淡。不過，比起味道，我更欣賞態度，下次有空會再試試其他韓食如Sister炸醬麵 / 韓式大葱蜜糖炸雞等等。

近年在荔枝角,長沙灣區開韓食店都做得不長久,不是不好吃,而是老區年長的人比較多,年輕人外出吃飯ㄧ般都在油尖旺,留在長沙灣區食,大部份都會跟長輩ㄧ同進食。因此,很難在此生存。此店,只開店幾天,人流真的不多。我跟寳貝6點多到達,只有2-3枱客人。我點了ㄧ個部隊豬肉芝士蛋邊鍋。呢個鍋,小辛,食落不太辣,我家寶貝都食到,仲話超正,好味。最愛食蛋漿喎。我家老爺都來試(他本人比較中國風,唔like 試新野),我同佢叫了ㄧ個亞之媽街頭炒豬什錦。個鍋系中辛,開始食不太辣,越煮越辣,越辣越想食。唔停得口。寶貝再來ㄧ杯芬逹插草莓沙冰……好貴!但好正喎,都算值得。除此,此店有提供免費4小碟,都算有韓feel.總括,食物水準0k可帶新元素在長沙灣,多ㄧ點選擇。