新興食家

營業中

休息中

疫情下二人一枱，幫襯新興真心坐得舒服咗，呢間西環名店基本上樣樣點心都唔錯，好味在於人手製作，不過在眾多點心之中，我覺得炸鮮奶同鵪鶉蛋燒賣。老老實實，炸鮮奶真係要新鮮炸出黎先至好食，試過一次叫咗一件應該炸好咗一段時間嘅，真係麻麻地，不過如果大家係星期六日公眾假期去就好少有呢D情況出現。至於鵪鶉蛋燒賣，我就食過三次，我覺得個鵪鶉蛋蛋黃唔會蒸得太實(不過當然唔會有流心啦)，不過我都覺得OK，基本上出面好少食到鵪鶉蛋燒賣(點心專門店除外)。

一到星期日就會好想去飲茶食點心, 今次去試下西環呢間老字號. 星期日真係人山人海, 好唔容易搵到個位坐低, 即刻睇下有咩食先. - 蝦餃 見每枱都有叫蝦餃就知道係必食之選, 呢度既蝦餃係師傅用人手即場包, 皮夠薄, 蝦肉唔會霉, 配埋辣醬, 真係超級正, 如果唔係要留肚食其他野, 真係想叫多一籠. - 燒賣 大大粒又夠飽滿, 豬肉鮮味彈牙, 食落啖啖肉, 好足料, 一百分 ! - 叉燒腸腸粉皮係滑溜既, 叉燒都好好味, 配埋甜豉油, 好正 !  最後以一盅充滿咸香味既咸魚肉片飯作結. 當我啱啱食飽之際, 竟然輪到我最愛既流沙奶黃包出爐, 可惜我已經飽到上心口, 只好留返下次. 

十一點去到巳有十幾人在等緊枱， 排隊非常混亂， 有時就排隊有時就話要攞飛。 堂食外賣本應分兩條隊， 不過最後只有一句說話形容非常超級極之混亂。終於安排到位置， 坐低之後就拎咗一盤水，有杯碟筷子。因為第一次去，所以唔知應該去邊度攞嘢食， 行去近廚房位置就畀人鬧，呢度廚房嚟㗎去前面嗰度攞， 去到前面又畀人鬧，呢度買外賣㗎，你去後面攞。 咁究竟應該去邊度攞呢因為我們安排坐在第一張近門口， 嘆茶的 期間不停畀入嚟買外賣嘅人推撞。 最誇張係有四位阿妹衝咗入小店，望來望去，跟住話買兩籠奶黃包， 等待奶黃包的期間， 這四位阿姐全部塞住門口等外賣。 講返嘢食，最開心係食到薄皮糯米包， 好耐冇食過 食到一半突然間好多人企身， 衝去廚房原來有炸鮮奶新鮮出爐， 這個炸鮮奶味道就一般般，偏甜。所有食物都好懷舊食物係好食的， cp值超高， 五個人去，食到你唔食，都係四百蚊有找。

🇭🇰#香港捐窿捐罅記 instagram : foodkiller_dk堅尼地城老字號茶樓🍵日日三點開門開足三十年🤪近排好多老牌餐廳都因為疫情而倒閉，所以近排都想食多啲街坊老店，睇下人地生存咗咁多年係點解🤨今曰無日介紹果間開咗超過30年，日日准時3點開門，比大家可以食到宵夜or 比早起身既公公婆婆食到早餐🍍佢哋最出名既係奶皇包，好多明星都特登走過嚟食😂💪-🍍 #皇牌流沙包 🍍 （$21）佢哋既皇牌🤪食落起沙🤟🏻而且唔會過甜😏好惹味🤨咸蛋黃既味都幾重，落足料整🤟🏻大家如果去食一定要叫🤫.🦐 #新興蝦餃皇 🦐 （$24）靚既蝦餃應該係雪白既🌝果日果啲就係雪白既😌食落有汁既🤨而且都幾爽口🖐🏻而且唔會整得太大粒，有返點心既精神😂.🐤 #四寶滑雞扎 🐤 ($24)第一次食到有骨既雞扎🐤 好似重味少少🤫並且重有真正既豬肚，唔會係豬皮😈幾正宗，我幾中意😂-🥓 #這不是春卷 🥓 （$18）啱咁新鮮出籠🤨 炸到超級脆口🥱入面有蝦肉食🤨 熱辣辣食完第日仲喉嚨痛🤨😂新鮮😈.🧈 #黃金馬拉糕 🧈 （$18）呢個有少少失望，因為有啲太乾🤨🤟🏻可能蒸得太耐，冇曬啲水份🤨所以個味差咗總結來說 見少買少 體驗吓🍍-🎈

