新麻蒲 BBQ (形點) (已結業)

食物味道一般，價錢就並非一黎啦，waiters服務太差啦，十問九唔應，食到一肚氣，禁臺面鍾冇人理。我地5個人，好難叫到人應問要夾，佢就只比一隻，爐蓋黑哂都唔會同你換😡 ， 我地5個人，包肉食既生菜就員得4片，叫佢refill，又只係拎4片過黎，我地叫左3次，共得12片（分三次比），即係每人得兩片半唔夠，叫到無癮，就甘食算，係第一次去但一定會係最後一次。食物份量亦太小，套量包既部隊鍋就只得一片五餐肉，一個面加kimchi醬就算係，真離譜。 呢間真係最差既韓燒店。店內人手好唔夠，做到個個員工黑口黑面，受罪既就係我地呢班食客。

之前好多人食、排隊排好耐．我都會等入去食。之前肉嘅份量好大份同非常好、最重要係前菜及沙律任食。服務尚算可以.....通常每個月都去一次......但今天再去大不如前、食物分量唔講先．撳鐘叫服務員唔會有人睬你、見到服務員行過即刻叫、敷衍應完你就走．添食前菜、仲慘過叫佢借錢、一去無回頭．係咁等係咁追、都無人理你、服務態度非常非常非常差、唔知係咪公司新規矩．一講埋單就最快過嚟．兩三個人行埋執枱．真係比佢吹脹、以後請都唔會再去幫襯、星期六一家人開開心心食餐飯、食到一肚氣、應該都唔會再改善、大家可自行判斷可以唔去食啦。

新麻蒲推出了情人節2人套餐「層層浪漫」，本來以為只是gimmick，想不到還挺抵食～其實自從YOHO MALL落成後，倆口子經常過來吃飯。這一層幾間餐廳也正在做semi-buffet，要取勝真是要價錢、味道、服務缺一不可！入座一會，服務員就端上前菜，一如以往，我覺得新麻蒲的泡菜是在眾多韓燒店中最對胃的！兩個人吃這一份三層架「層層浪漫」其實挺「奢侈」的，非常豐富！$498包括紫菜飯卷，牛肉韭菜卷，牛仔骨 x2，指定飲品兩杯和指定雪花冰一碗，有頭有尾，想起來也真是挺適合一眾不想想太多的男士帶另一半過來吃飯慶祝情人節的（笑）心形的韓式紫菜飯卷，上桌顯得有點兒冰冷。餐牌寫著「暖暖紫菜包飯」，經過我們一番討論後，我們決定...燒一燒它們（哈哈～）我們沒有特別去問正確食法，不過我發現這樣非常好味（笑）帶飯焦香，而且真的暖暖的～一層6見，還真的挺飽的！五花韓牛韭菜卷，共10件，非常有份量！（再大食也一定飽！）看來這個情人節套餐看來是給大食情侶吃的（即是我倆！）牛肉絕對不是一般肥牛，蠻厚的，這樣卷著要烤到入心需要一點點時間，又有點怕外面燒焦。幸好我的另一半絕對稱得上是烤肉達人，把這一件五花韓牛韭菜卷燒

食物質素很好很新鮮，但...星期日中午只見得三位服務員...很忙碌，每次叫野或拿點什麼都要叫上两三次，個鐵板表面向上太灣，一放濕的食物就滑到蛋漿下面去了，有些鐵板外圍設計是有一圈突高少少的，就是防止食物滑落，而燒到中段時間沒有人替我們換鐵板，燶到不得了，可能也是因為用了gas爐的原因，所以特別燶，其他店食一餐起碼換兩次鐵板，還有，有些食物是應該用鐵網燒的，整體食物質素是高的，但人手服務和細節應可以再改進...希望大家都能食到與付出相成正比的質素

