新興食家

營業中

休息中

新興食家位於堅尼地城站步行約5分鐘便可到達。營業時間都非常特別，自凌晨3點開門營直至下午4點，晚上訓唔著，真係可以3點就落離飲個茶都得。店內擺放了約九、十張桌子，坐起來位置比較擠迫，如果人數不足以坐一整桌，需要併桌而坐。而且地板與桌子通常不算太乾淨，大家出入都要小心地滑！為求食品日日新鮮點心售完即止，價錢實惠，性價比高，怪不得客似雲來。廚房是半開放式，環境乾淨，還可看到點心師傅忙碌地制作點心。在這裡享用點心都需要眼明手快，因為每次有點心出爐，店員都會大叫xx點心，然後問食客要不要？如果手慢，就有機會要等下一輪啦，因為你想食既野已經比人拎哂啦。而另一邊都擺放著點心，但當然唔及廚房個邊，剛剛出爐咁熱咁新鮮啦。皇牌流沙包 - $21把流沙包一分為二時，小心燙手(口)，香滑的奶皇餡就這樣流了出來，奶皇餡香氣撲鼻。奶皇餡幼滑細緻，感覺得到一粒粒的蛋黃細沙，而且甜味當中，亦帶鹹香，令人非常滿足。咖哩金錢肚 - $20金錢肚切得又大又厚，卻相當入味，食落牛肚鮮甜有口感，還有濃郁的咖裡的香味。豉汁蒸鳳爪 - $20豉汁蒸鳳爪色澤光澤，汁濃而帶點辣，惹味非常。

店內環境小，有數張大圓桌，基本上都是併桌而坐，比較擠迫。地上不太乾淨，用餐環境不太理想。而且店員會讓相熟的食客不用排隊，優先入座，對排隊的顧客很不公平。廚房是半開放式，環境乾淨，還可看到師傅們正在趕製點心。設有外賣部，但不只賣外賣，堂食的食客也可以在這裡拿點心的。點心價錢十分經濟實惠師傅會把剛出爐的點心擺出來，店員會說明是什麼點心，然後問食客要不要？因為所有點心都是現場即做的，數量有限，如果喊晚了，就只好再等下一輪了！由於我的位置較接近廚房，當有新鮮出爐的點心都可以先睹為快，很快便可取得心儀的點心了。皇牌流沙包 ($21)流沙包是這裡的皇牌，我就是為這個而來的！把流沙包一分為二時，滿滿的奶皇餡香氣十足，令人垂涎三尺。奶皇餡幼滑細緻，甜中帶著鹹蛋黃的鹹香，味道非常香美誘人；唯一美中不足的是不夠熱！咖哩金錢肚 ($20)金錢肚大件及厚身，但非常軟腍，搭配咖哩醬汁，十分口香、很好吃。黑椒豬肚 ($20)豬肚非常爽口弹牙，嚼勁剛剛好，加上黑椒入饌帶點微辣，非常醒胃。豉汁蒸鳳爪 ($20)色澤棕紅，豉香濃郁，口感軟糯，非常可口。香脆炸鮮奶 ($18)現在會做這款甜品的地方真的買少見少了，而且朋友

一覺瞓醒就見到新興嘅早餐, 係愛呀哈利<流沙包$21> (好味: 4.5/5) (抵食: 4/5)市面上－般嘅流沙包都淨係做到「流」而未能「沙」, 但係新興嘅流沙包唔淨只做到流沙, 仲係皮薄涵多, 食落奶味濃郁之餘, 又有沙沙嘅口感。不愧係新興嘅皇牌<燒賣$23> (好味: 3.5/5) (抵食: 4/5)燒賣口感比較實, 可能大食妹比較鍾意食啲彈牙嘅燒賣, 就唔係咁好呢味 但係鹹魚白菜各有所愛, 總有人會識得欣賞<鮮竹卷$20> (好味: 3.5/5) (抵食: 4/5)鮮竹卷同燒賣一樣都係非常足料, 肉量好多, 推薦食肉獸試食。<黑椒豬肚$20> (好味: 4/5) (抵食: 4/5)黑椒豬肚有胡椒豬肚湯嘅味道, 但係係濃郁版嘅, 豬肚都幾爽口, 唔錯大食妹推薦: 流沙包、黑椒豬肚

