新麻蒲 BBQ (已結業)

又是每月一餐的時候,今次去韓燒,book左8:45 4位,準時去到都要等一陣先入到,果然係好多人幫襯呀。面積大,環境設計上沒甚麼特色,都是每台上都有長煙囪抽氣管,我們在卡位,位坐夠寬敞,都ok舒適。即睇食咩好呀。要了新麻浦芝味烤肉套餐,$518,有:新麻浦護心肉(辣)、春川辣吁烤雞、特選什錦拼盤(年糕、蘑菇、豬肉香腸、大蝦)及芝士邊火炙霜降牛肉壽司(4件)二杯飲料韓冰多款前菜。黑芝麻沙律,黑芝麻醬味濃,都幾清新。火炙霜降牛肉壽司(4件),侍應會即場用火槍炙生牛肉,再淋上和風芥末,建議即時進食,肉味香濃,都不俗。芝士邊,因為落得太早,又未上炸肉,後期燶燶地。烤肉來了,三層的,賣相好吸引呀。什錦拼盤:年糕、蘑菇、豬肉香腸及大蝦。新麻浦護心肉(辣)。春川辣吁烤雞。秘製牛肋排,$145。開動了,即不停燒。特選什錦拼盤,年糕、蘑菇、豬肉香腸、大蝦,正常水準,只是年糕特別難處理。新麻浦護心肉(辣),味道濃郁,口感豐富,好味呀。春川辣吁烤雞,味道普通。秘製牛肋排,香口惹味,好juicy呀。新麻浦部隊鍋,$85。有腸、火腿、午餐肉、年糕及公仔麵等,味道甜辣。呢塊黑色的身體.是燶了的芝士= = "。真露

4月遊韓國嚐過新麻浦就覺得好味又抵食，最近發現香港也有分店，於是跟朋友有機會就去試試。在旺角分店都等了大半小時才入座，點了2人豬肉套餐 $368，包括 護心肉 120g、五花肉 120g、豬排骨 120g、什綿併盤 （年糕、腸仔、蝦、蘑菇）。還有擺滿成檯配菜任吃。套餐包2杯飲品，點了酸梅汽水，味道很一般，而朋友點的藍硬檸檬汽水，顏色不但搶眼，而味道都很不錯。芝麻沙律，只有一個，再點就要收錢。其實我怕黑芝麻醬的東西，菜算新鮮，不過有黑芝麻醬真的要扣分。食物放在下午茶架上，賣相頗新穎有趣。爐邊蛋質地好滑，不過要把握時間，不然耐了就變得老了。都有蝦燒來吃，新鮮彈牙，味道不錯不錯整體豬肉的質素還可以，不過跟韓國真的比下去。真是一分錢一分貨，貴點我會選擇炑八。還有什綿併盤食物，弄了一個卡通樣子出來，笑的。喊的，而年糕同南瓜味道一般，其他還不錯。鐵網烤肉的時候十分容易痴著，要經常換網幾次，最後店員換了個鐵板的物件，細問下這個鐵板是用來燒烤肉類，而網則是海鮮，怪不得剛才這樣難燒。最後發現想點石頭飯那些沒有好選擇，結果點了白飯配烤肉一齊吃超捧，還有那些泡菜，跟石頭飯也是差不多吧。整體食物質素一般，再回

同男朋友買左5點場戲飛, 仲有個幾鍾時間 要醫肚先咁岩前幾日行過銀行中心 見新麻蒲新開張晚餐時段好多人等 但係佢個燒肉好吸引!本身諗 下午茶時間韓燒好似好怪 都係下次先試但男朋友竟然話 想試就一於去啦 一個鍾都應該燒得切既然佢肯 我當然不亦樂乎 馬上衝過去我地嗌左兩人份豬肉拼盆, 唔洗五分鍾 d前菜就黎晒效率唔錯 可能3, 4點時段人較少沙律係黑芝麻醬 同平時白芝麻醬味道唔同 都係白芝麻好味d 見仁見智吧泡菜一小兜 但可以添食 唔洗怕醜 另外仲有海苔 芽菜 醃蘿蔔 生菜好快 三層架主菜都黎 開始燒啦!第一層: 鮮菇 脆皮芝士腸 南瓜 年糕第二層: 護心肉 五花肉 大蝦第三層: 豬排骨我地燒左第二層既肉先, 再燒大蝦同菜類咁就可以用d肉汁同油令到菇同菜無咁乾第二層既護心肉, 肉質好林 包住生菜/ 醃蘿蔔食 真係無得頂!而且佢秘製辣醬 味道酸酸甜甜 好味到不知不覺就點晒成兜醬最後剩返第三層既排骨 已經七成飽喇就叫職員換網燒埋佢 塊排骨肥肉部分比較多 視乎個人喜好啦食完捧住個肚腩去睇戲 一頓大滿足既下午茶!

