新聚寶素食

營業中

休息中

今日星期天打算同家人到此食早餐，入餐廳後。安排座位極期亂，店子大家，但安排得極亂。擾嚷一返後，同店員要求拿餐牌後，竟然叫我們自己去拿餐牌。可能接近店員午膳時間，他們只顧著安排座位他們自己午餐。如果不想安排座位，如果阻著他們午膳。其一，可以先同我地講無位，叫我們去其他地方食；或者直接關門先等職員有時間、方便再開門吧。食物質素再好，也沒有下次！！！😡

本來因爲心情還在調節中已經很久沒有擇寫食評但是今天不經意地路過這小店用餐飯後認為非常值得推薦鼓勵始終素餐雖然開始普及化但是能煮出好味神似中式的素食真的不算太多能做到而且素餐廳價錢也相對貴一點但是這小店不得不讚美價錢相比其他中式素餐廳絕對經濟實惠今晚我們3人用餐點選了2人套餐套餐特別之處是完全沒有限制價錢👍只要你合心水全部挑選最貴的組合也可以😍淨是這點我印象從沒光顧任何一家餐廳能做到這種價錢多數是有限制款式或價錢或一貴一平這樣子分擔成本光是聽到隨便選擇也能做組合正常也是最少2人晚餐吧$228 湯x2 小菜x2 飯或麵x1 還有甜品👍咁當然我們是經濟型也是真的挑選全部最高價錢的服務人員也全程笑面迎接換成其他可能已經黑面因為多數是這樣子啊😬首先提供一碟菠蘿🍍前菜小食味道口感像泰國那款甜心菠蘿仔香甜爽口但又不像原隻大裝那些帶點酸味2人餐包2碗招牌靚湯星期日是提供金栗海底椰湯素中湯真的要推薦這裡清甜夠味重點沒有酸味因為很多地方不清楚他們用上甚麼材料曾經飲過很多回的素中湯也帶有酸味因爲3人關係只點了2人餐只有2碗湯所以另加配酸辣素翅材料方面好足料味道夠酸夠辣2人餐選左鴛鴦炒飯乳豬拼盤（超級推薦，香

星期六下晝三點半，去到已經冇人，沒有午餐所以散叫，兩個人只可以叫兩三款菜式，先來個小碟齋滷味，正常味道，不過不失。鐵板燒鰻魚，食開齋鰻魚知道一定用紫菜，呢個除了紫菜以外，入面仲包住一舊齋火腿及馬蹄，功夫菜式，用三色椒及雜菇炒，熱辣辣上鐵板，十分野味。最後一個羅漢齋炒麵，面炸得好脆囗，上面鋪滿餸菜，餸多個面，冬菇都至少有四件以上，好飽肚。餐廳食物餸菜賣相不錯，味道濃郁，不過食完出門口唔夠10分鐘已經覺得非常口渴。

見哩度價錢幾抵，評價亦唔錯，梗係嚟試下。二人餐包兩個餸，一個炒粉麵飯，又有盅湯同甜品~金銀菜湯 - 熱辣辣，素湯都唔會覺得寡，好正~碧綠法輪卷 - 腐皮炸至脆口，裏面包住菇粒，打個薄薄嘅茨，美味~蛋白炒素翅 - 整體炒得清爽，惟蛋白略少仲有多少油膩，但點咗跟嚟嘅醋就啱啱好~黑松露炒飯 - 唔算好香黑松露味，但飯炒得乾身，唔錯雪耳糖水 - 太甜頭盤 - 鑵頭波羅，甜爺爺 ......二人餐埋單$277算好抵食啦~ 食味中上份量足，會再嚟~

平時間唔中都會係屋企附近買齋當一餐咁食, 不過都幾貴咁岩之前係度呢間店有1人十道齋菜既團購, 見其他人既食評都唔錯就膽粗粗買左黎試下 ._.平時屋企附近買既齋俾我既感覺都係好油同埋豆 全部都係豆不過呢個menu吸引我既地方係菇菜多, 豆少同友人約好時間就去品嘗  店既位置唔難搵, 地鐵站一出行3個街口轉左再行前就見到, 需時5-10分鐘(每個人步速唔同XD一入店內每個職員都好好笑容, 服務態度亦好好亦都會見到老闆娘同每一枱既客人有講有笑, 有老朋友既感覺  坐定揀好食物等左一陣, 食物就黎啦!!上菜速度都好快!!而且有別於我平時食開既素食, 望落去唔會金光閃閃 XD九製猴頭菇 - 切丁既猴頭菇再炸過, 不過一D都唔油膩, 配蕃茄丁同少量陳皮醬, 好脆口又好開胃!!鵝片 - 好似真肉!! 有煙薰味!!串燒雞柳 - 我淨係知有粒好似魚蛋味既物體+ 菠蘿 +青椒, 配黑椒汁脆炸奶球 - 奶球好滑, 脆漿亦唔會過厚, 食完重味既黑椒沖淡個味岩岩好 (喂題外話: 我第一次去食齋係真係有出家人光顧 X), 味道好又抵食! 下次會再約多D朋友一齊黎食!!

