新派韓食館 (已結業)

屋村地區原來都有好嘢! 都可以食到好正宗的韓國菜，位於長沙灣這家sister korea cafe，因為新開張的關係，位置又距離我家不遠，遂本著一試的心態來光顧，由長沙灣地鐵站A出口，穿過旁邊的屋村直達街坊商場內，位置很方便，步行不用5分鐘。 室內環境很闊落很大，位子很多，牆身的裝潢設計挺有趣的，進內有點韓Feel。 OMG~這裡的服務員是韓國人呀! 沒想過在屋村地區都會有韓國人出沒，一看見韓國人我就放心了，我想在烹調方面會很正宗。 這晚一行四人晚飯，看看餐牌吃什麼，餐牌上都會標示著餐廳推介的菜式。 還有每張桌上貼了這個標示，是十大必食排行榜，那我不用費神點餐，看著這個已經給我指引了。 韓國服務員真的好好，是能操少少廣東話，而且好有禮貌。 餐前指定動作，吃些素菜及泡菜之類 我們點了火焰芝士拉豬仔骨 (HK$178)，最喜歡有旁邊的粟米粒及雞蛋了。 意想不到還有貼身服務，這位OPPA 擁有來自星星的髮型，好細心幫我卷芝士。 芝士很厚實煙韌，豬仔骨味道甜甜地好開胃，都比較厚肉，值得推介。 飛機醬缸醃蟹 (HK$188)，是韓食必吃的醬油蟹呀，幸好今次有OPPA 在

新開張時吃過dinner，味道鹹淡得宜，個人覺得比較適合年紀大的街坊吃。今天適逢媽媽生日，特意請她來吃。韓式小菜，微鹹帶鮮的芽菜及青菜很合媽媽胃口，泡菜及酸菜帶鹹辣則由我來吃，酸辣醒胃。果醋雞肉石板燒，雞肉嫩滑，果醋汁多入味，鹹中帶微酸，油而不膩，加上洋蔥及芝麻調味更可口! 由於醬汁香濃，令平平無奇的添上滋味~鮮蜆蠔肉蘿蔔湯烏冬，比想像中足料得多，有七至八隻大蜆，多隻蠔仔，兩片蘿蔔，鮮味十足，湯底清甜而帶濃厚的蘿蔔味，粗烏冬掛湯力強，媽媽對此讚不絕口!熱朱古力，香甜可可味，不太甜膩~媽媽對生日飯大感滿意，但建議蘿蔔湯烏冬可多加幾片蘿蔔。不過，個人覺得就價錢而言，$52 可吃到足料的海鮮烏冬，跟餐送小食及飲品，又不收加一，已物超所值! 最重要係食得開心~

琴日同同事LUNCH一齊食飯，平時係長沙灣返工既我地 決定出左糧要食好D啊所以就去左元州商場到食個飯我地總共有四個女士去食，大胃既我地 食lunch叫到好似食緊晚餐咁首先係一個「韓國菠蘿冰」呢個菠蘿冰可以話係呢間野既其中一個SIGNATURE啊成日上網介紹呢間野 總有一個菠蘿冰係側邊呢個菠蘿冰都幾surpise 一開始以為會好水 好淡但原隻菠蘿變左沙冰之後 都唔差喎 菠蘿味亦然好濃最重點係好解渴啊之後我地仲叫左「火焰芝士拉豬仔骨」個到既STAFF都幾好人，佢地會親自幫我地整個芝士豬仔骨因為平時去到韓國餐廳 通常都係自己黎著呢到竟然會幫你續舊排仔骨幫你卷 超好啊雖然呢個排仔骨有滿滿既邪惡感，但係一次半次就算啦 哈哈另外 漢拿山芝士蛋溶岩豚肉炒飯同樣地 都係有STAFF即場幫我地整首先佢將飯同豚肉係PAN上面炒 然後再加入芝士同蛋漿令成個炒飯好似 漢拿山咁!味道都唔錯，食落去唔會話太膩 剛剛好

