新港明珠海鮮酒家 (已結業)

因等位等到一肚火，冇心機影食物但不吐又不快。星期日去同屋企人共8人去飲餐茶一定預咗多人要等好耐。我已經提早了45分鐘前預先單人匹馬去攞飛。我係大檯嘅第一張，知客姐姐都講咗要等耐少少。明知街坊餐廳一定照顧D熟客我亦都理解。但等咗成個鐘都未有聲氣，只見知客同上面講過一次8位大檯就冇追過。直至我一個朋友到咗，我叫佢去入去酒樓裏面睇下實際情況。見到有張大檯，但見到個突然自己坐咗落去但冇人阻止。朋友立即走出來同知客講有檯但點解唔俾我地。（因午餐係冇得訂檯的）佢話入面冇通知佢，唔關佢事只叫我地學己去問返入面。我朋友立即同個經理理論，他無奈地安排另一張檯俾我地！如果唔係等到下午茶時段都未到我地。實在太過份，我唔係第一次去呢度飲茶㗎啦，一係你唔好派飛咁我唔洗等...真係對呢間餐廳好失望，食物雖好但都唔夠膽幫襯⋯⋯好彩就有食，否則....

媽媽大壽就去左呢間酒樓，我地係老街坊，飲茶最常就係去呢度，環境係舒服既，我地點左芝士龍蝦伊麵，燒乳鴿，冬瓜盅，金銀蛋莧菜煲同壽包，當晚重頭部分係龍蝦，好大隻，絕不偷工減料，上台完全係好震撼，蝦肉清甜爽口，彈牙鮮味，芝士濃郁味濃，伊麵吸收了蝦肉，好鮮，乳鴿嫩滑無比，香口入味，冬瓜盅好多湯料，有冬苽蝦米元貝，唔咸，好重鮮味，莧菜煲好清，淡淡地，我們一家都好滿意

明珠位置比較方便，位於裕民坊，佢冇咩優雅裝修，喝茶好多時都要搭台，重要行一條旋轉式樓梯上二樓，對老人家或者行動不便的人都唔係好方便。但是點心係裕民坊黎講，里個价錢，真係叫用心同好吃。直得一試。

過幾人老公生日, d女提議出去飲茶先興祝, 咁起左身就是旦食d野, 等個個做d自己野先出去飲下午茶, 話就請老豆, 叫左老公鍾意食2樣野就叫她們喜愛的炸野, 但估唔到樣樣都好食, 但價錢唔算好平一般

去完老人院，落條斜路黎到呢間茶樓，橫掂未食lunch，就黎飲下茶先。一點二黎到，帶位問等唔等下午茶，下午茶一點九開始，仲有成半個鐘有多，梗係唔啦，反正友人身體不適，純粹坐下，唔會食好多。皮蛋瘦肉粥，好夠味，應該有唔少師傅。牛栢葉，十分油，爽但無乜味。水晶包，呢樣幾好，皮唔算太厚，奶皇同豆沙餡都賬卜卜，唔太甜。坐正張路中嘅中間枱，唔迫，有伙計沖茶，又夠冷氣，杯茶夠熱。雖然食物麻麻，但為吹水hea下都幾好吖。

放假一個人無聊在附近行 上左嚟呢間，叫左三樣野 蝦餃晶瑩通透，內餡的蝦仁大隻 一口一粒感謝覺實淨及彈牙 醬汁蒸牛肚，牛肚軟腍入味，醬汁味濃 义燒包，餡料夠熱包身質地鬆軟 水準一般只是用來飽肚服務員友善環境吾錯 最重要地點方便