本身不是素食者的我，今晚突然想食素，經過深水埗，開open rice搵到两間評語話吾錯嘅齋鋪，第一間喺早期已經試過，於是二話不說就決定去未試過嘅呢間。地點吾難搵，門口幾新淨，雖然座位之間幾迫，但都算光猛整潔。我同男友叫左一個二人餐，有两盅是日靚湯，自選两種小菜，一款粉麵或炒飯和是日甜品。我深深愛上當日靚湯-椰子湯，超級香椰子味，又吾咸又吾油又清，全素湯原來都可以好好飲，最愛佢嘅係好夠熱，湯就係要熱騰騰先好飲，100分！我地揀左咕嚕猴頭菇、法輪卷、香草腿粒炒飯。猴頭菇好有新鮮感，外面真係好似咕嚕肉咁脆脆的，煮法應該同咕嚕肉一模一樣，男友喜愛醬料和偏濃味小菜，所以佢頗喜歡這道菜。至於我比較喜好法輪卷多點，清清地吾重味，少量的“獻“恰到好處，腐皮卷著少量香芹和髮菜，最驚喜是椰菜作底，比西生菜更好吃。(本人對生菜一般)至於香草炒飯，我倆都覺得不錯，飯很乾身，又配有青豆、松子、雞脾菇粒同炒，有口感，很好吃。甜品係芝麻糊，吾太甜，亦吾太糊，不過不失。呢餐平靚正素菜埋單二百一十幾蚊，我實在非常滿意，我會再來嘗試其他菜色的，整體是很讚的一餐素食晚餐！

呢日提早同屋企人做冬，費時煮喇上次阿媽已經帶過我一次黎呢間野，印象好到不得了好想再番黎食多次可能今日係星期五關係，等位等左兩個字左右雖然有兩層，但因為太多人所以今次要同人搭枱坐我諗呢度嘅套餐已經算係好抵食三個人叫左個四人餐飯麵款可以揀一樣，毫不猶豫揀番上次食過嘅香草腿粒炒飯無諗過蔬果粒加埋香草炒碟飯出黎可以咁好味呢個素湯味道唔錯，足料，而且飲到有淡淡羅漢果香素叉燒就係因為媽媽上次食完有張券送，所以係免費嘅可能係免費所以份量有D少，不過味道真係好叉燒，好好食用黎送飯好快就食曬個人最鍾意嘅一味餸 咕嚕猴頭菇猴頭菇做到外脆內軟，整得夠香口得黎配埋咕嚕汁極之開胃招牌一品窩超足料，除左基本蔬菜，仲有素蝦之類，咬落係魚蛋咁既質感鐵板素牛扒有黑椒味，做到真係好似食緊扒咁碧綠法輪卷因為最尾一樣餸唔知叫咩好，侍應就介紹左呢款外層係腐皮包住，入面係各式蔬菜阿媽話最好味係呢樣四人餐，埋單四百幾，絕對抵食~

嚟過好多次, 次次都想幫呢間素食店寫食評.雖然今次得我和朋友兩個人食, 都已經滿足了我們的口福!最好味是這個茄子煲, 不是因為它真的有魚香味, 是因為它一直都熱騰騰, 感覺上好味好多!今次齋滷味就超乎就偏甜咗d!  齋义燒炒欖角，都好香口!芌頭魚當然不容有失, 否則怎能登大雅之堂!總括而言, 呢間素食店除了平靚正, 真係搵唔到咩字嚟形容佢!

是日 (舊曆八月十一) 秋分 、筆者的好老闆為慶祝中秋所以請同事們食素宴午餐 、不過深水食素的店舖非常之少；這所素店位於大埔道的、據筆者上 Open Rice Search 過此店由太子搬遷過的。筆者的精明好老闆 唔只請客咁簡單，他還幫同事們清洗埋茶杯及點埋素菜，在此順便再次感謝及感激他；其實筆者的老闆係一位素食者，所以由他點素菜就放心得多 精明好老闆點了以下的素菜 ：1.什錦齋滷味–素叉燒 (味道當然冇真叉燒既香口)、素香腸 (味道唔似，勝在外型似)、素鴨腎 (味道甜 d 及外型粒粒似足)、素鮑魚 (味道係冇味)、素酸鮑魚 (味道帶甜甜酸酸、正)、咖哩鮑魚(味道帶有甜甜的咖哩味、正) 以上全部口感都帶點煙韌、還有素鵝 (用腐皮包了數層再煎、味道甘香) 還有其它款…… 2.素鵝 - 用腐皮包了數層再煎、甘香回味 3.蓮藕炒火腿 - 蓮藕炒得爽脆，家常便飯的一碟餸，無乜特別4.乾炒牛河 - 筆者見到好肥膩，冇試到 ，唯有影相5.五柳炸仙斑 - 用芋蓉嚟做條魚，炸得外脆內軟，魚面再舖上酸酸甜甜的五柳醬，Yummy 6.紅燒豆腐扒時蔬 - 同樣家常