吃過點心後，朋友說這裡的甜品倒不錯，所以帶我們來吃。店內主要是吃韓燒，但由於已吃飽飽，所以只點甜品吧。2個女仔點了韓國豆粉冰沫，份量好足，大大份，可夠3人份量添。豆粉好乾身，與入口即溶的冰沫味道都幾夾，冰沫帶點甜甜地，但可惜在太多豆粉了，每吃一啖只吃到粉狀，而相對比較口乾。另一個友人點了藍天檸檬汽水，小妹由於太口渴亦喝了幾口，特飲非常解渴，味道酸酸地，不錯。雖然甜口份量勝在夠大份，但味道真的一般般，比想像中失望。

是日約左好友Pearl 到新麻浦，基於Pearl小朋友想食韓燒，馬上想起在旺角開業不久的新麻浦。當然要提早訂台，所以去到唔洗５分鐘就有位置。台好大，夠坐４人，我們２人當然坐得好舒服。先上小菜，有很多食評提起的芝麻醬沙律。芝麻醬絕對是自家鮮制，沙律菜夠凍，不錯。其他小菜，正常水準。爐邊蛋永遠是我的摰愛，而有碎泡菜的爐邊蛋更不用說。中間剛熟的爐邊蛋吃入口有燉蛋的滑溜，我一個人吃了３／４。Pearl, sorry 了。幸好，Pearl 不似我對蛋情有獨鍾。有食評指爐邊蛋可加一次，我便厚面皮問了，原來是沒有的。我們二人點了＄５８０左右的有豬肉又有牛肉的5號套餐。第一道上的是灸燒牛肉壽司。我地點了medium，哈哈，似medium well，不過由於是侍應用火槍在旁邊燒，帶著溫燒的感覺，還不錯。我們的餐飲，Blue lemonade(前)，好飲; 梅子汽水(後)，我不喜歡，Pearl喜歡！芝士腸好吃！💖肉類中霜降牛排第一，秘制牛肋骨排第二。護心肉不好吃金針菇和年糕太乾了。隱藏甜品：朱古力雪花冰！（額外＋＄１０）好味，比許多甜品店都做得好！外層係烤過，有朱古力醬鋪滿的棉花糖，裡面的雪花冰好細，雪花

約了多年沒見之好友相聚，要大家下班後可快到達，旺角是最理想，知道她喜歡吃韓燒，便約她來這間新麻蒲，以前在銅鑼灣吃過，質素有保證。旺角就是旺角，餐廳坐滿了人，幸好等了一會便有位。天時暑熱，先來個特色凍飲，好友想試這杯叫Cocktail Rita 的飲品，一大杯菠蘿沙冰，上面有樽荔枝味伏特加倒掛著，賣相奇特，我試了一口，味道清新，菠蘿是新鮮打成蓉，喝了一口，很想喝多一口，然而，不太愛酒精的我已感覺到酒精的入侵，還是點到即止好，但想不到過了好幾年，她喜歡喝酒，而我仍是喜歡喝清水。餐牌上的項目五花八門，點個「滿韓全食」便包羅萬有，濟州黑毛豬五花肉，特級霜降牛肉，春川辣味烤雞，章魚，鮑魚，大蝦煙肉卷，干貝和炒飯。在主菜未到之前，雜菜沙律，泡菜，海帶等已擺放在你面前。雜菜沙律已拌了餐廳自家製的黑芝麻醬，份外清香，吃燒烤，先吃些沙律來平衡一下，會較健康，而泡菜，海帶等，做得出色，令人開胃。所有材料已整齊排列於石板，放置在爐上，看見已垂涎，為節省時間，韓國型男會來為你用火鎗將特級霜降牛肉燒至半熟，然後到濟州黑毛豬五花肉，因兩者較難熟，又將洋蔥圈內的雞蛋和芝士燒溶，牛肉和五花肉再在石板上多燒一會，便可進