今日去左呢間酒樓飲茶。。點左八樣野食。。粥，乳鴿，馬拉糕，咸水角，魷魚鬚係正常時間內上檯。。但係燒賣，珍珠雞，同雞紮就等左好耐都無影。。搵個阿姐問下啦，一句：點心要等廿分鐘！  敷衍了事就算？怕落漏單姐。。之後阿姐拎張落單紙過黎對。。單就無落漏喇。。不過 ，望下個落單時間。。十一點半，望下個鐘。。咦。。過左30分鐘喇喎。。再等多一陣。。3籠野千呼萬喚始出籠。。d燒賣蒸到出晒水喇。。係咪訓著覺無睇時間出籠啊？？最令人咋舌既係珍珠雞。。 一籠3隻既珍珠雞。。打開第一隻。。無料既？ 得一粒好細好細既冬菇，一小粒既蛋黃。。肉絲/肉粒都無一粒。。 以為係個別事件啦。。再打開第2第3隻珍珠雞。。嘩。。又係咁既。。。3隻珍珠雞都係無料嫁喎。。咁岩酒樓啊姐過黎加茶，我地多口講句：乜珍珠雞無料嫁？阿姐既答案令人滴晒汗：係嫁，珍珠雞係咁嫁。無料嫁。得個名。。菠蘿包就話無菠蘿姐。。。廿零蚊一籠珍珠雞，，得糯米飯，偷工減料到咁。。野又唔係好食又等得耐，服務又唔係好。。無下次囉唔該。。

昨日星期五，一家大細揾地方食飯。留意到依間食評好好，加上樓下有得停低架車，放停車後約等十五分鐘便有位。咁我地一家五囗便好安安樂樂食番餐喇喂。。。 一入到裏面，裝修OK，衞生OK，服務極好。。。之後經介紹食左(一)吊燒雞，皮仍然脆，味道適中，覺得偃佢地係用新鮮雞。(二)大星班，肉質好滑，好新鮮，一家人食十二両剛好。(三)煲雞煲翅，翅原幾塊，一條，一條好似食麵。幾碟小炒岩岩好。。。超正 好戲在後頭，甜品至最正，西米焗布甸，出黎果陣正到個個熱辣辣，好有奶味又唔太稚都讚成甜，粒粒布甸有質感。。。以後一定當依度係飯堂 找數價錢真係唔貴。最後，經理重介紹同一條街斜對面重有一間茶餐廳 一一 翡翠一品，都係佢地旗下，下次一定要去試試，對佢地出品好有信心

我們來到酒家便有位，特別是週末晚飯時段，令我們很興奮。我們點選了老闆推薦南乳吊燒鷄、西𦭐炒牛柳粒、羅漢𪗋煲、梅菜扣肉。不夠五分鐘全部菜式都端滿枱上，感覺像快餐南乳吊燒鷄竟然是普通炸鷄另上一小碟南乳醬，南乳醬又稀又無酒香西芹牛柳粒似是深色豬肉粒，梅菜扣肉肥豬肉達九成，飯後送糖水好稀完全不合格。

屋企人生日，一家10幾口又食飯了包左一圍，屋企人提議食呢間新港明珠海鮮酒家 第一道菜：蟹子炒飯造型幾過癮！味道同普通炒飯差不多。不過小朋友食得開心第二道菜：燒味拼盤第三道菜：芝士焗龍蝦呢道菜推薦！！！yummy yummy!!!!1懷疑加左蛋黃香口到不得了，而且啖啖肉　第四道菜：蝦多士麵包加蝦，得意既FUSHION 第五道菜：帶子西蘭花第六道菜：唔知咩百花球山根裡面加左D西芹紅蘿蔔，好鮮味第七道菜：花膠海參鵝掌花膠夠厚，海參夠彈牙，鵝掌夠入味第八道菜：鹽焗雞! 唔鞋，有雞味，應該係新鮮既第九道菜：壽包值得一讚係service 果位姊姊，笑容好好，服務周到。一定會再黎。

