新祥發粉麵茶餐廳

營業中

休息中

今日趕時間無緣品賞煲仔飯！牛肉河色澤非常足夠牛肉份量略少味道亦中規中矩肉絲炒米啲汁量都好多足夠整林成個米粉味道不過不失一入餐廳已經聞到奶香味所以就算夜晚都要飲🤣好滑

晚上九時路過，很久已沒有去過。見到麵檔豐盛的牛腩，鋪滿了整個鍋爐。牛腩色好深, 牛汁濃, 好似好入味....決定入去試試。此店都真的非常之好生意。好不容易才搭到枱坐下即叫牛腩河，不用兩分鐘即送到，效率奇高！原來牛腩都有分瘦腩, 半肥瘦腩, 肥腩, 爽腩, 坑腩。爽腩同半肥瘦要多五元。崩沙腩要多十元。我食果碗就無特別要求先喝湯底，湯內加上了花椒及八角.一上檯香味撲面而來,令人食指大動 美，河粉很滑，牛腩份量亳不吝嗇。牛腩幾乎都是瘦肉, 有筋的不多. 但咬落好好味！好香好焾、好juicy、沒有渣！這碗牛腩河，不是只是面頭兩舊靚，而是舊舊都靚同入味。食落真係好惹味, 好滿足。此店由細食到大,食開有感情.唯一美中不足處.環境衛生就認真差了D.改善吓啦

晚上九時路過，見到門外晚餐牌是日菜單幾吸引，又很久已沒有去過！大家商量一陣決定入去試試呢間茶餐廳, 晚飯時段供應小菜！炒粉麵飯，粉麵擋！煲仔飯及晚餐都一應俱全！晚餐價錢不過幾十蚊...港式的咖喱牛腩煲.咖哩是普通的咖哩。內有大大舊的牛腩肉，有薯仔，仲有紅蘿蔔同洋好均衡啊味道夠香口！個汁用來送飯是一個絕佳配搭咖喱汁辣而香，牛腩帶爽表現不俗。肥美的烏頭魚，蒸熟後會滲出黃油！與鹹檸檬汁配合，魚肉嫩滑， 甘香鮮美，味道天衣無縫！十分開胃！淋上薑葱酒蒸魚醬油- 油- 鹽和胡椒粉等，腥味全去。湯是粉葛赤小豆豬骨湯...味道淡淡口, 沒有多加鹽, 沒有味精. 濃湯味淡. 帶有家庭feel見到隔離枱各式小菜賣相都幾正所以我們一定會再來試試的。

🙆‍♀️ 師傅飯 $62 師傅飯係切粒版臘味飯 加冬菇蝦米。一上台，完全無煲仔飯香，本身諗住加埋冬菇蝦米實惹味，但竟然淡而無味。唯一覺得較可取既係潤腸，香軟多汁。對於專程黎食煲仔飯既我，確實有點失望。📍潮州豬潤牛肉煲仔粥 $55如果expect佢係潮州粥一定會失望，因為啲粥已經煲到爛晒。但如果當佢普通煲仔粥食又唔差，味道幾鮮，豬潤厚身又無筋。牛肉無口感略帶羶味。五十幾蚊可以食到一煲即叫即滾既粥，仲要咁大煲，絕對抵食。

黎左牛頭角做嘢一段時間，今日同事話帶我去食一間隱世係牛頭角好味嘅舊式茶餐廳🙆🏿‍♀️🙆🏿‍♀️🙆🏿‍♀️老實講位置對我哋呢啲係工廠區嗰邊返工係有啲遠嘅，不過好食都無所謂啦❤️❤️入到去會有一陣舊式茶餐廳嘅味道🤭🤭上一次我食雪菜肉絲公仔麵，我覺得好好味！公仔麵煮到啱啱好，雪菜肉絲又夠多。食咗40零蚊，有埋杯凍檸茶。係好味㗎❤️至於點解會有呢一袋包，就係因為佢門口係有賣包，我自己本身最鍾意食丹麥提子條，因為真係好好味。超重份量，超大個。所有麵包都只不過係＄6過左2點半之後去買，仲要係買一送一。真係好抵食架🤤所以如果有多少少時間真係要去試吓㗎

