新興發點心

營業中

休息中

點心係即蒸起，即炸，對比起附近一間酒樓，應該好啲。但就地方窄，服務麻麻 ( 因為忙 ). 盅頭飯幾好，雞飯，煎蛋牛肉飯同炒糯米飯幾好。鮮蝦腐皮卷都唔錯，其它就算係達標，唔會難食。比係格黎間酒樓平唔小。Lunch 飲茶算 ok

今次又拉阿媽試新茶居，地址近西營盤港鐵站，星期六點零鐘好多人排隊，附近已經有一間明星酒樓，心諗唔通咁好味所以排長龍，好彩阿媽早去攞飛，我一去到已經可以入去，地方唔大，好似有上層，服務態度麻麻地，無人開茶，無人加水，侍應又串串貢，其實點心又唔算出色，唔會有返轉頭可能。。。鮮蝦菜苗蝦 $19從未食過d皮可以黏到一個點囉，筷子一夾已經黐，放响碗又黐，而且個皮非常厚身，菜苗饀料又唔夠豐富，好似食緊團粉咁蠔皇叉燒包 $16無乜特別，勝在熱辣辣時菜鯪魚球 $17鯪魚球讚呀，有鯪魚味又無碎骨，仲加咗蝦米仔，雙重味道，推介香芋鴨腳扎 $19鴨腳好腍好入味，而芋頭都蒸得好腍，不錯選擇灌湯餃 $26無諭肉同上湯方面味道都比較淡，要落大量醋先覺有味，反而素翅好有口感，係整個灌湯餃既重點所在蜜汁叉燒腸 $22都係一般般，因為皮唔夠薄，叉燒又唔算味濃兩人共消費: $129

夜晚出街食飯，但想食得特別少少，而本身又鍾意飲茶既我就去左新興發度食晚飯。新興發係會做點心既夜市，而我地就叫左晶瑩鮮蝦餃 (HKD 26，有4隻)，鮮蝦菜苗餃 (HKD 19，有3隻)，豉汁蒸排骨 (HKD 18)，流沙奶黃飽 (HKD 18，有3個)，灌湯餃 (HKD 26，1大隻)，滋味蜂巢糕 (HKD 19，有4件)，蜜汁叉燒腸 (HKD 22)。而茶錢 則每位HKD 5，唔收加一既。佢啲蝦餃同菜苗餃個皮都算薄，而且個涵都幾好味，排骨同埋個流沙飽就不過不失。個既灌湯餃非常清甜，不過個皮略為厚左啲。 個蜂巢糕好香，但唔算甜，唔錯既甜品選擇。 叉燒腸就正正常常啦。

今晚賴生同屈小姐約左班弟兄姊妹係聚會後玩滴滴仔，係開戰之前，最重要梗係⋯「三軍未動，糧草先行」⋯醫肚先最緊要！今次由弟兄介紹帶我地黎到呢間傳聞中「平、靚、正」既餐廳，原來係主打點心嫁！係我地未到之前，已經打左電話去落定Order，因為即叫即蒸，要等十幾分鐘先有得食嫁，咁樣我地就可以一去到就有野食！由於今次係同大家食飯既關係，我地冇影到相！不過食物質素的確幾好嫁，D茶水仲好熱添!! 但係呢.....愈食愈熱，汗都出晒，冷氣唔夠呢!1) 脆皮鮮蝦腸 : 4.5⭐️春風得意腸D朋友，佢用鮮蝦炸起再包腸粉皮，所以都真係幾脆，同埋個蝦肉都大條同彈牙，唔錯唔錯~~!!2) 鮮蝦餃 : 4.5⭐️1客4粒，每粒都好飽滿，皮夠晒薄，D蝦都好彈牙入味!3) 上湯鮮竹卷: 5⭐️幾特別既鮮竹卷喎，佢除左鮮竹卷之外，仲有大大件魚肚浸住，索晒湯既味，勁正!! 而鮮竹卷又係用蝦肉，彈牙得黎又冇咁肥! GOOD!4) 棉花雞: 4⭐️都幾多棉花(魚肚下)，D雞都醃得好入味，不過雞反而得2舊，唔太夠5) 叉燒包:4.5⭐️每粒叉燒包都蒸到勁熱，好鬆軟，叉燒餡亦夠晒豐富，啖啖有濃郁叉燒味，唔會太咸/無味!!6) 鳳爪排骨飯:

曾經說過，自港島西區地鐵通車後，吸引不少食店進駐，尤其西式餐廳，不過今天午餐卻不是在西餐廳用餐，反而到了點心店。在西營盤的電車路，食店多以茶餐廳冰室為主，但亦不乏有點心專門店。就像今天到訪的新興發點心，是以專門店式的點心食店，與區內外的其他點心專門店一樣的吧。進入餐廳後，店員會詢問喝甚麼茶？就不如先來一壼香片。香片色澤金黃，喝一口有茶葉的澀味，亦是尋常中國茶應有的茶味。在茗著茶的同時，當然不會放過在桌旁的點心紙，打開張紙，全是點心，蒸炸焗煎都有，甚至盅頭飯都有得供應，更河況在牆上有新點心的招紙，萬無一失。點來一碟牛肉腸粉（二十個大洋），看來不是晶塋通透，都知道不是皮薄，入口皮略為厚了一點，而牛肉則幾多，沒有芫茜在內。潮州粉果（十五個大洋）可謂是在下的喜愛點心，內裡的食材頗多，故入口層次感相當豐富，有花生肉碎等，不錯。有時候飲茶總會點來叉燒包（十五個大洋），不吃的話，卻有點不在的感覺（個人感覺）。叉燒包做得非常傳統，內裡的蠔油包著叉燒，充實了整個包。連茶錢都不只不過是幾十個大洋，可算實惠經濟。

呢間野真係要讚一讚 話說前排大伯突然話要食點心喎 佢老人家行動唔方便 我地見屋企對面又新開左間“新興發” 於是就去試下。我地全家都鍾意食蝦 所以我地叫左蝦餃 菜苗餃 同 鮮蝦腸粉 (仲有其他 但今次focus蝦類食物先 XD)先講蝦餃 一上菜就好驚喜 d蝦餃好大隻 而且個皮做得好靚 厚薄適中 睇得出入面d蝦好大隻。咬落去入面好多汁 唔似得出面好多酒樓咁乾爭爭。至於個腸粉 同蝦餃一樣好juicy 個腸粉皮都拉得算薄 咬落好彈牙 我個人就欣賞腸粉表面唔會好多油 食落既唔會膩但又唔會覺得痴喉。不過我最鍾意都係菜苗餃 除左個皮好彈牙之外 入面d菜色澤翠綠 睇得出係新鮮貨 d蝦 照舊 無咩雪藏味或者蝦臭味 係真正既皮薄餡靚。四個人食左200蚊左右 價格合理 份量十足無呃稱 侍應招呼周到 重點係 同侍應嗲落先知原來佢地d點心係自家制 仲要即叫即蒸 難怪咁好食 下次會再幫襯 ^_^

一早起來想食點心，因為趕住上九半堂的緣故，只好同男朋友買外賣食喇～行去明星之前，見到間新開的新興發，睇落幾吸引，價錢賣相都不錯，於是就在哪兒買了外賣，分別有蝦餃、燒賣和奶皇流沙包，合共約六十左右～蝦餃燒賣大件又好味，同出面酒樓食嘅的確不同！流沙包又甜又好玩 男朋友一咬就好似食左周星馳套食神入面嘅瀨尿牛丸咁，證明d包好足料，下次走堂都要堂食呀！

呢間係西環新開既小型點心鋪，規模雖然無其他茶樓甘大。但係食物同服務都比想像中好，幾唔錯。可能因為新開，除了午飯時間，鋪都唔算太多人，唔洗等好耐位，而且有2樓，可以坐得舒服d。食物選擇唔算太多，但係最普遍平時飲茶有既點心都好齊。特別值得一提個流沙包，即叫即蒸，上台時熱辣辣既，見到已經好想食。攞上手又覺得好軟熟，mit開之後即刻流d又香又滑既餡出黎，賣相已經相當吸引咬落去果然好正，包好軟餡好甜，推介！其他點心都好ok 因為盡可能都係即叫即蒸，點心最緊要係熱辣辣，夠新鮮。呢間新興發都應該係用新鮮料，平民價錢黎講真係物超所值另外服務方面，呢間點心鋪應該係家庭式經營，樓面同收銀態度都良好，整體黎講成個用餐過程都幾滿意，值得一試。

流沙包真係好推介)我住係正街嗰頭 見到開左間點心鋪就同媽媽去左試 叫左個燉雪梨同流沙包 流沙包用新鮮蛋黃 一打開就流哂啲汁 好香 包皮又好軟熟 熱辣辣 雪梨就好香陳皮味 成個雪梨原隻上比左我地 媽媽食過都話好味道點心即叫即蒸 可能有時等都要15分鐘左右 但有熱辣辣嘅點心食 價錢又合理 真心吾錯！

今日行開西環七號差館日本城對面見到間新開既點心舖就去試下我同我個frd兩個人叫左鯪魚球，雞扎 ，排骨飯同糯米飯4樣野 茶錢每人5蚊總共88蚊糯米飯爽口同香口仲要有花生幾懷舊吾錯值得一試：）雞扎係用新鮮雞吾似平時茶樓用冰鮮雞夠晒入味正 !!!!!XD 同埋哩到服務態度一流收銀個伯伯好nice 因為佢係即叫即蒸要等一陣之外其他都好正再泥開西環哩頭一定會再食