新麻蒲 BBQ (東港城) (已結業)

屋企人想食韓國菜試左呢間食左餃子湯年糕入面有海帶仲有唔少蜆所以湯底好鮮甜啲餃子好似韓國個啲 好大隻仲可以叫埋隔離的炸雞叫左原味熱辣辣又脆又多汁雖然我地無叫貴餐同韓燒啲職員都好好成日過黎幫我地fill 水

.宜家有以下的優惠！如果係科大的同學有全單9折！即唔洗加一！.⚠️好緊要！午餐都有買3送1的優惠，星期六都有(我係星期六去食既)，而每個餐都係好大眾化40-80左右，4個人比3個人價錢，其實好抵！🤤🤤.我地有叫到其中一個午餐係燒牛肉，所以有韓國傳統side dishes!!你見到!好大份，所以呢間餐間會好健康😹🥗🥬🥑🥦🥕🌽因為菜都好大份！我係好鐘意呢個設定！.午餐set: 特級午市套餐 $168 牛霜降肉50g、牛肋排50g、新麻蒲護心肉50g、五花肉50g、菇類、海鮮汁🐮🐮🐮🐮🐮 (推薦指數:😋😋😋😋😋)我覺得上述各種肉好多都好食，好嫩好juicy，同埋由於係牛的關係，所以好快燒好就有得食。.芝士帶子 (推薦指數:😋😋😋😋😋)鐘意食芝士的朋友真係唔可以錯過！d芝士好full！🧀🧀🧀🧀燒起上來果陣，你見住佢熔，好興奮！.燒魷魚🦑(推薦指數:😋😋😋😋)呢個本身係燒好左，如果凍左可以係個爐上整番熱佢。.牛尾湯 (推薦指數:😋😋😋😋😋)呢個湯好補同好好飲，散叫好d，送白飯未必咁夾！

星期六下午茶時段去到，知道中午時間一定好多人午市所有套餐買3送1‼️‼️哇，真係好抵食🤩價錢仲要好合理又唔貴，可惜🤦🏻‍♀️🤦🏻‍♀️我得兩個人，差d諗住叫4個餐，多人一定好抵食咁我就叫咗韓式清燉牛尾湯🤤總共有4舊大牛尾骨，肉質好冧又多汁👍🏼而且湯十分清甜，仲有養生紅棗，記得飲曬所有湯or 直接將湯撈曬落去如果你有叫燒烤類就有呢d前菜—泡菜、海帶、芽菜、沙律🥗等等，十分抵食，每份都大大碟咁見到佢有新岀嘅烤魷魚🦑就試下，烤得不會太乾身，配上兩款醬汁，挺夾挺滋味🤤仲叫咗芝士帶子，好邪惡🤤啲芝士多到跌岀嚟，加上紅綠椒，賣相不錯👍🏼仲有最緊要嘅蛋醬，左面落咗泡菜，右面冇，呢啲配菜完全唔洗加錢😙😙真係好抵食，食到肚飽飽

今晚突然好想食石頭鍋飯，所以去完將軍澳搵朋友就同佢食埋飯先返屋企，佢介紹去哩間新麻蒲韓國餐廳度食，原來哩度唔單止得韓式烤肉食，仲有些飯、麵、湯等食物可點選，我點左石鍋牛肉拌飯，飲柚子茶，朋友點韓式牛肉炒粉絲。店員落單一回來，就捧著四碟韓式小食黎比我們，他放低後仲話食完之後可以再叫，無限添食，小食有泡菜、沙律、醃洋蔥和海帶，我地一邊品嚐，一邊聊天，唔洗十分鐘既時間，石鍋牛肉拌飯便送到，熱呼呼，加入韓式辣醬拌均飯面上的牛肉、脆肉瓜、波菜、紅蘿蔔、香菇、心心太陽蛋和芝麻吃，香噴噴，有些飯蕉，真係好味，而朋友叫既炒粉絲，望落同我個石鍋飯既材料一樣，只係無左隻太陽蛋，變左雞蛋絲，好大碟，朋友驚食唔哂，分左些比我，食到甜甜地，好味。哩度雖然主要係食韓燒，但我地坐左成個幾兩個鐘時間，都唔會聞到太勁既燒烤味道，哩點真係要讚下。

