新祥發粉麵茶餐廳

營業中

休息中

去官塘揾朋友，一齊嚟呢度食 六點半既時候，竟然唔需要等位朋友話呢度牛雜唔錯於是每人都叫咗碗牛雜河 另外叫咗碟芥蘭牛什味道清淡，沒有一般牛什的鹵水味牛肚好林，牛腸也不錯，不會很肥，爽脆得來帶嚼勁牛膀好煙韌、牛肺也好好味呀~ 好有咬口、加d 辣醬仲正湯底清甜、河粉軟滑又吸收晒d牛湯精華~ 果然極棒！芥蘭亦十分爽綠,食落新鮮 亦可推介~至於飲品是沒有套餐，熱飲都要加七元我地感覺有點吾低，所以只飲清水算朋友話呢間店幾乎開二十小時 ，在深夜時間亦無關門而且大多時間都有客人在店內，果然利害這裡整潔光猛明亮，坐位很舒服埋單都唔算貴，兩個夾埋都係$70 值得推介!

住係官塘點都會係官塘食野野解決下三餐新祥發係官塘都好耐，係細鋪只係做粉麵做到宜家大鋪做埋茶餐廳所以都係食佢既粉麵多點左個牛河其實佢既五香牛腩都幾入味同好味不過食佢既河就要睇好唔好彩佢俾邊部份你，今次個部份都係唔算好味肥瘦唔平均所以都係食佢個淨腩會最吸引

天氣轉冷，放學後想搵d熱野食下，就諗住黎食煲仔飯，點知見到有即煲靚粥叫，立刻叫多個黎試下即叫即做，要等大約15分中，煲仔飯用料十足，潤腸入口甘香豐腴，送飯一流，臘腸質感偏硬，但味道都不錯。大大煲既蠔仔粥，入面有極多蠔仔，隻隻都漲卜卜，加上肉碎冬菇薑絲荽茜一齊煮，成煲粥都鮮味十足，而且啖啖都係蠔仔，真係好味到停唔到口天氣凍黎食真係冇得頂

我本身都係住附近D街坊，新祥發久不久會幫襯下，佢地有部份食物的確係唔錯。但係今次就令我同佢say 個 bye了。事源我買左個牛肉炒公仔麵外賣，返到屋企咬左幾啖發覺有陣怪味，話係"叔"又唔似叔又無酸味，總之就唔係平常食到果種。剛巧我隔離屋係做廚房，佢聞左聞咬左舊就問我係咪新祥發買。最後佢叫我唔好食佢地D牛肉，我問佢係咪落左D咩佢又唔肯講。做廚房始終都係幫返自己人...我打去新祥發講D牛有怪味，佢地竟然答：係咁嫁啦！個個都係咁食！之後就收左我線。我當場成個呆左，如果佢地唔知咩事或者唔係接到好多人投訴又點會有呢個反應？完全不負責任！我搬黎觀塘唔係耐所以幫襯佢地唔算多，原本印象唔錯的，不過經過今晚，新祥發就係我黑名單裡面了！

一個人的午餐點了牛肺河。先講牛肺，如果大家鍾意食牛肺的話，可以去呢間食。他們的牛肺「林」得黎夠彈牙，入味得黎又唔會太咸。再加上份量都算多，成7-8片。河粉先值得一讚。呢間之前常吃，但今日的河粉十分細，因為有牛腩汁的關係，十分入味。質地十分彈牙。河粉十分難煮，煮的時時太長的話，會一PAT PAT，太短的話，會痴埋一舊舊。今次的河粉半透明，不黏牙！

今日係星期六，又係family day既時候啦,大人們去左屋企人既屋企打牌咁打牌就緊係要醫肚啦！打既時候d大人唔願郁所以就叫左外賣提提大家如果你叫外賣最好旱d叫而且check下張單係咪你因為送外賣可能會搞錯