食物ok價錢ok，但waiter d服務超差😤😤，食到一肚氣😒，個個好似唔想做咁，黑口黑面，連經理都係咁，吹脹😑😑😑！呢頭order完轉個頭冇咗回事，唔止一次，亦唔止一個係咁，我以為間中遇著係咁，當自己唔好彩，點知次次去到都係咁，所以之後極少去，今次仲離譜，埋單計錯數，記住check單！如果唔介意d服務超差，食到成肚氣，食到背隻骨落嘅話，可以試下呢間，味道較為接近韓國本土，價錢亦大眾化！！

行行吓街又到食飯時間了。喺元朗Yoho呢邊餐廳很多，又唔想食中式同西式。所以選擇咗一間食韓式燒肉店來試試。呢間餐廳有幾間分店，元朗呢間都算比較多人食。由於今日係2017年的最後一天，出外用膳的朋友仔比較多。拿佐飛大約等30分鐘左右先可以入座。店舖面積都相當之大，座位都坐得很舒適。看過餐牌，我就選擇了一份牛肉set約＄500左右。落完order後，服務員好快就送上六樣小食。至於啲牛肉豬肉同埋啲兩隻大蝦，燒落去嘅味道尚算可以。到最後還可以少少蛋，這個算是有驚喜！現在好多人去食韓式自助餐都要＄250至＄300左右。呢度食個價錢都差不多但質素比自助餐好。大家可以試一試。

喺型點想試下韓國燒肉，原本諗住食佢哋嘅$168宵夜任食，但冇牛肉喎，咁無牛不歡嘅我就梗係唔得啦！見到有個歡樂時段BBQ套餐有牛肋排肉，咁都OK啦。再加兩杯半價嘅藍天檸檬汽水。一order完啲前菜好快就上，泡菜都還可以嘅，唔算太辣，其他嗰啲就比較酸咗少少。跟住佢哋就倒蛋漿同啲肉一齊上埋。先試個五花肉，肉質唔錯而且仲好肥。之後燒牛肋排，呢個個人重點推介，牛肉調味調得好好，個汁少甜之餘燒完仍然好淋。不禁我side order多一碟，但份量比幅圖少好多，原來Menu寫咗180g，咁我就覺得有少少昂貴喇，但好食就算數啦！其他嗰啲如豬頸肉，年糕、護心肉就普通啦。宵夜嚟講兩位要$480又好似高消費咗少少喎~

呢間餐廳一定無下次食物都ok服務態度超差 垃圾等位 話有bb車要等耐d 有bb車既人唔洗食飯？入面大把枱都安排唔到？問佢生菜有無得refill服務員話有Refill多兩次之後 再叫無人理你 嗌到第四次 先叫個所謂經理卦？行黎話驚唔夠比之後黎既新客 所以無得refill 咁既藉口都有？咁驚蝕底就唔好學人有refill啦 垃圾叫d侍應 個個十問九唔應 應完你都無反應 可能地區關係 d侍應都hea過人食過咁多間韓燒 最垃圾 最差都係呢間

因工作關係，每星期五也會和3隻飯腳外出在元朗吃午餐，今次我們選擇了形點1期地下的新麻浦BBQ，試試他們燒烤以外的韓式料理。在元朗找好吃的地方不難，但如想找好座的食店，你會發現到形點這裡總不難找到好坐又好吃的。浦進入內，店員即禮貌安排我們4人坐卡位，坐位舒適，枱與枱之間也有足夠空間，睇睇餐牌，原來他們正做午餐3送1優惠，我們剛好4人，正好可以用到比優惠，大開心。我們分別點了海鮮嫩豆腐窩，部隊窩(每個窩亦會跟一個飯)，火山芝士泡菜炒飯，金牌牛肉伴飯4個餐。一落完單，店員已隨即送上好幾款的前菜，過了不久，各樣食物亦上桌。先講海鮮嫩豆腐窩,你真的不要看他窩仔細細，內裡海鮮陣容不少，微辣湯嫩豆腐配上滿滿的蝦、蜆、青口、魚等海鮮，餸飯一流。部隊窩連爐一起上，可自己控制麵條的軟硬度之餘，還可順便午餐打邊爐的感覺，韓國公仔麵比一般日本公仔麵較粗及更彈牙，令我那個喜歡吃公仔麵的同事，大滿足。火山芝士泡菜炒飯，店員會先在你面前把燒溶芝士(真係唔食得都睇得)，把溶化的芝士及旁邊的蒸蛋混入泡菜飯裡，好味！牛肉拌飯和石煱拌飯雖然材料差不多，但小了石窩的熱氣，是怕熱氣的人另外一個好選擇。午餐還付送飲品，我們選藍天