去左長沙灣Sister Korea cafe ,前一兩年食過大圍果間總店，當時排長龍，真係好好味，最正係個醬油蟹, 今次黎到呢間長沙灣, 試吓其他野先, 韓式餐廳先來小碟小吃, 喜愛芽菜同泡菜,先叫冷盤小食, 醬醃莞島鮑魚 ($119/3隻）, 好喜歡韓式醬系列, 好入味, 醬醃熟鮑魚, , 已切片, 爽口鮮甜呀!愛辣人士可連青辣椒食。韓式原味炸雞($42/5件),好開心呢度有小份量叫的炸雞, 因外面餐廳大部份都要一百幾十元, 呢個份量剛好兩人食, 可以留肚叫其他菜嘛, 真係好抵食。炸雞外皮好Crispy ，醬汁甜甜地像蜜糖呀! 好sweet!叫得炸雞, 當然要叫埋佢既拍擋, 啤酒啦, 叫了韓國啤酒, 清啖, 不會太澀口。脆口野陸續有來, 還有泡菜蠔仔煎餅($82), 估唔到韓國都有蠔餅, 不像潮州的以蠔仔為主, 呢度以泡菜惹味, 煎餅脆口取勝, 蠔仔都厚肉呀!可點埋個韓式辣醬。到主角OPPA,...呀! 應該係主角-漢拿山芝士蛋熔岩豚肉炒飯 ($128), 星形炒飯先岩, 店員係韓國人, 見到OPPA, 即時心心眼, , 而且好細心遂步遂步加入材料泡菜、紫菜、豚肉、洋蔥、胡蘿蔔, 炒

之前去過沙田新翠邨的Korea Sister Cafe , 還有許多未嘗的菜式，知道在長沙灣開了分店，當然要去試試吧！分店同樣在屋邨商場，位置方便，裝修具玩味得來又帶點懷舊，別具特色。醬醃莞島鮑魚先來個冷盤，醬醃莞島鮑魚（原隻連殼），超讚👍🏻平時食中菜原隻蒸鮑，總要用小小力氣起肉，但竟然先把1隻鮑魚切開幾份，驟眼看是看不出的，單是這份細心已令人感動😭鮑魚以帶甜味的韓式醬油醃過，把原有的鮮味和細嫩的肉質提升至更豐富的層次😋漢拿山芝士蛋溶岩豚肉炒飯友善Oppa 專人炒飯，技巧熟練，三扒兩撥，竟然把炒飯整成星型⭐然後倒入蛋漿，加入芝士碎，再做成五份蛋包飯，還細心地幫客人分在細碗中享用👍🏻飯粒吾油吾乾，濕潤得來粒粒分明，又不會過硬，紫菜和豚肉豐富了炒飯的味道和質感，因為當日有點喉痛，選了不辣，下次一定要試試微辣，想信更加惹味。😋火焰芝士拉豬仔骨由另一位oppa 親自把芝士碎慢火炒成溶，再厚厚地包著一件件肉質鬆軟、微辣偏甜的豬仔骨，啱晒芝士控或喜歡濃味的朋友。勁多芝士包住惹味豬仔骨，真想連骨都吞埋！爐邊還有幾款配菜，包括嫰滑蛋香的芝士蛋，以及清甜的粟米和芽菜，正好中和芝士骨的濃味，配搭得宜。韓國

朋友相約在他家附近新開韓國菜 ~ Sister Korea Cafe 來食晚飯 。 門放置宋仲基全身紙牌。 餐廳裝潢十分有創意, 有新舊裝飾, 有不同主題區, 具色彩繽紛,好有年青感覺。 首先, 送來韓式四款前菜,作為開胃前菜。***【韓式水菜五花腩生菜包】 $78 薄片五花腩不肥不瘦, 加上生蒜頭､綠辣椒､水菜,食時可以生菜包住同時沾上豆瓣秘醬,真係好味道呀! 食多幾件, 也沒肥膩感。***【飛機醬缸醃蟹】 $188 贈送一客麻油紫菜伴飯 每天從韓國飛機空運來港 我是首次食飛機醬缸醃蟹, 由OPPA店員即場生拆蟹, 將蟹肉及膏倒入紫菜麻油飯,令每粒飯入口濃郁鹹甘香及鮮味,回味無窮。***【海軍司令辛辣鮮貝鍋】 $188 這鍋是辛辣海鮮湯, 內有好多海鮮,有沙白蜆 ､ 藍青口 ､ 蠔仔､ 鮑魚､蝦 及有蔬菜,令湯底好鮮甜帶辛辣,而辛辣是泡菜的辣, 十分開胃,最後加上韓國手打烏冬來食。***【芬達插草莓沙冰】 $38【韓國菠蘿冰】 $58 芬達插草莓沙冰~芬達插草莓沙冰,味道略為太甜, 是消暑好飲品。 韓國菠蘿冰~ 挖空菠蘿內有幼滑鮮菠蘿沙冰,清新味道, 十分解渴。

