新蒸武門 (已結業)

同Honey去咗駱駝漆大廈shopping，由頂樓一直街到去一樓就Feel到肚餓，剛剛喺一樓嘅樓梯口嘅位置見到有個大大嘅招牌寫住新蒸武門，睇落去就似係以蒸煮為題嘅食店，由於Honey鍾意食中餐，就同佢入去試吓。入到店內感覺好有私房菜嘅Feel，見到每一張枱都擺放咗中式嘅茶杯，職員安排我地咗枱比我地後，我望到杯內原來擺放咗菊花、桂園肉、山楂片、紅棗等嘅八寶茶配料，養生一流！睇咗一輪餐牌，小食點咗「香脆墨魚條」；肉類就點咗「香菇杞子北芪銀山焗雞」；海鮮就點咗「豉油王蝦」；菜就點咗「梅菜蒸菜心」，另外仲點咗兩個「是日燉湯-夏日佛跳牆」（我從來都唔知佛跳牆有分季節性，又識多樣野）Honey仲話想點多個蒸飯，好彩我截停佢，再叫埋真係飽到嘔。先上咗兩個燉湯-夏日佛跳牆，湯入面比想像中多配料，配料包括螺頭、蟲草花、冬瓜、冬菇、瘦肉、桂園肉等等嘅配料，個湯嘅味道好清甜，又唔會好油，啱哂我口味呢！跟住上咗個墨魚條，無諗過小食都會有咁多嘅份量，我以為得4條，呢一碟嘅份量以小食黎計，4-6人食都得呢！而且好香墨魚味之餘又彈牙，好味！到個豉油蝦登場，嘩...隻隻蝦都好大隻呢！豉油味好濃但又唔咸，好想問吓佢地用

有一期需要喺觀塘做嘢，所以嗰排成日搵吓附近有啲咩餐廳可以食下晚飯，就搵左呢一間，因為見佢個名都幾得意幾特別，本身初初以為剩係得蒸嘅菜式選擇，但去到原來都有炒炆燉嘅煮法菜式選擇。一坐低你會見到有杯茶，而呢杯茶裏面有好多材料，係紅棗菊花杞子茶，個杯都好得意，好中式化。只要你叫一個餸，佢就會送一盅燉湯俾你飲，而呢種燉湯其實已經足夠兩個人飲用，因為都幾大碗，亦都好保溫，一嚟到嘅時候熱辣辣，可以飯前先飲幾啖，飯後之後再飲嘅話亦都唔會擺到凍哂。呢一款叫做豉油王蝦，啲蝦都好大隻，黑頭好多膏，佢炒到啲蝦殼比較軟身，所以基本上係可以連蝦殼一齊食，炒得好惹味，啲蝦都好新鮮彈牙。呢款叫做豉汁帶子蒸豆腐，豆腐好滑，再配上豉汁都幾好味，而帶子都比較鮮甜，整體不錯。最後一份叫宮廷香辣雞，都幾多雞肉炒得好香口，有少少辣味，唔算太辣，所以唔食得辣嘅都唔會怕。

為食花太郎 Fafafoodblog<好味家常便飯>觀塘區工廈美食甘多 今日黎到駱駝漆大廈 試下呢間小菜。新蒸武門 簡約白色裝修 有各式 中菜點 主要係家常小菜 食落感覺冇乜味精 . 而且製作用心 十分唔錯 🍴時菜炒龍躉球 148 蚊🔥🐟用左三色椒 同西蘭花 外表美觀🌶 龍躉肉好厚肉 魚肉邊好肥美 好有口感 而且佢整得咸度適中價錢相宜 唔錯🐲 🍴金菇扒豆腐 78 蚊😃好香濃茨汁浸住既豆腐 豆腐闊身 口感軟滑 上面有好多爽口磨菇同金菇🍄同佢甜咸既茨汁幾襯 底層有爽口既粉絲做底 飽肚又好味 要黎撈飯正🍚 🍴姜葱霸皇雞半隻 108 蚊🐤用姜葱切絲黎做配菜 幾香🌿 雞肉雖然係冰鮮雞 但都整得唔錯 皮係滑 , 肉就 ok啦， 但佢個汁整得唔錯 沙薑味補到肉質 🐤 而且半隻雞都多肉 唔錯💪🏻 🍴淮山杞子海底椰螺頭燉雞湯 42 蚊😃落足料既燉湯 勁多爽口海底椰 螺肉彈牙切成片狀🐚 所以吸埋海底椰味 同埋龍眼 🐲 好香甜 加上瘦肉增加肉味🐷好滿足#中菜 #住家菜 #霸王雞 #龍躉 #西蘭花 #燉湯 #豆腐 #金菇 Score 平均分 <7.8/10>Taste 味道：👍