排隊大概排了半個多小時，好不容易輪到,但只能和另外一對情侶拼桌，看到店裡牆上好多的明星來過的照片,還有點評的年度好評獎狀流沙包的確值得推薦，裡面不光只是奶黃醬，其實還有鹹蛋黃的蛋黃味，不是純粹的甜，不會太膩。鳳爪也很不錯，要靠搶的，老是出鍋沒多久就被要完了。他們家點心都是店里阿姨一盤盤端出來的，會一桌桌問過來，這個要不要那個要不要，分不完就放到一張專門的台子上，自己可以過去選，選完她會在你的單子上記一筆的。

食物雖然不錯但服務態度其差跟他們說洗碗盤內有蒼蠅 但他們一口咬定是茶葉有相為證 若是菜葉 我把它吃掉 或拿來沖茶面前有三四個阿姐 我不斷說 靚姐 阿姐 靚女 都沒人理會明明已有眼神接觸 卻裝作看不見還要是選擇性失聰 一間食店不只是食物重要 店員的款待也重要吧絕對不會再次光顧 亦會奉勸其他朋友不要嘗試

想係香港食地道懷舊手工點心並唔容易，新興食家由凌晨三點開到下午四點，一早已經好多人會排隊。呢度冇點心紙，要自己出去排隊拎，或者聽到店員叫某點心出爐，然後問佢拎點心，新鮮出爐點心手快有手慢冇呀。----------😋懷舊糯米包 $18以花生蝦米臘味炒糯米飯，外面包住黃色外皮，糯米飯濕度適中，有咬口。😋皇牌流沙包 $21皮薄多餡，流沙饀濃濃嘅鹹蛋黃同奶香，仲有好多鹹蛋黃粒，流心饀多到爆到黎，甜而不膩，麵包夠軟熟。😋咖哩金錢肚 $20小編平時唔食牛肚，今次呢個咖哩金錢肚煮得好好淋好入味，最後仲叫多咗一碟。😋香脆炸鮮奶 $18總共有三大舊，外脆內軟，外皮炸粉好薄好脆 ，入口唔油膩，食到啖啖香濃鮮奶，新鮮出爐炸鮮奶半流心，口感十足。😋豆苗蝦餃皇 $22蝦餃皮比較厚，但餡料新鮮搭救，蝦爽口彈牙，夠又大隻。😋臘味蘿蔔糕 $18傳統一磚蘿蔔糕，面頭有好多臘味同蝦仁，閒落已經好香，食落仲有好多蘿蔔絲，唔會淨係得沾米粉。😋黃金馬拉糕 $18呢款就比較失望，馬拉糕相對乾身又硬，唔鬆軟，但份量多，如果想飽d可以考慮食馬拉糕。---------呢度充滿懷舊味道，價錢合理，唔洗加一，但地方淺窄需要同其他人搭枱，同

禮拜日放假當然就訓耐d 11-12點先醒啦，訓醒肚餓就同屋企人飲茶。今日屋企人提議去堅尼地城試下呢間新興食家。呢間茶樓之前都聽過知佢開凌晨三點到下午四點，見到個鐘就拿拿臨出門口醫肚。去到等左5分鐘左右就有位，坐底開左茶就出去櫃位嗌點心食。除左出去嗌之外間唔中都有阿姐攞住新鮮出爐嘅點心問要唔要，每次4-5籠真係手快有手慢無。三個人嗌左幾款點心。隔離熟客推介必試流沙包真係好正，奶皇醬唔水，仲會起沙。蓮蓉包入面多餡，鹹蛋黃都幾大舊。仲要推介胡椒豬肚，味道唔太辣又唔腥，食落口好香。呢到仲有其他地方未必再見到嘅傳統點心。飲早茶甚至下午茶都會有正點心食。阿姐仲教落想少d人就weeekend早d黎。呢到一定會再黎食。

