新竹源越南餐廳 (已結業)

上完堂同個frd去左新竹源食飯，我叫左個香茅雞翼撈檬（＄３２），而我個frd就叫左個香茅雞翼湯檬（＄３２）．另外再叫左個越式蝦醬炒通菜（＄３６）．個撈檬好大碗，我食左一半就飽晒，隻雞翼好大隻，係全翼黎既，幾好食！蝦醬炒通菜都幾香，不過蝦醬味唔算好濃．P.S.返到屋企，好口渴，應該食左唔少MSG．

今日同個朋友黎呢度食lunch..好鬼多人..不過唔駛等好耐..叫有個香茅雞翼撈檬..真係名不副實的..唔係雞翼而係雞槌仔..仲有一d都冇香茅味..但係個d醋真係好正的..可以任落...d味道好好..仲有成碗野好鬼大碗..食唔晒

前兩天到香港旅游, 到太古廣場購物后,聽朋友介紹到蘭杜街新竹源越南餐廳吃晚飯,差不多九點鐘還有很多客人. 好不容易可以坐下, 就點了一碗生牛肉河粉, 一份炸春卷,一份蝦檬豬肉米紙卷和一杯青檸蘇打. 香港果然是美食天堂,可以品嚐到正宗的越南美食,風味非常獨特.沒有來錯地方!食物水準一流!當擠幾滴青檸汁落人生牛肉河粉碗中，加上點紫天椒，原先滾燙鮮美的牛肉河粉，吃起來別有一番風味。用生菜裹上春卷，蘸以魚露、辣椒等佐料，酥脆不膩，十分可口。吃米紙卷時蘸上魚露吃特別清新可口。值得再來!

無意中去到灣仔一條窄巷, 遇上呢間越南菜館。生牛肉河送來時, 味道已經似曾相識。叫一杯凍檸梳時, 是放砂糖那種, 不是用七喜, 感覺更熟悉。馬上要一客蒜蓉牛油雞翼, 正正係我由細到大吃的那種味。我當時幾驚訝, 一問之下, 原來呢間店正正係以前鵝頸店那間新景越南餐廳的班底搞的。新景不算很有名, 但味道做得很「不漏洞拉」, 唔少菜式同我去越南吃的非常似。前老闆肥佬做呢間店近廿年, 傳聞大約三四年前被人加租, 索性執左佢, 自此灣仔再無一間像樣的越南菜館。半年前, 新景的廚師和樓面(夫妻) 出來自己創業, 搞左呢間餐廳, 菜式和餐牌幾乎都係新景倒模出來, 難怪味道咁似。食乜都唔重要了, 係食一份回憶。

到太古廣場的AMC看戲前的一個小時，匆匆找食店，時間關係太多地方打了烊。只有新竹源還開著。兩個人只點了一客生牛河、一碗檬粉、一碟炒通菜及三片蒜蓉包。炒通菜及檬粉只是一般，比較平凡，卻不是難吃。蒜蓉包乃預製組件，已經到了出了氣，相當韌口的階段，而且是凍冰冰的，零分。不過，生牛肉河粉卻相當不錯，河粉又薄而且相當難得地滑口，牛肉不嚡口，湯也有牛肉味。打個和，不過不失，因為那惡劣的蒜蓉包，實在不能給予笑臉。

食晏時間呢條街的每間食肆都排晒長龍，今次揀了呢間。我食香茅牛肉撈檬，牛肉份量不少，可惜勁鞋，完全無香茅味及牛肉味，我只食到好重梳打粉味。用來撈檬的魚露，就算我加了好多，都是沒有味的。鹹魚炒芥蘭一般啦。另外同事食生牛肉檬，佢就話唔錯。講到環境就勁逼，坐得唔舒服。

又找到了一間食越南菜的地方，店雖小，但整齊企理。下午茶應該一定要有生牛肉河，這就是筆者的目標，不過出來的是接近熟的牛肉，配菜的分量比一般的都少，芽菜幾乎欠奉，薄荷菜沒有，反而出現了生菜，十分驚訝。青檸四分一年加辣椒另外上，一次個放了下去，飲一啖湯，味淡沒有牛肉味，但已經飲到小辣，非常厲害，似乎是指天椒。牛肉雖不韌，也沒有渣，只是覺得生牛用湯剛好漉熟才夠嫩口，已熟的牛肉再浸湯就很易過熟了。慶幸河粉很滑口，也切得很薄，可說是全碗粉最好的部分。

呢間新越南鋪開正係名店蝦麵店隔籬，正正可以用嚟解釋點解呢度會咁多人幫襯，因為大部份客(包括我及女友在內)响蝦麵店等唔到位，就是但走入嚟呢度，點知就出事嘞...魚露淡而無味，雜錦湯河平平凡凡，湯底唔夠濃，只係求求其其將一堆料炒埋一疊然後再鋪响D河粉上面，差；三寶飯又係普通貨色，豬扒冇香茅味，雞翼似普通茶餐廳貨色，扎肉用嘅係交嚟嘅貨，講唔上有任何特色，最攪笑係竟然飯上面有大量葱茸，差D以為自己响度食緊燒味飯..>.<知該等耐D去食蝦麵店la...