新潮樓 (已結業)

九龍灣好餐廳，比我揀的話，第一位一定係呢間潮州菜館——新潮樓。講開正宗潮州菜，新潮樓真係比到好大驚喜我，呢度係超級舒適的高級酒樓環境，地方夠大可以少人聚會，亦可大圍聚會，啱曬呢度平時搞活動前後，成班朋友醫肚啊，影大合照也好grand 好得體，喜歡這種格局的酒樓。兩個人點了幾道地道菜，全部必食之選：1. 香煎蠔仔🦪酪，要預先落單製造需要時間，蠔仔🦪餅真係又香又脆蠔仔🦪又多又大隻好好味。2. 客家黃酒雞🐔（半隻），超級滋補黃酒雞湯真係好好飲，超多配料枸杞紅棗雲耳等等，雞肉份量半隻夠曬兩個人食，雞肉又滑又嫩，送飯撈湯🥣都超正，最後我們還把湯喝光光呢😋🤭。3. 黃金大蝦🍤，經典鹹蛋黃大蝦🍤，超多鹹蛋黃，大蝦🍤大大隻很新鮮，簡直好吃到刺激味蕾啊。4. 鹹魚煎肉餅，肉餅夠厚切又香，送飯十分開胃。5. 反沙芋頭，最後唔少得招牌甜品反沙芋頭😋，甜甜的大大塊，份量也好多塊，食唔曬還打包呢。順道一提，這裡的服務也十分好，讓人整個食野過程都很愉悅，真係要讚讚👍🏻。

假日到九龍灣行outlet， 舒舒服服 拿著我們的戰利品， 找到世間地方闊落 環境舒適的酒樓， 枱與枱之間的位置寬闊， 而且女經理很有禮貌。水晶蝦餃皇，蝦餃皮薄煙韌， 晶瑩剔透 滲著淡淡的粉紅色， 內裏是爽彈的大蝦， 大大隻蝦餃很滿足。鮑魚燒賣， 真的在燒賣上面擺了兩隻鮑魚， 紅燒的味道不錯， 煙煙靭靭。 燒賣切肉有質感， 肥瘦比例適中。薑蔥牛柏葉， 很多地方已經找不到這款懷舊點心， 可能是比較手工繁複。 牛柏葉很爽滑。xo醬翡翠炒帶子，帶子的份量頗多， 厚肉鮮味 肉質彈牙， 配搭xo醬更加惹味。 西蘭花青蔥翠綠， 口感爽脆。碧綠川椒蝦球，川椒蝦球少少辣辣地， 蝦球也夠爽脆。

今晚一家人又去咗九龍灣嘅「新潮樓」食晚飯，餐廳食物同服務、環境都唔錯，真係一個十分好的用餐體驗！😍招牌吊燒雞半隻🍗係味道最突出嘅一道菜，皮脆肉嫩，燒味香濃，非常好味！👌粉絲雜菜煲🍲 粉絲煲湯鮮美，配上各種蔬菜，非常養生👍🏻。沙茶牛肉炒河粉🍜 沙茶味道香濃，夠味又夠口感！😋蝦子肉碎炆魚肚🐟亦都十分驚艷，魚肚鮮嫩，炆得恰到好處，配上蝦仁同埋肉碎，味道更加豐富！🤤整個餐廳環境舒適，服務態度親切，食物質素高，價錢相宜，真係一個好適合同朋友或者家人一齊去享受美食嘅地方！👏

假期黎Emax睇恐龍展，意外發現到呢間潮州餐廳幾抵食👍🏼質素亦唔錯，重點係地方大坐得好舒服🤭🤭.✅潮州菜幾正宗選擇多✅ 菠蘿咕嚕肉$108超抵！大大碟又夠脆，高質！✅椒鹽白飯魚酥脆可口，炸粉又唔厚✅午市有啲午市套餐都幾抵，2人餐都係百幾蚊✅lunch time有茶飲有點心食，種類多✅坐位好寛落，裝修新淨.❌點心價錢偏貴左少少，但質素都可接受 ❌餐廳燈光比較昏暗，有啲神秘感 😅.🍽️Order左既菜式：豉汁蒸鳳爪 $38沙嗲蒸土魷 $32菠蘿咕嚕肉 $108椒鹽白飯魚 $108川辣鮮蝦球 $148