讀大學既時候，成日都會凌晨既時候落嚟飲早茶今日難得返去玩，就當然要嚟飲下早茶凌晨2點幾就3點落嚟，仲未開有時佢會早啲開咖今日星期五晚，已經有好多人排緊隊都等到成差唔多3點半先有位坐我地十幾個人，本身有枱人唔肯轉位但啲姐姐好霸氣，喝一喝叫佢地快啲起身轉位，班人即刻起身比張大枱我地😂😂😂炸奶真係一流要等佢新鮮出爐嗰刻，先最好食所有嘢食都要自己出去拎係混亂少少同埋好似要打仗咁😂但拎到成枱嘢食，就好興奮打完一輪仗，就可以坐低食金錢肚、燒賣、蘿蔔糕、炸奶，係每次嚟都一定會食每人食到好飽都只係幾十蚊又抵食又好食

正餐時間真心人多啊，不光有慕名而來的遊客,也有好多本地人來光顧,所以可見這家店是真心不錯！  排隊大概排了半個多小時，好不容易輪到,但只能和另外一對情侶拼桌，看到店裡牆上好多的明星來過的照片,還有點評的年度好評獎狀〜 流沙包的確值得推薦，裡面不光只是奶黃醬，其實還有咸蛋黃的蛋黃味，不是純粹的甜，不會太膩。 鳳爪也很不錯，要靠搶的，老是出鍋沒多久就被要完了。  ps: 他們家點心都是店裡阿姨一盤盤端出來的，會一桌桌問過來，這個要不要那個要不要，分不完就放到一張專門的台子上，自己可以過去選，選完她會在你的單子上記一筆的。

呢間飲茶，凌晨3點就開，好多明星都有黎幫襯。平日lunch hour 黎到，門口都一、兩堆人等位，不過都係等左幾分鐘就可以入座，輪台速度好快！叫左茶之後，送上左呢個膠盆🤣🤣🤣好方便洗碗筷食物水準唔錯，特別 蝦餃、燒賣、牛肉球 呢d經典點心，金錢肚、奶黃包、蒸飯都好出色可惜，食唔到炸鮮奶😭 點菜？冇呢件事，有咩出爐就出去搶黎食咩啦，可遇不可求 鋪內環境唔係乾淨，不過可以接受，但係有d擠。我今次食就係3堆人，總共8個人坐一張圓台，放左各自碗筷、茶壺，點心都要向上發展，但係同朋友夠親密而且每位都係食左$60幾蚊左右，幾抵可encore 既餐廳

要食新興就要凌晨2點幾到，要搵到朋友陪我癲先食到😂新興係懷舊小店-人手手工點心🥰未夠3點就到左，已經有幾枱的士司機飲緊茶！搵完枱就要分工，有人去拎餐具同沖茶，有人就去簡住點心先，食住牛肉燒賣，金錢肚，蝦餃燒賣頂住肚先，我好鐘意金錢肚，又淋又入味，必食！😋👍🏻（有時仲會見到鵪鶉蛋燒賣同豬潤燒賣😍）睇下啲皮薄到，真係皮薄餡靚！一路食一路睇住姐姐整流沙包！3點附近就出爐，我地即刻拎左2籠！😍超級流心🤩👍🏻😋最後再拎多一籠，一人食左一籠，好癲😂仲有炸鮮奶，甜而不膩😋仲有好多好野食3個人食左咁多野🙈好滿足☺️☺️☺️