每次去都係為左糯米包,因為真係冇乜地方可以吃,好少地方見到有, 當然可以買超級市場嗰D拎去叮熱吃個D, 但超級市場賣個款覺得味精好重...每次去都要一人一籠糯米包,加辣椒油真係冇得輸..除咗糯米包咖哩牛肚夠味腸粉皮太厚燒賣oK炸鮮奶...還可以(炸鮮奶可以一條條叫~~都係叫左條嚟試下...)雞扎5錯環境就冇架喇~搭枱就梗架喇~同埋係自己入去攞位, 同D阿姐講幾位係冇人理...

週末終於打卡這個小店，位置不多，沒有點餐，有東西出爐阿姨會叫，每一樣味道都還不錯，但是香港到處都是好味道的點心店，所以也沒那麼特別，想吃的炸鮮奶最後沒有吃到有些遺憾，據說是可遇不可求的😭

今日朋友帶左我去食，話好出名。位置好逼，姐姐每次行過都撞到客，地下好多垃圾，張枱超濕😟😟係疫情咁既環境質素，真係好令人擔心😖😖姐姐態度好差，d客同佢講咩都西面😞😞叫佢執執枱又好似我地有問題咁。同d客講野又好惡！😔😔食得好唔舒服，朋友話以前唔係咁，唔知係咪轉晒人。😢😢食物講真唔叫差，但又唔係好出面好多，加埋咁既服務，絕對唔推薦！希望負責人睇到，作出改善。難得既一間懷舊店，都好想再支持下！

清晨6點可以做什麼？正是喝早茶的時間，來到西環這家有名的點心店，早已座無虛席，隨便找個位置搭枱，坐好開吃。想吃點心除了下單外，亦可以從一堆蒸籠中自己挑選，完全的舊式風格，客人來來往往的感覺很特別。有什麼吃什麼，第一回合有不常吃的蝦米腸，就算不加醬料也頗好吃，鵪鶉蛋燒賣熱氣騰騰，蛋味濃香、硬度適中、口感不錯，粉果則比較普通。接下來是重點回合，坐計程車來時司機極力推薦這裡流沙包，當然要試。熱騰騰的流沙包，流沙程度不太強，但一咬下去鹹蛋黃的味道馬上充滿味蕾，又不至於搶去甜味，就算本來對鹹蛋黃沒感也覺得好吃。鳳爪質感爽彈，醬料濃郁，微微辣的滋味十分誘人。到了第三回合，燒賣一籠四大件份量十足，略嫌比較乾身，蝦餃皮薄晶瑩，可以吃到蝦的鮮味。特別的有很久沒吃到的炸鮮奶，外皮薄而脆，內餡滿滿的奶香，不足之處是有點過甜。最後一個回合以咖喱金錢肚和山竹牛肉作結，兩款點心都有一定水準，值得一吃。算下來兩個人橫掃10款點心，吃超級飽。店員都很好很願意幫忙，又記得客人想吃什麼、有時會主動通知點心出爐，搭枱的熟客也很友善。雖然環境不怎樣，地點亦不算方便，但有機會的話，還是會想再來，試一試其他點心，感受老店和街坊的

好好味的懷舊點心買少見少，仲要自己做嘅更難能可貴，不過呢一間舖頭做得到。一起步就出去殺了一堆點心返黎︰叉燒包、流沙包、燒賣、金錢肚、棉花雞，同埋影了四份一碟的腸粉。咁多樣之中我覺得最好食係棉花雞，D棉花(魚肚)同D雞好鮮味，魚肚唔會太林。第二好食就係燒賣，食落去覺得D材料好新鮮。返而個流沙包有少少失望，因為其實佢唔太流，不過都係好味的。

