新翠華茶餐廳 (已搬遷) 新店位置

天寒地凍, 除左打邊爐, 仲可以食煲仔飯, 既然同朋友兩個人打唔到邊爐, 煲仔飯都係一個好既選擇登龍街新翠華茶餐廳煲仔飯都算出名, 坤記已經食過, 就試下新翠華比較下眼見全部人都係叫煲仔飯, 心想應該唔錯, 同朋友叫左兩個煲仔飯, 等左一段時間終於都到, 煲仔的確好熱, 但奇在個煲無左個柄的, 咁都燒到? 師傅果然高技術 臘腸田雞煲仔飯: 飯身好濕, 已經一大失敗, 煲仔飯唔乾身好似食緊爛飯咁, 差田雞肉唔多新鮮, 好似霉霉地咁, 好味的煲仔飯肉最好係用熱力僅熟最好, 但我感覺佢好似未熟既霉咁臘腸還好, 始終standard野, 應該不差吧飯真是焦了, 完全黐晒係個煲度, 想食飯焦既還是放棄吧荔蓉肉碎煲仔飯: 朋友叫的, 一問之下其實跟我的差不多, 飯是濕, 沒飯焦這個煲仔飯的感覺跟我到旺角求其揀一間茶餐廳食煲仔飯是一樣的, 以一間標榜自己煲仔飯出名既餐廳黎講絕對是不合格, 不過見到有飯友讚飯乾身, 好味, 我諗緊我係咪時運高遇著後備廚師, 不過如果一間餐廳水準不穩, 也是難以服眾的所以, 如果下次想食煲仔飯, 還是西環坤記好

重記得第一次黎食煲仔飯, 凍冰冰, 坐係出面, 別有一番風味. 叫左荔芋肉碎煲仔飯, 排吉飯 + 膶腸同臘腸(但味道一般, 下次唔會加)味道唔錯wor, 尤其是荔芋肉碎煲仔飯. 飯身夠乾, 有飯焦. 可惜,可惜,第二, 三次去, 水準已Keep唔到! 飯好濕 (雖然都有飯焦)最後, 價錢唔平, 成5條幾野個飯 !!

本來新翠華煲仔飯都屬於每年必食的冬天之選, 尋晚見天氣凍凍地, 心思思又去食多次, 但今次完完全全唔掂呀！先講服務, 本來茶餐廳 都預左無服務, 但內面個哥哥仔的態度真係差到得人驚, 佢根本成個人好似索左野咁...不停自言自語同唱歌, 我揮手、開聲叫佢,佢同我對望幾秒後扮見唔到, 之後行開左, 好似唔洗做咁. 仲全程都無啦啦啤住我, 好似我理虧咁. 有無攪錯！之後講返個飯, 叫左荔蓉肉碎同咸蛋肉餅, 個荔蓉唔知點解係黃色. 其實味道ok, 同以前一樣, 但明確少飯左好多！半個匙更未到已經見底, 而且個飯焦成吋厚...仲係唔係焦...係一層厚碳！連我呢個最鍾意食飯焦既人都怕食完生cancer.....仲要$58一個....真係完全唔抵！無下次！

It is 10 degree on this Tuesday evening where I am taking an out of town visitor to this local place. Firstly I am a bit worry about the environment , thought that it can be an interesting experience for the visitor.We arrived around 6:15pm and seated indoor, the service is good as the waitress describe the taste and outcome of dishes we want to order. We order Clay Pot rice with rose buds over fish. The fish is very fresh, the pot itself is burning hot, I can smell each bit of the rice together

由於香港的冬天越來越短，仿佛永遠也不夠時間要在短短的冬季內，吃夠冬季吃才更滋味的食物，究竟是冬天的食物特別好吃？還是我們的冬天太短呢？今天又是有點寒意的，與女友要吃一個又經濟又美味的冬日佳品，很多人也會想起在老銅，可以吃新翠華的煲仔飯，其實今天這個主意也就是是女友出的，而我倆來到門口，也是很多人等位呢，而且雖然是氣溫頗低，但坐街邊吃飯的人還真不少，這真的是風味跟環境的取捨了。最後等了大概十多分鐘才有位，我和女友坐下不久已經可以點吃的了，就是要點一個煲仔菜及一個煲仔飯，然後再炒碟菜，就真的很夠了。先來的是跟其中一個餐的青紅蘿蔔豬肉湯，湯內其實一點豬肉的踪跡也找不到，淡淡的沒有肉味，只有清甜的青紅蘿蔔味，其他就沒什麼，但真的是很淡，又一茶記例水之作也。粉菜點的是蒜蓉炒芥蘭，冬天吃是最合時的了，碟頭不少，而看樣子是炒得不錯，每條菜沾滿了油光，芥蘭很嫩綠，吃起來一點渣也沒有，加上點蒜香及酒香，是簡單而不錯的一道。接下來的是魚香茄子斑腩煲，店家端上來的時候真的很夠熱，打開蓋一剎那，蒸汽撲面，但嗅起來沒有太大的鹹魚香，最後是吃勻了全煲菜，也只是發現了兩三粒中形的鹹魚，以港式來說，真的是太少了吧，所