觀塘番工食咩好？近近地，同事帶左我去新祥發。門面殘舊簡陋，典型既茶餐廳格局。我地點了三個餐，一個餐46蚊包一個餸，一碗白飯同一杯野飲。排骨薯仔飯排骨有咬口，一碟都有好幾舊，醬汁野味，加了薯仔洋蔥一齊煮，洋蔥有點太多了。涼瓜肉片飯涼瓜肉片味道一般，肉片嫩滑不會韌，涼瓜卻太生，沒有涼瓜應有既甘苦味，普普通通。咸蛋肉餅飯是日最愛，食之前唔記得影，記得既時候已經食到咁喇。肉餅蒸得好嫩滑，加上咸蛋令肉餅無論聞落定食落都好香，送飯一流！總括黎講，新祥發既套餐價錢唔算平，但味道不錯，只是喜歡清淡既朋友可能會覺得比較重口味，和較油膩，一定要送飯吃，如果唔介意環境差d，都不妨一試，多個選擇。

開門見山先，呢篇唔係食評，係投訴。去得茶餐廳就預咗唔太乾淨，但未至於要接受有怪味既食物丫。話說今日去食下午茶，叫咗下午茶餐，先黎杯凍檸茶，飲第一啖已經有怪味，飲多啖就覺得係D洗潔精味！俾男朋友試下，佢都覺得係，就叫阿姐換過第二杯。阿姐好驚奇同唔相信，我叫佢試下佢又唔會。問我想轉咩，我話都係想要凍檸茶，阿姐就串我話如果轉第二杯你又話有味㗎啦，飲汽水啦～我已經好婉轉話想飲凍檸茶，如果第二杯都有問題就係佢地D茶有問題啦。呢個阿姐就同第二個阿姐講。第二個阿姐就匆出黎拎住杯凍檸茶問邊個話有味，我舉手。呢個阿姐就兇我話：係你嗎？我依家就係你面前洗呢隻杯再沖過，依家你最巴閉啦！我聽完嬲到不得了，唔認自己D野有問題仲要將責任推落個客人度？！既然咩都無食過，即刻拍抬走人！以後都唔會再黎幫襯。

這一天早上，隻身來到觀塘，好自然的動作就是找地方食早餐。可是，觀塘市中心一帶早已經面目全非，當我找到一間算是值得一入的茶餐廳時，我已經身處山腰的街市。而是日我找到的，叫《新祥發粉麵茶餐廳》。可以說，這其實是一間普通得很的茶餐廳，我只是發現時間已經不多才不打算再去尋路，尋食。我一坐低，就立即叫一個我最喜愛的早餐之一既公仔麵餐。而這公仔麵餐夠抵食，因為除麵之外，另有煎蛋、火腿同麵包。我點的是一個叉燒公仔麵餐，不過很奇怪的，叉燒公仔麵會配上一個醬，算是多了一層美味既。當然，食用時把火腿同煎蛋一起放入麵湯一起吃，會更爽，而值得一讚的是叉燒，的確是又腍又香口，件頭又夠大，好有口感。奶茶，夠香也夠奶味，是一杯合我心意的奶茶。離開時，我見到門口賣麵包的地方也有賣砵仔糕。開心的，這是傳統用竹簽吉住的那一種，不好的，就是質感比較腍，入口的煙韌感不足，吃得不太自在。這一間茶餐廳給我的感覺，一般一般啦。

