新蒸武門 (已結業)

今日同老公去觀塘行街，順便食咪晚飯先返屋企經過呢間見到入面好爆場，我諗應該好食，所以同老公決定食呢間啦，咁啱有張2人台，唔洗排隊圖中杯茶好飲，焗左15分鐘左右飲落去好香山渣味，微酸，消滯一流！菜膠燉花膠湯，材料十足，個湯好清！完全零味精，好飲呢個真係要必食！黃金海鮮粒炒飯，咸蛋黃味極重，而且仲見到有咸蛋黃粒添，正！蝦好爽口，好食！沙窩雲吞雞好抵食，雞同雲吞有好多！雞唔算滑，但勝在夠入味，完全都係無味精！籠仔蒸龍躉腩，蒜蓉味好香！龍躉腩下面有豆卜吸晒d魚汁味，而且魚好滑，好食！原來底部仲有粉絲，好味！呢間真係好適合一家大細去食，好有住家菜的味道！

去附近做完野，差唔多晚飯時間，到附近商廈走走，見到新蒸武門，個名特別之餘，一睇就知係賣蒸既餸多，就食你啦入到去，上既茶唔係一般既壽眉，鐵觀音，而係一杯養生八寶茶。茶杯選擇左傳統嘅中國蓋茶杯，仲要係黃色，有一刻覺得自己好似娘娘飲茶 八寶茶入面有杞子，胎菊，山楂， 紅棗， 桂圓肉等等。 茶本來就有消滯作用，加上用左唔同配料既八寶茶，有明目補血作用。涼拌皮蛋豆腐: 醬料簡單以醬油和麻油調味，豆腐軟滑，凍食開胃是日燉湯三選一: 我選擇淮山杞子海底椰螺頭燉雞，湯清澈，夠熱，冇味精，而且有潤肺止咳、滋陰強壯功效；味道鮮甜非常易入口，同時也補益肝腎。豉油皇蝦: 外脆充滿豉油香，內裡蝦肉爽脆鮮甜冰鎮鮑魚: 鮑魚爽滑彈牙，配上酸菜，青瓜，更加清新開胃菜心炒龍躉球: 龍躉球爽甜嫩滑，有成6舊，配上菜心，更健康濃湯杞子浸菜: 湯濃而不咸，娃娃菜本身甜，浸埋湯更入味仿鮑片蝦仁炒飯: 有穫氣，炒到乾身，粒粒分明。呢到既菜式健康好味，下次同媽味再黎

男朋友最近說要減肥，想吃清淡一點，所以就想到之前來過的一家無味精住家菜。*土魷蓮藕煎肉餅 ($85)煎肉餅很香口，不過個人覺得油了一點；肉餅很JUICY，中間的土魷和蓮藕帶點咬口。*古法黃酒煮雞 ($138)黃酒煮雞是最最最推薦的肉類菜式；雞件每一件都很滑很入味。*濃湯雲耳浸龍躉腩 ($148)這是比較清淡的一道菜式；今次的龍躉腩好像有點煮得太熟，不夠滑。*黃金海鮮粒炒飯 ($98)炒飯粒粒分明，很夠乾身；除了有海鮮外，還有咸蛋黃的咸香。*紅棗濃湯杞子浸娃娃菜 ($78)紅棗味不太突出；但娃娃菜浸得很入味、很淋；濃湯濃而不咸，吃完都不覺得口渴。*茶芥 ($10/位)有紅棗、菊花、龍眼、杞子焗的茶，很有誠意。

放工後與太太在觀塘會合，平日在外吃飯較多，想找較清淡的，看見以無味精製作食物作主打的新蒸武門，便大膽一試。入到餐廳裏面，尚算光猛，但餐具仍略見有點污垢。主要叫了兩道菜式，分別是浸時蔬和鹹蛋蒸肉餅。先說上湯浸時蔬，原本叫了菜心，但來了是第二款菜，那都算了（因為已經等了至少15分鐘），但菜未淋太硬菜頭實在較難吃下去。鹹蛋亦有怪味。至於鹹蛋蒸肉餅就更過分。浸時蔬中鹹蛋的怪味，鹹蛋蒸肉餅當然亦有相同問題。以蒸肉餅中嘅豬肉，吃了兩口後更發覺肉未煮熟的，當然有再叫侍應拿會廚房翻熱，但侍應一副不以為然的態度，不禁令我想是否肉未蒸熟是此餐廳的日常...最後埋單＄200多，都真係一餐幾唔滿足嘅晚飯。