哩日諗住同幾個外國回來既朋友去食煲仔飯. 本身諗住去坤記, 但唔就腳, 所以改左去登龍街食新翠華一行到過去, 見到幾條後生仔o係入面, 係伙記黎. 行為舉止粗豪奔放, 有點想食對面旺記算了.mad但係哩間好評多d 所以最後都係入左哩間一試環境狹窄, 4人迫在卡位. 茶餐廳格局, 迫d 都正常叫左3個煲仔飯, 窩蛋牛, 田雞滑雞, 羊肉. 每個約$55.等左3,4個字先黎. 一黎就打開蓋灑上豉油再蓋上. 等左一陣諗住有人幫我地開返. 但都冇.最後叫人黎幫我地拎走d 蓋, 因為張台實太細. 但係條友黎到係幫我地揭開晒d 蓋, 但d 蓋則放o係台邊, 完全極度危險, 佢地唔係想博我地食食下唔小心整爛個蓋要我地賠呀嘛. 如果淨係揭開個蓋我地自己都識啦, 駛鬼搵你黎咩.huffy先講最令我氣憤既窩蛋牛飯, 生蛋變成熟蛋.shocked 唉. 冇乜窩肉牛原有既精結所在, 實在非常失望, 牛肉亦都較韌madmadmad田雞滑雞煲, 本人最喜愛食田雞, 但成煲都好似好少餸咁. 田雞脾亦只得兩隻, 而且隻田雞都唔肥, 唔夠肉.huffy羊肉比較好, 羊味夠出, 但肉質較韌.至於講到飯焦亦都唔算多. 因為

10年1月13日（星期三）晚，是晚我上完堂去接女友收工，之後女友說想坐地鐵去銅鑼灣，出了地鐵後又說想去食煲仔飯，於是我就帶女友去這裡。「新翠華」除了炭燒煲仔飯馳名外，等候時間往往要一小時左右亦是其特色之一。我們去到時不見人龍，細心再看，原來對面馬路放了幾張大檯，行人路亦放了幾張細檯。取了飛後等，等了約十數分鐘，門口“把關”的哥仔就叫我的的號碼，並示意可以落單，然後才安排入內坐低，但這才是開始。店內地方狹窄且衛生狀況不理想是可以預計的，幸好還可以接受，等了不知多久，蒜蓉油墨菜先來，蒜蓉下得毫不吝嗇，油墨菜亦尚算翠綠，味道不錯。吃完了菜，往後的時間最難熬，特別是數十個出煙的煲仔飯與你擦身而過，以及眼看周圍的人吃著熱呼呼的煲仔飯而我們祇有呆呆地等，感覺毫不好受。等了約四十五分鐘，我們點的炭燒疆土羊肉煲仔飯（加臘腸）終於送來了，阿姐慣常地打開煲蓋、下豉油再蓋回煲蓋焗。可能我太心急，不理女友勸告，祇焗了一會就打開煲蓋，即時飯香撲鼻。羊肉下了太多孜然粉，雖然惹味卻蓋過了羊肉的味道，臘腸不算肥，肉質不錯，飯粒軟熟，亦帶有炭燒的味道；飯焦很黏底，要花很大氣力才能挖出飯焦。雖然這裡的煲仔飯是好吃，但要我

The hotpot rice is just moderate. I ordered a spareribs and chinese sausage rice. The size of the spareribs were not big enough. There were a few disappointing things; namely the poor service, confined space, crowdiness and lack of cleanliness.The cooks smoke while cooking and dirty dishes are left in plain view of customers next to the kitchen. I won't return there anymore because of an overall bad atmosphere.

天氣好凍, 好想食暖笠笠煲仔飯男友帶我去此舖一試舖內座位有限, 只好露天坐叫左個雜菜煲及土魷肉餅煲仔飯煲仔飯好香, 尤其係D飯焦好脆雖然外面有D凍但係都好溫暖

新翠華，就在一條不“為食”不會到的大街上，冬天時分，愛吃的人紛紛湧進來，好不熱鬧。我們拿了飛，也在附近逛上半個鐘以上，才安排到坐位。不要以為坐下來就可以吃，其實這時候才是忍耐力大測試的開始。坐下來，就見到宮心計內個個牙尖嘴利，我倆邊看邊點上兩個煲仔飯，之後又傾又等又看看電視。這時，對面的煲仔飯來到，飯很香，但吃的不是我，心想我們的也快有，不怕不怕。奈何，對面的情侶吃完，電視也看了半小時，我們的還未到。哈哈，最可笑的是，他們結帳了，我們也得追了一會，也說未製作成。我明白要用炭燒是要等一會，但等上足足四十五分鐘，才趕快上抬，都幾漏氣。我們的煲仔飯來了，在我們臉前加豉油，之後再等，當然，這時是我照相的時候。還未說，這兒的煲仔飯比較新派，不只有我們想吃的滑雞、臘腸，還有蝦子鉗魚、乳鴒、麻辣海鮮、泰香雞等等，搭配看似古靈精怪，實在有驚喜。我們好奇心強，又不怕試新款，就點上xo醬鴨甫煲仔飯和荔蓉肉碎煲仔飯。一上抬不要心急開飯蓋，因為會有人會幫忙下醬汁，再焗一焗，讓飯更入味，也讓鍋邊位結焦。荔蓉肉碎煲仔飯，肉碎和醬汁很夾，醬汁不會死鹹，已經不錯了，加上有兩球芋頭茸撈飯，可以帶出淡淡的芋香味。聽說全程