自從型點的接駁天橋開通後, 本來不十分旺塲的商塲立即變得天天都人頭湧湧, 加上多了很多新店進駐, 家住元朗的我當然高興多了一個十分就腳的逛街熱點. 很多著名的食店也在此開業, 不過周末要在此吃個便飯總難免要排長龍, 相比起新翼, 其實型點一的商店比較親民, 我時時會逛的時裝店(童裝店才對)如H&M, Zara, Collect Point等都集中在舊區一邊. 而這邊本來就坐陣了一堆很不錯的食店, 趁人家都跑去新翼湊熱鬧, 我就樂得自在留在這邊找吃. 這天逛完街想吃韓國菜, 就選了新麻蒲.​原以為平日的晚上人不會太多, 怎料還是要等位, 幸好只等了一會兒, 入座率100%, 看來甚有口啤. 餐廳以韓式烤肉為主, 但炎炎盛夏, 胃口也變細了, 不想吃烤肉, 還有不少韓式料理可選.​​餐牌還未翻開, 先放滿是六色前菜. 最喜歡是醃海藻, 味道清淡又帶點酸, 頗開胃, 亦很有口感; 另外酸蘿蔔也很清新, 先吃一片清一清味覺, 酸醋汁同時令胃口瞬間湧現. 前菜頗鮮甜, 不會過鹹, 還可添食.​​醬汁有芝麻醬油, 韓式甜醬油和麵豉辣醬.​​不吃烤肉, 剛巧看到有韓式醬油海鮮系列, 冷盤為主, 甚適

本身同朋友諗住近近地試下哩間韓式 BBQ，佢上爐果下幾似炑八，又有爐邊蛋，點知原來係伏。。。嗌左個牛肉套餐+部隊鍋同埋一個火山芝士泡菜炒飯。個爐黎左之後個侍應倒 d 好暗黃色既蛋汁出黎，已經覺得怪怪地，不過諗住食住其他肉同飯先，就無理到。食完個個泡菜炒飯覺得幾好，微辣，加埋炒飯上面既蛋，都可以叫好食既。牛肉套餐 d 肉尚可，都幾 juicy，但係稍微甜左 d，應該落左糖。套餐送既部隊鍋個湯有 d 鹹，不過還接受到。而 d 蝦就真係太鹹了，食左一啖就頂唔順。。。食到一半，見爐邊蛋仲未熟，就搵個男侍應過黎問咩事，佢幫我較下個火就算。（本身已經較到最大火）再隔多陣，搵個女侍應黎，直頭佢都唔知發生咩事，我問佢點算，佢無應我就行開左，本來諗住佢會搵人黎幫手，點知無返過黎。。。到我食哂埋單，都無熟過。。。埋單我俾左張卡，隔左兩分鐘，有個男侍應走埋黎問我係咪埋單，然後拎住張 receipt 俾我，連張卡都唔見埋，我連名都未簽過。。。我再問另一個女侍應，佢先話幫我睇睇。跟住再隔多 5 分鐘，有個裇衫男人拎住我卡同單黎俾得簽名。。。睇佢個樣似經理，哩個時候我同佢講話我地由食開始到依家，d 蛋都無熟過，佢