九龍灣國際展貿中心E-max 的新潮樓，地方好大好寬敞，見佢嘅裝修應該係可以擺婚宴嘅地方。以為呢個場唔會特別旺，出奇地，晚飯時間去到，好多人好熱鬧。好在佢地方夠晒大，唔使等位，枱與枱之間空間好足夠，坐得舒服。用QR code落單。餐廳除咗供應潮州菜，例如蠔仔粥，煎蠔餅，反沙芋之類，仲有好多港式小菜可以選擇。今日食咗：～鹹菜豬肚湯 $128上枱嘅時候嚇咗一跳，冇諗過咁大一窩，六至八人都足夠。～川辣鮮蝦球 $148蝦球唔算太大隻，不過好爽口，個川辣汁唔算辣，應該大部份人都食到的程度。～薑蔥霸王雞 半隻 $138最鍾意多薑蔥，個豉油汁唔會太鹹又唔會太甜，味道啱啱好，雞好滑。👍🏻～沙茶牛肉芥蘭 $128芥蘭來貨好靚，清甜唔苦，好翠綠，沙嗲牛肉好多。每一碟餸上枱的時候都係熱辣辣，同埋份量好大，價錢親民。服務方面，職員好有禮貌，面帶笑容，開茶執枱都好快手。新潮樓有好多大枱，特別適合一家人做節，或者成大班朋友聚會。

呢日去九展睇show, 順便食埋晚飯。太耐冇食過潮州嘢，見到呢間主打食潮州嘢嘅餐廳，即刻入去試吓先。餐牌有單點，亦有四人至八人餐，我哋人少少，單點咗以下幾款菜式。竹苼北菇燉菜膽（$48）- 燉湯味道清甜，有竹笙，北菇同菜，清清地，幾好飲呀。下次如果人多啲，可以試吓胡椒豬肚湯。蠔仔肉碎粥（$108）- 份量算多，蠔仔同肉碎都勁足料，配埋蝦乾，味道好豐富，唔錯。薑蔥霸王雞半隻（$138）- 勁多薑蔥，好入味，雞肉肉質嫩滑肥美，味道幾好。粉絲雜菜煲（98）- 粉絲雜菜煲整得好味香口，入面有白菜，菜心，小棠菜，西蘭花，菇菌同粉絲，健康又好味。餐廳環境闊落好坐，啱晒一大班人食飯傾偈。食物質素唔錯，價錢合理。

👧🏻😋👅🍽✨必試潮式酒樓😍-新潮樓🇭🇰 九龍灣展貿徑1號國際展覽中心3樓319-329號舖 🇭🇰-💫以正宗潮式菜為主, 好耐冇見過出面有得食反沙芋!!!!💫諗起市區茶樓勁嘈勁多人就驚🤣 九展雖然遠少少, 但有免費shuttle又坐得舒服可以安靜傾下計💫有4/6/8人套餐, 單點亦超多選擇, QR code落單非常方便, 經理同姐姐都超有禮醒目💁🏻-🦪 香煎蠔仔酪 $108💯超級脆口! 蠔仔細粒但夠多佈滿成個餅💯落左單一段時間先記得冇走芫荽, 好彩剩係得少少蔥-🐟 蝦子肉碎炆魚肚 $128✨唔係講笑呢煲野我一個人都可以送兩碗飯🤭 蝦子足料勁香, 係魚肚上明顯都見到蝦子✨魚肚開左邊更索汁, 仲大大舊份量好多好抵食!! 肉碎又係超juicy, 仲有幾條菜係底添-🎣 椒鹽白飯魚 $108💯白飯魚比較少見, 冇九肚魚咁多骨, 比起魷魚魚肉又軟身D💯椒鹽香但唔搶, 炸得唔算油, 幾好-🍠反沙芋頭 $68✨呢D特色甜品真係唔係度度有! $68有8大舊超抵✨粗條形芋頭勁粉, 糖皮脆卜卜, 仲用左少少乾蔥一齊炒, 令個甜味更有層次-絲苗白飯 $18/碗-

