新麻蒲 BBQ (新都會廣場) (已結業)

黎新都會行街，中市過黎食燒肉，比晚市抵食，小菜都好多款，味道唔錯，唔會奇奇怪怪。燒肉既肉質鮮嫩，肥瘦均勻。爐邊蛋好好食，佢係用湯底煮的，唔係用水，所以味道好濃～

打電話book枱，book咗之後話遲20秒都唔等，連經理聽電話都係唔識轉彎， 死都話遲到1分鐘都唔等，今時今日咁嘅服務態度，真係嚇死人！即刻cancel Booking！

二人晚餐，叫左泡菜豆腐海鮮鍋，芝士蛋飯，覺得仲可以叫個小食，就叫左葱煎餅，點知咁就出事... 因為真係好飽！泡菜鍋份量係比較細，泡菜湯好好味，非常開胃，如果可以多啲湯就好😋芝士蛋飯(唔記得左個名，應該係咁上下)賣相非常吸引，炒飯在中間，側邊被重重芝士蛋包圍😍有濃濃的芝士味好正，不過好溜，食幾啖已經好飽，要食埋個飯真係有啲勉強。葱煎餅又係一個勁飽肚的菜式，麵漿好厚，即使切開一舊舊都好厚一舊。最後食唔曬要打包。😆😗

一直都想試下新麻蒲lunch set，所有套餐買3送1，由於要齊人入座，今日等了15分鐘才有位。我們4人點了Set A，價錢$68包一款餐飲，如4人確實抵食。全州牛肉拌飯 - 材料有牛肉，翠玉瓜，菠菜，雞蛋，芽菜，洋蔥，菇片，要拌辣醬食，如以石頭鍋上更佳。牛胸肉大醬湯 - 少辣，配白飯。牛胸肉唔太韌。烤豬肉 - 少辣，配白飯，豬肉烤得香口，但份量少。海鮮嫩豆腐鍋 - 少辣，配白飯，海鮮有蝦同蜆肉，豆腐，金菇，配飯食都唔錯。最後，餐飲點選凍柚子蜜，味道較淡。

與朋友聚餐，原本想㨂新都會商場想食嗰間餐廳，但因為要等好耐位，所以改去小d人等位嘅餐廳，最後選擇左依家韓國餐廳。餐廳食物質素一般，以這價錢收費，沒有驚喜！但員工服務質素有待改善，感覺有點像機械式工作似的😓

今天去了新都會的麻蒲吃晚餐！8點去到，大約等了35分鐘就入座了！星期六晚飯時間，算係咁！入座後，可散叫或點套餐。套餐款式大約8款for2-4人！而我們就點了韓燒牛肉二人套餐！套餐有很多東西吃，包括有霜降牛肉，牛肋排，竹五花肉，蝦，菇類，菜類，腸，沙津等！而且還有部隊鍋！部隊鍋的湯底是清湯，我覺得不太喜歡，所以吃了數啖，就問waiter有無辣可加！原來真的可以！湯底立即好味了很多！而我最喜歡是霜降牛，很好味啊！而且我超喜歡吃鐵網爐旁邊的泡菜蛋，實在太好味了！

新麻蒲開業五週年期間限定31/7至30/9的星期三以優惠價$128任食五花肉剛巧今天撞正七夕人流非常之多，未夠七點店內已經坐滿葵芳的新麻蒲就位於地下的士站那邊跟nene chicken連著它們兩間應該是同集團的因看到經理兩邊走座位大概是這樣的卡位比較寬敞，預四人坐其實都可以坐六人，但會比較迫夾入座後頭盤就是九塊五花肉，不夠可以再叫添我們三人除開就是每人三塊，預計每人可以吃三塊吧最後我們加了四塊五花肉比較難燒熟，一來肉厚，二來豬肉一定要澈底燒熟大概每燒一次鐵板都很快黑了期間換了一次板這些配料都是可以任添的有韓底紫菜、泡菜及生菜三款都很好吃還有爐邊蛋都可以添加

同细佬補祝生日，一行5人(包括3歲)姪女去食韓燒。我本身係新麻蒲會員，所以食過好多次。雖然當日是星期日，但我之前都可以電話book 位，所以好正。不過唯一得個半钟就好趕。入座我即刻点菜，叫左個2人餐(有吾同豬部位，吾同牛部位，仲有我至愛豬皮)。再加左個辣豆腐湯，燒鱿魚，水冷面(專登叫比姪女，平時我會叫辣)。 另外我地4个大人各叫左飲品。不過豬皮就麻麻地吾夠烟un. 因為一早知道可以免切餅費，所以我都專登去買左個蛋糕。如果假日可以多半小時會食得舒服啲。不過我因為有會員卡有折而且又可以用埋我張一百元coupon, 都叫超值

見到佢有午市套餐買 3 送 1 所以黎試餐牌 : 一坐底 , 店員就送上前菜 , 有青瓜 , 泡菜 , 魚糕 (好似係) , 大豆芽 , 味道正常芝士炒年糕伴拉麵 ($68)個麵好食 ~~ 爽口得黎帶少少煙韌年糕無咩味 , 有好幾片魚糕 , 食埋隻全熟蛋好濟 😐酸梅汽水 (跟餐飲品) (圖右)一送到就覺得中伏 , 以為有粒酸梅 , 點知係我諗多左 , 佢只係一杯帶少少酸味 ge 有汽水 , 飲左幾啖就停左 我地平日黎 , 食到 1:30 pm 埋單 , 見到門口仲有好多人等緊 😲😲 唔怪得之催我地埋單 🤣🤣