觀塘駱駝漆大廈3座 揸車去就泊左apm再過去 行過去都係5-10分鐘～在工廈裡面，地方闊落，如果開響我工作地區附近就好，喜歡中菜多餸選擇！先來每人養生八寶茶，清新解膩 ～鳳梨咕嚕肉 $98份量2人黎講都算多，外炸皮唔厚，唔會係肥肉，酸酸味開胃，送飯一流！是日例湯 菜膽花膠燉雞 $42原盎，我地點了兩碗，材料都不少、清清地唔味精！芥末牛柳粒 $118牛柳粒有䂃口 易咬 份量都唔小 每粒都包住芥末、沙律醬汁，唔會酸又食到陣陣芥末味，送飯一流！

放工同朋友係觀塘食晚餐。京都肉扒$98京都肉扒口感好好，加左洋蔥，三色椒，波羅炒香，肉扒味道好入味，茄汁味都好香，酸酸甜甜好開胃呢，十分容易送飯。香菇雪耳花膠燉雞$48新蒸最出名既係燉湯，每次黎款色都唔同，味道夠晒特別。十分花心機煮的，材料又十分之多。大冬菇，雪耳，一大片花膠，超重本。雞亦吸晒湯，濃郁的燉湯十分養身同補健呢。味道又唔似中藥咁難入口。花茶味道唔錯，有紅棗，菊花，好養身。味道亦十分清新，加左熱水焗一焗，茶味出晒黎。

係觀塘做野，收工約左朋友食飯。係新蒸武門食中菜呢。呢到環境坐得幾舒服，工廈區位置又夠方便。我地叫左幾個小菜Share 食。菜單都有好多選擇，魚，牛肉，肉餅，雞，有住家菜的感覺。豉汁豆卜炆倉魚$118呢條倉魚賣相好靚，十分大條呀。豉汁味好濃郁，豆卜吸晒豉油呢。魚蒸得剛好，魚肉好滑溜，連埋皮食都得，食得出好新鮮。蟹肉扒西蘭花$88西蘭花份量都幾多，咬落口感好爽口，熟得黎唔會太林，加埋蟹肉就冇咁斎，食到蟹肉絲，用黎送飯的確一流。

一直都聽講觀塘工廠大廈裡有很多隱世餐廳.搵搵下就找到這間位於駱駝漆大廈的蒸飯店駱駝漆大廈有三楝,二座1樓有小店賣童裝等,一座有各類餐廳三座是最多人識的,因為有很多餐廳商店.這間店位於一樓,夠腳力的可以行上去,不用苦苦等電梯咁耐店座落於一角,但由於牆上有BANNER,不算難找.店標榜健康無味精,在午餐選了蠔油薯仔炆雞.客飯有餸和飯和湯,價不算貴.份量適中食落似家常飯,不會食完勁口渴,證明真的無味精.薯仔和雞都夠"霖",但汁不太熱.值得一提的是粉葛湯,夠味,應該火喉足夠,很好這個價錢,較連鎖快餐店好味,滋味.在混雜的工廠大廈,能夠有家的感覺,真好

又約朋友去工廈搵食， 今次找來一間簡簡單單的店舖，單看店舖外表，沒有什麼特別，但是坐下來就奉上一杯頗為用心的中國茶，茶裏放了紅棗，杞子，白菊花。点菜後，先送上足料的燉湯~雪梨無花果龍脷葉燉豬展，味道清潤鮮甜，用料絕對真材實料，值得一試。 隨後先來小食併盤，不要以為小食就會馬虎，春卷，墨魚膠卷及鯪魚球都非常新鮮好味。以為大排檔的菜餚才會有鍋氣，但伴水芹香，xo醬炒西蘭花，有鍋氣，非常好味， 另外乳香脆腩肉，味道濃郁。 這餐不但沒有失望，反而有驚喜。

