新記冰室

營業中

休息中

平時食開第二間就腳啲ge 冰室，機緣巧合下黎左哩間食早餐。好普通ge 一個茶記早餐，但感覺上有用心煮。太陽蛋煎好靚仔，我食ge 炒都唔似平時快餐店咁扁平一pat，而係好立體仲有蛋香同滑🤤 鷄扒都好有蜜糖味，唔係好hea 咁掃少少比你就算。重點係連埋廚房，所有員工都好有禮貌。Good morning 係由一個開心ge 早餐開始 會再黎幫襯！！

吃了一個用心做的早餐，行過荃灣海壩街見到有間冰室之前未試過便入內試試，一推門內裡坐滿客人，應該OK掛。懷舊叉燒常餐 有個湯底好味的叉燒通粉，叉燒看似好瘦但一點也不嚡口，味道不錯。雙蛋 火腿 牛油多士，普通的材料但用心製作，我們選了反蛋及炒蛋也做得好，多士夠香脆。奶茶香滑但茶味淡了少少。

簡單寫個小食評，今日下午4點左右想食個tea，見到呢間評價唔錯就去試下，都要等2張台先入得，等左10分鐘左右叫左佢個常餐48蚊轉出前一叮加3蚊，麵煮得好好唔會太淋又keep到彈性！再加埋d叉燒都幾好食同埋雙太陽蛋，toast,同埋火腿，食完都唔洗點食晚飯因為夠曬飽🥳😋佢下午茶仲有好多選擇，星期六日都一樣有下午茶餐嫁😛餐廳係由一班年輕人打理， 雖然有時佢哋傾計有啲大聲，但係整體而言都係有禮貌既🤗

近年越開越多炸雞髀店，荃灣更加係當中戰火最頻繁既地區但係呢間冰室，我夠膽講全個荃灣冇一間夠佢砌食物多元，更可自由配搭生炸雞髀皇首先要介紹既當然係呢到既炸雞髀先啦呢到既炸雞髀真係新鮮即刻生炸唔係先炸熟再上菜前炸一炸扮晒生炸果Ｄ所以係需要得十幾分鐘但所謂好事多磨，呢十幾分鐘真係完全值得！隻雞髀有成隻手掌咁大隻！由於係新鮮生炸所以食果陣要小心Ｄ因為真係超級熱切出黎係熱到可以見到有煙而且切落去佢Ｄ雞油同肉汁係會慢慢流出黎一咬落口，香脆既雞皮，配上鮮嫩既雞髀肉再加上佢恰到好處，咸香之餘唔會遮掩肉香既調味呢隻雞髀已經由一隻炸雞髀昇華到成為藝術品極力推薦！黑椒汁飯—招牌豬頸肉、煙鴨胸、川辣牛肉、司華力腸呢個自由之選認真自由，可以一次點晒我鍾意食既野，正首先不得不提呢個黑椒汁真係勁正勁有誠意你係會食到有唔同層次既椒香我估佢應該係有炒過所以佢既辛辣味係香得黎有層次真係淨係個汁已經夠撈幾碟飯招牌豬頸肉豬頸肉好爽口，而且佢個汁勁惹味川辣牛肉牛肉唔會韌，川辣唔會太辣，而且辣中帶少少麻，好有層次煙鴨胸、司華力腸份量都唔少黃到金厚西多士香港人經典既西多士亦好有水準西多士又厚又鬆軟金黃酥脆既外層，加埋鬆軟既麵包，一

餐廳細細 不錯 裝修 食物都滿滿懷舊味 太陽蛋煎得非常不錯蛋黃不是全新有少少半生熟我很喜歡腸仔正常不會太鹹沙嗲牛肉通粉牛肉很好多士谷得外脆內軟凍檸茶少甜是真的有少甜多多支持小店是應該的

上星期bf推介就去位於銅鑼灣嘅餐廳食嘢😋知道FB有人介紹呢間餐廳係抵食之選，即刻book枱試下！果然冇介紹錯！😋乾炒牛河我很喜歡這個，輕咬就散開，肉方面好juicy，入味好香，好好食 👍🏻