早輪見到有炭燒煲仔飯既報導, 好想食, 今日係 cwb 搵咗一輪先至搵到呢間完全唔起眼既茶餐廳,入到去第一個感覺, 乜咁污糟嫁, 成地都係垃圾紙張,地面又黐立立, 叫咗個 滑雞臘腸飯同凍檸茶, 冷熱飲都係加 $5, 等咗大約 15 mins 有得食啦, 嘩, 熱到出晒煙, 姐姐立即掀開蓋淋豉油再蓋番蓋嚟焗, 等咗一陣終於有得食啦, 試咗一啖, 個外貌咁吸引, 點知原來係唔好食的, 除咗陣陣炭燒味外, 滑雞係冰鮮雞, 完全無味的, 臘腸就一般啦, 個飯底就無煲仔飯應有既飯香味, 同埋其實煲飯的份量好少,就連杯凍檸茶都唔好飲的, 加上環境咁差, 唔值得再去

去新翠華茶餐廳食, 已經係上星期五晚的事情了, 趁今晚開筆寫食評, 想寫埋這間, 因為印象都幾深刻這店的特色係, 好食! 但係好污糟 好食係煲仔飯係我食過咁多間入面的味道最好的一間, 污糟, 係因為你會有機會見到小文, 小強等"親戚" 我都算係一個幾大膽的女仔, 仲可以保持鎮定, hehe, 我同事已經e華鬼叫了我食係北菇滑雞飯, 同以往去例如旺角的 x 記一樣, 飯到了都會焗一焗先開蓋, 咁樣飯先會更軟熟, 我這煲飯好好食, 底部無燶, 但全煲飯都熟透, 煲底係薄薄的一塊飯焦, 難得係, 飯唔會太乾, 仲可以保持濕度, 而雞肉的油經過煲完之後, 雞油滲透出來, 每一啖飯都真係極品食到差不多要走, 小文出來了, 如果間舖可以清潔d, 客人都會更滿意了

昨天剛去了銅鑼灣、路過翠華、自離開舊公司、已經有三個月沒有到這店食下午茶、昨天仍是柯打我的最愛、奶油脆豬+熱奶茶!!!脆豬真是無敵!!又香又脆又好味!!!真的可以一次吃三個!!可是.............那杯熱奶茶就真的有點可惜!!!看上去茶色很好、比以前的紅好多、真正紅茶!!但入口可是又沒有茶味、又"鞋"!!!難道在這金融風暴下連翠華都要偷工減料、利用色素把紅茶加"色"??或者是改了水吧師傅呢??記得以前我在翠華附近上班時天天都為了飲奶茶而下午茶趕到翠華、估不到以前翠華那杯無敵奶茶也隨我的離開而失蹤了!!真可惜!!

Eating 炭燒煲仔飯 in mid July is weird indeed but I convinced myself its more a matter of desiring over certain 'cooking methods' rather than seasonality. Afterall, we all still consume hot rice with stir fries or 碟頭飯 daily during Summer months The 煲仔飯 in this restaurant isn't news to me, but only this time did I notice that its ain't completely cooked by 炭燒 method. Its firstly cooked on the ultra powerful fire stove (a very hot flame reserved for wok stir-fry), the high heat not possibly emulated

落筆打三更是我對新翠華的感受，位於登龍街的一間狹小茶餐廳，門外不見光鮮不打緊，但環境內裡衛生情況惡劣，滿地垃圾，熱賣炭燒煲仔飯但抽風系統如同虛設，甫進店內煙霧迷漫，即使食物未入口，心情已轉差了。由於煲仔飯製作需時，逐點了一碟椒絲腐乳通菜 ($28)，或者通菜不當造，入口有點韌有點老，腐乳味道亦略嫌不足，不大滿意。主打的是炭燒彊土羊肉煲仔飯 ($58)，等了約半句鐘實屬正常，再焗多兩分鐘後，一開蓋看見熱氣沖天，這刻心情確帶給安慰。煲仔飯以大量黑椒、香料炮製而成，由於加入薑片，羊肉味並不太羶恰到好處，可惜飯底竟仍未焗至乾身，濕濕漉漉的，丁點飯焦也沒有，再一次令我歎息。就連最期待的炭燒味道也不見突出，這種質素實在連廟街興記也不及，心情更跌至谷底。如果衛生情況好些，整個飲食感受又會不同，我可以接受大排檔，可以接受食在街頭，但．．．煙霧迷漫加上大量垃圾所造成的壓迫感，這一間所謂的『新』翠華，對不起，真係食到我喊。