話說呢間餐廳開咗係屋企附近平時都成日嚟呢度幫襯 食咗幾次覺得價錢性價比質素都幾好所以就推介下比大家呢間餐廳同埋另一間日式餐廳都係同一個集團嘅所以兩間餐廳開咗喺隔離有時都會過咗嚟先至諗食邊間韓國餐廳來講呢間性價比算係幾好價錢唔算貴嘢食都幾好食火山芝士泡菜炒飯 $78食得韓國嘢又點可以無激邪惡乜乜拉絲乜乜呢 今次試吓佢嘅火山芝士炒飯上面鋪滿左拉絲嘅芝士 好滿足☺️☺️☺️芝士炒年糕拌拉麵 🍜 $68基本上黎親一定會叫呢個 價錢又唔貴兩三個人share食呢個都夠飽 入面又有年糕又有魚糕又有拉麵都幾多嘢食 最緊要係又有拉到絲嘅芝士🧀🧀🧀🤭☺️嘢飲我哋就叫咗石榴果醋飲落去有啲似熊仔軟糖嘅味道但係又有汽既 好得意藍天檸檬汽水 🥤 顏色已經覺得好夢幻 飲落去有啲似波子汽水 加檸檬🍋 呢個價錢仲有得飲呢啲嘅特別飲品值呀另外叫咗呢個葡萄梳打汽水好大杯夠三個人share😂😂總括嚟講覺得呢間餐廳好抵食有時兩個餐三個人食都夠食幾飽肚 推薦大家嚟呢度食個晏晝 一啲都唔奢侈一定食得飽肚因為佢仲有無限添加嘅前菜俾大家食

今天点了一份549的套餐 吃到最後在等点心的時才被告知 ice machine壞了 ，而我們可以用点心换一份主食 這真種服務是令人不滿 為什麼不在点餐時就告知這个情況呢？ 有那个人会吃完一份主餐 然後再來一份主食昵？ 就算是机器臨時壞掉 難道不能給credit嗎？

想食韓燒想左一排GA LA,今日真係去左食。呢間午餐SET好抵食呀,如果唔係有SET,我都唔太捨得食。前菜有大大碟既沙律菜同泡菜,因我唔想食咁多泡菜,所以冇要到。之後有海鮮豆腐湯,裡面有CALMS,有豆腐,有泡菜煮食既湯,A BIT SPICY,但係令你食指大動既SPICY。D湯仲可以MIX飯添。湯上有紫菜,令我有食飯既衝勁呀!跟住就係度燒五花肉,霜降牛肉等,呢間野用左特有既汁去醃,味道同任飲任食既韓燒店好唔同,帶D甜味,包住生菜真心唔膩。燒晒所有野後我仲食埋旁邊既泡菜雞蛋添呀!跟餐仲有百事可樂添呀!呢度D食物上得快,有時店員經過都會幫我調下火候。呢度燒爐設計比其他店再好D既地方係燒爐有個位比客擺燒完既食物,果個位有保溫既作用呀。

都幾耐冇食過韓國菜，今次就去食lunch~呢間餐廳主打韓燒，但今日就想試吓佢除韓燒以外嘅其他韓式菜式~前菜有啲韓式小菜，小辣，個人比較鍾意黑木耳同埋魚片，黑木耳有幾香嘅麻油味，魚片就辣辣地比較開胃~叫咗兩個set lunch，包括原味烤雞肉套餐，韓式烤雞肉甜甜地味道都唔錯，蔬菜份量同雞肉比較平均，整體比較健康。蔬果款式較多，有比較爽脆嘅紅蘿蔔同翠玉瓜，搭配雞肉一齊食會有田園感覺，係我比較鍾意嘅套餐~套餐飲品我揀咗熱柚子蜜，比較喜歡佢不太甜，反而淡淡的甜味比較清潤可口~朋友就叫咗牛肉石鍋拌飯，本身拌飯係唔辣嘅，但係佢會俾咗啲甜甜地嘅辣醬，可以自己按個人喜好選擇。拌飯嘅材料比較多，有唔同種類嘅蔬果，亦都有肉類同雞蛋，整體感覺比較均衡，撈埋一齊食會食到唔同嘅層次。而且因為用石鍋，食物嘅保溫程度比較好，食到最尾都食到熱辣辣嘅飯👍套餐飲品跟咗藍天檸檬汽水，整體賣相唔錯，飲落都冇失望，檸檬味道較重，飲落有酸酸甜甜嘅感覺，比較開胃。而且飲品夠冰凍，適合炎炎夏日解渴～

