新翠華茶餐廳 (已搬遷) 新店位置

(6/12/06)年年雜誌都有講,呢間煲仔,今日男友陪我o黎食。入到去已感覺到陣陣的煲仔味,坐近門口,仲好勁的炭爐味,燻到想咳。鱔片膶腸玫瑰花飯,鱔片好爽,膶腸果然好正!玫瑰花算幾出,但感覺唔係好match。飯好香好香,食o野要求高的男友也大讚。嫌既係,真係好迫。例湯合掌瓜,唔味精,ok。p.s.第一次見茶餐廳,要輪籌o番~

星期六晚9點幾打算去食個LIGHT DINNER，見有少少涼意，應該係時候食煲仔飯啦!迫朋友同我SHARE一個飯，叫左土魷肉餅飯($42)加臘腸($5)，加碟走油水「拾」油麥菜($20)。煲仔飯係用炭爐燒既，超級香! 不過要等大約20分鐘先有得食。我地食完碟菜，杯檸茶都飲左一半煲飯先到...WAITER哥哥落完醬油再蓋上蓋焗一陣。我同朋友都唔係「飯焦人」，所以焗左1-2分鐘我地就起筷啦! 打開個蓋，嘩~ 好香呀! 先食談飯，嘩~ 個醬油好掂呀! 我淨食飯撈汁得啦! 個肉餅都好滑，不過就無乜土魷味(有可能係我落得太多醬油)。佢個煲仔飯MENU起碼有30幾款羅，下次再去試下其他口味先得，因為真係好好味呀!!!

早幾日上堂，見天氣開始有點轉凍，食炭燒煲仔飯就最好了，這裡又在上堂附近，真係最好不過了。可能時間還早，內裡沒有太多人客，我叫了一個滑雞臘腸煲；也知用炭火燒出來，要等比較久的時間，但看著時間一分一秒過去，離上堂的時間也越來越近，真係非常心急。終於等了差不多20分鐘，那香噴噴的煲仔飯，就出現在我的面前了，落完豉油後再等多五分鐘，終於可以開餐了。雞肉偏多骨，肉質也因焗的時間而變得過韌，可說是皮多肉少，有少少失望；臘腸那應有的香味，外皮爽口香脆，加上那油油的口感，配合一粒粒飯的香氣，真係食指大動。可惜中心陪份，可能落得水份過多，飯變得一舊舊，這是美中不足的地方；本來好想加湯食完那飯焦，可惜已經過鐘，就只好放棄了，實在非常心痛。下次一定要再早一點來，時間計算正確一點才得。

秋風一起，又係食煲仔飯嘅時候...呢度係我食煲仔飯嘅不二之選。用炭爐煲係靚煲仔飯嘅先決條件，再加上靚料、靚豉油，正...跟女友坐入店內卡位，迫到好似沙甸魚咁，好後悔唔坐响出面路邊，咁食先好feel ma..依然好食，飯煲得軟熟，有炭香；膶腸尤其出色，夠甘香油潤，雞亦算滑(雖則係雪藏貨)；試一口女友嘅土魷肉餅，土魷不俗，反而肉餅質感夠腍，絕唔係手啄嘅，失望...平平哋又一餐，真好...^_^