香港地好食既冰室已經買少見少，今日同朋友係荃灣，誤打唔誤入左間冰室，估唔到有驚喜呢間新記冰室，格局好懷舊feel，地下用左馬賽克磚，周圍環境都加入左好多綠色，連櫈都係用摺凳，細細個啲感覺返晒黎野食方面就一啲都唔old school，除左有一般冰室有既紅豆冰、常餐、西多士之外，仲有好多近期新興既食物，例如芝士撈丁、奶茶紅豆冰等等大食既我叫左個公司炒一丁，真係勁足料原左面頭大大隻蛋，仲有海量火腿洋蔥椰菜。個麵炒到勁入味，睇色水都知，好香黎冰室食野緊係唔少得瑞士雞脾，呢到啲雞脾好大隻，有我成隻手咁大瑞士汁索晒入去，好入味，肉質嫩滑，一流呢個菜式個名吸引到我，叫做「熱菇熱菇」即刻就試下先，雜菜同菇都炒得好淋，面頭加左少少黑椒吊味，唔錯最後叫左個蠔油菜，以前細個同老豆食野佢都一定會叫一份，今日難得黎到我都叫一份食，真係好有懷舊feel！

同同事係荃灣做野，忙到午餐時間都過左，唯有出去搵下午茶食下先。咁啱經過呢間冰室，竟然要等位喎，咁應該有返咁上下質素啦，一於唔好走雞，排隊試下先。好彩排左10分鐘就可以入座。排隊期間，睇定有咩好食，咁就可以一入座即order，唔洗等咁耐。同事話比較肚餓，叫左個芝士汁招牌豬頸肉加煙鴨胸通粉，同事見到都“嘩”左一聲，話估唔到咁大碗。芝士汁超級多，完全遮住通粉表面，畢起通粉，每粒都有芝士汁，非常濃郁。豬頸肉份量頗多，肉厚但唔會嚡口，好食。我就叫左下午茶，司華力腸煙鴨胸芝士麵。芝士汁同樣滿瀉，完全唔吝嗇。芝士麵口感煙韌，吸收哂芝士汁，特別好食。仲叫左個瑞士汁雞翼，有驚喜。估唔到個雞翼咁滑，唔似一般鹵水雞翼為左入味，煮到雞肉又老又嚡，呢個瑞士汁雞翼又入味又滑，雖然明明好飽，但都忍唔住口清左碟。跟餐有兩杯飲品，揀左凍西洋菜蜜同凍菊花露，冰多，夠哂涷，但味道就沖淡了，如果蜜味可以更濃，就更完美了。

📍荃灣美食林立，今次搵嚟荃灣分店嘅新記冰室。由冰室格局、Menu、餐牌都著顯懷舊，但環境好舒適乾淨。🔻餐牌食物選擇多，啱哂唔同口味嘅人，呢度只係其中部分。🔻1. 豬頸肉煎蛋芝士撈丁（$59）芝士都名不虛傳！麵上舖上濃厚嘅芝士醬，夠哂撈哂成個麵底，但蛋味又唔會被蓋過。🔻2. 招牌豬頸肉、煙肉乾撈麵（$50+5+3）色香味俱全！特別本生都以為係一般簿切豬頸肉，點知佢有黑毛豬、叉燒嘅斤兩，個量都十分多。佢使用秘製醬汁，帶少少辣，配合埋豬頸肉嘅效果遠遠大於1+1=2。🥰🔻總括主食：呢度嘅份量剛剛好，麵質又唔太林太硬，食過呢兩樣無敵邪惡嘅野後都叫做值得。🔻3. 凍檸茶 凍奶茶兩杯都嗌咗無糖。奶茶奶味較重，茶底厚，唔係只有奶味墟冚過嘅奶茶；檸茶使用同樣嘅茶底，加上有厚切檸檬，令檸檬茶即使係走甜嘅情況下都非常細膩。😁

新記冰室 (荃灣)荃灣海壩街83-93號荃好景大廈地下D舖懷舊冰室 懷舊裝修經過入去試下個下午茶平得來 都幾有水準奶油豬仔包一開二 滿滿奶油同牛油 賣相吸引個包十分軟熟 外皮香脆咬落去口腔充滿雙拼三文治 巨型三文治 蛋同鹹牛肉大件過包一口都咬唔哂蛋好嫩滑 蛋汁包住哂鹹牛肉豬扒煎蛋米粉轉左個米粉 隻太陽蛋下面脆口上面蛋汁流哂落米粉到 吸哂個蛋汁滑蛋黑松露多士巨型滑蛋擋住件多士 一切開就流哂蛋汁溝埋黑松露食 好香好滑凍檸茶用鐵杯上 保持個冰凍食耐啲都唔怕變暖好有茶味