星期六和老公在屋企附近找午餐吃，看到這間韓燒難得星期六都有午市套餐，所以便試一試我們兩個幸運地被安排在梳化的位置，店員很快地已經上了前菜和我最愛的爐邊蛋前菜也一點都不馬虎，有沙律菜，海帶和泡菜！份量也很多！吃了前菜非常醒胃爐邊蛋是加了泡菜的，我最愛是半熟狀態去吃，十分香滑！牛/豬套餐 - 有80g 護心肉，80g牛肋排和什菇。80g大約是八塊肉左右，其實份量也不算少大概燒3分鐘左右便可以吃！燒的時候已經香噴噴！肉類其實已經醃好，不加任何醬料其實都十分入味！護心肉肉質十分腍和有咬口，而牛肋排都吃得出牛味！還可以以傳統韓式食法，用生菜包著沾了微酸的醬和韓式辣醬的肉，有另一番風味！生菜亦可中和肉類的膩感套餐還配有紫菜飯！不怕不夠飽！牛胸肉大醬湯 - 上菜時還是熱騰騰的！此套餐都配有白飯湯內非常足料！有牛胸肉，翠玉瓜，洋蔥和什菇。再配了微辣的大醬湯，真是令我吃不停口這韓燒餐廳的午餐性價比非常高，吃完也不會成身燒烤味，下次必定會再來！

難得婆婆想食韓燒，咁就梗係喺附近搵一間好食嘅試吓啦。成日經過樓下都見到呢一間好多人排隊，應該幾正嘅，今日就等我做乖孫，陪婆婆嚟食呀。佢呢度嘅裝飾都幾有心思，放晒燈牌，啲燈光打落黎又真係幾靚，啱晒打卡😍😌係個爐隔離已經有靚靚嘅小菜前菜擺盆，仲已經倒埋蛋汁落去個爐度，一開就有嘢食啦😍前菜同小菜都有幾多款式，有生菜啦海帶，泡菜，嗌完嘢食慢慢食住小菜等主食，啱啱好啊。呢度其實有happy hour，其實都幾抵嘅，可以用平啲嘅價錢，嗌到一個套餐嘅嘢食。咁我哋就揀咗五花肉，秘製牛肉，然後就配左$48要咗一個部隊鍋。唔好睇佢個部隊鍋未滾之前好似平平無奇，其實內藏左好多料，有豆腐，芽菜，冬菇，肉同公仔麵。唔好見佢好似都有返咁上下辣椒，以為好辣啦，其實唔辣架，婆婆都食得好開心，老人家都食到。滾咗就更加惹味啦，見到佢啲材料喺面頭飄下飄下，成陣好香嘅湯底味湧埋黎，忍唔住即刻夾起放入口食啦😋😋燒肉燒到咁上下，仲可以加蛋汁，有蒸蛋食，真係開心又正呀，婆婆都食得好滋味😚😚😚😚

平時過親嚟，每一次都好多人響門口排隊，尤其係晚飯時間，唔等番半個鐘都入唔到嚟，所以成日都等唔到，今日終於可以同朋友過嚟試吓啦😚好貼心啊，一入到黎嘅時候啲前菜，小菜已經擺好，蛋汁都已經加咗入爐入邊，一陣開火好快就有嘢食，唔使等到我個肚餓到扁晒😍😍前菜都有好多選擇，有酸蘿蔔，有沙律，有生菜，又有泡菜同芽菜☺️我哋兩個人，唔食得太多野，所以是但揀左個牛肉套餐1，見到入邊其實包埋三種唔同嘅牛肉，仲有啲拼盤同部隊鍋，應該都夠我哋食嘅🤪其實佢仲有嘢飲，不過我哋兩個就決定唔飲酒啦。話咁快啲嘢食就已經上咗嚟，見到個部隊鍋啲材料都好足，啲牛肉睇落都幾新鮮，即刻開爐啦唔等啦🤪原本我會驚佢個部隊鍋有啲太辣，但係好彩佢都唔係好辣，可以接受。我最鍾意就係佢哋店員嘅服務態度，佢哋會提醒我哋幾時個鍋幾時可以熄左佢或者較細佢，如果唔係啲面就會太稔🙆🏻‍♀️🙆🏻‍♀️夠貼心至於啲牛肉，我最鍾意就係食霜降牛肉，啲脂肪同埋啲肉分布夠平均，一放入去口到就食到好香嘅牛肉味，加上佢哋秘制嘅醬汁，好味😋😋😋食都後來，發現自己唔記得咗食啲蒸蛋，所以啲蛋老晒啦，唯有食晒佢，然之後加埋其他其他餡料落去叫佢再加個蛋汁，咁就有滑一滑嘅蒸蛋啦食啦😏