2/9(六) 8pm因老表仍於公司埋頭苦幹,本來相約老表及其男友的飯局唯有取消.與男友在銅鑼灣搵食,路過此店,望見那幾個燒得熱烘烘的炭爐二話不說走進店內.甫入店內,已嗅到相當濃烈的油煙味,令人感到有點呼吸不太暢順.環境方面屬典型茶記,地踎格局,裝修沒花巧.2人點了花茶蝦子鉗魚煲仔飯$55跟例湯,沙爹牛肉粉絲煲$32跟白飯及凍檸茶加$2,蒜蓉炒油墨菜$20.花茶蝦子鉗魚煲仔飯--等了15-20分鐘才被送上臺,再等良久才揭開煲蓋,男友即時一羹舀落煲底,發覺沒甚飯焦,立時請阿姐再拿出去煲煲,阿姐亦樂意之之.5分鐘後煲仔飯再被送上,依舊是焗一焗先開蓋,今次飯焦充足,飯香四溢,飯粒偏乾身有咬口.但吃不出什麼玫瑰花茶味,微香的蝦子舖於飯粒及鉗魚上,鉗魚肉質頗嫩滑,魚味夠鮮!唯甜豉油沒甚味道.例湯--合掌瓜煲紅棗豬骨,尚算煲得出味清甜.沙爹牛肉粉絲煲--十分差勁的一味!濃稠的芡汁吃不到沙爹香,僅吃出鹹味,男友投訴牛肉全無口感,腍腍爛爛,肉質的鮮味亦欠奉!粉絲碎得可憐,糊口非常!蒜蓉炒油墨菜--味道對辦,炒得爽脆鮮甜,若少油點更好!凍檸茶--茶香而不澀,應是用Lipton茶包,不俗!$97埋單,若好煲

玫瑰花茶煲仔飯幾好食呀~~冇咁滯不過茶餐廳好迫繁忙時間少去為妙lu

24 May 2006 (Wed) - 晩飯夏天開住冷氣食煲仔飯，其實都係一種享受！好好友帶我黎呢度食，係炭爐煲仔飯，正！叫咗個滑鷄排骨煲仔飯再加一個西蘭花炒斑片晚餐share，因為怕食兩個煲仔飯會飽得滯！雖然煲仔飯唔係太多焦，但係都幾美味，而且仲好多餸；而炒嘢則唔太咸，我鍾意！ok抵，越坐越多人入黎，已經成9:30-10:00，証明香港人真係好夜食飯！

同是用炭爐，上次貪新鮮，去了隔離，食到一頭煙，是日同太座一起吃，不容有失，過番來呢邊。人幾多，不過剛好有張二人卡位，二話不說坐低之剩，還快快叫了臘腸排骨飯及蝦醬肉根飯兩煲，加碟芥蘭。人人都叫煲仔飯，所以都要等左一等至有得食。兩個煲前後送來，炭香味四溢，伙記幫忙下醬油，當然請他輕手一點，因為個人習慣，好吃的煲仔飯是不需醬油之助的。焗幾分鐘，至完全沒煙就食得。先吃幾口飯，偏乾身，飯很香，果然比隔離舖對辦很多。配料方面，以臘腸排骨較對味一點，蝦醬不是平時見到那種，似麵醬多一些，肉眼根亦沒甚肉味，口感腍腍的，反而舖面的幾隻厚冬菇還不錯。所以寧願多吃飯，配料是剩下了不少。見下面的幾個喊面食評，不是說地方嚇人，就是服務不周，幾奇怪，看門面，這裡就是地方淺窄又無咩服務的茶餐廳，不是入得來就預左的嗎？我不是說服務很好，但也不是想像以外的差。連兩杯凍飲，埋單112蚊，吃得飽飽，又暖笠笠。這裡的煲仔飯，雖然不及西環坤記的出色，但好歹也是炭爐燒，北風天時，都要來吃一吃呢！

尋晚去食，之前睇過有線講過，咁咪去試下囉。個飯底唔係有焦味係味，肉餅冇肉味，醬油其實做得一般。最大問題係見到有好大隻長尾老鼠係上面o的喉行，所以都唔會有第二次囉。

Environment: Terrible and riduculous. I had my dinner last nite there and nearly a hundred ppl were squeezed within a space of around 600 sq. ft. Don't expect that you will be treated as their dear customers. You are just those chickens in small cages!!Taste: It's famous for rice in small porcelain pot (which has got quite a horrible Chinese homonym - rice that your son is cooked!! ^o^) The porcelain pots are heated up with traditional charcoal stoves. You can tell the taste difference between t

今晚開完工同傻鬼去煲仔飯, 2個人叫左椒鹽雞翼尖($18), 炒豆苗($25), 滑雞潤腸煲仔飯改飲熱檸蜜($45)...炒豆苗....油d同好似無咩味...(唔知係咪其他野d味比較濃, 所以食豆苗時好似無味咁)翼尖就正正啦...好香蒜蓉味..嘩...全晚最正係個煲仔飯...好多飯焦..最正係個豉油有d甜味.2個人, 每人都係$44...真係好滿意...不過係地方比較迫...食飯後要立即走人個d地方啦...不宜久留.