對於韓粉的我，「新麻蒲」這個名字絕不陌生，去韓國的時候早已到弘大店潮聖。這次來到香港旺角銀行中心分店，雖然開張不久，但晚市已經大排長龍，可見韓風繼續吹呀吹！果然名符其實的「滿漢全席」，石板餐有五花肉、霜降牛肉、春川辣味烤雞、章魚、鮑魚、大蝦和干貝，實在太豐富了！老闆Oppa更親自為每一桌的客人用Gas烤肉，並將烤肉剪成幼條，細心度值得加分！最欣賞的是，新麻蒲選用斜斜的鐵板，原來這是最地道的韓燒方法，斜度有助排走多餘油份及汁醬，大大減低油膩感。港女推介：春川辣味烤雞，肉質很嫰滑，啖啖肉汁，非常香口！上桌時，燒熱了的鐵板上放著炒飯，老闆Oppa親自倒進蛋漿，然後用Gas將芝士溶掉。烤蛋圈蛋味濃郁，蛋皮脆身，加入了泡菜更為烤蛋圈增添惹味。炒飯入口黏黏的，有蛋香又有芝香，更食到泡菜的香味。每一顆棉花糖都燒至外層脆身，底下的雪花冰有朱古力碎和杏仁片。本人不嗜甜，但這個朱古力碎加上牛奶雪花冰卻出奇地甜而不膩，個人覺得比傳統的豆粉冰沬更好吃！吃完一輪燒肉，再吃個冰即時熱氣全消！

一個晚上，和老婆仔來到這間在韓國頗具名氣的「新麻蒲BBQ」的旺角新分店吃了一頓超豐富的晚餐，吃得我倆捧腹而回。其實「新麻蒲BBQ」這間來自泡菜國的過江龍在香港島所開的第一間分店，自己早想光顧，但一直未有抽空前往，近日它在旺角開了第二間分店，正好讓我這個九龍人找個時間帶同老婆仔去試一試。這兒的套餐款式甚多，便宜點的、昂貴些的，都有。其實自己一向少吃韓國菜，更極少吃韓燒，既然一場來到，那便吃好一點吧！我們吃的是名為「滿韓全食」的貴價套餐。套餐以石板奉客，當中的材料包括特級霜降牛肉（250g）、濟州黑毛豬五花肉（150g）、鮑魚、帶子、大蝦煙肉卷、八爪魚、芝士蛋、春川辣味烤雞（200g）和粉絲，此外，還有另上的「火山芝士泡菜炒飯」。真是單看餐牌中的介紹都覺得吸引。雖然「滿漢全席」相信終我此生都應該不會有機會嚐到的了，但在這兒竟有「滿韓全食」可吃，都幾好呢！吃韓菜，主食上桌前，前菜當然少不得。這兒的前菜並非小碟小碟奉客的，碟頭較大，而且還可以免費添加。當中的「芝麻醬野菜沙律」，沙律菜十分新鮮，而且所用的黑芝麻醬汁也來得特別，與日式的胡麻醬相似，但香甜得來又別有一番滋味。除「芝麻醬野菜沙律」外，

新麻浦新體驗，旺角鋪開業未夠一個月，趁冇咩人知又去醫下精神病先 ㅋㅋ2個人由晚上9點食到凌晨1點!!!先唔講食，入門坐低都好緊要。旺角新鋪啲櫈終於改善啦，有去過銅鑼灣嘅都知啲櫈出事，太高啦，矮人如我真係坐得好唔舒服，依家坐落去岩岩好。野食方面，估唔到仲keep到銅鑼灣水準。厚到似食緊牛扒既雪花牛 ! 啲紋路紅白分明, 唔洗用美圖獸獸都見到鮮紅色, 一睇就知新鮮燒起上黎又厚又多汁牛肋骨肉與肥豬腸，仲有辣五花肉架。燒到金黃既肥豬腸先好食，外面脆一咬就係汁，唔似食橡根咁咬唔斷滾起了的cheeseeeeeeeeee再加埋啲肉，鹹香嘅芝士加埋肉既鮮味, 唔洗點其他野都好好食, 未食都見到脂肪，但肥仔野通常都... 食咗先算熱辣辣既泡菜蛋，可以叫人加多一次, 唔好浪費依個機會面盤咁大個生牛肉拌飯用料好新鮮又多，但我覺得食盤野夠5個人食，一拎埋黎，除左笑同飽到嘔我講唔到野，幾十蚊，應該夠5個人食，好抵除左我最愛炸彈酒外, 仲有新菠蘿荔枝cocktail! 先用真菠蘿搞碎等佢仲有啲果肉, 上面吊支荔枝vodka , 係女仔都鐘意飲嘅味道, 但唔識飲酒好快就醉, 女仔要小心啲 !我最愛既醬汁菇壽司，中毒