今晚食家朋友帶路，來了新蒸武門飯聚。一入門口，侍應親切地帶我們入座。入座後，便二話不說，看看餐牌先。侍應為我們沖了八寶茶後，還介紹了金菇扒豆腐這菜式，皆因豆腐是自家製的啊！我們還叫了時菜炒龍躉球，及香煎腐皮卷。侍應果然好介紹，金菇扒豆腐很有驚喜，豆腐的質感很細滑，配金菇很夾。菜心炒龍躉份量足，及CP 值超高，魚肉大大塊，肉質鮮嫩，魚味十足。香煎腐皮卷非常香口，火候恰到好處，不會過火及油淋淋。要值得一讚的是，這裡飲的不是普洱或水仙，而是養生的八寶菜，清肝火明目，非常like 呀總括來說，這裡食物品質高，廚師手藝一流，招呼親切，坐得舒服，怪不得食家朋友大力推薦啊

我今日去咗觀塘上堂，就順便約附近返工嘅朋友食飯，其實觀塘真係好多樓上嘅食店，今日朋友就帶咗我去一間食中餐嘅新蒸武門食晚飯。呢度嘅小菜有啲家常便飯嘅感覺，首先就每人一杯八寶茶，有菊花紅棗杞子，又香又清甜。雪梨無花果龍脷葉燉豬展，個湯好鮮甜真材實料😋另外叫咗個小食拼盤，因為朋友鍾意食啲香口野，新鮮炸出，所以記得要趁熱食最好味。XO醬西蘭花炒珍珠帶子，賣相好靚，色彩配搭好好🤩伴水芹香就比較清淡，全部都是有益健康的食材👍乳香脆腩肉就夠晒惹味，送飯真係一流！

觀塘嘅工廠大廈越開越多食肆，呢排食得太肥膩，想搵一啲清清地嘅嘢食，記得朋友講過，有一間專食蒸野嘅餐廳，今日就揀中呢間新蒸武門試吓啦兩個人食，可以散叫，亦有套餐，今日想食扇貝，決定散叫菊花圓肉杞子茶呢度嘅茶都好有特色，唔係一般嘅普洱同水仙，而係呢個材料豐富，睇落同飲落都好清潤嘅菊花茶。因為有圓肉同埋紅棗嘅關係，呢杯茶飲落幾清甜，一開蓋就聞到有菊花嘅香味蒜蓉粉絲蒸扇貝（ $158 ）一疊四隻，每隻扇貝配上大量蒜蓉同粉絲，滋味無比。扇貝肉新鮮，肉質鮮甜。煮扇貝最講究嘅係火喉，呢到蒸得恰到好處，唔會蒸得過火香菇杞子北芪銀山焗雞（ $98 ）已錫紙包住嘅蒸雞，好處係肉汁可以鎖死在錫紙內，一打開嘅時候，香味濃郁。每件雞件蒸完仍保持嫩滑，咬落去嘅時候亦都啖啖肉汁。微微的藥材味，更能凸顯出雞的鮮味，絕對想一食再食伴水芹香（ $88 ）呢度咁有詩意的菜名，材料包括有木耳，百合，蓮藕，同香芹。呢四種材料都有一個共通點，就係咬落去都係爽口的。百合提升整道菜嘅鮮甜感，香芹亦都提升左這道菜嘅香氣，想健康但又唔想食普通嘅菜，呢啲伴水芹香的確係一個好嘅選擇猴頭菇螺頭燉豬展（ $42 ）足料嘅原盎燉湯，上檯嘅時候絕對