極少入嚟元朗，但呢度有個展覽好多公仔，所以帶左女朋友嚟行下同影相！形點係元朗既新地標，真係好大又好新，喚然一新既感覺！食肆又多，好多出名既餐廳都已經進駐左呢度，又例如呢間「新麻蒲韓國烤肉店」，都喺形點一期開左新界第一間分店！餐廳位於商場地面，好光猛開揚，日頭時間食韓烤既人唔多，所以無咩油煙；而且除左韓烤，仲有好多其他選擇，我地點左以下幾款：首先嚟三款前菜，有泡菜、豆腐同海藻，海藻酸酸地好開胃。韓式醬油醃生蟹拌飯 $178醬油蟹很新鮮入口香甜，醬油蟹還配有熱石拌飯。拌飯入面有青瓜、金菇、蘿蔔、洋蔥、泡菜等好足料。將拌飯撈加入蟹蓋連醬油生蛋一齊食，好有風味幾特別。整體味道好香濃惹味，但唔使偷入太多醬油落飯度，否則會咸左。韓式醬油醃鮑魚 $118有三大隻，每隻已細心地切片，食得方便。鮑魚已調味，底部亦有醬油，味道唔會死咸，鮑魚亦保持到鮮甜彈牙，唔錯。鮑魚蔘雞湯 $138熱烘烘好有鑊氣，湯中有鮑魚，有人蔘同雞雞中包住有糯米、紅棗、栗子等材料，味道豐富左之餘又有口感同飽肚感！湯底雞味香濃，肉與都嫩，輕輕點些鹽可以吊味。呢個湯仲配有一碗白飯，份量真係足2-3分嚟食。野飲叫左一渣「青提子樂天汽水 $

好耐無遇到咁著數午市定食星期六都買三送一泡菜炒飯全州拌飯部隊鍋烤牛肉因為叫咗烤肉，所以勁多小食，又有個紫菜飯、沙律樣樣都好食，之前食Nene chicken 做咗會員，所以呢間同集團嘅都可以有9折4個人叫到成枱都係，每人都只係$70，性價比高

這天2個人就點了五花肉二人餐和水冷麵二人餐包沙律和泡菜爐邊蛋, 這個爐邊蛋也是我心心念念的美食看著店員倒下去的即視感~WOW沙拉甜甜的很清爽伴菜是洋蔥, 豆芽, 酸海帶, 泡菜和醃蘿蔔, 無限添伴菜全都好好吃~全都有添泡菜是不辣的, 可以吃很多水冷麵有雪梨湯配兩款醬點了不辣款, 不另加醬就很好吃了湯又清甜又爽口店員有幫我們剪麵雖然說麵不剪口感比較好, 但不剪的話食得不方便而且水冷麵本來就有點硬, 不能一下子全吸進再慢慢嚼二人套餐有3層第一層: 大蝦, 年糕, 金茹(幾條….), 香菇, 南瓜(一片), 芝士腸等第二層: 謢心肉和五花肉第三層: 排骨(是豬扒)一件五花肉可以剪4~5件油多超搶火的來個韓式包肉超級美味~韓式包肉除了肉本身要好吃之外, 泡菜好食也是重點, 畢竟要整體提味這裡都滿分~五花肉肉質好, 不用調味就已經很好吃了護心肉是我在韓國吃過後的最愛~因為肉質軟而有彈性, 個人超愛這口感這邊的護心肉是有調味過的, 像有一點點味噌味, 還是很好吃~跟我的認知很大落差 / \全程只有在燒”排骨”的時候店員有來幫忙 (我們都愛自己燒可能是見燒排骨的時候有點雞手鴨腳因為排骨太大了~哈哈看

今日星期六下午同朋友去左元朗既 Park yoho 行街，行到累累地想搵間餐廳坐低食下嘢，但周圍 D 餐廳都有勁多人係到等緊位。之後最奇怪既事發生左，明明星期六有咁多人嘅日子，但好多餐廳都竟然會落場，所以搞到我好多餐廳都食唔到，塭左好耐終於比我搵到一間餐廳仲有午市套餐，所以我就衝左入去。呢間餐廳好抵食，所有午市套餐買三送一。我今次叫左最大路既石鍋伴飯。石鍋伴飯有唔同既材料：切絲牛肉，芽菜，菇菌絲，紅蘿蔔絲，瓜絲洋蔥絲和菠菜等等，而且還有一隻煎蛋。食果時加左韓式甜辣醬味道會更正，可惜飯份量較少，不過都算不錯，飯未至於整得太爛，而且食材都新鮮。