今天約了一班波友打球, 襯時候未到, 便相約女友一起晚飯 由於不想去太遠關係, 便決定在觀塘區找煲仔飯回應一下續漸寒凍的天氣吧 經過協和街看到"新祥發"有少許記憶曾在Openrice 看過其食評不俗擇日不如撞日, 便決定進內一試!窩蛋牛肉飯 - 我點的窩蛋牛肉飯賣相非常不錯牛肉是用本地鮮牛而不是免治牛肉, 吃下去更有牛味, 將半熟蛋攪拌後令白飯添加蛋香每一口都感覺到蛋醬包住每一粒飯粒, 不錯不錯肉餅煲仔飯 - 小弟嚐了兩口女友的煲仔飯, 竟然發現味道比自己的窩蛋牛肉飯更好吃 份量十足, 而且味道豐富, 有些少鹹香混和肉餅, 令每一啖都更香口 不過此茶記的煲仔飯有個共通點, 就是燒的時候火候控制還有進步空間沒甚麼飯焦吃到, 是唯一失色的地方味道跟廟街的"四季煲仔飯"和西環的窩蛋牛肉煲仔飯還有一段距離是次消費兩個人大約$100, 算是可以一試的茶檔

有時候，本來平常不過的食物，在不應該出現的時間出現，總會教人停下來細看之後不經意地買下一份。是晚又一次沒吃晚飯，十一時吃得太飽不太好但又實在是餓，再想不到又會回家吃公仔麵之時發現有腸粉當然買下。這兒的腸粉沒有滑溜的感覺，麻醬味道不突出而甜醬酸度高了點點，不太突出的味道但我卻可以不用一分鐘把它吃清。完了，還是一點飽的感覺也沒有，看來這個真是頂一下胃而已。我還要煮餐蛋公仔麵嗎..........

我幫襯呢間野都十五六年是晚來到可能已經十一時許一人坐卡位叫左碗牛腩河+凍檸檬茶好快一齊到，先講牛腩是请湯牛腩，香味喷鼻，我最喜歡可腊太瘦，食落鞋口河粉被腩汁渗透，加上是鱼汤，更加好味河粉亦够滑身至於飲品就同普通茶餐廳一樣，不值一提只不過幫襯任何粉面反+7蚊有飲品(凍或熱)環境就是舊式茶餐廳，約六百多呎沿邊四人卡位五張同一張兩人卡位中間都你圓枱由早上六時營業到零晨四時炒粉面反，㷛仔反，小葇，雲吞粉面都有價錢大衆化，服務一般久不久再來

多款式 (有腸粉、燒賣、西飽、牛雜粉麵、茶歺廳食物)，用等位，入去試吓。麻辣雞絲麵 - 碗麵真係好感動，仔仔一路食一路流淚，下次應該吾再order (吾食得辣，千萬要試)。麵底是辛辣麵、湯底是一般辣的四川麻香湯底，再加上大量自製辣椒油，這個"東西合璧" (廣東辣椒油+四川麻香)不見得好好味，煮麵功力高，彈牙！雞絲....煎雞扒切絲。芝士火腿奄列 - 真係估佢吾倒，睇相，居然加粟米和芝士做火腿奄列，仔仔話好味道。茶歺廳有這份誠意....加分菠蘿油 - 有今生、沒來世。菠蘿飽+牛油+膠碟..入微波爐一齊"釘"，上枱時...牛油全溶熱咖啡 - 吾熱...用黑白牛奶...算OK凍咸檸7 - 好OK law...檸檬加咸檸檬加檸檬雪碧共58元

遠行完畢　八點行過　看到人也不少　要襯個熱鬧沖了進去試試　區內算老字號(或不及英發正宗懷舊)正好嘆嘆想念的港茶環境：坐位是小一點　卡位算好坐人來人往　不少一家大細炒兩味小菜冷氣同衛生叫ＯＫ　看中一個煲仔飯　坐住等　約十五分鐘上食味：難怪煲仔粥煲仔飯很受歡迎煲仔飯果然好手勢　料夠　有濃香飯焦　而且最難得能輕易推起　反轉湯匙一掃即掂　不是一般粘底快餐煲仔飯配個足料例湯　湯徒飯焦　可說完美食味滿足　用拍爛手掌形容　毫不過份沒帶相機　好可惜旁邊端過小菜　煲仔粥　麻辣粉等　賣相都有師傅有機會要試盡總結：正宗煲仔飯茶記　齒頰留香　非一般可比　食味甚高可以講　如有人說喜愛港茶而沒有來過一試　實在可惜推薦晚飯小菜　辛苦些上斜都要食

六月上旬‧晴其實幾時都鼓勵粉麵店賣爽腩及坑腩時收多幾元，想吃好東西，從來也要多付。這裡就是了，如要坑腩，要多付三元。要了碗坑腩米，看上去真的是坑腩，但就不像是炆得很腍身。吃起來還好不算太韌，仍有肉味。都幾多人來開飯的。

