新麻蒲 BBQ (新都會廣場) (已結業)

俗語有話：只要情人在身邊，天天都是情人節！對於已有兩個小孩的家庭來說，要二人世界的確不容易，今年的情人節正是新年大年初三，集合天時地利人和難得可以抽身同另一半近近地去吃一個燒肉。我們大概12:30左右到達，無需等候入座，如果不點燒肉的話，限時堂食60分鐘（燒肉的話好像沒有收到時間限制，這點沒有問清楚）因為我們在慢慢燒的情況之下其實60分鐘都已經埋單走人。我們就簡單點了一個牛/豬肉套餐$122、一個特級午市套餐$172。包括護心肉、牛肋排、霜降牛肉、以及五花腩及雜錦菇類。套餐包了一碗紫菜飯及一杯特色飲品。前菜和爐邊泡菜蛋應該是免費任添，不過我們只叫了一轉。看到餐牌本來還想另外追加單點其他牛肉，基於多次「眼闊肚窄」的經驗，還是決定一邊食一邊決定。牛肉不錯，應該説是對得起這個價錢，不能要求太多！眼看好像只有幾片肉、慢慢燒慢慢夾生菜吃，已經飽到捧着肚子走（男女皆是）特色飲品方面，我點了藍天檸檬汽水（非常好飲、清新！」同行另一半點了奇異果梳打，影相非常靚！吃燒烤就是要喝冰的才爽，久違了不用一邊照顧小孩一邊塞食物入口，機會珍貴，非常滿足！值得再到訪的店子，下次一於試他們的皇牌牛肉套餐。

依家出街食飯都要諗過度過食咩比較安全 同屋企人開車經過新都會 搵野醫肚 最後去咗新麻浦 我哋午市人唔係太多 唔洗等就已經入得 地方唔係太大 坐低前後一定唔會有食客 1.5米做到足 大家可以安心去食 食物質素都真係唔錯 雖然無叫肉 但佢其他餐都唔錯 部隊火鍋值得推介💕💕

係2020最後一日搵下公司附近有咩食！見到有韓燒就去試下喇！午餐百幾蚊一人份，有肉有菇，有碗飯。小菜同爐邊蛋無限加。本身仲驚啲肉好少唔夠食，但原來都幾多。就算真係唔夠食，小菜都食到你飽！而且啲材料都唔差，幾好食！地方都坐得舒舒服服。絕對可以再安可！

上次行開去咗個下午茶，食咗個火山芝士泡菜炒飯+1個牛豬燒烤套餐，個芝士泡菜炒飯略嫌芝士太少，冇乜芝士味，而啲蛋亦有啲老，味道就還好，但個燒烤都唔錯，啲肉都新鮮招呼就真係麻麻哋成間舖好似冇乜幾多個侍應，有時要叫野都等咗一段時間

間中會突然好想食韓燒， 但係又唔鍾意去食放題 ，所以就揀咗呢一間。今晚叫咗個二人餐再加牛舌，五花肉和餃子刀削麵。個人認為食韓燒最好就係將啲肉燒到燶燶哋，然後加醬用生菜包住一大啖食呢個食法可以完全享受到肉汁之餘亦都冇咁滯（俾藉口自己食多d🤣🤣），呢度嘅生菜同蛋漿都呢係免費添嘅👍👍。全晚最好味就係個霜降牛肉 ，靚嘅牛肉只需少少鹽同胡椒粉醃下就已經好味，為左好好享受塊霜降牛肉，我燒好後直接入口，舌頭和牙齒都感受到塊肉嘅柔軟之餘又充滿牛味 🤤🤤🤤🤤第二好味就係五花肉， 上碟時係一大嚿，燒好後再按自己喜好嘅尺寸慢慢剪，由於較多肥肉，所以慢熟同冇咁容易燶。另外佢個牛仔骨係用醬汁醃過，同一般嘅韓燒店差唔多味道。刀削麵一上枱已經聞到好香， 個湯底清清地都唔錯。