是日假期，揸車出花墟買花;再入深水埗行。諗起一間之前食過幾好味的齋舖。点了一碟荷葉海鲜飯及裡紅金菇伊兩碟都完全冇味，雖然知道吃齋是比較清淡，但兩樣都像滾水煮一樣，一点味道也没有，结果要叫多碟鹵齋才吃得下！结帳$204完全冇下次

其實今次是第二次去呢間齋鋪吃素, 跟第一次吃都相距一年多, 很少去的原因是價錢比較貴. 平時也只是買素菜包吃, 不過有段時間冇吃, 因為回家才發現包面有不明小昆蟲, 就暫停一排唔食, 冇辦法, 成個深水埗冇好食的素菜包, 好食的素食店真係少之又少.  講番昨晚, 星期六比平日多人, 安排坐二樓, 由於未齊人, 所以一直看餐牌, 但D侍應不停走來問食咩? 我都答了幾次說再睇下先. 我們四人, 沒有點套餐, 套餐不是太著數, 叫了3餸1湯翅, 個侍應話只得3個餸咋喎, 我說叫住先, 等陣再叫, 個侍應嫌我們叫得少餸, 有規定架? 比晒面色我們看.之後坐坐下發覺冷氣好凍, 個冷氣機出風口係咁對住個頭吹, 叫個侍應較細D冷氣, 她竟說旁邊角落枱D客熱, 不能較冷氣, 有冇搞錯, 大家都係客, 點解要我們凍住食? 同侍應講個角落位應該加把風扇, 佢駁咀話開咗冷氣仲要咩風扇? 嘩! 呢間D員工好Q大牌, 好似唔憂做. 後來加了個餸 : 涼瓜味菜排骨, 主菜涼瓜少到可憐, 味菜和其他相配料就多好多, 唔知點解會有紅蘿蔔? 完全唔夾. 可惜沒有拍低圖片, 涼瓜一斤十幾蚊, 果煲數得出都只得十小片.

今日同朋友慶祝生日。我地一班7個人去了深水埗食素菜。因為有朋友試過話好食。乳豬素魚生~~我第一次食用素做的魚生片呀!口感好似真的魚生,乳豬件配上醬料食及橄欖菜碎,好野味。雀巢鴛鴦素~~有芋頭絲做巢炸到香脆可口,配上甘荀,西芹,草菇,腰果粒,顏色好搶眼,而佢有一粒粒的素午餐肉粒是最好食的。翡翠扒鮑魚~~新鮮爽口生菜配煙煙韌韌的素鮑魚加一些醬汁紅燒榆耳翅~~用素豆粉做的翅,睇落似魚翅,食落口感又似,再加木耳絲,金菇,與酒樓食的魚翅分別不大咕嚕猴頭菇~~這個餸好特別,唔講唔知,食時覺得似豬肉做的咕嚕肉,一問原來是猴頭菇做的,我食了好多。錦繡大串燒~~有青椒,素午餐肉,素叉燒,素魚蛋,加了少少醬汁。素魚蛋是最似的芋頭魚~~食素我最鍾意叫炸芋頭魚,芋頭蓉好香濃芋頭味又滑,炸過後非常可口好味金菇魚滑蔬~~魚滑是素館自制的,所以特別好食,雖然不是用真魚做,但與真魚做的差距不大,菜心細嫩可口美味壽桃包~~最後是特別安排的壽包,包身又軟又淋,內裡的蓮蓉細滑又不會太甜素館的餸菜與我地平時在餐廳食的菜式差不多,有時真的分不出真的肉或是素材料做出來的餸菜。食得多餐館菜式多,不防試下食素菜也會有新的體驗。今次我

第一次到素食館飲茶，點心始終不能和一般的酒樓比較，食材的規限，味道也是一般般，反而外觀真的騙到人。而最特別是咖啡鱿魚、竟然有海鮮腥的味道。一碟春卷三大條，真的要說一句抵食夾大件，但味道麻麻。三絲菠菜麵的味道不錯，肉絲也有真肉的質感。錦滷雲吞炸得很鬆化，不加酸酱食也不錯。地方小小，中午飯時段也坐滿人。