為左充下電，黎左呢間食個豪華既韓燒午餐！！發現商場入面既餐廳特別難搵，唔似街鋪咁可以定位，搵左好一陣先發現到佢。門口見到佢都坐滿人，以為要等好耐。原來佢入面別有洞天，轉個彎仲有唔少位。地方幾闊落，而且雖然係韓燒鋪頭，但係都唔會油油既。我決定食既，就係呢個特級午市套餐啦～我覺得佢呢度嘅選擇都幾多，而且又有平有貴，時間急嘅就可以食啲平啲嘅飯，有時間又有預算嘅，就可以食下韓燒。佢好快就幫我set好咗，放咗好多唔同嘅配料，而且亦都係有爐邊蛋。爐邊蛋入面有一啲菜做配料咁。而且呢佢醬汁都放咗三種俾我，俾我就咁點嚟食或者係包肉食。野飲方面就叫咗最普通嘅可樂。值得留意嘅係，佢會有個紫菜飯俾你送燒肉，比普通嘅白飯好，食落味道無咁寡淡。燒肉嚟啦。我發現佢呢就比較肥，因為油脂比較多，所以食落口非常易咬，軟軟的☁️☁️。但我建議一開始食嘅時候就食咗佢先，咁樣肚餓嘅時候食呢就唔會覺得油膩。五花肉因為無經調味，我發現包肉食比較好食，跟住佢啲包肉醬同生菜一齊食，就又香又健康啲。不過唔好睇小另外兩種調左味既肉，我發現佢地單配紫菜飯，勁好送飯。我食到一半嘅時候，職員就上左一個泡菜湯俾我。佢仲會開火一直煮住佢，俾你可以一直熱

嗰日喺將軍澳見完客，去到午餐嘅時間，又唔知食咩，所以去咗東港城行吓，睇吓有咩啱食。行過見到新麻浦BBQ有 set lunch,價錢又唔係好貴，包埋嘢飲又好似幾抵玩，所以就去試吓！但係因為我有對牛敏感，所以最美揀咗個韓式燒雞肉飯，配一杯凍檸茶！一入到去，就有侍應上咗好多唔同嘅韓式前菜，擺到成張枱都滿晒，真係好豐富呀！但係到到個主菜上到嚟，試咗一試，法國雞肉有好大浸雪味，同時亦冇乜調味，令到佢個肉質又好柴，大家如果食呢一間餐廳，千祈唔好要雞肉飯！

人燒我又燒，好耐無燒肉喇，但天氣太熱，唔想係户外燒烤，所以就去食吓韓燒！我哋嗰日晏晝去到，唔算好多人，但係因為我哋係午市嘅時候去，所以好多人都係食緊佢嘅午市套餐，反而好少人喺度燒肉！但係我哋今日呢就係想燒烤！咁點可以冇燒肉啊！我哋打開午市套餐個Menu，發覺原來佢都有燒肉套餐，真係好開心呀！又可以燒肉又可以平啲嘅價錢去享受韓燒，不得了！肉嘅質素都幾唔錯，尤其是個護心肉，入口即溶！因為個燒肉套餐冇乜雞肉，所以我哋要咗個韓式雞肉飯套餐，個雞肉嘅味略嫌有少少痰，如果可以加多啲醬汁就好啦，但係都可以點距俾我哋嘅醬汁，咁就中和返個味道啦！嘢飲方面我哋要左兩杯凍檸茶同埋一個特色嘅嘢飲，佢個賣相非常之好，令到人哋好想試一試！

繼上一次喺鑽石山食完韓燒之後，已經好耐冇食啦！今日喺港島區上堂，但係過去將軍澳都好快嘅，所以選擇咗去將軍澳東港城食新麻葡BBQ！一入到去，店員就帶我地去一個四人枱，跟住就上咗好多唔同嘅前菜同小食！前菜嘅味道都唔錯！我哋叫咗一個芝士年糕炒公仔麵，佢係用泡菜黎炒嘅，所以會有少少辣，但係唔食得辣嘅我都可以食到！跟住我哋仲要坐燒肉午市套餐，佢包括有護心肉，護心肉很嫩，好淋好好味！仲要咗個廳大左，因為冇物業嘅關係所以口味比較淡，但係加埋佢得着就啱啱好啦！今餐仲會有兩杯嘢飲送，我哋就要左凍檸茶凍咖啡！凍檸茶嘅味道比起咖啡好，所以建議大家飲凍檸茶或者佢嘅柚子茶！我覺得佢哋唔似套餐都幾抵食，又有煮食仲有嘢飲送，又有前菜任食！