已經病到打唔到字... 第一次寫食評就係為咗佢。同朋友兩個人星期一去食, 叫咗個海鮮泡菜薄餅, 鮑魚雞湯, 芝士泡菜炒飯。兩個人星期二同時開始發燒肚痾，依家過咗兩日都未好，仲係高燒同埋不停屙。但係講緊嗰日我哋叫呢啲菜已經唔係生嘢又唔係燒肉... 回想返食嗰日已經覺得啲泡菜唔對路，好似好乾擺咗好耐咁... 然後啲碗碟都未洗乾淨，仲有上一手食過嘅痕跡，衛生情況可想而知。咁嘅時勢之下其實食肆應該對衛生要求更高先係。，大家自己小心啦！

外賣自取＊風味牛排骨湯配飯＊唔想多講 請睇相.....牛骨湯？明白正常有d粉C係湯到..但今次 調轉 係粉C到有d湯😂....我d湯去左邊？我只係見到一大湯碗嘅粉C......我食粉C都食飽...配咩飯丫！依間野真係服務九流...出品九流.....如果真心唔想做外賣不如唔好做la...無謂員工們做得唔開心...客人又食得唔開心....做衰個名未仲死.....但應該要慶幸(葵芳韓國菜)無幾多間....你地仲有生存空間！！！

有時覺得做外送人員好慘....俾人白鴿眼.....話說經 網上外賣平台 app外賣7:15pm自取..到達時(我係帶住頭盔)俾左自取訂單號碼 門口做外賣個個同事望一望d膠袋(係膠袋 唔係袋入面張單訂)就直接同我講未有🧐...咁個陣都都夠鍾 自然問第二個同事la...第二個仲出色...我同佢講外賣自取！！！講埋訂單上(波斯密碼)俾埋個app 圖佢望...之後仲要串咀講我 點知你嗌邊間(但個app都有隻🐼圖案係到)...佢話佢唔識個隻係熊貓🐼...我真係火都黎埋...到最後當然係個餐＊一早＊係枱面到等緊我帶佢返屋企...＊食物好食都無用....侍應都唔尊重人！

我叫左個牛肉伴飯 但成碗飯得一塊牛肉係咩玩法？ 之前都叫過呢間外賣都唔係咁差 今次第一次叫呢個飯就賴野 唔知而為去左間北韓餐廳叫野食 係openrice 睇相堂食都唔係咁 真係 我都唔知食左d 咩 好失望

早排同男朋友出街街，去到葵芳見到呢間又想食燒肉就入左去，疫情人流比較少。兩個人分別都order左個午餐套餐，小菜好快就上枱，可能都少左人套餐都好快上，肉都好食🤤最鐘諗佢地既泡菜，酸辣度係我鐘意🥰🥰韓燒想性價比高我就揀佢🌹

星期五放工最好當然是食一餐好的放鬆自己，於是乎約朋友出去食飯，朋友想食韓式燒肉，所以就選擇了這間新麻蒲。餐廳提供三款晚市套餐， 不過最後我們沒有叫套餐，原因是我們想叫一些其他食物，所以我們叫了護心肉，牛助排，冷麵和海鮮豆腐鍋。餐廳有三樣食物是可以任添，一個生菜，一個是前菜小食，最後一個是爐邊蛋。至於燒肉方面，餐廳有用醬汁把肉先醃好，所以肉燒出來是有醬油味道。而那個吸油煙機風力十足，令到油煙店內空氣沒有太多的燒肉味。而冷麵味道甜甜酸酸的，但我就覺得不夠凍。整體而言，我覺得感覺不錯，下次再食的時候可以叫小一個餸，因為真的食太飽。