呢排迷上左中菜, 始終東方人既口味最適合我, 聽朋友介紹新蒸武門，就黎食下。燉湯係猴頭菇螺片燉豬, $42, 好足料, 味道唔錯,好耐冇飲過咁正既老火湯。佢既茶都頗養生, 陣陣菊花紅棗既香味。鮮茄倉魚 $108鮮茄汁酸酸甜幾開胃, 魚大條得黎唔多骨，肉質都幾鮮嫩。鼓油皇蝦 $118雖然得4隻, 但每隻都係啖啖肉, 好彈牙, 調味出色，相當惹味。蟹肉扒西蘭花 $88西蘭花味道唔錯, 同蛋白好match, 如果蟹肉碎多d就更正。新蒸武門中菜好高質，下次會再黎幫襯。

喺觀塘駱駝漆大廈入面1樓見到外面, 有個易拉架大大隻字寫住無味精, 心諗會唔會一d 味精都冇咁勁呀🤔🤔最鍾意挑戰新事物既我緊係敵唔過好奇心入去試下個名都標榜住"健康"2字2人餐都有頗多道菜, 好期待個茶杯極具中國傳統特色有杞子紅棗菊花既中國茶先飲湯, 花旗參海底椰花膠燉湯, 花膠煲到入晒味但仍然保持嫩滑猴頭菇螺片燉豬𦟌, 猴頭菇吸收晒湯既精華, 小心燙親涼拌皮蛋豆腐, 只係用左蔥花咸菜黎吊味完全係健康良物豉油皇蝦, 食得出除左豉油本身既香味外係冇多餘既味精蠔皇北菇扣飽魚, 個羡汁都調校得剛剛好, 唔會太油太咸時菜炒龍躉球, 張相好有光澤咁絕對唔係代表多油, 只係蔬菜本身既水份黎食落口絕對唔油膩蟲草花杞子浸菜, 個上湯唔係一般茶餐廳果d 濃味精水黎架荷葉北菇蒸雞, 呢個做法好聰明, 因為雞肉本身冇乜味, 而家仲要唔用味精, 咁荷葉同北菇本身既味就會滲入雞肉帶出鮮甜味最後食埋個仿鮑絲蝦仁炒飯, 啞色既飯面已經帶出左少油既概念, 但一樣保持到鑊氣整體黎講, 真係食得好健康, 少油少鹽無味精, 仲要好多蔬菜添, 打破左出街食飯唔健康呢種傳統觀念

今晚預約了在觀塘工廈吃晚飯，餐廳以白色為主調，很光猛。不過滿座時有點擠迫。店員很親切，服務態度頗好。選擇了二人套餐，有8個餸菜，今晚有2款湯，選擇了淮山杞子海底椰螺頭燉雞，十分足料。小食有涼拌皮蛋豆腐。蠔皇北菇扣鮑魚，有兩隻鮑魚，菇十分肥厚。豉油皇蝦很香口。荷葉香菇蒸雞，有菇香，有荷香，還有QQ粉絲和金菇，多重口感。時菜炒龍蠆球，菜心翠綠，魚肉香滑。炒飯粒粒分明，不油不鹹。浸菜不過不失。整體而言，清淡健康，有家常便飯的感覺。

好耐冇同朋友食中菜，上網睇到新蒸武門既小菜都唔錯，係觀塘工廈區的。Menu 都有唔少選擇，有魚，雞，菜等等。茶十分有特色，有紅棗，杞子等，好養眼，飲落十分清香。我地叫左兩個送加一碟蔬菜~姜蔥霸皇雞$98半隻既份量好多，仲有雞亦雞比，雞口感幾滑，調味亦不錯。豉汁豆卜蒸倉魚$118倉魚蒸得好好，唔會太生或太熟，加埋豆豉同吸左汁既豆卜，送飯一流。雙菇扒節瓜$68節瓜既汁整得好好，有金菇同冬菇，夠晒健康。埋單每人唔洗200蚊已經食到好飽,幾抵食的~

