新澳咖啡餐室 (民泰街) (已結業)

係台灣訂咗D電單車零件，原本打算聖誕假期有時間安裝，點知延期之餘，D零件仲唔啱裝，要去修改，一改再改，改到今時今日，終於完成!部車令仔哂!想話搵個地方可以一邊食飯，又可以泊部車係旁邊睇實，深水埗又啱啱去完無耐，猛然醒起新澳門口又有座位，正正對開就有電單車泊位，於是成為不二之選.上兩次幫襯都唔太滿意，希望今次有改善.去到門口，出面D座位滿哂，慶幸電單車就有位泊!點咗碟乾炒牛河走芽菜多蔥，小熊就點咗份鐵板鴛鴦扒，有西冷牛扒同雞扒.先講講鐵板餐，最低要求，塊鐵板要夠辣手，淋D黑椒汁上去會發出咋咋聲先啦!哩個要求新澳滿份完成.西冷就薄切，而且薄得有D過份，但個黑椒汁帶甜惹味，夾自己口味.雞扒肉嫩多汁，最欣賞係栗米粒，雖然唔係用上我欣賞嘅三色豆，但栗米亦唔差，總好過蕃茄同椰菜，另外薯條夠熱夠脆份量足.乾炒牛河走芽菜但蔥唔見俾多，有位姐姐見到張單要求多蔥，主動問我地要唔要蔥蓉，可惜蔥油味重咗D，而乾炒牛河無偷工減料，數過有九件牛肉，首先食落無咩奇怪肉鬆粉味，而牛肉肉質鬆軟，多D洋蔥同芝麻更理想.係門口等咗一陣，見到D外賣人士係條街踩住部單車亂咁行!相反方向行又有，無著燈又有，踩上行人路又有，哩D又

本身俾酸菜魚飯吸引住食完發現三芝鮮茄豬扒飯好好食！份量適中，豬扒好淋身，唔會食到有筋係重點豬扒同飯中間仲有一層菠蘿喺中間，令飯嘅味道多咗果香同鮮甜，面層嘅蕃茄都好大舊👍🏻酸菜魚飯相比之下唔算出色，魚片頗多細骨，食嘅時候要小心啲，無花椒嘅味道，但魚片下層好大方地放咗好多芽菜、豆卜同木耳，所以成碗酸菜魚感覺豐富💓值得一讚嘅係服務態度，因為推住bb車所以事先問waiter方唔方便入嚟食，對方好有禮貌地安排座位，中午時間都無表現出唔歡迎嘅態度，中間提供細碗同熱水都好主動，茶餐廳嚟講非常滿意！

有D餐幾好食，但呢間茶餐廳侍應嘅態度真係麻麻，本住茶餐廳唔好要求咁多，間中都會去，不過今次真係離譜，佢哋轉咗餐牌發覺唔見某一款餐咪諗住問下嗰侍應，佢嗰一刻同收銀傾緊計，問佢嗰陣時佢的語氣已經唔好，仲要話d餐牌已經喺晒度，你自己都唔睇清楚，我好聲好氣問，你唔係咁樣回應呀！呢啲咁嘅態度繼續落去有幾好食嘅嘢都好趕客

係红磡掃完貨本來想搵間 cafe 嘆杯咖啡休息下路過新澳咖啡餐室見仲有 #下午茶早啲食晚飯 今晚又唔使煮啦😁👉🏻 #西多士 + #凍檸茶👉🏻 #瑞士汁雞翼撈麵 +火腿炒蛋 + #奶茶性比价超高返工返學日日太忙唔想諗食咩野，所以日日都去茶餐廳😂🙈去茶餐廳通常都附送嘢飲，凍檸茶、奶茶等等……但又擔心太甜唔健康🤔😧唔想諗太多但又想飲得健康啲嘅你，就要睇下小編講嘅呢幾個茶餐廳飲嘢嘅小貼士啦😆

我每個星期都會來這裏吃早餐，因為公司就在附近。但呢位穿全黑制服男員工態度勁差,勁差語氣及態度，入嚟都整完安心行，都未開始整針咭佢已經不斷催。相反其他員工姐姐態度也很好，其實餐廳食物水準都幾好，奶茶都可以，但係呢個男員工真係次次都唔掂，我見佢對面其他人都係一樣衰！我過嚟食嘢做乜要受氣！

➼ 鮮茄焗豬扒飯新鮮焗起嘅焗豬好香！好多蕃茄🍅啲芝士份量好重手下🤣仲拉到絲Tim👍🏻對得住「三重芝士」呢個名haha🤣豬扒都Juicy嘅，唔會好硬或者好靭。Overall嚟講係好食的！

試咗個地道all day breakfast，雖然係樓下餐廳但係製作精美，喺外型嚟講冇得輸。牛角包鬆軟充滿牛油味，可惜腸仔及煙肉做得太乾，應該overcooked，另外個蛋唔夠滑，平時食開蛋嘅人應該感覺唔合格。不過如果樓下三十零蚊貨仔，我諗都已經彌補咗overcooked嘅不足。

喺疫情嘅影響之下，我哋都只能購買外賣返屋企食，今日揀咗呢間餐廳。一個四人餐308蚊，喺外賣自取嘅情況下有八折優惠，255蚊埋單。個餐包括咗四個白飯、四杯嘢飲、蝦仁炒蛋、菠蘿咕嚕肉、霸王雞同埋支竹班腩煲。每一個餸都大大碟，最終係差啲食唔曬。除咗咁樣之外亦都要讚讚佢哋嘅味道好好。最基本嘅菠蘿咕嚕肉啲肉都仲係脆嘅，而且個蝦仁炒蛋啲蝦冇雪藏味道，完全見到誠意之作。下次有機會都要再翻食一次，睇下可唔可以保持水準。