突然間好想好想食韓國嘢 但附近選擇真心唔多 所以就揀咗人哋想食韓燒先會嚟嘅新麻蒲😂但出乎意料地 佢嘅韓式料理水準又唔差喎🌝-✏️水冷麵 ($75)勁開心呢度有水冷麵食!!因為香港嘅韓國料理店唔係間間都有 夏天食呢個真心覺得好清爽🍉另外有提供一把大鉸剪俾你食嘅時候剪開麵條更加容易食😋冰塊同冷水份量剛好 好怕啲做到不冷又不熱 感覺就好奇怪🤯麵條質感好好 Q彈而且嚼勁十足 真係要咬多兩咬先可以咬斷同消化 配埋青瓜同醃蘿蔔一齊食好開胃🥳唔好睇佢好似細細一坨麵 其實佢剪開左係超多最後都食唔晒🤣〰️✏️烤魷魚 ($78)烤魷魚外貌同圖片係完全相符😻而且仲比我想像中大份😻😻😻份量超足好抵食 醬汁唔會太多太濃 唔會蓋過原有嘅鮮味 食落好新鮮好彈牙 感覺超滿足😛

我太太約咗朋友食飯，本來打算一齊食呢間，點知就出事。我因為要接阿女放學，咁佢地就去攞位先，一開始都講咗，齊人先入得，明白，無問題。之後朋友再問，佢地就話如果可以先落齊單都可以比佢地入去，咁咪落曬先，都唔係問題。問題係佢地一帶就帶最近門口果張枱，我太太及朋友就考慮到有小朋友，想換一張裡面 d 嘅（咁疫情期間，有呢個諗法我覺得可以接受，另外，帶位果位係咪都可以講句，減少誤會呢？）之後佢地個經理聽到，就話裡面有「半卡」枱，我太太同朋友唔係好明「半卡」係咩意思，咪打算過去睇下（好老實講，我都唔明）。原來係佢地平時要黎放碗碗碟碟嘅枱，一邊有卡位，一邊要加圓凳果種。就係果時，朋友見到附件有張枱，就話不如比果張，之後佢地表示，果張係 5人枱，唔比得。以上係綜合我太太，佢朋友，再加上我打去搵返佢地經理，了解過之後嘅過程。我一打去表示要搵經理，聽電話果個女仔 d 語氣已經好似習慣咗咁，一嘢就表示經理忙緊，咁果個時間係食飯時間，明白大家都係搵食，咪表示留電話 and 名，等佢地覆law；一位經理過咗兩個鐘左右覆我（咁要等人地忙完ma，ok），我同佢講個經過係點，佢表示要同同事了解下；再過一個鐘覆我，呢位經

一早訂咗位晚市同屋企人開餐，準時到達門口但無職員招呼。 隔咗10分鐘，由一位態度惡劣及非常無禮貌嘅員工帶領下入坐。坐低後，睇完餐牌之後諗住點菜，但係叫過數名員工落單但無人理，只係顧住做其他嘢！由入餐廳到落單已經過咗35分鐘，更發現原來用餐限時90分鐘！！！ 原來係一間韓國燒烤”快餐店”!!食物送到之後，睇到都已經無哂謂口，啲牛肉同所謂嘅海鮮....質素非常惡劣.... 比一間最低檔茶餐廳更差！一句講晒......”唔會有下一次”！！！

6個人食午餐，又可烤肉又可叫set葵芳就最多美食，又有葵涌廣場，又有新都會，因為6個人關係，我地就揀左韓式美食新麻蒲。見到lunch set有4送1，好吸引，所以好快就決定左喇。入到餐廳，發現座位闊落，5個人坐都有鬆動。於是大家心思思，又揀左烤肉set，又揀左lunch set落完單侍應仲馬上為我地開爐及倒爐邊蛋！亦快快手上左3式小食，包括唔少得既泡菜，芽菜，以及青瓜。小食係可以refil嘅。到左烤肉環節，亦發現肉質不錯，而lunchset又可以大家share, 整餐lunch食得好愉快。侍應仲會提點客人小心熱食，換爐網亦快手，值得一讚有啲可惜係到最尾個爐邊蛋仍未熟透。