起身都十點幾，十一點就要出門離開，二人都未食早餐，當然要醫肚啦知我心的你，知道我都唔太好食茶餐廳就問我想食粥定飲茶，最後還是決定左去飲茶。所以黎左哩間，因為之前黎過，同埋哩間最近嘛。上到去，冇人招呼的，冇人問你幾多位然後幫你安排搭枱。可以話好自由既，比你自己揀想同邊d人搭枱。但另一方面就係無服務囉。點野食，其實就想食粥既，唔知點解飲親茶都偏愛要叫粥食，但之前食過哩度d粥麻麻，所以今次都冇再叫。點左香煎蝦米腸，蝦餃，牛肉球，愛人想食糯米卷但哩度冇，又咁岩見到大排檔位有叉燒餐包！@v@　，我地兩個都咁鍾意食，即叫啦！叉燒餐包係點心紙上沒有的 。叉燒餐包一碟三個，偏細，而且一點也不熱，(可能放在櫃中已一段時間)餐包面上的糖漿不會太多太甜，包皮略厚但也算鬆軟。叉燒醬唔算太多，而且叉燒份量也不多，比起我地黃大仙食的熱辣辣叉燒餐包真係差好遠香煎蝦米腸:腸粉尚算滑，口感不錯，唔會太厚，睇得出有煎過，但如果可以煎得燶少少多少少脆就更加好勒。蝦餃大大粒鮮蝦尚算彈牙，而且餃皮不會太厚，不錯。山竹牛肉球牛肉球的碟內水比較多，落左少少喼汁落去但d水+汁就黎滿瀉味道不過不失。食完再叫，叫左南瓜炸蝦卷同叉燒包，又

第一次在這吃DINER左上: 上湯大蝦焗 E 麵 (一食就知D麵係炸過...宜家好少酒櫻咁有心思架LA, E 麵係要炸過先好味)右上: 生炒骨 (外脆內軟...有肉汁,,唔會炸乾曬)左下: 碧綠花椒雞片 (第一次食這道菜.....好香..有微SPICY...乾乾身.好夠味..食送 飯 一流)右下: 蜜汁燒鰻魚併盤 ( 鰻魚 燒得好脆...唔會太甜..水晶肉好爽..)焗西米布甸.....要一早叫定上台仲好熱....應該岩岩焗起個面..仲有D脆.......唔會好甜.......正呀!!!楊枝甘露都不錯LA!!! 送GE ....都算好GA LA!!!糕..送GE~水果....都係送GE~睇個擺法都知有心思LA!!!

很久沒有飲早茶，星期日七時，大家還在戀上自己的床，我又出外覓食了，今次只是兩人吃，所以吃的不多，可能因為這樣，才有心機把每一口也記下。不是第一次來，不過認真看看環境，是第一次。比較起其他舊式的茶樓，這兒是裝修得好一點，簡單又衛生，感覺是舒服。叉燒餐包 – 塗上蜜糖，閃令的面層下是軟熟的小包，咬下淋淋的，充滿著蜜味，中間的叉燒餡料不多，起碼我覺得是汁多肉少，整體來說還是滿意的。鳳爪 – 很喜歡到茶樓吃鳳爪，其實不少茶樓也做得好吃，這兒也不例外。汁的味道濃郁，味道也完全渗入皮上，咬下那肥美的鳳爪，很容易就可以把它”骨肉分離”，吃得人津津有味。牛栢葉 – 牛栢葉是正常味道，而是牛栢葉下面加的南瓜就有點驚喜，又軟又香，同時也吸收了汁的味道，不過輕輕覺得油了點。叉燒腸粉 – 叉燒是陪襯，只是想給腸粉多一點哨口，不過今次主角也不行，腸粉不滑，有點漿口的感覺，就是不好吃的腸粉。環境舒服，衛生甚佳，味道不錯，星期日飲早茶，可以想想它。

睇晒成個官塘區ke 食肆, 竟然搵唔到呢間酒樓, 有d 奇怪, 因為呢間酒樓已經開咗幾年, 下午茶時間好旺, 成日都迫到企晒出門口, 除咗 d 點心(@$9.8)ok,燒味同炒粉麫($13.8-$38)都好味架,下午茶價錢抵食; 另外晚上9點後有夜茶, 小食小菜由$18 - $38, 味道唔錯; 至於正價時段(午市&晚飯), 晚市有幾個特價小菜, 每款$38, 其他ke 價錢並不算平, 但真係幾好味, 味道好過附近ke 明星& 麗都好多, 至於價錢又平過好彩& 陶源好多, 係官塘區, 呢間中式酒樓真係算唔錯^_^