其實好一段時間之前已經聽請呢間飲茶幾出名 尤其係hku嘅人特別鍾意淩晨時分或者通完頂嚟飲茶🤪今日終於嚟到朝個靚聖🤪內裏裝修同埋成個佈局都好懷舊 環境係幾迫同污糟 不過嚟到都預咗🤣都算係特色嘅🤣-我星期六 11點幾黎 都有好多學生同街坊喺度飲茶 排咗陣隊先入到🤭佢嘅點心款式比我想像中多 唔逐樣介紹 不過以下呢幾樣係我食完之後覺得特別推介嘅:⚜️皇牌流沙包⚜️黑椒豬肚⚜️香脆炸鮮奶⚜️咖喱金錢肚-尤其係佢嘅黑椒豬肚!!!真係有俾我驚艷嘅感覺😻奶黃包就唔洗多講 係我去到邊度飲茶都會叫嘅嘢 而且佢呢款係帶鹹蛋黃流沙嗰隻 唔係好似普通奶黃吉士咁🤓炸鮮奶就比較特別 唔係度度食到之餘 佢做到皮薄多餡🤪金錢肚就大大件 咖哩入味之餘好有咬口😻呢幾款你哋去嘅話一定要叫嚟試下🤓❤️

如標題所說自家製點心要支持，因為現在很多地方的點心都是從工場交來的行貨，難得見到點心師傅即場包蝦餃，真心覺得好正。兩個人吃不了太多東西，就叫了三樣，蝦餃、糯米包與及炸鮮奶。蝦餃並不是標榜入面有原隻大蝦的那種高級檔次精品蝦餃，不過可以見到師傅即場以閃電手包蝦餃，而且價錢相宜，所以我個人覺得不錯。至於糯米包，外皮做得很薄，入面的配料很新鮮，味道很好，印象中外面很少地方食得到。最後是炸鮮奶，可以遂件叫，才$6/件，炸粉漿很薄，裡面的鮮奶很滑，三樣之中我覺得炸鮮奶味道最好，最值得試。

之前忍左好耐, 宜家終於解禁, 當然要去食中式點心啦好掛住新興嘅流沙包, 今日襯住屋企人都唔洗返工, 就難得做一次外賣妹, 去新興買外賣<豉汁蒸鳳爪(左)及香芋蒸排骨(右)>豉汁蒸鳳爪係大食妹嘅最愛, 超級入味新興嘅香芋蒸排骨大食妹係第一次食, 幾有肉地<鮮蝦菜苗餃(左)及新興蝦餃皇(右)>鮮蝦菜苗餃同新興蝦餃皇都好飽滿, 但外皮有啲厚, 大食妹唔係咁好Zoom近啲比大家睇下<皇牌流沙包(左)及蟹膏燒賣皇(右)>之後就係新興必食嘅皇牌流沙包可惜大食妹掛住食無影到佢嘅流心, 想睇相嘅朋友可能要等到下次啦流沙包沙沙嘅口感真係食左咁多次都覺得好好食但蟹膏燒賣皇就偏乾, 一般貨色<蠔皇鮮竹卷(左)及黑椒豬肚(右)>蠔皇鮮竹卷蔬菜感比較重, 而黑椒豬肚就好爽口, 值得一試再次Zoom近俾大家睇<四寶滑雞扎>四寶滑雞扎一份等於外面茶樓兩份嘅份量拆開俾大家睇下, 正正常常有腐皮、雞肉、豬皮同冬菇

再次去呢间店饮早茶。早上10点半已经全场满座，证明深受西环居民喜爱。点左牛肉盅饭，棉花鸡同凤爪。最喜欢肯定系棉花鸡，鸡肉嫩滑。牛肉盅饭同凤爪都唔错。虽然整体价格比较贵，但每个点心分量都好充足，3个点心含茶钱要79元。但值得再来。

原來香港島仲有這格局酒家好市井，摺枱，地下有垃圾，大陸都少有這格局最好味是糯米包，蒸後，糯米仍保持乾爽。足料，多蝦米和脆花生其他點心質素一般價錢和酒樓一樣，但這裏是食風味

Sun Hung has been my favourite dim sum restaurant in HK where the foreigners called it 3am-dim-sum-place. Why is it called in such way? Because the shop opens from 3am till 4pm. It used to be my favourite spot for midnight supper in university, and now, as we arent not young anymore, so we come here for 2pm dim sum haha. I would say its the most authentic dim sum place where you can see the C fu making and streaming the dim sum, meanwhile its all self service that you go to the catering corner a