甜魔媽媽又吃韓菜啦！ 事緣去年尾在銅鑼灣新麻蒲吃得稱心滿意，最近它在旺角開店了，今週一又去了再度回味!新店位於旺角銀行中心廣場一樓，一出地鐵站 (E出口) 上一層就是，一萬個方便！新店佔地不小，環境與銅鑼灣座一樣充滿韓式風味，座位稍為更寬落，靠窗一帶坐得尤其舒服。前菜先上；很喜歡這裡任吃任添的前菜：泡菜、洋蔥絲、漬海帶、辣醬芽菜沙律、漬蘿蔔片等等，全部都清爽好吃，是很不錯的頭盤。　然而甜魔媽媽最喜歡的，絕對是這芝麻醬野菜沙律；沙律新鮮好吃，加上香甜的芝麻醬，超級開胃！我們連吃兩大兜才收手。嗜辣食友則最愛這辣醬芽菜沙律，愛它辣度夠勁，同時清爽醒胃，也添了一兜來吃。其實吃完這些健康前菜，都已經半飽了啊～這天三人吃了「滿韓全食」套餐 ($820)，內容極其豐富包括：有五花肉、霜降牛肉、春川辣味烤雞、章魚、鮑魚、大蝦和干貝，以巨大石板呈上檯。　　干貝、鮑魚、霜降牛肉及大蝦都是原汁原味，其中大蝦給煙肉捲著，增加鹹香；五花肉本身已經熟了，再燒主要是供給油分給其他食材，最後章魚就一早醃好。另外還有蛋及芝士。　除了石板本身發熱，Oppa 也會親自為食客人以Gas火槍來烤熟雞蛋、肉類等；其中霜降牛肉相及

比其他韓燒還要差，味道一般，前菜的麻醬沙律是值得一讚的，但最出名既護心肉也不外如是，好似一般的豬肉，調味唔夠唔入味，沒有特別。無論食豬頸肉，五花肉還是雞肉，調味都好似一樣，得個咸字。而且添加蛋漿要另加$28一次 ，明顯份量比第一次少！入座計1.5小時用餐。雖然多款前菜可refill，但待應永遠應左你之後就算，最後只refill了一次泡菜，還要3催4請先拎來！店內通風設備唔夠好，食完會成身一陣味，侍應們好似趕住叫你走咁，好早就會停止order，逼你埋單，明明眼見有幾張怡無人坐！雖然價錢不貴但寧願比多少少錢試其他韓燒店，此次十分失望，不值一試!!!!!!!!!!!

終於黎到新麻浦旺角新開既分店，因為冇book位，而等候既人都好多，結果由7:30等到9點才能入座。 我和朋友點了價值6百多元的套餐加芝士。桌子擺放了韓國必有的銀筷子，銀湯匙，銀杯最先上了前菜。值得推薦的是芝麻醬沙律 芝麻醬與生菜配合得天衣無縫，清新而不太油膩 有一個我不太清楚名字的青色薄片圓瓜，味道奇怪，酸而有芥末味。第一次吃這個前菜。恕我無知 其他的前菜普通沒有甚麼特別，就是辣和辣而已。這個套餐包蛋，當然要嘗嘗。味道嘗可。其實只是普通煎蛋而已，只是內裡餡料有一點兒豐富 其實還有3個肉壽司，可惜未影相已吃下了。靚肉配飯係一流既 $6xx的其餘部分就在這3層中。第一層是菌類及蝦，第二層是普通肉，第三層是五花腩 生與半熟的分別。睇落可口，食落當然都十分美味可口啦 芝士同麵都無影相 *芝士我同朋友都覺得太鹹了，狂灌水。如有點兒飯就好了，但韓式應該要齋食*刀削麵本來沒叫，但以為係送就食了 如果好食就無所謂，點知係難食的 首先刀削麵普通，很冧，沒有煙韌彈牙得別的口感。接著餃子，餃子皮太厚，太過粉團，肉又不是充滿水份。實在不值得$78

