新麻蒲 BBQ (東港城) (已結業)

今日去咗食新麻浦BBQ，貪佢星期二有得任食燒肉，第一次食點知就中伏啦…😓😓😓首先講佢嘅環境已經不能接受，我地坐最埋邊位置卡位，一路行已經覺得地下油淋淋要行得好小心🛢🛢🛢一行到入去就煙霧離漫，點知燒燒下仲簡直就猶如仙境一樣🌫😒 個抽風機根本無力，一路燒啲煙一路攻埋個身度😐 攻到眼都開唔到囉😵😵😵 問咗職員佢哋淨係識答話開咗抽風機🙄 仲有個燒肉夾又係彎左，問職員拎多一個而居然答案係啲夾用晒... 啲肉嘅質素就好一般，腌料令到啲肉全部同一個味... 好彩仲有豬扒好食啲，同埋無腌過嘅牛肉好少少😐 仲有就係汽水係唔凍架... 叫左幾罐都係咁☹️☹️☹️如果想貪平任食但不求高質，依間係可以滿足食肉獸，但對環境同食物質素有要求就絕對唔建議喇...

同男朋友今日去咗食燒肉❤️❤️❤️見到環境好乾淨，所以我哋就揀咗呢一間餐廳😊😊😊我哋唔想煩，所以叫咗個S八烤肉達人套餐：二人套餐❤️❤️入面有護心肉、秘製豬頸肉、黑毛豬肩肉、五花肉、豬排骨、豬皮、特級霜降牛肉、牛護心肉、牛肋排、LA牛肋骨❤️❤️❤️所有肉類都非常新鮮👍🏼👍🏼👍🏼無醃的牛，可以食到牛肉嘅鮮味😊❤️五花肉，加小小鹽，即刻調咗豬肉嘅香味出嚟👍🏼👍🏼👍🏼我哋叫咗個白飯，配埋燒肉真係好好食😊👍🏼❤️我最鍾意就係爐邊蛋可以任食，加埋泡菜，好好味😊😊😍😍😍😍

Cp值高嘅連鎖韓燒✨新麻蒲bbq嘅價位相宜，質素幾高，又坐得舒服，所以一直以黎都幾鍾意同朋友去食，叫個set一齊happy share😆.前菜有四款咁多，仲可以不斷refill😍 最鍾意泡菜同埋昆布！泡菜辣得過癮又開胃，昆布酸酸甜甜夠晒清新👍🏻.除咗前菜之外，沙津亦係開胃之選~ 沙律菜好新鮮，醬汁味道清新特別🤪.呢度嘅爐邊蛋都係無限refill，正！加咗泡菜後味道更昇華～.呢個二人燒肉套餐份量豐富，我地三個女仔share食都勁滿足啊😆 而且睇落肉質新鮮，好吸引.水原霜降牛肉滿佈油脂，口感鮮嫩👍🏻.水原牛肋排相對較有咬勁，牛味濃郁.摺成三層嘅水原特級牛仔骨係份量之選！口感味道同樣出色😋.呢度嘅套餐分量充足，食物種類又豐富，但係價錢亦都唔會好貴，所以絕對係高cp值嘅餐廳😚

牛/豬肉套餐+特級午市套餐圖入面係兩個套餐加埋份量。一個人食一個餐絕對夠飽。今日就同朋友一齊share兩份烤肉再加一個湯一個面，可以試到多啲唔同嘅嘢。牛肋排係有醃製過，醃得非常入味，唔使再加其他醬就咁食已經好夠味。另外護心肉霜降牛肉同五花肉都係無醃過，將佢地燒到微微金黃色就可以食，護心肉同牛肉好juice，而五花肉就脆脆地好香口，怕膩既就配埋生菜拌菜食一流！而且每份套餐都會有冬菇金菇雞髀菇，燒完之後唔會太乾身，不過要小心唔好燒燶！另外跟燒肉套餐既飯係紫菜飯，佢比普通白飯香好多！烤肉與冷麵烤豬肉甜甜地好開胃，相入面好似唔係好多塊肉但食埋去其實岩岩好，再多d就會太濟。冷麵黎到職員會幫我地剪開，再根據自己嘅口味加上芥末同醋，酸酸地同烤肉一齊食好夾。風味牛排骨肉湯配白飯 牛骨湯牛味非常濃，但不重口味。肉質較軟，容易咀嚼，肉味香濃。點牛骨湯亦會免費配飯，湯入面仲有韓國粉絲，成碗湯超足料。拌菜就有泡菜、青瓜海帶芽、洋蔥烤肉汁同埋大豆芽拌蔥、沙律，就算唔係食燒肉都會有拌菜，不過食燒肉既話仲有埋爐邊蛋！