今次同朋友搵食黎到長沙灣，餐廳環境佈置colorful，因為朋友想吃醬油蟹就試一試啦!最開心係醬油蟹有oppa 過黎整比我地食，同個炒飯，都係即場炒比你食，仲即刻砌左個心形炒飯，仲好有禮貌問你洗唔洗裝飯比你，好暖男feel不過暖男吾識聽廣東話，用英文溝通是ok的。炒飯建議食左先，凍左就無禁好食。我地食到托住個肚走呀最後，店員差唔多食完都會想聽下客人意見睇下有咩改善地方，覺得這是必須的，要聆聽客人意見再作改善，才會進步嘛！

.依家韓國菜隨時仲多過便利店，愈來愈難揾到正宗韓國風味菜館。呢一間位於長沙灣嘅新派韓食館，係咪真係咁有創意就要試過先知。.火焰芝士拉豬仔骨 $178芝士豬仔骨係屬於餐廳十大推介中排第六，先夾起辣味豬仔骨，再沾上旁邊芝士，一圈圈地把芝士捲上，今次店員仲好友善咁幫我地整，美中不足係可能餐廳把焦點放喺如何令芝士形造出拉絲效果，忽略芝士味道，所以食落嘅時候口味偏淡，略為減分。.飛機醬缸醃蟹 附紫菜拌飯 $188「飛機醃蟹」，顧名思義就係搭飛機嚟嘅蟹，餐廳話佢地係每日由韓國飛機空運到港，由於時間關係，店員同樣帶上手套幫隻飛機蟹拆肉，再加上蟹醬汁拌飯，所以每粒飯都會沾有醃蟹嘅蟹香。

唔係話成日去長沙灣，今次都係為咗方便朋友，走咗過去深水埗隔離嘅長沙灣食平民化嘅韓國菜。韓國菜開到成行成市，sister korea韓國菜喺大圍都算出名，估唔到會揀喺長沙灣呢個商場都有，方便左好多，一於就試試佢。裝修好有特色，周圍都係一啲我卡通公仔，如果唔係咁多人，我估一定周圍走叫朋友幫我影相。 餐牌嘅設計我好鍾意，除咗有公仔之餘仲會有卡通嘅食物圖，真係好可愛。我地點左生啤，正常口味，價錢亦都唔會話好貴，海鮮鍋會有烏冬，蜆肉，青口，蝦，羅白絲，南瓜，冬菇，金菇等等配菜。蜆肉好正，大隻又有少少鮮甜，不過份量唔係好多，兩個人應該啱啱好。仲叫左炸雞，蜜糖味道好好味呀。炸得脆口，而且有5件，都幾大舊，甜甜地搞到呢加諗起都想再食呀。韓仔哥哥會幫我地將啲醬油蟹支落個飯入邊，之後再幫我地伴埋，店員都幾靚仔，識講少少英文，所以都溝通得好。仲叫佢留返一隻蟹腳，比我自己咬下，食完一隻好想食多幾隻。將由蟹嘅蟹黃唔算好多，不過味道啱啱好， 醬油蟹嘅鮮味連埋飯一齊食。另外仲叫咗菠蘿特飲，好大杯而且入邊有冰菠蘿，鍾意飲菠蘿嘅人，呢個就啱晒啦又大杯又好飲。商場入邊有呢間唔錯嘅韓國餐廳都幾好啊。