第一次食新祥發已是5年前的時候，那時我對這店的大鱔配黃鱔煲仔飯印象最為深刻，只可以用超好味來形容黃鱔並非任何一間賣煲仔飯都有得食，而且以價錢這麼便宜來說，（記憶中好似是$55定唔知$60左右），香港真是不多。因此，我留待倒數那晚，食回久違的味道可能我過份期望這個煲仔飯，那晚我對它極為失望首先，自隔離的煲仔店關閉後，而家得回這一間，可說是觀塘自此一間專賣煲仔飯咁，勁多人去食，雖然我倆不是等很久，但樓面沒有人有空跟你落單，同檯的一名女子明明比我們更早來到和落完單，但我地的煲仔飯到了，她的蠔仔粥都未到，追了三次單才有同樣地，由於多人去食，煲仔飯剛熟就上檯，其煲仔飯既精髓-飯焦是沒有的，飯是剛熟，唔係一粒粒加上我今次就係叫黃鱔飯，無味，有點腥，兩個字，難食！

去附近睇e生，諗住食個早餐首先侍應態度好差，叫左柞菜肉絲米米粉無味 有個火腿煎蛋，火腿無煎過火腿係凍的另一個叫左漢堡扒麵 麵無色的 都係無味 得一塊 二個餐合共$68無下次！

突然想食煲仔飯，所以去openrice睇下觀塘邊度有煲仔飯。搵到呢間同朋友行到黎出面己見到人係度整緊煲仔飯了。我地叫左田雞煲仔飯同埋滑雞煲仔飯仲有兩杯野飲，加埋$140⋯望落去其實都唔錯，但食食下有一隻烏鷹係入面即無曬胃口，同埋香菇有d「叔」味仲有杯凍檸茶檸檬又有怪味我地都明白茶餐廳唔好要求咁高，但又未至於咁掛

由於近日天氣持續寒冷，Fing春gor Alvin 強烈提議到觀塘新祥發，食羊腩煲和煲仔飯進補一下～～當時時值晚上六時半左右，店內已經有很多客人在內光顧，裝修雖是一貫舊式茶記一樣，但卻比油麻地興記及四季乾浄得多！坐下來研究了一陣餐牌後，決定叫支竹羊腩煲丶油鴨肶飯和香菇滑雞飯作為今晚的HeHe晚餐！初時認為羊腩煲會好"so"，唔多好羊嘅我只打算吃幾舊算數，但吃落卻沒有"so"味，味道甚香！食左好多件！！至於煲仔飯亦無需多講，見到煲底有一大片飯焦就已經加爆唒分！！可以講油麻地果兩間可以拜拜了～～非常滿足！

新祥發粉麵茶餐廳@#foodki觀塘北菇雞煲仔飯(7.5/10)($54)今次有個住觀塘既同事帶foodki去食佢最愛既煲仔飯,可能有人會講咁熱點解仲走去食煲仔飯呢,foodki就話食一啖熱辣辣既飯再飲一啖啤酒,你會幾咁爽啊係咪先。新祥發既煲仔飯真係好唔錯,用料十足,真係好好食。煲仔飯緊係要有飯焦,佢煲到啲飯焦岩岩好金黃色,火侯岩岩好,無得彈啊！！

一直有食呢間潮州粉麵，十分正宗和不會偷工減料。而家茶水都幾好。今晚同老公去食晚上才有的煲仔飯。一人一煲，佢食油鴨脾，我食臘腸蒸雞。我雙拼唔知係咪貴d所以個煲大d.女士真係食唔哂。d 飯焦好好食，拎隻鐵匙剷幾好起。十分滿足的一餐。

黎到秋天 見店內煙火四起 諗返起電影赤壁 火燒連環船個一幕haha 門口嘅煲仔引緊我入黎食啦椒鹽鮮魷$80黎到緊係要試下椒鹽野炸醬好有蛋香味 同魷魚好夾豉汁大鱔煲仔飯$73有d芥蘭菜辣椒絲點綴好有秋天嘅感覺係街市買一條白鱔都好貴係呢到咁嘅價錢 真係好抵食菜心走油$17好滿足一餐飯焦岩岩好金黃 加d熱茶 浸一浸好容易就(不)到出黎 比起油麻地出名嘅煲仔飯 更勝一籌