吃貨朋友嘈住要食韓式燒肉，於是就同佢嚟咗位於東港城商埸入面呢間《新麻蒲BBQ》。入到去，一坐低，店員即刻就放低幾碟前菜，包括 泡菜、海帶、沙律、蘿蔔絲。未點餐，就已經有一枱開胃菜，感覺真係好似去咗韓國咁。當中，個沙律喺配黑芝麻汁，好味得嚟又相當特別。海帶酸酸地，健康又開胃。我地order咗一個牛肉套餐，貪佢乜都有D(有3種牛、蝦、腸、菇)，仲有個部隊鍋。2個人食應該夠晒飽。個部隊鍋入面有韓國泡麵、午餐肉、韓國年糕、大葱、金菇、豆腐、仲有肉，香香辣辣，仲有芝士，係一大舊煮軟咗嘅芝士呀，啱晒我口味。午餐肉不太咸，泡麵夠煙韌，就算浸咗好耐都仲係咁好味，仲越煮煮入味。雖然覺得越食越辣，但都越食越停唔到口。另外燒肉亦有水準，特顯到不同部位的特質。又可以食燒肉，又可以食到部隊鍋，真係夠晒滿足

入冬後天氣開始轉冷，今日凍凍地，就心思思想去食燒肉。嚟到東港城，就揀咗呢間"新麻浦"食啦。由於今日7點鐘就嚟到，可以時間尚早，唔駛等位就可以直接入座，正呀。打開menu，入面有各式各類嘅燒肉可以選擇，花多眼亂，霜降牛肉、五花肉(豬)乜都想食，都唔知點揀。突然見到一個牛肉套餐，裡面有3款牛( 特級霜降牛、秘製牛肋排、 LA牛肋骨)，仲有大蝦、蘑菇、豬肉香腸。霜降牛嘅肉質真係唔錯，D脂肪分怖得好平均，好靚，但又不會太過油。而秘製牛肋排和牛肋骨都有事前調味，甜甜地，好味。最正嘅係有個部隊鍋，一次過可以食晒燒肉和部隊鍋，雙重享受。食吓燒肉，又食吓辣辣嘅部隊鍋，再食吓D前菜清吓個口腔，然後又食返燒肉……真係可以食唔停口。

去將軍澳探朋友，順便在將軍澳食晚餐，見到韓式店新麻蒲，就入嚟試吓啦，侍應會問你食烤肉還是點餐，前幾日先食完烤肉，所以就咁點餐食算啦。依間餐廳座位好闊落，卡位好舒服，一般的韓式餐點都有，我叫咗最鍾意食嘅韓式石頭鍋牛肉拌飯牛肉唔算多，但係顏色七彩，一上枱就要快啲撈勻，如果唔係好快癡底，熱辣辣，飯都算鬆軟，略嫌個醬汁唔夠辣。再試下呢個韓式海鮮薄餅，材料都幾豐富，鮮蝦好大隻，好多大蔥，個醬汁幾惹味，酸酸辣辣。仲有依個芝士年糕撈拉麵，韓式拉麵，煙煙銀銀，芝士不夠多，但係芝士味好香好濃，口感好豐富。雖然冇嗌炸雞，但係都要做返是啤酒，真係好嘆。這間的口味很正宗，在韓國的分店也是no1 ，都值得一試