今天為大家介紹位於路德圍的一間冰室，裝潢懷舊，別有風格。走進店內尤如回到80-90年代的茶餐廳一樣。雖然店舖著名的是芝士撈丁，實屬邪惡之選，但是今天我選的卻是更邪惡的豬頸肉煎蛋乾撈麵。顧名思義就是煎豬頸肉然後配一隻太陽蛋，把蛋刺破後蛋汁與麵混和一起，令充滿豉油的麵更具漿力的口感，實在滿充。此外，豬頸肉的燶邊十分香口，讓人垂涎三尺，實在一絕。加上撈麵夠乾身，不會濕漉漉影響其口感。最後，配上不銹鋼杯的餐飲—凍檸檬茶少甜少冰，實在完美。

呢間冰室最出名就係佢哋個邪惡芝士撈丁😈上次就試咗個川辣牛肉芝士腸芝士撈丁！面頭真係鋪滿晒鹹香十足嘅芝士醬🧀再加埋個公仔麵 真係冇得輸🤩川辣牛肉都幾特別 辣辣地都幾惹味～

呢間冰室都可以話係良心名店，今日一食果然非常掂一般冰室要有既都有，價錢中等水平生炸雞髀皇勁高質既一個炸雞髀因為佢係即叫即炸，所以要比少少耐性但所謂好事多磨，呢十幾分鐘你一定覺得等得值佢真係做到外脆內嫩外層炸到金黃香脆，而且炸漿勁薄，唔會食到成口粉令你可以食到炸雞皮最誘人既香脆入面既肉真係可以見到仲有Ｄ肉汁同雞油必出黎可想而之係幾咁ＪＵＩＣＹ公司炒出前一丁麵既軟硬度同乾濕度都剛剛好，有少許鑊氣不過味道偏濃撈埋蛋汁仲正配料勁多勁豐富黃到金厚西多士呢個西多直又係勁高質厚度比一般多估計有50%而且入面既花生醬多到好似唔洗錢咁最重要係佢炸得勁香脆又唔會有油"益"味極力推薦

介紹香港世一芝士麵👍🏼原先係尖沙咀開業，結業後係各區都有先後開分店👍🏼👍🏼豬頸肉煎蛋芝士撈丁 $59嚟個組合完全係👦🏽嘅最愛🥰😍先講豬頸肉🐷🐽，因為係👦🏽食過第一好味嘅豬頸肉😍😍豬頸肉好入味有燒香同滷水汁嘅味道，而且塗左蜜糖有微甜焦香嘅口感，加上肉質非常爽口，厚薄度都比出面餐廳厚身👍🏼份量又多，簡直係色香味俱全🤤🤤🤤之後，一定要講埋個芝士醬，👦🏽👧🏻就唔係咁又能力食到用左咩芝士整🤣上網見到一個芝士醬就用左三種唔同嘅芝士整成，三重芝士嘅鹹香味濃郁，芝士控必試‼️煎蛋係流心蛋黃，撈勻個蛋黃食仲更加好味同減低好滯嘅感覺😌😌自由之選(雞扒餐肉黑椒汁通粉) $50依個餐好抵食👍可以自選2款配料+主食+汁，仲要包飲品👍👍雞扒煎得好香，個皮脆卜卜👍肉都仲係好嫩好多汁😋😋黑椒汁唔係好辣，偏小小甜🤔因為👧🏻鍾意食辣，所以如果辣返小小，會覺得更加惹味🤣🤣

人在荃灣，快快趣吃一個晚餐，於是到達新記冰室，位置方便，而且碰巧不用等位。食物選擇很多，部份是星級推介，給初次到訪的我有一些頭緒。我在星級推介之中揀選了招牌豬頸肉煎蛋乾撈麵。因個人口味問題，只吃全熟的雞蛋，所以請侍應傳達了這個要求，於是得到了圖中這碟客製化的撈麵。豬頸肉數量較多，煞是滿足；煎得挺香，口感彈牙，有夠滋味。全熟煎蛋沒啥調味，可自行到餐廳中間的調味枱取調味料，按自己的喜好，添加味道。麵身乾爽，調味調得恰到好處，非常惹味。套餐追加了一款小食，是雜果沙律，當中除了有新鮮生果以外，還有粟米粒，還加上充足的沙律醬，為這一餐加上充足纖維。餐茶是熱奶茶，是地道而熟悉的口味。意料之外是餐具非常新簇簇。