去完e Max既活動最岩就順便食埋晚飯再搭shuttle返九灣灣地鐵站一大班大就揀食中菜呢間新潮樓聽名都知食潮州野7點入座都唔使等位E Max既好處😂🌟鮑汁炆花生鳳爪有6隻雞腳都算大隻大量花生墊底花生炆得好林好入味🌟蠔仔肉碎粥蠔仔份量足似蠔仔肉碎湯飯多人share點呢款就岩晒啦🌟潮州炒粗麵呢款炒粗麵係潮式所以唔係平時食開既上海粗炒個款比起上海個款望落淺色啲清淡啲🌟反沙芋潮州菜點少得甜品反沙芋呢款芋頭料理唔係度度都有得食架見到就唔放過！因為預備需時約20分鐘或更耐建議一入座就叫定啦

九龍灣酒家選擇不多，這間位於國際展貿中心三樓的酒家空間寬敞，我和家人間唔中都會在中午來飲茶食飯（午市：11點半-3點）。酒家的午市套餐相當抵食，手造點心、炒粉麵和小菜都有高水準，還有幾款潮洲食物都不錯。今日食咗3款點心：水晶蝦餃皇、蟹籽鮮蝦燒賣、豉汁蒸排骨。全部都新鮮好味。炒粉麵選了沙荼牛肉炒河粉，甚有水準，非常驚喜。首先河粉有口感和米香，不是那些碎濕濕，一挾即斷的貨色。其次是用潮洲式炒法，潮州沙荼醬較鮮香，比馬來沙嗲甜一些，而潮式做法屬於濕炒，先炒香河粉，沙荼牛肉淋上面，食時才拌勻，這個與港式乾炒牛河完全不同。最後是牛肉夠嫩滑，所以非常美味。見到鹹菜豬肚湯如此深色就知道非常夠味，鹹菜和豬肚都好食，胡椒可以再下多點，飲完好暖胃。最後來一碗福果芋泥作結。芋泥軟滑，口感粉糯，加上煙韌的白果，口感豐富。

位於展貿的中菜餐廳,店面面積大,空間感足,令客人坐得舒服。QR code自助落單夠方便。店員服務有禮,值得一讚!餐廳有提供點心及多款精美小菜,小菜份量十足。西蘭花帶子碟頭大,帶子大粒又新鮮,好味又抵食👍😋。蝦仔肉碎炆魚肚,魚肚炆得入味,正👍*注意潮式煎蠔餅只限晚市供應

前排去開九龍灣國際展貿中心睇裝修設計舖頭，發現呢度有間潮州酒樓菜館，就食埋晚飯先走。碧綠川椒蝦球 $148本來驚會好辣，但係又ok喎，少少辣幾惹味😋蝦球爽口，呢個餸比想像中濕潤。值得一提，伴碟嘅碧綠好好食，似炸紫菜咁樣又脆又香，我全部食晒😆香煎蠔仔酪 $108經典潮州菜梗係要食啦😍呢個係半煎炸形式嘅，蠔仔份量幾足，肥嘟嘟飽滿，餅底煎得幾香，配埋舖面嘅脆脆，沾上魚露味道即刻提鮮😋沙茶牛肉炒河粉 $108呢個沙茶醬冇我想像咁濃味，入口都幾舒服，河粉掛住大量醬汁夠晒味，又唔會過咸，牛肉鮮嫩，配上爽脆芥蘭，唔錯唔錯👍🏻反沙芋頭 $68呢個又係經典潮州功夫甜品，芋頭外面嘅糖形成薄脆口感，芋頭鬆化夠晒粉，食到停唔到口😋