之前在銅鑼灣上班的時候經常都來光顧新麻蒲，而家將軍澳都有分店，今日經過就入嚟幫襯。一入嚟的時候，侍應會問你食BBQ還是食韓國餐，原本諗住食燒肉， 新麻蒲的燒肉是高質架，不過近排有啲喉嚨痛，所以就唔食燒肉，轉食韓式餐就算啦。侍應會放低兩份前菜，泡菜和紫菜，前菜可以添加。韓式餐的餐牌大概有三頁左右，種類不算多，但係特色的韓國菜都有，我們點了韓式牛肉拌飯，海鮮豆腐湯，海鮮餅，芝士年糕拉麵。食物很快就上枱啦，不用等太耐，熱辣辣嘅海鮮豆腐湯，我哋最愛，份量不算多，兩個人剛剛好，鮮蝦大隻，新鮮，甘凍的天氣，飲返碗熱辣辣的豆腐湯，感覺好舒服。韓式牛肉拌飯，有韓國牛肉，芽菜，菠菜，三絲，一上枱，即刻倒入韓式辣醬，即刻將個飯撈勻，石頭鍋個底熱到滋滋聲，成個飯都滋味提升。芝士年糕拉麵，賣相有少少差，不過味道還可以，略嫌只是不夠多，做唔到拉絲的效果，配料豐富最惹味的海鮮餅，真係次次你都會食，用了好豐富，帶隻鮮蝦，濺到非常香脆，不油膩，配埋秘製醬汁，必點🙆‍♀️總結是高質的韓食，下次都會繼續食。

話說約了一班朋友BBQ，但吾想又炭又火又煙咁。就找到附近這間新麻蒲BBQ。門口有聖誕裝飾，好有聖誕氣氛。晚上坐滿食客。中間一條長走廊，兩邊是坐位，井井有條。沙發式座椅，中間是爐和抽油煙機。前菜免費任加。沙律和生菜無限量供應。爐邊放蛋漿，燒烤時同時加熱讓蛋漿煮熟，吃落好似蒸蛋咁，不過，要掌握好時間，蛋漿便能又滑又香。今晚叫的是二人餐之一，烤肉達人套餐＄468。份量十足，足夠三個人食用，包括有豬頸肉、豬肩肉、五花肉、豬排骨、豬皮、牛肉、牛肋排、和牛肋骨。一個餐可以試不同味道不同食法，好満足呢。有特色飲品。顏色鮮艷，吸引眼球。

天氣凍除咗打邊爐仲可以考慮BBQ，圍住個火爐，熱辣辣好舒服。首先在爐邊放入蛋漿，開爐後大概等15分鐘，待蛋熟就可以進食，原來蛋漿和配菜是無限供應。配菜有四款。味道酸辣可口，令人胃口大增，而且無限供應。燒肉達人套餐＄468一盆豬肉和一盆牛肉。豬頸肉好爽嫩。燒香嘅五香肉好香口。仲有菇類，翠肉瓜等，除咗護心肉，牛肋排，牛肉等一般肉類，估唔到仲有豬皮，好少有種類咁繁多。生菜也是配菜之一，無限供應，可以將燒肉夾係生菜中間，一齊食，會無咁油膩，口感更加豐富。海鮮豆腐鍋$69份量不算很大，但足夠2個人一齊享用。里面嘅材料豐富。有蝦、蜆丶青口、豆腐、番茄、金菇菜等。鮮辣嘅味道，好開胃，好正。

星期六在將軍澳工作，收工後，吃點好的放鬆一下， 去到坑口站東港城的新麻蒲bbq。午市套餐選擇好多，最抵是買三送一優惠，與親朋好友共聚，更加化算。還在閲讀餐牌的時候，侍應已經送來小菜，是好傳統的韓國餐館做法；而且可以一邊吃，一邊選餐。大部分套餐均很適合在這寒冷的冬天享用， 這天點了一客石鍋伴飯。肉類可選牛肉或章魚。餐牌在章魚旁邊印有辣椒標誌，若果不喜歡辣味的話，就選牛肉喲。稍等一會，石鍋拌飯已經上菜，熱騰騰的石鍋，要當心不被燙傷。 石鍋拌飯，顧名思義，是要把餸料在石鍋中拌勻；伴隨石鍋拌飯送來的是甜辣醬，可按個人口味添加，然而我選的章魚已經帶辣，所以只加很少很少。伴飯味道特別香，章魚辣度挺高，令整個拌飯特別滋味。荷包蛋很有心思造成心形，感覺更加溫馨。餐飲有幾款選擇，這是石榴果醋，味道比想像中甜；配合辣食，還是不錯呢。