平時食得太多重口味食物有時要食番清淡健康一點觀塘既工廈越開越多有質素餐廳今日黎試新蒸武門佢出名燉湯當然要試下叫左菜膽花膠燉雞冇味精 好清既湯完全冇多餘既油份原盅上 好滋潤有足料花膠 熱辣辣好正飲完成身暖和哂海棠豆腐勁滑！！好有家常菜既風味火喉控制一流用料非常新鮮上面既鮮蝦好彈牙乳香脆腩肉係比較濃味既一道菜炸得剛好 真係件件都好脆而且唔會覺得太油膩用黎佐飯一流最後梗係要講個蒜茸粉絲蒸扇貝4 件都好肥美粉絲同蒜茸真係絕配如果要同長輩食飯要得體又健康既菜式依到真係首選

觀塘的工廈近年都開多咗好多新餐廳，而呢間位於駱駝漆大廈的新蒸武門便是其中一間較受歡迎的廣東私房菜，主打少油無味精的健康菜式。我地叫咗個蒸選A餐 二人餐，$520/兩位，款式多而精緻。涼拌萵荀，顏色淺綠鮮明，切成幼絲易入口，爽脆清甜，伴有木耳同酸醋醬，酸酸甜甜，好開胃。脆皮墨魚條，即炸熱辣辣，皮脆內滑，墨魚肉好飽满，彈牙鮮甜，墨魚味濃郁。是日燉湯，姬松茸蟲草花燉豬展，湯底清甜入味，煲到豬展都好淋好入味，蟲草花等藥材味滲入湯中。䜴油皇虎蝦，顏色鮮艷，蝦好大隻多肉，蝦肉爽甜彈牙，同䜴油皇的味道好夾。蟲草花荷葉蒸雞，用蒸籠上，熱辣辣，雞肉嫩滑多汁，唔肥，吸收晒荷葉的清新香味。照燒豬柳，酸甜入味，豬肉味濃。西蘭花炒龍𧄌球，肉質鮮甜軟稔，西蘭花爽脆新鮮。㰖菜肉碎炒飯，欖菜味道咸香入味，用黎炒飯一流。菊花杞子茶，味道甘甜可口，可以用來消滯，清下味蕾。

想找尋家的味道，除左真係返屋企食飯，呢度可算係第二個"家"!  店內環境裝飾又唔同左，走白色亮白路線，設有大圓枱/四人枱，適合大班親友/兩三口子開餐餐牌上主要都係一般家庭小菜，無咩特別名貴菜式，標榜無味精味道指定動作，嘆番杯養生八寶茶，有外型亦有內涵，飲完感覺舒服!點左呢客話梅豬手作為冷盤小食，話係小食，但份量一D都唔少喎!  每件豬手都爽清脆，入口食到淡淡話梅嘅酸甜味，可中和豬手食多件嘅膩感，又幾夠凍，最怕明明係冷盤但唔夠凍囉!係"屋企"食飯，點會少得一客燉湯，每晚唔同款式，今晚呢客係猴頭菇螺片燉豬展熱辣辣原盎上，每盎都咁足料，湯一D都唔油膩，飲到猴頭菇嘅鮮味，正呀!再黎薑蔥霸王鷄 (半隻)大量薑蔥絲舖滿鷄件上，鷄件肉質幾滑仲幾有鷄味，兩者夾埋一齊食，好味喎!呢碟簡單梅菜蒸菜芯，每條菜芯都入口腍甜，單食都好好味，再夾埋梅菜粒及蔥粒一齊食，又多一份甜中帶咸嘅味道，令兩個平凡材料變得不平凡!喜歡食薑粒炒飯，呢客大肚婆炒飯正正就係代表，份量超對眼!薑粒加少許蔥快炒而成，入口滿滿薑嘅香辣味，略為飯粒方面再炒至乾身D就仲更加好味!呢度上菜速度幾快，好快就放滿張枱，可以一次過飯餸一齊食，食完仲可

When you are not looking for oily and heavily favoured food, you should probably come here.The food offered here are typical home dishes and for those who rarely eat at home, this could be a good choice.What is more is that the set lunch came with a chinese style soup but only charged at around $50-60. If you come along with a few friends or colleagues, you can even share the taste of different dishes at a discounted price compared with traditional Chinese Yam Cha Restaurants.