▼重點推薦▼花雕鴨舌 幾乎沒有味道的頭盤食了一兩個便沒有食下去在所有菜式中最為遜色下次不點也罷猴頭菇螺片燉豬展 在味精遍佈的坊間是難得的清泉枸杞 龍眼 配搭其他材料很搭清甜不會濃味陶瓷燉盅使溫度在寒冬中仍一直保持燙口的熱度 芝士蝦球伊麵 比酒樓好的水準 但價錢又較平芝士味濃郁 不算太膩 兩個人食剛剛好蝦球份量不少沒有雪藏味 去了蝦腸很加分香菇祀子北芪銀山焗雞一打開錫紙香味十足 比起其他菜色的味道濃烈很多北芪的質量不錯 雞肉與藥材配搭出來的味道令人開胃鋪在底的粉絲和金菇吸了食材味道很惹味🍄二人餐有八道菜 價錢也只是貴些許可惜當晚吃不下下次再試🦋性價比= 4/5🦋人均消費= hkd200-250🦋回頭率= 88%

成日都話要講求健康生活，所以最好唔好食咁多”煎炒煮炸”嘅嘢（醫生話😅）不過好多人都會俾藉口自己，weekend要食得豐富d 戒唔到口，咁就唯有weekday lunch 諗諗佢！唔食”煎炒煮炸”，即係食”炆燉蒸”啦🧐同事就帶咗我去食蒸飯。呢間蒸飯食肆係喺觀塘區一楝工業大廈入面 - 「新蒸武門」，形形色色嘅蒸飯都有，不過我今日點左荷葉蟲草花蒸雞飯，蟲草花蒸雞飯喺出邊無論茶餐廳都可以食到，不過用荷葉蒸飯嘅地方，多數只會係酒樓，但呢度竟然可以食荷葉蒸飯♥️蒸完出嚟嘅飯，充滿着荷葉撲鼻嘅香味，食落都有淡淡嘅荷葉香。好味又健康！正呀！👍🏽

先打總結，有心機嘅可睇埋下面: 食物油膩，態度小家，應該冇下次！😔年尾打算同屋企人食個好少少嘅團年飯，打電話訂位時，多口問多句，除加一外有冇其他附加費，店員語氣略帶不耐煩答: “加一同茶錢囉！” 😒當晚我地一家人四位去到，因為兩位老人家食量好細，所以叫咗個 $488 嘅二人套餐，落單後，店員細聲跟同事講: “四個人叫二人餐！”，其實如果有類似最底消費嘅嘢，可以當面同我地講，我地再叫其他嘢食，唔需要喺客人背後講是非。😠奉告各位，如果想食得健康，呢度絶非選擇之一！- 燉湯 🙅🏻‍♂️: 冇味，而且非常油膩！(飲到成咀油！)- 皮蛋豆腐 🙅🏻‍♂️: 冇味，個汁完全唔得！得麻油味。- 北菇扣鮑魚 🙅🏻‍♂️: 東菇好厚！但係兩樣都冇味，底層嘅魚肚太爽，好似食緊咖哩魚蛋嘅豬皮。- 豉油皇大蝦 👌🏻: 件頭都大，味道還可以！- 荷葉北菇蒸雞 👍🏻: 雖然好多油！不過呢個好味！讚！- 時菜炒龍躉球 👌🏻: 非常多油，好恐怖！不過味道還可以的！- 蟲草花杞子浸菜 👍🏻: 選用旺菜，味道清甜，好味！- 鮑絲蝦仁炒飯 👍🏻: 好味！- 蓮子紅豆沙 (贈送) 🙅🏻‍♂️- 好多蓮子，但係入面有蓮子芯！味道還可以