星期五放工即慶同一班同事揾個位聚下食下飯😋見到公司附近既九展有間唔錯既酒樓岩曬我地啦🥳傾幾耐計都唔怕 發現野食又幾好食😍乾蔥豆豉雞煲夠曬熱 上既時候熱辣辣😍仲要好野味雞既分量好多 仲有爆多洋蔥🧅送飯一流椒鹽鮮魷炸得香脆 外脆內軟入面既鮮魷食落新鮮彈牙😋西蘭花帶子帶子份量超多 仲要勁大粒😍 帶子熟度岩岩好 好柔嫩😋西蘭花🥦調味好好食魚肚豆腐羹超多魚肚同豆腐😍仲要夠熱咁上個湯調味岩岩好 唔會過咸或者過清岩曬我地ed愛飲湯既人😋福果芋泥真材實料😋啖啖芋泥 正

同朋友約左起九展睇野完場見到呢間潮州菜仲開緊環境開揚，台與台之間唔會太迫佢既潮式反沙芋頭真係好味魚肚豆腐羹作為飯前開胃羹湯羹湯夠熱同好鮮味魚肚夠爽口配搭上嫩滑既豆腐好開胃新潮小炒皇呢個餸真係好送飯入邊好多料腰果夠酥脆魷魚夠爽口最好味係韭菜吸收晒味道香煎蠔仔酪黎到潮式菜館點可以唔食蠔仔呢間唔係普通蠔餅而超級脆口既蠔仔酪雞蛋漿炸到好脆但內裡既蠔仔仲嫩鮮甜點埋魚露食又夠咸香反沙芋頭出名既一道功夫菜每條芋頭都被沙糖包裹芋頭香軟綿密外層沙糖少少脆既外殼味道香甜👍🏻

今個星期陪家人到九龍灣國際展覽中心睇一場演唱會。入場前我們先要食晚餐，看到在九展有一間潮州菜的酒樓，我們就一於食餐豐富的，然後再入場享受音樂，令家人有一個開心的晚上。新潮樓門口非常有氣派，相信平時應該有不少宴會、酒席在此設席。經理和樓面知道今晚有場演唱會，都打趣地跟我們閒談一下，亦都說聲今晚可能會比較多人的。我們原先以為新潮樓是較為昂貴的酒樓，但看一下餐牌，以潮州菜及在九展的酒樓來說，其實價錢是相當公道，並沒有坐地起價，值得一讚。☋ 1. 椒鹽鮮魷先叫一碟椒鹽鮮魷作為小食，酒樓炸得鬆軟爽口，炸皮不會過厚，鮮魷食落亦不會過老，就是恰到好處。☋ 2. 香煎蠔仔酪潮州菜必食的蠔餅，新潮樓果然用足料，蠔仔非常大顆而且足量，幾乎吃每一口蠔仔酪都有數顆蠔粒，酒樓亦煎得十分金黃香口，惹味十足。☋ 3. 潮汕梅膏骨肉類之中，看到有一道潮汕梅膏骨，看起來是比較特別，不常在其他酒樓會食到的。原來新潮樓是用上半肥瘦的豬肉排骨，配上其特製的潮汕梅膏醬，使得排骨帶上陣陣酸酸甜甜的味道，愈食愈開胃的。☋ 4. 反沙芋頭最後當然要以反沙芋頭作為結尾。店員知道今晚是演唱會的關係，特意提醒我們要早點落單，避免時間不足。

酒樓午巿有好多選擇，可以叫午巿套餐，或者散叫點心/小菜，全部食物都好食。重點係食物唔多味精👍🏼芝士蝦球上湯伊麵蝦球好爽口，每粒都大大隻，個汁用咗好多芝士，芝士味好濃，伊麵吸晒啲汁，好食🤤黃酒農家雞果然係用咗農家雞，雞好有雞味，係街比較少食到呢個質素嘅雞，而且好粥了，好香黃酒味，亦有好多紅棗，另外都用咗好多木耳，食物都吸晒個湯嘅精華， 100分鮑汁花生鳳爪鳳爪炆得好淋，吸哂鮑汁嘅味，非常惹味，啲花生都係另一精粹，好食九展商場消費$200 就可以免費泊車兩個鐘，去完食完飯仲可以行吓九展啲outlet😝。