見午餐買3送1 就同同學一齊試下啦我哋12點3到 可以直接入座餐牌：價錢本身都屬正路範圍 所以有三送一嚟講都幾吸引嘅✨前菜我哋有四個人 有四款前菜前菜就正路味啦✨牛肉牛骨濃湯配白飯 $78個湯好夠熱 個牛味都幾香牛肉好足料 有7-8塊 仲要唔係薄切啲麵就好淋 唔係筆者嘅口味碗白飯就都幾凍 筆者要不斷淋熱湯落啲飯到先食得落口但個湯兜呢就好保熱 食晒啲湯都仲出緊煙✨芝士炒年糕伴拉麵 $68友人嘅野食 筆者無試不過佢話都ok嘅✨餐飲兩杯都酸酸地 有氣同無氣嘅分別總括嚟講 折完60蚊左右一個午餐有前菜好凍飲ok嘅味道唔會話好有驚喜 但都好食嘅行開附近嘅都可以食下😉

男朋友係葵芳番工 成日係新都會覓食而新麻蒲就係佢同事既首選所以星期六夜晚我就忍唔住要同佢一齊黎試下啦.我地兩個人叫左一個牛肉套餐有三款牛肉同一個拼盤(菜蝦等等) 同一個部對鍋首先牛肉既水準係十分正常都好明係一分錢一分貨 所以都不過不失但部對鍋就相對有一點點失望了鍋既湯十分清淡 同係韓國食到濃厚既味道完全唔一樣而公仔麵係一啲雜乜牌 無乜口感 唔彈牙前菜全部可以refill 味道不錯！但覺得下次可以選擇有午餐套餐時段去食感覺上性價比會較高

幾年前新開嘅時候，係門口望過餐牌，6百蚊個set 開爐燒嘅set， 仲要吾係好多野，好貴啫，所以之前一路無幫襯過，之後都見吾多人。直至近呢幾個月，經過睇到好似都旺左喎，再八下個餐牌，多左d選擇，同埋竟然平左😲😲😲，所以食過佢一次烤肉嘅。 早2日再經過葵芳晚飯時間，新都會又係間間都無位，至憎要等位，咁得呢間有位，又吾想烤肉，問左門口，可以淨叫其他吾開爐嘅食物，但用餐時間只得一小時。叫左一個拌飯，一個水冷麵，價錢好抵下喎，全州拌飯68蚊，冷麵75蚊，味道2個都可以，冷麵清爽，白醋自己加、全州拌飯好多材料，自己撈辣醬，但我最欣賞係免費嘅前菜4小碟。出菜好快，其實如果吾係要飯局傾偈，只係簡單醫肚食個晚飯，1個鐘係夠時間。唯一缺點冷氣好勁，吹到我頭痛，可能因為我地吾燒烤無個爐，又叫左2個都係冷食囉😅😅😅

呢一間燒肉都正正常常冇乜問題,但發現啲侍應真係重大嘅問題. 話說下晝三點我哋想食燒肉，三個人諗住叫一個lunch set再加多個happy hour set 再加個小菜就啱啱好，食唔到甘多。點知個侍應係咁狂sell lunch set三送一 「呢個扺啊，happy hour肉少好多架」見佢甘細心會話你之happy hour 唔抵，然後我哋望吓個餐牌又冇寫不准外賣，諗住咁算啦三餸一食唔晒剩返嘅肉可以燒好打包拎走。我哋食完之際就同侍應講我想要個外賣盒啊，然後有個自稱經理嘅人就話啦「呢個餐寫明唔可以外賣架喎」我地話「無喎，頭先睇左無寫先哎既」「就算，無寫頭先同事應該有同你地講」「佢冇講喎，你叫佢出黎啊，講咗我就唔會咁樣做啦，貪得意咩，下午茶時間三個人叫四個餐黎丟咩」個經理就好惡咁「佢放左工，我係經理，本嘢一定有寫最後決定權喺餐廳度，即係我決定，你地食唔曬就只可以丟係度」佢講到甘刻薄已經勁嬲，遞本餐牌俾佢「不如你指我睇，邊度有寫呢句？」個經理睇完又睇，因為真係無寫任何條款，極不憤氣地發脾氣話「今次送俾你，無下次」。OK我哋乜嘢都冇講，轉頭佢攞咗個紙盒黎，仲好晦氣咁講「如果你覺得我哋呃你嘅，下次

新麻蒲BBQ可以話係我喺最鍾意食嘅韓燒，所以我做咗佢哋嘅會員。今次我哋太肚餓，所以叫咗個唔使燒嘅火山芝士泡菜炒飯，可以食住先。火山芝士泡菜炒飯有三份都係芝士，一定要將啲芝士趁熱撈埋個炒飯，咁就可以拉到絲啦，同埋個飯係辣辣地既。喺韓燒方面呢，我哋叫咗好多唔同嘅肉，例如有新麻蒲護心肉，新麻蒲五花肉。我自己就比較鍾意食新麻蒲護心肉，因為護心肉冇咩肥肉同肥膏，而且我見到餐牌上面有介紹到護心肉，好似幾健康咁！新麻蒲BBQ爐邊蛋仲有泡菜㗎！

今日即興去葵芳Shopping, 葵芳出名多野食,真係揀到頭都大，老公話想食韓燒,所以就去左,等左10分鐘就有位啦,兩人坐4人位,好寬敞舒服,叫左個2人set,部隊鍋加BBQ,以為會唔夠飽,點知偏大食既我地都夠啊,唔愛辣嘅我都覺得部隊鍋好味，唔太辣，個麵好好食，我見隔離枱仲叫加麵添，牛肉都夠味夠林,仲叫左杯青檸特飲,好好飲好解渴,不過限時關係,無限加蛋只係食到一轉,覺得唔夠喉啊,d蛋好耐先夠熟,埋單平均2人2百幾