1月14日, 天冷就梗係想食煲仔飯! 但想食好多次都未食得成… 今日喺觀塘都特登要搵間煲仔飯嚟食! 呢間茶餐廳門口有成十幾個爐頭, 有兩個呀姐密手密腳不停放煲揭蓋睇火煮煲仔飯同滾生滾粥~ 真係望住都已經暖哂!::: 香芋章魚雞粒飯 ::: $42落單之後睇住門口呀姐熟手地將洗好嘅米倒落煲仔, 等飯滾至半熟時再落餸料, 然後將飯煲熟~ 煲仔飯上枱時仲係超級熱辣辣!! 淋上豉油之後再焗一陣, 開蓋時d芋頭同章魚夠哂香氣撲鼻~ 而且料真係好多, 除咗香芋、章魚同雞粒之外, 尤其欣賞飯面大量嘅菜~ 好少地方煲仔飯可以咁健康!! 煲仔飯d芋頭細細粒煮得粉淋, 好食! 但章魚粒略嫌過硬, 雞粒雖彈牙但味淡… 煲仔飯豉油無乜味, 無平時嗰種甜味. 飯焦唔多, 只有薄薄一層, 唔太脆但味道都唔差~ 雖然唔算好出色, 但睇在佢即叫即整兼落足料去做, 食得過嘅!!::: 蠔仔肉碎粥 + 凍檸茶少甜 ::: $30 + $7蠔仔粥同樣即叫即滾~ 行潮洲粥路線, 粥底較稀, 呈粥料分開狀. 米粒未煲到有米花,但飯粒都幾淋. 蠔仔都唔少, 但貨色一般, 細細粒而味道亦唔太鮮! 肉碎就少d… 基本上唔係好食到…

早前一直因為門口有壓迫感而未試，今次經表哥推介，決定會一會佢地的煲仔功！座位不算太多，９點到達，剛好有卡位，真好彩。整體是比較迫峽，不過餐牌上的菜尾才是驚人的一部分。諗落其實呢類事情向茶餐廳類的店舖出現都唔係咩特別，快快手點野食先；由於即叫即整，所以唔好要求好快。魚雲煲仔粥：唔推介都唔得，大魚頭好很鮮！　個弼本身已有蔥及東菜等做弼底，加上新鮮的魚雲，令到個粥更香甜！仲要勁大兜，老豆都食得飽～芋頭章魚雞粒煲仔飯：oh no 點解係砂煲而唔係瓦煲架？無咩飯蕉　用料就幾足，成個煲都係餸，不過ｄ芋頭味果然搶晒另外２樣餸的味道；３樣之中最普通的一樣。土魷肉餅煲仔飯：完全係煲仔飯的典範，土魷十分惹味，肉餅火喉剛好，咬上口唔會偏硬或爛，加點點甜豉油搞拌，再大口大口吃，。到最後，拿著瓦煲的手柄，弄些飯蕉出來吃，非常飽滿。不過有位伙計有ｄ無厘頭，我地落左３個煲之後查詢油菜價錢，佢係咁淨係話：“你地等３煲野黎到睇下食唔食得晒先叫啦！”仲要重覆３次，講極佢都唔明我地淨係想問下幾多錢姐。食物質素真係幾高，仲要煲煲都好大兜，我見好多女士都食唔晒，抵食。

今日食煲仔飯. 嗌左窩蛋牛同鴛鴦腸, 每款$31. 雖然好想食田雞, 但田雞同鱔要$45.夜晚哩間野都幾多人. 但大多數人黎都係食麵... 比較少人食煲仔.等左3個字終於有得食牛肉夠林, 肉質嫩. 見到個蛋仲係生蛋實在感到安慰. 講真煲仔飯食到生蛋係不難, 係唔知點解上次食新翠華會有個熟蛋經歷而已試了朋友既臘腸飯, 臘腸係瘦臘腸, 食落較實, 冇乜油, 自然缺乏左臘腸既香味.飯都算乾身, 但食到個邊都係冇飯焦, 又或者飯焦但唔脆, 好似屋企煲飯煲底d 飯焦咁但咁樣就有另一個好處, 就係食到個煲好乾淨.哩1,2年食過既煲仔飯一係就冇飯焦, 一係就成煲飯濃左一半, 真係好想搵一間真係好食既比我落腳如果大家有咩好路數請介紹小弟