四個人係東港城搵食 見有買三送一嘅午市套餐，緊係入去試吓啦！無論叫咩 都會有小菜上，有泡菜、青瓜海帶芽同埋大豆芽拌蔥、沙律，不過食燒肉既話仲有埋爐邊泡菜蛋！🍲牛排骨肉湯配白飯最推薦呢個！牛排骨肉質好軟，肉味香濃，重點係有四五大舊！牛骨湯都好濃郁，又唔會太油膩，湯入面仲有韓國粉絲！🥩特級午市套餐+ 牛/豬肉套餐張圖係conbime咗兩份，份量都夠四個女仔食！護心肉好有口感；五花肉嘅大小適中，入口唔會太油膩；牛肋排醃得非常入味，就咁食已經好夠味；霜降牛肉口感軟滑。另外強烈建議必食嘅係，套餐入面嘅冬菇金菇雞髀菇，新手燒可以加啲枱上嘅芝麻油，令佢無咁易燒燶！另外跟燒肉套餐既飯係紫菜飯，建議食法係生菜包肉、一啖飯、拌蔥咁食！🍜冷麵冷麵份量好多，建議大家要加芥末同醋，冷麵先更濃味，而且酸酸的冷麵可以解膩，烤肉一齊食好夾。烤豬肉調味偏甜，果然廚房燒好嘅好食啲🤣🥤覆盆子紅醋汽水+藍天檸檬汽水叫咗少甜就岩岩好 兩樣都酸酸甜甜可以解膩

同朋友食韓燒生日飯特登揀左呢間近近地又抵食嘅韓燒店食肉獸嘅我地叫左個有牛肉又有豬肉嘅set因為驚唔夠健康嘅源故仲有啲菜比我地tim!另外 大家都知韓國人係好中意用生菜包燒肉嘅所以呢度都送左一碗生菜比我地啲生菜好清甜 好fresh!同啲肉形成好鮮明嘅對比呢啲係爐邊蛋材料好似係用蛋汁再加啲泡菜又幾好味不過最好唔好擺太耐呢度嘅伴餐真係有好多唔同款好有特色特別係泡菜唔係一尾得個鹹字仲有少少清甜呢度嘅服務態度都值得一讚啊！加水 伴餐個啲十分快速

趁着有午市套餐优惠来的，既然主打烧烤便直奔烤肉而来，牛肉和猪肉分量刚好够1个人吃～前菜太丰盛了，好像有差不多6种，给我2个胃估计都难以消化完整桌的菜🤣🤣另外肉应该是事先有用蜂蜜之类的酱料腌制，烤熟后倒是不用怎么沾调料佐味，个人更喜欢深圳的烤肉，基本是原材直接开烤，吃着更带劲

與朋友慶生所以選擇黎左呢間韓燒試下 。位置都算方便，附近就有地鐵站同巴士站。餐廳裝修都十分韓風🇰🇷我地揀左套餐烤肉，烤肉黎之前，會上配菜，配菜同醬料配搭不錯，酸酸甜甜，份量又足，款式又多，又開胃，系香港都可以試到唔同韓國特別小菜👍烤肉款式多，包住自製醬料同生菜，好食👍食完烤肉之後仲可以試下個爐邊蛋，有泡菜同無泡菜兩種味道選擇🍳套餐有埋部隊鍋，有埋芝士，芝士同年糕片既配搭唔錯。仲有豬肉，腸仔同午餐肉。材料款式多又好食🍜飲品方面叫左一壺石榴果醋，多到兩個人都飲唔曬🍹好香好香石榴味，果醋酸度適中，酸酸甜甜，都幾適合唔系好飲得酸既朋友架🥂