韓國菜喺香港愈開愈多 但好食兼正宗既韓國餐廳其實好難搵～ 聽朋友講長沙灣有一間唔錯既韓國餐廳叫Sister Korea Cafe 見近排冇咁忙 就同朋友一齊去試下 睇下可唔可以為大家發掘值得一試既韓國菜～佢個名好特別 用Sister 唔知有冇咩特別含義 可能店主有個好特別既Sister 😂 Sister既韓文 叫法 可以係叫女朋友都得架 😜門口有兩張餐牌 上面清楚介紹左各款韓式美食 真係好唔錯 有埋圖俾大家參考 同實物一模一樣架 😍餐廳入面既牆壁色彩繽紛 充滿地道既韓國風格 韓國既餐廳都好中意用呢類壁畫做背景 佢地認為咁樣好有自己既個人色彩～ 另外餐廳佔地都幾大 可以坐好多人我地一坐低 店員已經預備左幾道韓式小菜 韓國餐廳必備既前菜 當然唔少得傳統既泡菜 家家戶戶做出黎既泡菜都唔一樣 所以去唔同餐廳 多數都會食到好多唔同味道既泡菜 各有特色🌶🤤菠蘿沙冰 🍍餐廳好有創意 用左原個菠蘿黎做飲品既容器 仲配上新鮮菠蘿做菠蘿沙冰～菠蘿味道十分鮮甜 飲落好清新 令人精神一振 絕對係解渴消暑既最住選擇 🍸醬油蟹好耐冇食過醬油蟹 對上一次食 已經係差唔多一年前～ 我朋友雖然係韓國人 但佢唔返韓國都好

今天約了朋友晚飯。 朋友說想吃韓國菜但是又不想出尖沙咀和人迫。 我從荃灣出嚟想起長沙灣元州邨有間新派韓國菜 ，今晚決定一試~入到門口，店員熱情招待。因為還未到晚飯時候(未夠七點)所以人流不算多。坐下來便送上四小碟泡菜。 韓式泡菜做得很正宗味道不錯。朋友點了韓國啤酒，我點了這裏推介的韓國菠蘿冰。 用了整個菠蘿打成沙冰， 充滿菠蘿香味， 甜度適中 ，喜歡菠蘿的朋友不要錯過。先來這個飛機醬缸蟹及麻油紫菜飯。醬缸蟹所用的醬油非常鮮味，鹹度適中， 提升了啫喱狀的蟹肉的鮮味，完全唔腥， 黃色蟹膏也很甘香。 再拌入紫菜飯吃簡直一流。 個人來說生嘅肉類一次过不要吃太多。 所以這個份量剛剛好。接著來的是蜜糖大蔥炸雞。好香口炸得唔乾雞肉仍很juicy,被簿簿的一層蜜糖包著。部隊鮮貝煱配韓國手打烏冬。有多款新鮮海鮮。 果然有很多貝類: 有蜆，鮑魚，青口，仲有數隻大蝦。 滾起就試湯底，好鮮甜，配鳥冬，正!事實上最近試了幾間新派韓菜，質素實在不敢恭維 ， 因為大多是港式韓菜， 不夠正宗之餘質素還是非常參差。今晚這間新派韓菜實在有意外驚喜 因為每款菜式都甚有水準。

琴晚喺阿姨既帶路下黎到佢家樓下食韓國菜 佢話食過幾次幾好食 所以見我地黎到帶我地試番次 估唔到咁新派既韓國菜會喺屋邨商場都有 以為都係d大集團食肆壟斷平時我都好中意食韓國菜 所以今晚正合我心意。阿姨落左幾道佢食過好食既菜 我地都冇意見落左未有野食前望下間餐廳環境 感覺真的到左韓國既餐廳呀 而且播住韓國歌曲好有feel!餐廳都設計得幾有趣 見幾靚影低左 哈哈我地點左唔辣既海鮮烏冬鍋 有鮑魚 蝦 青口 蔬菜等 各款海鮮都新鮮 特別係隻鮑魚好爽口海鮮湯好鮮甜 烏冬清清地都好食我中意食哩個鍋呀！我差唔多飲晒d湯醬油蟹係有一全隻 都見到有蟹膏 未食到覺得吸引 原來哩度既店員會拆埋d蟹肉蟹膏撈埋d飯到 我覺得好方便食客 唔洗我地食到咁麻煩 哩個服務好貼心仲點左一份辣醬炸雞 個皮炸到金黃色好香口 外層既辣醬好味！第一次飲原隻菠蘿冰 好大杯而且感恩係新鮮果肉榨汁 ！好甜