在環境無比臟亂差的海邊小店吃到了在我心中超越御寶軒的最棒的流沙包 濃濃的咸蛋黃香氣 一人吃一籠也毫不嫌膩 這次終於搞到top了芋頭蒸鴨掌比想象中還要更好吃 鴨掌蒸到軟爛又入味 配上大顆扎實的豬肉丸和粉粉糯糯的芋頭塊 一口收穫絕美味蕾新體驗炸鮮奶是店內最搶手單品 站在檔口蹲守才成功搶到一份 奶味鮮甜又不會太膩人 不過還是更推薦在半飽的時候吃啦 上了圖的都很好吃 相對來說蝦餃一般般 比較普通的水平（但也絕對不會失望 是因為其他的太好吃了...店內完全無環境可言 服務態度見仁見智吧 其實大叔阿姨們都是傲嬌的小可愛 賣個萌撒撒嬌就會一邊碎碎念一邊給你親自送過來 偶爾不耐煩地吐槽也是帶著笑的 卡哇伊內🙈

香港最喜歡的餐廳之一，朋友推薦說是平價米其林點心店。十點鐘到店外，已經排起了長龍，店裡一般是自己找位置坐，都是拼桌。老闆會給一張單子，帶著單子自己去前台拿吃的，在單子上記下來。「流沙包」超級推薦，口感太好了，一籠三個，一個人五個都吃得下去，流沙內餡金黃色，甜而不膩，濃稠，沙感十足，吃起來真的會刺激多巴胺的分泌。「鳳爪」蒸的軟糯，入味兒，推薦。「蒸排骨」像是蒜泥排骨的味道，個人挺喜歡的。「燒賣」「蝦餃」，餡兒差不多，都是蝦子，料足。反正他家基本沒有踩雷的菜品，性價比也是極高的，一份小吃20港幣左右，除了人多，位置不好等，營業時間奇葩之外，沒啥缺點，有條件的一定要來嘗嘗。

以前讀HKU會來飲早茶～今日又黎返呢間人情味小店日頭開到16:00，點心日日新鮮蒸，要食點心趁早～星期六兩點黎到都等左一陣位，今次被安排坐到最入，對正廚房，所以地下會有d濕，同埋地下都有d鳳爪骨等等既垃圾，少許污糟～不過忙碌小店係咁架啦，人情味同食物味道搭夠！咁忙咁逼d阿姐都仲好好態度，難得一向不太喜歡茶樓既燒賣，但呢籠唔錯！！啖啖肉，好足料～仲可以見到師傅親手包，誠意100分菜苗鮮蝦餃～餃皮煙韌到爆～餡料結實足料大大個叉燒包～要問佢先有架！鳳爪～唔錯，唔太咸！食到想食多籠！流心奶黃包～雖然不是好流心，但非常香！而且會食到少少咸蛋黃粒，邪惡見到搭枱既食客食咖哩牛肚，我都好想食⋯⋯不過2個人食完五籠真係飽啦🤣🤣🤣

今日收早經過附近飲過中式下午茶🍴呢間鋪係開凌晨3點至下午4點，門口冇人帶位係自己入去找位環境好有懷舊點心店風味，即使下午3點仲係幾多人，而且有不少係旅客當有點心出爐就會大叫有冇人要，就可以拎住卡自己去拎，亦可以想食邊樣叫佢地即蒸👍呢個皇牌流沙包超推介👍皮薄餡靚，奶皇好香濃且多，鹹鹹甜甜，而且真係做到爆漿既流沙😋怪不得係皇牌之一呢個金錢肚係本人愛點之一，第一次有間點心店整得咁正👍個咖哩汁好香濃，金錢肚煮得好入味且軟腍，十分惹味😋豬潤燒賣呢個懷舊點心得好少地方仲有得叫，見到呢到有當然要試下🍴個豬潤超大舊同厚身，食落好軟腍同有口感😋唔會有血腥味燒賣肉質彈牙，食到有d豬膶味😂蝦餃一樣做到皮薄餡靚，蝦肉鮮味且爽口，仲會有d筍，食落口感豐富😋蝦餃皮唔會太糍牙同一夾就爛👍餐牌👇👇總括黎講: 環境坐得唔係好舒服，不過食物好有質素👍價錢合質，又唔洗加一，性價比高🍳🍴味道: 8/10👩👨服務: 7/10🏠💺環境: 6/10💰💸抵食: 8/10總消費: $95 (2人)