上年冬天去食過兩次, 今年心思思又想去食.今日終於都去左.環境差. 三個人去要搭中間長台, 細細間鋪好困味(包括煙味). 落左單見隔離卡位有人走. 問伙記可否轉過去. 佢\竟然叫我問老細. 跟住個老細(黑瘦那個)好hui咁粒聲唔出. 咁0岩有另一台3人卡位(即其中一邊位短d那種卡位)空出來才空置我們過去. 呢度扣晒印象分.叫左2個煲仔飯: 一個潤腸滑雞($40), 一個xo醬鴨脯($55).味道濃, 好味但沒上年食感覺那樣好. 食完飯才order上附送的例水. 但眼見佢\桶例水沒有加蓋\, 而且放在廁所門口側, 當堂沒有胃口飲下(其實不飲也沒可惜), 只用了少量來溝飯焦食.臨走問阿姐點解本來在門前的炭爐搬晒去廚房後巷燒, 佢\話老細驚示威喎...如下次再去開登龍街, 不會再入去, 但可能會嘗試它左手邊那間餐\廳(地方大些而且亦是炭燒煲仔飯.)味道以外一無是處,唯有忍痛展示哭喪臉.

老實一句, 真係覺得唔好食, 或許大家樂的煲仔飯比佢還要好.因為之前有飲食雜誌介紹, 於是慕名一試. 首先, 對環境及服務不要有任何要求. 至於食物方面, 飯是可以的, 但d料(我食窩蛋牛飯)唔係好得, 牛肉有點"那"口, 味道怪怪的.還有, 飯後更弄到一身炭味.

琴晚(23/11)七點幾，見好耐無食過煲仔飯，天氣涼左好多，係食煲仔飯0既時候了，所以兩個人就黎左開餐。等左一陣，有得坐卡位，本來都好開心下，但後來食食下，開始覺得唔多對路，硬係覺得有d水係上面滴落黎，都幾密下，初頭以後自己feel錯，後來越落越大，都幾嚴重下，要拿拿林用tissue接住d水先，我地自己d野都有整濕到。原來係冷氣機滴水，我地原本想掉位，但侍應話關左部機就無事喎。但食食下都有少少再滴落黎。希望部冷氣機會整番好，下次唔會再發生同樣0既事啦。因為一路食，都好唔安心，怕再滴過。叫左臘腸滑雞煲仔飯，同埋土魷肉餅煲仔飯。d飯無對上一次食咁燶。野食ok，希望環境可以改善下啦，因為其實都唔平架。

朋友話呢度有正煲仔飯要帶我試試, 我當然逢陪到底啦!雖然係一間細細的茶餐廳, 地方迫迫但係坐滿人, 一貫茶餐廳風格, 伙記同客不停"打牙較", 但係一入到去間店已經係成陣炭味, 勁!叫左個臘腸膶腸飯$40, 蒜蓉西蘭花$20, 西蘭花就一般水準啦, ok, 主菜煲仔飯等左大概15mins上枱, 一上枱個waiter就幫我地加豉油, 但係佢唔係淋係d飯度喎, 係淋係個煲仔邊, 等佢慢慢流落去, 可能咁可以令豉油流入飯焦啦!!一開蓋!!嘩.....真係好香啊!!臘腸膶腸各有2條, 飯香且軟, 而飯焦的確係正, 唔會太硬又易起, 好good喎!!好快就食晒啦! 臘腸比較油, 但係好淋, 膶腸就好正, 膶多之餘又唔肥, 送飯真係好正!可惜的係地方迫左d同埋dirty左d, 如果唔係就正啦!