想試試新開嘅新麻蒲韓燒，點知夜晚已經full booking，唯有選擇晏就去食lunch啦。新麻蒲嘅格局好有韓國風味，令食客好似置身韓國咁。 兩個人叫咗個芝味烤肉套餐，包前菜、和牛壽司、牛肉、雞翼、拼盤、飲品同埋甜品，當然唔少得靠爐旁邊熱力融化嘅芝士邊啦！可能期望越大，失望越大。個人認為半生熟嘅牛肉壽司有D過韌，烤肉亦都太鹹，掩蓋咗肉嘅味道。芝士邊加咗蘑菇食落好似食緊pizza上面個種芝士，有D奇怪，同烤肉格格不入。而且，芝士好快就會燒燶，一開始就要食哂佢，又冇得refill，的確令人有D失望。雖然食物唔算非常出色，但呢間餐廳都有佢抵讚嘅地方。首先侍應非常友善，耐唔耐會行過來幫我地燒肉，又幫我地剪走燒燶嘅部分。另外，叫套餐一次過可以試到好多種類嘅食物，唔係淨係得肉。我地最後叫嘅甜品係黃豆粉刨冰，味道唔錯好足料，而且非常大碗，但食完都唔會太濟。2人套餐份量都幾多，如過唔想食到好似我地咁太飽可以3個人分。呢個價錢食咁嘅質素嘅韓燒好似唔係好抵，不過呢個咁地道嘅韓燒有興趣嘅朋友都可以試一試，但係我地就應該冇下次。

一直好想食蛋漿韓燒，趁住生日，乘機叫好朋友請啦！上網一睇新麻蒲5月29喺旺角新開張，就碰碰運氣walk-in，正常情況Happy Friday無book位都咪話唔驚，限時兩粒鐘，所以幾大都等齊人先入去，店員姐姐好心叫我地幾個入去先，老細話今晚客人唔算多唔限時！本來想坐卡位，姐姐話唔夠坐喎，同埋果邊通風位未咁完善！好，坐低就即刻上前菜，重點係大大兜兼任您添，芝麻醬果款同昆布前菜更係encore首選!好，點咗個「芝味烤肉套餐」，見到條芝心邊真係令人食指大動呀! 芝士燒溶時，可以將烤肉或炒年糕伴入其中，味道唔錯，不過芝士係會焦底架，大家要留意！唔知係客人太少定服務員實在熱心，燒兩下就幫您添前菜，燒兩下就幫您換烤網，每換一次，一絲絲嘅芝士就隨住烤網帶走，有次換網，服務員更將我哋4分1芝士邊扯走了，成班朋友幾乎尖叫，但無情嘅服務員竟然若無其事！真心嬲！套餐芝士邊都係一次性，再要就$58，唯有轉戰$28嘅蛋漿邊，換過條撒滿泡菜碎嘅烤槽，又注滿蛋漿，感覺就好似手機重新充電一樣，如獲新生！睇Menu俾芝士排骨所吸引，所以亦點了一試! 食物上台時，大家都不禁對望，因為同我地燒緊嘅芝士槽十分類近，但絕對值

剛坐下，一碟碟前菜就紛紛上桌了！泡菜、芽菜、海帶、蘿蔔，全部都醃得好吃！尤其喜歡海帶，較少見，爽口又酸酸的，開胃！沙律很特別，一般是以麻醬作沙律醬，這裡的麻醬卻是用黑芝麻製的！味道有點像融掉的黑芝麻雪糕，不錯啊！邪惡的芝士，可以淨吃、拌肉、拌年糕吃也可！爐邊蛋燒到七分熟，就可享用滑溜溜的泡菜蛋了！先來的是火炙霜降牛肉壽司，店員會先查詢你想要的生熟程度再即場為你燒，我們像看表演似的。我們選兩件5成熟，兩件全熟，建議大家不要點大熟，不然有機會把飯都燒焦。5成熟的就剛剛好，牛肉鮮味突出，肉汁不少！五花肉雖然較油膩，但燒起來絕對軟腍香口，肉鮮多汁。 霜降牛肉的牛味絕對濃郁，Juicy鮮嫩又軟腍，好吃！護心肉燒到外脆然後內爽口就最好不過了！護心肉脂肪雖較少，但口感絕對不會韌，爽口的，不遜於五花肉啊！飲品也是派頭十足的，選了這個Cocktail Rita，有點像菠蘿荔枝味吧！沒什麼酒味的，而且超級大杯，足夠兩人分享！豬肉腸很juicy，而且脆皮很脆，一咬有爆開的感覺，驚喜！套餐還附上鮮蝦、年糕、香菇等。大蝦燒熟後十分爽口！年糕更可燒成外面脆皮，內裏軟糯的口感呢！最後，店主把我們餐附送的藍莓雪花冰，