每個星期日返教會之前都會去呢間餐廳食早餐，最喜歡佢個炒蛋同牛角包🥐炒蛋🥚係金黃色既，食落很嫩滑。牛角包🥐就十分出色，食落有少少甜甜地，而且發酵得好好，裡面好多層，超級鬆化。新澳既包都好出色，除左牛角包之外之前食過牛角酥都好好味。順帶一提佢個麥皮都好好味，好滑好重奶味，都係我百吃不厭既早餐

今日係民泰街出差公幹，行過新澳見佢入面有位，於是入去食個早餐.記憶中上次幫襯服務唔多掂，俾次機會佢，睇睇有無改善.點咗份美式早餐，有漢堡扒+招牌炒滑蛋+煙肉+茄汁焗豆+薯餅.凍0茶小冰.優點：1) 滑蛋名符其實，夠滑.2) 幼鹽同胡椒粉等調味料用上獨立包裝，夠衛生.3) 冷氣尚算okay.4) 通常D漢堡扒味道偏鹹，但新澳嘅漢堡扒無哩個問題.5) 成份早餐最想食係薯餅，入口香脆，正.缺點：1) 早餐有茄汁焗豆，習慣焗豆配麵包，但成個 menu 又無話可以加錢配麵包，點知早餐上枱時有驚喜，原來係送牛角包，點知轉頭話我個餐係無牛角包，收翻件牛角包，俾完驚喜就俾個失望我！人生痛苦莫過如此！2) 凍0茶小冰，點知嚟到變凍0茶走甜.再睇睇張單，都係寫凍0茶小冰！3) 份早餐放底一陣，滑蛋就出水，賣相唔多吸引.第二次幫襯都總有問題，俾唔落滿分，只可以俾okay.

今日去咗食下午茶，我哋兩個人叫左一個下午茶餐，一個安格斯和牛芝士漢堡，個漢堡都幾足料，仲叫左冬奶茶，只不過係＄48+＄3，另外叫左杯凍檸賓$22，因為我哋坐戶外嘅關係比較熱，但係最唔明係點解佢嗰度寫住非吸煙，但係後面嗰兩個人都依然喺度食緊煙，所以我哋好快食完就離開

點咗客忌廉粟米肉粒飯，無骨海車雞叻沙摻摻.優點：1) 一碟原本平平無奇嘅玻璃芡汗粟米肉粒飯，加上忌廉之後成碟飯唔同哂，惹味得多，我唔中意玻璃芡，所以夾哂胃口，肉粒煮得嫩口 juicy,滿意.2) 無骨海南雞同樣出色，雞肉嫩滑食落無渣，叻沙摻摻湯底香濃，但對我嚟講係好辣！缺點：1) 咁好味嘅粟米汁，落單時已經叫多汁，但份量唔覺增多.2) 點飲品時叫少冰，轉頭問佢攞冰話要加錢，重要悔悔氣氣，扣分！

是日精選午餐, 新澳餐室係一間茶餐廳但菜式上面連川式水煮牛肉都食到,可以話係萬能手既廚房佢最出名招牌係三重芝士焗飯 可配鮮番茄豬扒或白汁海龍皇又或者係肉醬放了3種唔同味道既芝士再用爐焗到溶化先上菜 三重芝士鮮番茄豬扒焗飯 $58 番茄醬汁極濃加埋芝士拌勻食極邪惡仲有拉絲效果底下既飯底係蛋炒飯,好爽身,撈埋番茄醬汁一齊食味道好豐富好濃郁同埋芝士份量極重手,香味非常正評分8/10平均消費$60新澳咖啡餐室紅磡民泰街53-73號地下F1號舖

今天去咗紅磡一間茶餐廳-新澳餐室食飯，望到隔黎枱食豬扒焗飯，覺得好吸引，即刻睇menu，對果個三芝白汁海龍皇意粉好有興趣，就嗌左呢個喇，要等15分鐘左右，打機先emmmm，超濃郁既芝士味，要趁熱食呢個芝士白汁真係好味，芝士同咸度調得比較濃郁適中，芝士有拉絲，意粉唔會好硬，啱啱好，每一口意粉都係濃濃的芝士味，真係好滿足雞扒煎過好香，雞肉好大塊，配合芝士汁，真係絕配，一個人食真係超級飽，雖然芝士卡路里好高，食完先減肥喇

兩個人一朝早嚟到紅磡，紅磡出名美食多，當然要搵好嘢食！🍰🎂🍮🍬我哋上網搵到Foodie介紹呢間，見到啲圖片幾靚，就入去試吓。🍽🍽🍽🍽🍽我哋一去到嘅時候，門口都有五至六個人等外賣，亦都有兩家人等緊入去堂食。所以等位，我哋等咗5分鐘先入到去。不過試新野，值得嘅！我哋兩個人都嗌咗沙嗲牛肉麵、炒蛋餐，個餐另外仲有塊牛油方包，包一杯熱飲。☕️第一個感覺覺得個炒蛋有啲細塊😛外觀睇落去冇乜特別。 喺味道方面，沙嗲牛肉麵不過不失，比起出邊普通茶餐廳都算好食。至於個炒蛋，食落好香口，都好滑，推薦大家食。（佢好多個餐都可以有炒蛋）。飲品方面，我哋嗌左一杯熱奶茶一杯熱檸茶，同平時茶餐廳差不多。雖然我覺得味道方面只係不過不失，但係對比平時嘅茶餐廳，都算係中上水平。如果大家經過，值得一試！