飛機醬缸醃蟹店員即場表演拆蟹，然後吱落白飯到，再加上醬油，然後搞拌白飯。蟹嘅鮮味係白飯嘅對比吓，特別強烈。如果醬油可以自己選擇落幾多更佳，適合唔同人口味。涼拌腩肉包辣水菜生菜好新鮮，食到索索聲。腩肉肥瘦比例勻稱，唔會食到好膩。腩肉沾上醬油，再用生菜包住，先係最正宗食法，三重享受。部隊鍋最好味係個面，吸收哂所有材料精華，夠哂入味。將泡菜加入蛋，依照自己喜好DIY，泡製自己最愛。韓國菠蘿冰好少見嘅特飲，用新鮮原隻菠蘿製造，將部分果肉掘出，部分加以搞拌，特別鮮甜。而且，睇得出菠蘿殼唔會循環再用，十分低讚。芬達草莓沙冰賣相吸引，好啱打卡，味道甜甜草莓味，沙冰幼細容易入口。部分店員真係OPPA，好地道感覺，,真係睇到睇飽

話説食過沙田的Cafe Sister都幾好味，裝修又幾特色，想encore但對我嚟講就真係唔就腳。朋友話長沙灣開左分店，咁近就去回味一下。 原來佢響元州商場，一入去就係，非常方便，有兩位真oppa迎接我地入坐位。 首先我地點左兩位飲品。 我的係忌廉柚子冰沙，都係倒轉版汽水，將忌廉汽水mix埋個柚子茶味沙冰，這個有忌廉味外，仲有清新果味，keep住杯飲品凍之餘，啲柚子冰仲唔會令汽水淡左。朋友叫既係菠蘿冰，只看外表已經贏矖！一個小菠蘿，裏面放左新鮮菠蘿攪碎的沙冰加片菠蘿，迎接炎炎夏日的來臨。 醉雞翼，雖然唔夠平時上海店中的咁重酒味，帶少許甜味，雞翼的皮係脆口的，大件肉厚，仲幾入味添！ 可食埋甜甜地而唔辣既青椒，都係甜的 💓💟. 醬油蟹伴飯平時食既醬油蟹都係就咁食，將隻蟹拆件咁“了”啲肉同膏出來食。今次就係一個oppa將啲蟹膏唧出來撈落啲粒粒脹卜卜的韓國飯度。啲飯夠曬油香，有啲似海膽撈飯。餘下啲醬油蟹就可以食埋啲肉去，綿綿的。 蜜糖炸雞個皮超脆，炸到有個殼一般。 蜜糖分量剛剛好，唔會過甜，肉質夠嫩有啲肉汁流出來。佢得幾件，分量都好，唔洗下下食成隻咁多。 一個屋

昨日同朋友經過元洲商場見到新開的韓國店,睇完餐牌覺得價錢不太貴就入去試下入到去店面好大,坐位寬敞,坐低就先有前菜供應我地先點左啤酒同韓國菠蘿冰,跟住我地點了飛機醬缸醃蟹(店員話每日空運到港,隨蟹仲附送一碗麻油),鮮貝鍋及蜜糖炸雞先吃的係醃蟹,上菜時店員好細心幫我地處理蟹身,將蟹肉拌飯俾我地享用,之後就上左鮮貝鍋上菜先留意到原來個鍋係跟烏冬,用料好足最後就係蜜糖炸雞一碟五件,每件都熱辣辣,甜味適中埋單每人288,食得好飽