輪打得邊爐多, 真係要停一停先, 突然想起食"住家飯"念頭, 清清地簡簡單單便可, 呢間標榜無味精私房煮家菜又再一次係我腦海中閃現上到黎發現裝修過, 變得明亮左連帶餐牌亦都更新過落單無耐, 飲過八寶茶後, 就送上呢客佛山薰蹄 ($68)比起其他地方食度嘅更厚切, 夠凍; 豬皮位置食落爽口, 肉調味得幾好, 點埋蒜粒醋食, 好味之餘亦中和肉既膩感, 作為小食之選都岩每次黎到都一定整返個燉湯咁先似食住家飯嘛, 佢地嘅燉湯都有好幾款今晚係猴頭菇螺片燉豬展 ($42), 每盎都足料到爆, 啖湯又點會唔鮮甜呀?!  喜歡佢既湯唔肥膩又夠清, 熱辣辣飲完, 成身暖晒!呢個由侍應推介嘅古法黃酒煮鷄 ($138)似係新菜式, 餐牌上未有! 未食過轉下新口味都唔錯, 横掂天氣凍, 用黎補補身都好!  原煲熱辣辣上枱, 聞到頗香嘅酒味, 內裏除左鷄件, 仲有薑片, 紅棗及木耳!先飲啖湯, 飲落唔重酒味, 加埋薑及紅棗, 味幾濃但飲落暖喉; 鷄件肉質嫩滑, 整體黎講都幾好味!紅棗濃湯杞子浸菜 ($88), 菜類有幾款選擇, 點了菜芯苗, 食落當然嫩甜, 用湯黎煮得幾入味, 清清地之選!數!有湯, 肉, 菜,

朋友係因為健康之人 佢話想食得清 帶佢上嚟食喺觀塘工業大廈上面 好易搵一樣有呢個八寶茶其實之前都上嚟食過味道依舊呢度啲職員好好經常主動加茶 八寶茶個味道好特別 甜中有少少帶甘即刻叫呢個龍躉脯 熱辣辣蒸出嚟D魚好大嚿啖啖肉食落又唔油膩 驚唔夠飽所以加左炒飯底平時唔鍾意食飯嘅我 都食咗好多飯 仲叫咗個燉湯又係超正原汁原味 係香菇雪耳花膠燉雞每日都唔同 充滿屋企湯嘅味道個冬菇同花膠都好大舊 叫左個砂鍋雲吞雞 超級大煲兩個人食唔哂呀入邊有八粒雲吞 皮薄多汁 D雞真係太多啦 最終食唔晒 呢個應該3-4人份量

觀塘工廈多•原來美食都好鬼多••香港人越來越注重健康•朋友帶咗我黎食好西•😯E杯叫八寶茶•茶芥盛惠$10位•感覺好養生•大滿足•宮庭香辣雞（半隻）其實出街食飯甚少嗌炸雞•最怕乾爭爭•E度炸得啱啱好•juicy得黎辣辣地•好惹味•籠仔蒸班頭腩D魚蒸得好滑•墊底嘅粉絲索曬d汁•唔洗10 秒KO咗全部粉絲•蟹肉扒西蘭花最怕d餸唔夠熱•d汁一pat pat •絕對無呢個情況出現•味道的確唔錯•份量仲幾多wor•乾燒明蝦大蝦新鮮彈牙•味道酸酸甜甜•好開胃美食同健康係可以掛勾架

在駱駝漆大廈有很多食肆， 發現這家店舖門面看似吸引， 亦都以為內裏有很多用蒸的不同菜色。 所以挑選試一試。 發現整個menu只有一款用蒸的菜式, 就是龍躉蒸籠蒸飯。 其他只是非常一般的家常小菜， 點了薑蔥霸王雞， 椒絲炒牛柳粒， 欖菜肉鬆炒飯， 炒時菜。 雖然感覺可能入面冇乜味精， 但餸菜真係比較淡而無味， 尤其那隻霸王雞。 而且餸菜上枱時也不夠熱。 結賬約四百二十元， 如果有水準嘅飯店， 這個價錢正常。 但這間只覺得值300元以下。 未必考慮再光顧。